21-12-2022, 00:26
Zelenski Sakaaşvilini müalicə üçün Ukraynaya çağırdı
Ukrayna tərəfi həbsdə olan Gürcüstanın keçmiş prezidenti Mixail Saakaşvilini ölkəyə qəbul etməyə hazırdır. Bu barədə Ukrayna Prezident Aparatının rəhbəri Mixaylo Podolyak bildirib. Onun sözlərinə görə, Ukrayna Saakaşvilinin təhlükəsizliyini təmin etməyə və onun müalicəsini təmin etməyə hazırdır. Qeyd edək ki, bir gün əvvəl Ukrayna prezidenti Volodimir Zelenski Gürcüstan hakimiyyətini Mixail Saakaşvilini azad etməyə və müalicə üçün Ukraynaya köçürməyə çağırıb.
21-12-2022, 00:23
Çin lideri Ukrayna münaqişəsiylə bağlı danışdı
Çin lideri Si Cinpin Almaniya prezidenti Frank-Valter Ştaynmayerlə telefon danışığı aparıb. Bu barədə Almaniya Prezidentinin mətbuat xidməti məlumat yayıb. Çin lideri bildirib ki, Ukrayna böhranının uzadılması və mürəkkəbləşməsi heç kimin marağında deyil. Ştaynmayer isə Pekini Ukraynadakı silahlı münaqişəyə son qoymaq üçün Moskvaya təsir göstərməyə çağırıb. “Tərəflər Ukrayna böhranı ilə bağlı fikir mübadiləsi aparıblar. Si Cinpin vurğulayıb ki, Çin barışıq və danışıqları irəlilətməkdə israrlıdır və hesab edir ki, böhranı uzatmaq və mürəkkəbləşdirmək tərəflərin hər birinin maraqlarına uyğun deyil”, - deyə Çin Xarici İşlər Nazirliyinin mətbuat xidməti bildirib. ÇXR lideri qeyd edib ki, Çin tərəfi öz strateji müstəqilliyini nümayiş etdirməkdə Avropanı dəstəkləyir və balanslaşdırılmış, effektiv, davamlı Avropa təhlükəsizlik arxitekturasını yaratmağa ümid edir. Ştaynmayerin mətbuat xidmətinin məlumatına görə , Si Cinpin Çin və Avropa ölkələrinin hərbi əməliyyatların dayandırılmasında və Ukraynanın suverenliyinə hörmətdə ümumi marağı olduğunu vurğulayıb.
21-12-2022, 00:20
Qazilərimiz Azərbaycana qayıtdı
Ağır yaralanan dörd qazimiz – Musayev Vadim Fikrətoviç, Səmədov Ceyhun Eldar oğlu, Ram İsmayılov Rəhman oğlu və Abdurrahmanov Nicat İlqar oğlu Türkiyədə müalicələrini tamamlayaraq Vətənə qayıdıblar. Ağır yaralılardan olan Əhmədov Saməddin Həmid oğlunun müalicəsi davam etdiyindən o, təkrarən Türkiyəyə göndərilib. “YAŞAT” Fondu qazilərimizin müalicəsini tam yekunlaşana qədər nəzarətdə saxlayacaq. Fond tərəfindən həkim rəyi əsasında ağır yaralı olan qazilərin müalicə üçün xaricə davamlı şəkildə göndərilməsi təmin edilir. Xatırladaq ki, bu günə qədər 177 qazimiz müalicə üçün Türkiyəyə göndərilib. Onlardan 157-nin müalicə proseduru artıq uğurla yekunlaşıb və Vətənə qayıdıblar. Qazilərin qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin edilib.
21-12-2022, 00:17
Serbiya Prezidenti Azərbaycanda
Serbiya Respublikasının Prezidenti Aleksandar Vuçiç dekabrın 20-də Azərbaycan Respublikasına işgüzar səfərə gəlib. Hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb. Serbiya Prezidenti Aleksandr Vuçiçi hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşılayıblar.
21-12-2022, 00:11
Rusiyadan neft almaqdan imtina etdi, Qazaxıstanı seçdi
Almaniya 2023-cü ildə Qazaxıstandan xam neft idxal edəcək. Bu barədə Blomberg nəşri məlumat yayıb. Almaniya İqtisadiyyat Nazirliyi xəbəri təsdiqləyib. Bildirilib ki, Berlin Rusiyadan xam neft almaqdan imtina edib. "Almaniyanın Rusiyadan xam neft sifariş etməsi ilə bağlı xəbərlər yalandır. Leuna və Şvedtdəki neft emalı zavodları 2023-cü ildə Rusiyadan xam neft sifariş etməyəcək. Almaniya gələn il Qazaxıstandan neft idxal edəcək",- rəsmi açıqlamada deyilir.
