23-12-2022, 20:44
Lavrov Ermənistanın üçtərəfli görüşə qatılmamasına münasibət bildirdi
Təəssüf ki, ermənilər bu cür imkanı buraxdılar. Bunu Rusiya xarici işlər naziri Sergey Lavrov azərbaycanlı həmkarı Ceyhun Bayramovla görüşü zamanı deyib. Rusiya XİN başçısı Ermənistanın bu günə planlaşdırılan Rusiya, Azərbaycan və Ermənistan XİN başçılarının üçtərəfli görüşündə iştirak etmək imkanını qaçırdığını vurğulayıb. Qeyd edək ki, Ermənistan XİN rəhbəri Ararat Mirzoyan üçtərəfli görüşdə iştirakdan imtina edib.
23-12-2022, 20:39
Ukraynanın Zaporojye vilayətində partlayış baş verib
Ukraynanın Zaporojye vilayətində partlayış olub. Hadisə Melitopol rayonunda qeydə alınıb. Belə ki, rayonun mərkəzində avtomobil partlayıb. Hadisə nəticəsində 2 nəfərin yaralandığı bildirilib. Ölənlər barədə məlumat verilməyib. Hadisənin səbəbləri araşdırılır. Qeyd edək ki, Zaporojye vilayətinin bir hissəsi Rusiya tərəfindən işğal edilib. Rəsmi Moskva rəsmi şəkildə vilayətin ilhaq olunduğunu elan edib.
23-12-2022, 20:34
ABŞ-ın siyasəti təxribat xarakterlidir - Peskov
Rusiya və ABŞ prezidentləri Vladimir Putinlə Co Bayden arasında mümkün görüşlə bağlı ilkin təmaslar yoxdur. Bunu Rusiya Federasiyası Prezidentinin mətbuat katibi Dmitri Peskov bildirib. Bundan əvvəl ABŞ Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib ki, ABŞ Rusiya rəhbərliyinin Ukrayna münaqişəsinin nizamlanması üzrə danışıqlara hazır olmadığına inanır. Dmitri Peskov deyib ki, ABŞ-ın siyasəti əsasən təxribat xarakterlidir, bu, göz qabağındadır.
23-12-2022, 20:29
Peskovdan Ukraynanın sülhlə bağlı açıqlamalarına münasibət
Rusiya prezidentinin mətbuat xidmətinin rəhbəri Dmitri Peskov Ukrayna dövlət başçısı Volodimir Zelenskinin ölkəsinin sülh planı barədə açıqlamalarına münasibət bildirib. O, Kremlin belə bir plandan xəbərsiz olduğunu açıqlayıb. "Moskvada Zelenskinin sülh yolu ilə nizamlanma barədə dedikləri eşidilib, lakin bu cür bəyanat hazırkı reallıqlar hesablanmadan verilib", - Rusiya rəsmisi deyib. Peskov həmçinin Putin və Baydenin görüşməsi ehtimalları barədə danışıb. "Putin və Baydenin görüşünün keçirilməsi ilə bağlı Rusiya və ABŞ arasında heç bir ön təmaslar aparılmayıb", - sözçü əlavə edib.
23-12-2022, 20:18
59 yaşlı qadın dənizdə batdı
Fövqəladə Hallar Nazirliyinin “112” qaynar telefon xəttinə Bakı şəhəri, Səbail rayonunda yerləşən Dənizkənarı Milli Park ərazisində 1 nəfərin dənizdə batması barədə məlumat daxil olub. Bu barədə FHN-dən bildirilib. Məlumatla əlaqədar dərhal hadisə yerinə cəlb edilən FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupları dənizdə batması ehtimal edilən 1963-cü il təvəllüdlü Qurbanova Nərminə İslam qızının axtarışlarına başlayıblar. Hazırda qruplar tərəfindən vətəndaşın batdığı ehtimal edilən istiqamətlərdə axtarış-xilasetmə tədbirləri davam etdirilir.
[media=https://youtu.be/FdE0HpoijSM]
23-12-2022, 20:10
“Xocasən” stansiyası sərnişinlərin istifadəsinə verildi
Bu gün metronun yeni "Xocəsən" stansiyası ilk sərnişinlərini qəbul edib. Bunu “Bakı Metropoliteni” QSC-nin sədr müavini Hidayət Məmmədov jurnalistlərə açıqlamasında bildirib. O qeyd edib ki, artıq ilk sərnişinlər qatarlardan istifadə edib. "Xocəsən" stansiyası Bakı Metropoliteninin 27-ci stansiyasıdır. Digər yerüstü "Bakmil" stansiyasından fərqli olaraq sərnişindaşımada daha intensiv istifafə olunacaq”,- deyə o əlavə edib.
