20-12-2022, 16:34
Bu şəxslər tələbə kreditindən yararlanacaq
Nazirlər Kabinetinin 2021-ci il 24 iyul tarixli 226 nömrəli Qərarı ilə təsdiq edilmiş “Təhsil Tələbə Krediti Fondunun vəsaiti hesabına təhsil tələbə kreditlərinin verilməsi Qaydası”nda dəyişiklik edilib. Bununla bağlı Baş nazir Əli Əsədov Nazirlər Kabinetinin müvafiq qərarını imzalayıb. Qərara əsasən, ailə başçısını itirməyə görə əmək pensiyası alanlara, eləcə də ölkənin ərazi bütövlüyü uğrunda döyüş əməliyyatlarında iştirak edərək “Müharibə veteranı” adı almış şəxslərə sosial təhsil tələbə kreditindən istifadə etmək hüququ verilib.
20-12-2022, 16:25
Vardanyandan baş nazirə ittiham
Özünü separatçıların qondarma “dövlət naziri” elan
etmiş rusiyalı milyarder Ruben Vardanyan Qarabağda məskunlaşmış ermənilərin təlaşını aradan qaldırmaq, onları sakitləşdirmək üçün dəridən-qabıqdan çıxır. Vardanyan dünən Əsgəran şəhərinə gedərək, mülki şəxslərlə görüşüb. Görüşdə əsas müzakirə mövzusu Xankəndi –Laçın yolu olub. Vardanyanla söhbət edən ermənilər son günlər yaranmış vəziyyətdən - Xankəndi-Laçın yolunun bağlanmasından təşviş keçirdiklərini vurğulayıblar. Görüşdə Ermənistan rəhbərliyinə qarşı ittihamlar səsləndirilib, Nikol Paşinyan hakimiyyətinin Qarabağ ermənilərinə biganəliyi tənqid olunub. Ruben Vardanyan biganəliyi ən təhlükəli hadisə adlandırmaqla, dolayısı ilə Paşinyanı ittiham edib. O, deyib ki, separatçılar hazırda vəziyyətdən çıxış yollarını tapmaq üçün Birləşmiş Millətlər Təşkilatı, Fransa, ABŞ və Rusiya ilə müxtəlif səviyyələrdə işləyir.
19-12-2022, 23:17
Qalib komandaya veriləcək pulun miqdarı açıqlandı
Dünya çempionatının qalibi olan Argentina millisinə 52 milyon ABŞ dolları mükafat veriləcək. Vəsaitin 10 milyon dolları artıq Cənubi Amerika Futbol Konfederasiyası (CONMEBOL) tərəfindən yığma üzvlərinə təqdim olunub. Qalan vəsaiti isə FIFA ödəyəcək. Xatırladaq ki, dünən Argentina millisi finalda Fransanı məğlub edərək dünya çempionu olub.
19-12-2022, 23:14
Azərbaycandan Ukraynaya növbəti yardım
Azərbaycandan Ukraynaya növbəti humanitar yardım partiyası yola salınıb. Bu barədə Ukraynanın Azərbaycandakı səfiri Vladislav kanevski məlumat yayıb. “Azərbaycan biznesi ilə birgə təşkil edilən növbəti humanitar yük Ukraynaya yola düşür - Xerson Onkoloji Xəstəxanası üçün generator avadanlığı və 600 kq tibbi yardım dəsti”, – deyə diplomat feysbukda bildirib.
19-12-2022, 23:11
Səudiyyə Ərəbistanla münasibətləri düzəltməyə hazırıq - İran XİN
İran Səudiyyə Ərəbistanı ilə münasibətləri normallaşdırmağa hazırdır. Bu barədə İranın xarici işlər naziri Hüseyn Əmir Abdullahian bildirib. "Səudiyyə Ərəbistanı ilə danışıqlar əvvəlki yolla davam edəcək, biz rəsmi diplomatiya yolu ilə getməyə, iki ölkənin səfirliklərini yenidən açmağa və Səudiyyə tərəfi buna hazır olduqdan sonra normal münasibətlərə qayıtmağa hazırıq", - İranın xarici işlər naziri bildirib. Dekabrın 17-də İRNA agentliyi məlumat yayıb ki, İran prezidenti İbrahim Rəisi Əmman konfransı çərçivəsində Səudiyyə Ərəbistanının vəliəhd şahzadəsi və baş naziri Məhəmməd bin Salman Əl Səud ilə görüşə bilər. Abdullahianın sözlərinə görə, dekabrın 20-də Əmmanda keçiriləcək konfransda "regiondakı problemlərin aradan qaldırılması üçün platforma yaradıla bilər".