20-12-2022, 17:41
Laçında nadir heyvanlardan sayılan Bezoar dağ keçisi görünüb
Laçın rayonu ərazisində Azərbaycan florasının nadir heyvanlarından sayılan Bezoar növ dağ keçisi görünüb. Maraqlı anlar Laçın Zabux yolu üzərində dağlıq ərazidə qeydə alınıb. Belə ki, Laçın rayonu ərazisində çalışan işçilər yol ilə gedərkən sözü gedən dağ keçisini görüb və görüntüləri qeydə alıblar. Şiş buynuzları və iri gövdəsi ilə seçilən dağ keçisi Laçın florasının incilərindəndir. Qeyd edək ki, Bezoar keçisi “Qırmızı kitaba” daxil edilib. Hazırda respublika üzrə bu heyvanların sayı XX əsrin ortaları ilə müqayisədə daha aşağıdır. Onların sayı 800 - 1200 başa qədərdir.
20-12-2022, 17:34
Çavuşoğlu İsveç və Finlandiyaya çağırış etdi
"FETÖ-çü Bülent Keneşin Türkiyəyə qaytarılmaması pis xəbərdir". Bunu Türkiyənin XİN başçısı Mövlud Çavuşoğlu İsveç və Finlandiyaya çağırış edərkən deyib. "Biz artıq İsveçdən, Finlandiyadan gözəl sözlər eşitmək, konkret addımlar görmək istəyirik. Bülent Keneşin Türkiyəyə qaytarılması ilə bağlı tələbimizin rədd edilməsi pis xəbərdir. Çevrilişçilərin oradakı nümayəndələrinin Türkiyəyə qaytarılması vacibdir", - deyə Çavuşoğlu bildirib. Türkiyənin xarici işlər naziri, həmçinin PKK terror təşkilatı üzvlərinin də qaytarılmalı olduğunu vurğulayıb.
20-12-2022, 17:31
Cinayət məcəlləsində bir sıra dəyişikliklər təsdiqləndi
Xarici dövlətlərin məhkəmə hökmlərindən irəli gələn məhkumluq barədə məlumat Azərbaycanda cəza təyin edilərkən nəzərə alınacaq. Bu, Prezident İlham Əliyev tərəfindən təsdiqlənmiş Cinayət Məcəlləsində dəyişiklik edilməsi haqqında qanunda yer alıb. Dəyişikliklərə əsasən, Məcəlləyə aşağıdakı məzmunda 83.1-1-ci, 99-5.5-ci və 99-10-cu maddələr əlavə edilib:
“83.1-1. Həm Azərbaycan Respublikasının, həm də ərazisində törədildiyi xarici dövlətin qanunvericiliyinə əsasən cinayət sayılan əmələ görə xarici dövlətin məhkəmə hökmünə əsasən yaranmış məhkumluq barədə məlumat cinayət təqibinin gedişində daxil olduqda və müvafiq hökm Azərbaycan Respublikasında qanunla müəyyən edilmiş qaydada tanındıqda, bu məhkumluq da cinayətlərin residivi zamanı və cəza təyin edilərkən nəzərə alınır.”;
“99-5.5. Əvvəllər barəsində cinayət-hüquqi tədbir tətbiq olunmuş hüquqi şəxsə yenidən cərimə və ya müəyyən fəaliyyətlə məşğul olma hüququndan məhrum etmə növündə cinayət-hüquqi tədbir təyin olunarkən müvafiq olaraq bu Məcəllənin 99-6.3-cü və 99-7.2-ci maddələrində nəzərdə tutulmuş cinayət-hüquqi tədbirlərin aşağı və yuxarı həddinin orta həddindən aşağı cinayət-hüquqi tədbir təyin edilə bilməz.”;
“Maddə 99-10. Hüquqi şəxsin əvvəllər barəsində cinayət-hüquqi tədbir tətbiq olunmamış hesab edilməsi üçün tələb olunan müddət
99-10.1. Hüquqi şəxs aşağıdakı hallarda əvvəllər barəsində cinayət-hüquqi tədbir tətbiq olunmamış hesab edilir:
99-10.1.1. böyük ictimai təhlükə törətməyən cinayətə görə barəsində cinayət-hüquqi tədbir tətbiq olunmuş hüquqi şəxs həmin cinayət-hüquqi tədbirin icrasını bitirdiyi gündən bir il keçdikdə;
99-10.1.2. az ağır cinayətə görə barəsində cinayət-hüquqi tədbir tətbiq olunmuş hüquqi şəxs həmin cinayət-hüquqi tədbirin icrasını bitirdiyi gündən iki il keçdikdə;
99-10.1.3. ağır cinayətə görə barəsində cinayət-hüquqi tədbir tətbiq olunmuş hüquqi şəxs həmin cinayət-hüquqi tədbirin icrasını bitirdiyi gündən etibarən altı il keçdikdə;
99-10.1.4. xüsusilə ağır cinayətə görə barəsində cinayət-hüquqi tədbir tətbiq olunmuş hüquqi şəxs həmin cinayət-hüquqi tədbirin icrasını bitirdiyi gündən etibarən səkkiz il keçdikdə.”.