23-12-2022, 17:59
Şəbistərdə Məhəmməd Tağı Zehtabinin anım mərasimi keçirilib
Dekabrın 22-də bir qrup mədəni fəal Şərqi Azərbaycan əyalətinin Şəbistər şəhərində tarixşi alim professor Məhəmməd Tağı Zehtabinin məzarını ziyarət ediblər. Aralarında tanınmış alim, sənət adamları, milli fəallar və ziyalıların olduğu ziyarətçilər Təbriz, Urmiya, Ərdəbil, Zəncan, Tehran və Kərəc şəhərlərindən alimin xatirəsini anmaq üçün Şəbistər şəhərinə toplaşıblar.
Qeyd edək ki, Azərbaycan tarixi və dili ilə bağlı dəyərli əsərlərin yazarı olan Məhəmməd Tağı Zehtabi 1923-cü ildə Şəbistərdə anadan olub, 1988-ci ildə Şəbistərdə müəmmalı şəkildə dünyasını dəyişib.
Onun adı Tehrana rejiminə müxalif qrupların yayımladığı şübhəli ölümlər və siyasi qətllər siyahısında da dərc edilib.
23-12-2022, 16:00
AYB-nin sədri Anar Rzayevə yazıçı Miraslan Bəkirlidən
AÇIQ MƏKTUB
Çoxhörmətli Anar Rzayev, qurultay qabağı “Sözə təmənnasız xidmət ucalıqdır” məqaləm çap olunandan sonra məni qurultayda iştirak etmək imkanından məhrum etdiniz. Bu təbii haldı, mən qurultayda da deyə bilərdim ki, ədəbiyyatımızın inkişafı naminə AYB-nin rəhbərliyinə cavan, enerjili, yeni kadr gəlməlidi və Anarın artıq istlrahət vaxtıdır... amma o məqalədən sonra nəinki qurultay mandatından məhrum etdiniz, “Ədəbiyyit qəzeti”ndə, “Azərbaycan”, “Ulduz” jurnallarında əsərlərimin çap olunmasına qadağa qoydunuz.., bu, təkcə mənə-yazıçıya qarşı qərəzli münasibət yox, həm də söz müqəddəsliyinə, oxucuya, tariximizə, ədəbiyyatımıza olan biganəlik və hörmətsizlikdir.
“Ədəbiyyat qəzeti”ndə qeyrətli, savadlı, cəsarətli bir qadının – Qabulə xanımın qəhrəmanlığından, qorxmazlığından söz açılır və bu mövzu, bu qadın orta və ali məktəb dərsliklərinə salına biləcək tarıxı şəxsiyyətdir. Sizin məndən xoşunuz gəlməyə bilər, bunun bədii sözə bir aidiyyatı olmamalıdır. O yazının çapa qadağa olunması mənə yox, bədii sözə, tariximizə və tarixi şəxsiyyət Qabulə xanımın ruhuna hörmətsizlikdir.
“Azərbaycan” jurnalına “Acaloğlu” əsərinin də çap olunmasına mənim o məqaləm əngəl oldu. Burda da tarixi bir şəxsiyət – Borçalı mahalından olan tarixi şəxsiyyət İstafil Acaloğlundan, ötən əsrin əvvələrində erməni-bolşevik məzalimindən can qurtarıb Türkiyəyə pənah gətirən minlərlə insanlardan biri – Nazlıdan və Azərbaycan-Türkiyə qardaşlığından söz açılır (Bu romanın birinci hissəsi – “Bir gecənin gəlini” “Azərbaycan”jurnalında çap olunmuşdur).
“Ulduz” jurnalına göndərdiyim esse və mənsur şeirlərin aqibəti də...
Çoxhörmətli Anar Rzayev, AYB-nin rəhbəri olduğunuz bir yana, siz ölkəmizin üzdə olan ağsaqqal yazıçısı və ağsaqqalı kimi tanınırsınız... Yazıçının, ağsaqqalın tənqidə, gerçəkliyə münasibəti budursa, vay bizim ədəbiyyatımızın da, ağsaqqal-qarasaqqal münasibətinin də halına.