19-12-2022, 23:09
Baş nazir Rusiyaya qarşı sanksiyaları genişləndirməyə çağırdı
Böyük Britaniyanın baş naziri Rişi Sunak tərəfdaş ölkələri Rusiyaya qarşı iqtisadi sanksiyaları genişləndirməyə çağırıb. Bu barədə o, Birləşmiş Ekspedisiya Qüvvələrinin Riqada keçirilən sammitində danışıb. Onun sözlərinə görə, Rusiya ordusu Ukraynada olduğu müddətdə Moskva ilə Kiyev arasında danışıqlar baş tutmayacaq. “Bizə aydın olmalıdır ki, Rusiyanın hər hansı birtərəfli atəşkəs çağırışı hazırkı kontekstdə tamamilə mənasızdır. Düşünürəm ki, bu, yalançı çağırış olacaq. Bundan Rusiya öz qoşunlarını yenidən toplamaq və gücləndirmək üçün istifadə edəcək. Qoşunları zəbt etdikləri ərazilərdən çıxarmayana qədər real danışıqlar aparıla bilməz”, - deyə Sunak qeyd edib.
19-12-2022, 23:06
“Qarabağ”ı məğlub etdi, yarımfinala yüksəldi
Bu gün Azərbaycan kubokunda 1/4 final mərhələsinin cavab görüşlərinə start verilib. İlk oyun gününə nəzərdə tutulan 2 qarşılaşmadan biri başa çatıb. Belə ki, "Qəbələ" klubu öz meydanında "Qarabağ"ı qəbul edib. İlk oyunu 2:2 hesabı ilə başa çatan komandaların görüşü "Qəbələ"nin üstünlüyü başa çatıb - 1:0. Bununla da "Qəbələ" komandası "Qarabağ"ı mübarizədən kənarlaşdıraraq, yarımfinal mərhələsinə yüksəlib. Digər matçda isə "Sabah" klubu "Səbail"lə doğma meydanda üz-üzə gələcək. "Bank Respublika Arena"dakı görüş saat 19:00-da start götürəcək. "ASK Arena"da keçirilən ilk qarşılaşmada "dənizçilər" 3:2 hesablı qələbə qazanıb. Qeyd edək ki, 1/4 finalın digər iki oyunu dekabrın 20-də olacaq. "Turan Tovuz" "Kəpəz"i, "Neftçi" isə "Zirə"ni qəbul edəcək.
19-12-2022, 23:03
Səudiyyə Ərəbistanla Anlaşma memorandumu imzalandı
Bu gün Azərbaycanın İqtisadiyyat Nazirliyi və Səudiyyə Ərəbistanının İnkişaf Fondu arasında Anlaşma Memorandumu imzalanıb. Sənədi nazir Mikayıl Cabbarov və Fondun Baş icraçı direktoru Sultan Abdulrahman Al-Marshad imzalayıblar. Memorandumda Fondun ölkəmiz üçün prioritet olan sahələr üzrə inkişaf layihələrinin maliyyələşməsinə dair əməkdaşlıq məsələləri öz əksini tapıb.
