9-08-2023, 12:16
Sabahın hava proqnozu
Avqustun 10-da Bakıda və Abşeron yarımadasında hava yağmursuz olacaq.
Bu barədə Milli Hidrometeorologiya Xidmətindən məlumat verib.
Səhər bəzi yerlərdə zəif duman olacaq, cənub-şərq küləyi əsəcək. Havanın temperaturu gecə 23-28° isti, gündüz 35-39°, bəzi yerlərdə 41° isti olacaq.
Azərbaycanın rayonlarında əsasən yağmursuz keçəcək. Lakin gündüz saatlarında bəzi dağlıq ərazilərdə qısamüddətli az yağış yağacağı, şimşək çaxacağı ehtimalı var. Gecə və səhər bəzi rayonlarda duman gözlənilir. Mülayim şərq küləyi əsəcək.
Havanın temperaturu gecə 23-28° isti, gündüz 36-41°, bəzi yerlərdə 42-43° isti, dağlarda gecə 16-21° isti, gündüz 29-34° isti olacaq.
9-08-2023, 11:54
İraqda “homoseksuallıq” ifadəsini işlətmək qadağan edildi
İraqın rəsmi media tənzimləyicisi olan Kommunikasiya və Media Komissiyası (CMC) ölkədə fəaliyyət göstərən bütün mətbuat orqanlarına və sosial platforma şirkətlərinə “homoseksuallıq” ifadəsini işlətməyi qadağan edib.
Bu barədə qurumun rəsmi qərarı qüvvəyə minib.
CMC bu ifadənin əvəzinə “cinsi sapma” ifadəsinin istifadəsini tələb edib. Komissiyanın açıqlamasında "gender" ifadəsinin istifadəsinin də qadağan edildiyi bildirilib.
Məsələ ilə bağlı beynəlxalq reaksiyalar müşahidə olunur.
9-08-2023, 11:21
Putin hərbi və fövqəladə vəziyyətlə bağlı düzəlişləri Dumaya təqdim etdi
Rusiya prezidenti Vladimir Putin Rusiyada hərbi vəziyyət və fövqəladə vəziyyət barədə beynəlxalq təşkilatların məlumatlandırılması prosedurunun dəyişdirilməsi ilə bağlı Dövlət Dumasına düzəlişlər təqdim edib.
Bu barədə "RİA Novosti" məlumat yayıb.
Dəyişikliklər Avropa Şurası ilə bağlıdır. Qanun qəbul olunarsa, Moskva hərbi və ya fövqəladə vəziyyətin tətbiqi və ləğvi barədə Avropa Şurasının baş katibinə məlumat verməyəcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!