20-12-2022, 17:27
Hərbiçilərlə bağlı əsasnaməyə dəyişiklik təsdiqləndi
Hərbi qulluqçuların dövlətə vurduqları ziyana görə maddi məsuliyyətlə bağlı əsasnaməyə dəyişikliklər təsdiqlənib. Bununla bağlı Prezident İlham Əliyev “Hərbi qulluqçuların dövlətə vurduqları ziyana görə maddi məsuliyyəti haqqında Əsasnamə”də dəyişiklik edilməsi barədə qanunu təsdiqləyib. Belə ki, “Hərbi qulluqçuların dövlətə vurduqları ziyana görə maddi məsuliyyəti haqqında Əsasnamə”də dəyişiklik edilməsi barədə” qanunda hərbi qulluqçular və toplanışa çağırılmış hərbi vəzifəlilərin törətdikləri hərbi xidmət əleyhinə olan inzibati xəta nəticəsində dövlətə vurduqları ziyana görə ödənilməmiş ziyanın bütün miqdarı həcmində maddi məsuliyyətə cəlb edilməsi nəzərdə tutulur. Cinayət və inzibati məsuliyyətə səbəb olmayan digər hərəkətlər nəticəsində vurulan ziyana görə maddi məsuliyyətin hədləri isə müddətli hərbi xidmətdə olan hərbi qulluqçular və kursantlar üçün pul təminatının iki aylıq məbləğindən üç aylıq məbləğinə, qalan hərbi qulluqçular üçün isə pul təminatının aylıq məbləğindən iki aylıq məbləğinə qaldırılıb. Bundan başqa, bir sıra təkmilləşdirmə xarakterli dəyişikliklər edilir.
20-12-2022, 17:22
Ermənistan parlamanentində Laçın dəhliziylə bağlı fikir ayrılıqları yaşandı
Üçtərəfli bəyanata əsasən, “Laçın dəhlizi” Rusiya sülhməramlılarının nəzarətindədir. Bunu Ermənistan parlamentinin tribunasından vitse-spiker Ruben Rubinyan deyib. Onun sözlərinə görə, Rusiya sülhməramlıları “Laçın dəhlizi”nə nəzarəti bərpa etməlidir. Rubinyan “Hayastan” müxalifət blokundan olan deputat Qeqam Manukyanın Ermənistan Təhlükəsizlik Şurasının katibi Armen Qriqoryana qarşı ittihamlarına cavab verib. "Absurdun həddi-hüdudu yoxdur. Amen Qriqoryanın anası da Qarabağda yaşayır və hazırda blokadadadır. O Qarabağdan niyə imtina edir? Ciddisiniz?", - Ruben Rubinyan müxalifətə səslənib. Ermənistan Təhlükəsizlik Şurasının katibi Armen Qriqoryan da parlamentin növbədənkənar iclasında Rusiyadan narazılıq edib: "Mən müxalifəti bu istiqamətdə işləməyə çağırıram ki, Rusiya öz öhdəliklərini yerinə yetirsin və “Laçın dəhlizin”də nəqliyyatın fasiləsiz və təhlükəsiz hərəkətini təmin etsin. Biz də Rusiya ilə birlikdə “Laçın dəhlizi”nin tez bir zamanda açılması üçün işləyirik". Onun sözlərinə görə, hakimiyyət böhranı həll etmək üçün bütün vasitələrdən istifadə edir. Hakim “Mülki müqavilə” partiyasından olan deputat Arman Eqoyan müxalifətin ittihamlarını rədd edərək deyib ki, “Laçın dəhlizi”nin bağlanmasına görə məsuliyyət Rusiyanın üzərinə düşür. “Laçın dəhlizi” Rusiya Federasiyası Silahlı Qüvvələrinin nəzarəti altındadır. Hazırda kim güclüdür? Ermənistan Respublikası, yoxsa Rusiya Federasiyası? Mənə elə gəlir ki, Rusiya. Daha böyük ordusu var, atom bombaları və raketləri var, iqtisadiyyatı daha güclüdür. İndi müxalifət mahiyyətcə deyir: “Ermənistan Respublikası, Rusiya Federasiyasının bacarmadığını niyə siz edə bilmirsiniz?”. Dedikləriniz məntiqdən uzaqdır. Başqa bir sual: "Belə bir vəziyyətdə necə davranmalıyıq?". “Laçın dəhlizi” məsələsində Ermənistan Rusiya Federasiyasına kömək etməlidir, ya yox?.. Əgər kömək edirsə, deməli, kömək etdiyini bildirməliyəm. Məsələn, o, BMT Təhlükəsizlik Şurasının iclasını çağırıb”, - hakim partiyadan olan deputat bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!