19-12-2022, 23:00
Ermənilərin helikopter istəyi həyata keçmədi
Xəbər verildiyi kimi, bu gün Beynəlxalq Qızıl Xaç Komitəsinin maşınlarının müşayiəti ilə Qarabağdan olan bir erməni xəstə Laçın yolu ilə Ermənistana aparılıb. Ürək patologiyası olan xəstə Xankəndi xəstəxanasından təcili yardım maşını ilə çıxarılıb və azərbaycanlı ekofəalların Laçın yolunda keçirdiyi aksiya ərazisindən hərəkət edib. “Hraparak” qəzeti yazır ki, Qarabağ erməniləri əvvəlcə xəstəni sanitar helikopterlə Ermənistana aparmağı müzakirə ediblər. Lakin Rusiya sülhməramlıları buna icazə verməyiblər. Sonda təcili yardım maşınından istifadə olunub. Xatırladaq ki, azərbaycanlı ekofəallar və QHT nümayəndələri dekabrın 12-dən Laçın yolunda Qarabağın dağlıq hissəsindəki qızıl və mis yataqlarının qanunsuz istismarına etiraz edirlər.
19-12-2022, 17:51
Sülhməramlıların hərəkət etməsinə növbəti şərait yaradıldı
Şuşadan keçən Xankəndi-Laçın yolunda Rusiya sülhməramlılarına məxsus təminat avtomobillərinin hərəkət etməsinə növbəti dəfə şərait yaradılıb. Nəqliyyat vasitələri maneəsiz şəkildə hərəkət edib. Qeyd edək ki, bu gün, həmçinin, Beynəlxalq Qızıl Xaç Komitəsi (BQXK) 1 xəstənin həkim və tibb bacısının müşayiəti ilə Xankəndidən Ermənistana aparılması üçün Azərbaycana tərəfinə müraciət edib. Aksiya iştirakçıları Laçın-Xankəndi yolundan Beynəlxalq Qırmızı Xaç Komitəsinə məxsus avtomobillərin Xankəndidən Laçın istiqamətinə maneəsiz keçməsinə şərait yaradıblar. Bu gün Beynəlxalq Qızıl Xaç Komitəsinə məxsus humanitar avtomobil və təcili yardım maşını, rus sülhməramlılarından birinin ailə üzvlərinin olduğu avtomobil, eləcə də Rusiya sülhməramlılarına məxsus 10-dan artıq təminat avtomobili də aksiya keçirilən ərazidən maneəsiz keçiblər. Azərbaycanın qeyri-hökumət təşkilatlarının nümayəndələri Rusiya sülhməramlılarının Şuşa şəhəri yaxınlığındakı postu yanında etiraz aksiyası keçirirlər. Onlar azərbaycanlı mütəxəssislərin Azərbaycan yataqlarının qanunsuz istismarı ilə bağlı monitorinq aparmaq üçün əraziyə buraxılmamasına etiraz edirlər. Xatırladaq ki, 2022-ci il dekabrın 3-də və 7-də Rusiya sülhməramlı kontingentinin komandanlığı ilə keçirilmiş müzakirələrin nəticəsi olaraq, dekabrın 10-da Azərbaycan Respublikası İqtisadiyyat Nazirliyi, Ekologiya və Təbii Sərvətlər Nazirliyi, Əmlak Məsələləri Dövlət Xidməti və "AzerGold" Qapalı Səhmdar Cəmiyyətinin mütəxəssislərindən ibarət heyət faydalı qazıntı yataqlarının qanunsuz istismarı, bundan irəli gələn ekoloji və digər törəmə fəsadlar ilə bağlı ilkin monitorinqə başlamaq üçün Rusiya sülhməramlı kontingentinin müvəqqəti yerləşdiyi Azərbaycan Respublikası ərazilərinə yola düşüb. Monitorinq zamanı faydalı qazıntı yataqlarına, xüsusilə Qızılbulaq qızıl və Dəmirli mis-molibden yataqlarına yerində baxış və müxtəlif istiqamətlər üzrə monitorinq, əmlakın kadastr uçotunun təşkili, ətraf mühitə, yeraltı və yerüstü su mənbələrinə potensial zərərin və risklərin qiymətləndirilməsi nəzərdə tutulmuşdu. Lakin heyət Rusiya sülhməramlılarının müşayiəti ilə sözügedən yataqların yerləşdiyi ərazilərə gəlsələr də, hər iki istiqamətdə təxribatla üzləşiblər və monitorinq baş tutmayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!