Sizin bu mövqeniz demokratik, azad söz olan ölkəmizin daxilində diktatura qurumu (AYB-də) yaratmaq deyilmi? Mən, yazıçı kimi, çağdaş ədəbiyyatımızın bu günü, sabahı ilə bağlı narahatçılıq keçirir, çatıb-çatmayanlarını deyirəm və bu, mənim yazıçı, ziyalı mövqeyimdi. (Görünür atalar məsələsi burda yerinə düşür: – Doğru söz acı olur). Buna görə mənim əsərlərimin çapına qadağa qoymaq ədəbiyyatımıza olan qəsd, hörmətsizlikdir və mənim bir vətəndaş kimi də, yazıçı kimi də hüququmun tapdanmasıdır. Sabah beynəlxalq insan hüquqları təşkilatlarına müraciət etsəm ki, AYB-nin rəhbərliyi tərəfindən mənim hüquqlarım pozulur, bu nə bizim ziyalı, yazıçı adımıza, nə də dövlətimizə, ölkəmizin imicinə üzağlığı gətirməz. Bir də, Anar müəllim, el, xalq malına çevrilə biləcək bədii sözə biganəlik, hörmətsizlik milli sərvətimizə, milli mənliyimizə hörmətsizlikdir...
15.12.22
"Bütöv Azərbaycan" qəzeti
23 dekabr 2022-ci il
23-12-2022, 15:39
“Xocasən” stansiyası sərnişinlərin istifadəsinə verildi
Bu gün metronun yeni "Xocəsən" stansiyası ilk sərnişinlərini qəbul edib. Bunu “Bakı Metropoliteni” QSC-nin sədr müavini Hidayət Məmmədov jurnalistlərə açıqlamasında bildirib. O qeyd edib ki, artıq ilk sərnişinlər qatarlardan istifadə edib. "Xocəsən" stansiyası Bakı Metropoliteninin 27-ci stansiyasıdır. Digər yerüstü "Bakmil" stansiyasından fərqli olaraq sərnişindaşımada daha intensiv istifafə olunacaq”,- deyə o əlavə edib.
23-12-2022, 15:37
Sülhməramlılara növbəti şərait yaradıldı
Bu gün Xankəndi-Laçın yolunda Rusiya sülhməramlılarına məxsus təminat avtomobillərinin hərəkət etməsinə növbəti dəfə şərait yaradılıb. Laçından Xankəndi istiqamətində Rusiya sülhməramlılarına məxsus 6 ədəd təminat avtomobili azərbaycanlı ekofəalların keçirdiyi aksiya ərazisindən keçib. Bununla yanaşı, Rusiya sülhməramlılarına məxsus Xankəndidən Laçın istiqamətinə hərəkət edən 5 təminat avtomobilinin də keçidinə şərait yaradılıb. Bu, bir daha onu sübut edir ki, yol aksiyanın keçirilməsinə baxmayaraq, humanitar məqsədlər üçün açıqdır. Azərbaycanın qeyri-hökumət təşkilatları (QHT) nümayəndələrinin Qarabağda Rusiya sülhməramlılarının müvəqqəti yerləşdirildiyi zonada keçirdiyi etiraz aksiyası artıq 12-ci gündür ki, davam edir. Dinc aksiya iştirakçıları "Azərbaycan oyaqdır, sərvətinə dayaqdır!", "Azərbaycan vahiddir, sərvətinə sahibdir!", "Ekoloji cinayətə son!", "Stop ekoterror!" kimi şüarlar səsləndirirlər. Xatırladaq ki, etibarən azərbaycanlı ekofəallar, ictimaiyyət nümayəndələri sülhməramlıların postu yaxınlığındakı etiraz aksiyasına dekabrın 12-dən başlayıblar. Aksiyada etiraz edənlərin əsas tələbləri Qarabağın dağlıq hissəsindəki mədənlərdən qanunsuz istismara son qoyulması, azərbaycanlı mütəxəssislərin montorinq aparılması üçün lazımi şəraitin yaradılması, ermənilərin Azərbaycan torpaqlarındakı ekoloji terrorunun dayandırılması, Ermənistanla sərhəddə Laçın istiqamətində ayrıca sərhəd və gömrük nəzarəti postlarının yaradılması, Azərbaycan ərazisinə qanunsuz silah daşınmasının qarşısının alınmasıdır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!