Xəbərlərin siyahısı: 06.08.2023

6-08-2023, 22:30

Hər şey edilməlidir ki, Ukrayna Silahlı Qüvvələri səmada qalib gəlsin - Zelenski

"Ukraynanın hava qalxanı bütün Avropanın təhlükəsizliyinə zəmanət verəcək
Bunu Ukrayna Prezidenti Volodimir Zelenski bildirib.
Onun sözlərinə görə, təkcə bu həftə Rusiya Silahlı Qüvvələri Ukraynaya 65 müxtəlif raketdən, 178 hücum pilotsuz uçuş aparatından istifadə edib, onlardan 87-si "Şahed"dir:
"Əhəmiyyətli bir hissəsi məhv edilib. Ona görə hər şey edilməlidir ki, Ukrayna Silahlı Qüvvələri səmada qalib gəlsin".

Hər şey edilməlidir ki, Ukrayna Silahlı Qüvvələri səmada qalib gəlsin - Zelenski

6-08-2023, 21:57

Krım körpüsü vuruldu

Krımı Ukrayna ilə birləşdirən Çonqarski və Geniçesk körpülərinə raket zərbələri endirilib.
Rusiya rəsmiləri hücumun Ukrayna tərəfindən həyata keçirildiyini bildirib.
Ukrayna Silahlı Qüvvələri məlumatı təsdiqləyib. Ordunun Strateji Rabitə Mərkəzinin rəsmi Telegram kanalında bu barədə məlumat yayılıb.
“Saat 15:00 radələrində Ukrayna Müdafiə Qüvvələri işğalçıların iki əsas rabitə marşrutunu - Çonqarski və Geniyski avtomobil körpülərini vurdu”, - kanalda qeyd olunur.

Krım körpüsü vuruldu

6-08-2023, 21:12

Üçüncü dünya müharibəsinin qarşısını yalnız mən ala bilərəm - Tramp

Üçüncü dünya müharibəsinin qarşısını yalnız mən ala bilərəm.
Bunu ABŞ-ın keçmiş prezidenti Donald Tramp deyib.
“Hazırda silahlar o qədər güclüdür ki, bütün dünyanı məhv etməyə qadirdir. Mən buna icazə verməyəcəyəm. Və inanıram ki, bunu edə bilən yeganə şəxs mənəm”, - deyə o, ABŞ-ın Cənubi Karolina ştatında çıxışı zamanı bildirib.
Trampın sözlərinə görə, o, 2024-cü ildə ABŞ prezidenti seçkilərində qalib gələ bilsə, dünyada siyasi vəziyyəti sabitləşdirmək niyyətindədir. O vurğulayıb ki, Ağ Evin hazırkı sahibi Co Baydenin administrasiyası üçüncü dünya müharibəsinin qarşısını almaq iqtidarında deyil.

Üçüncü dünya müharibəsinin qarşısını yalnız mən ala bilərəm - Tramp

6-08-2023, 20:41

Tehranda yerləşən beş binada uçqun baş verdi - 3 ölü, 11 yaralı

İranın paytaxtı Tehranda yerləşən beş binada uçqun baş verib.
Hadisə nəticəsində 3 nəfər ölüb, 11 nəfər yaralanıb.
Qəza qanunsuz tikililərin sökülməsi zamanı baş verib. Dağıntılar altında qalan şəxslərin polis və bələdiyyə işçiləri olduğu bildirilir.
Məlumata görə, ölən şəxslərdən biri polis polkovnikidir.

Tehranda yerləşən beş binada uçqun baş verdi - 3 ölü, 11 yaralı

6-08-2023, 19:39

Səudiyyə Ərəbistanının hazırladığı sülh planı müzakirə edildi

Ciddədə Rusiya və Ukrayna arasında hərbi münaqişənin nizamlanması üzrə danışıqlarda Səudiyyə Ərəbistanı və bir sıra digər ölkələrin hazırladığı sülh planı müzakirə edilib.
Bu barədə DPA agentliyi diplomatik mənbələrə istinadən məlumat yayıb.
Agentliyin məlumatına görə, yeni sülh planına Ukraynanın ərazi bütövlüyünün qorunması, bütün cəbhələrdə atəşkəs, BMT-nin nəzarəti altında sülh danışıqlarının başlanması və əsirlərin dəyişdirilməsi maddələri daxildir.
DPA mənbələri yeni sülh planının hazırlanmasında Səudiyyə Ərəbistanından başqa hansı ölkələrin iştirak etdiyini açıqlamayıb. Bildirilir ki, Səudiyyə hakimiyyəti məsləhətləşmələrin gedişi barədə Rusiyanı məlumatlandırıb.
Xatırladaq ki, Ciddədə iki günlük danışıqlar avqustun 5- də başlayıb. İclasda 30-dan çox ölkə iştirak edir. Rusiya görüşə dəvət edilməsə də, nəticələr barədə Moskvaya məlumat veriləcək.

Səudiyyə Ərəbistanının hazırladığı sülh planı müzakirə edildi

6-08-2023, 14:48

Basketbol yığmamız Avropa çempionatında beşinci oldu

Azərbaycanın 18 yaşadək oğlan basketbolçulardan ibarət milli komandası Bakıda keçirilən Avropa çempionatının "C" divizionunda 5-ci olub.
5-9-cu yerlər uğrunda mübarizədə sonuncu oyununa çıxan yığma "Sərhədçi" İdman Mərkəzində San Marino ilə qarşılaşıb və rəqibinə 69:63 hesabı ilə qalib gəlib.
Qeyd edək ki, final oyunu saat 20:00-da Monako və Cənubi Kipr yığmaları arasında keçiriləcək.

Basketbol yığmamız Avropa çempionatında beşinci oldu

6-08-2023, 14:41

Türkiyənin viza rejiminin sadələşdirilməsi məsələsi payızda müzakirə olunacaq - Aİ

"Türkiyənin viza rejiminin sadələşdirilməsi məsələsi payızda müzakirə olunacaq".
Bunu Avropa İttifaqının (Aİ) yüksək rütbəli rəsmisi İHA-ya bildirib.
"Biz bu müzakirənin nəticəsini proqnozlaşdıra bilmərik. Türkiyə ortaq maraq doğuran bir çox sahədə namizəd ölkə və əsas tərəfdaş olmaqda davam edir", - o vurğulayıb.
Türkiyənin Aİ-yə üzvlük prosesində qısa müddətdə hansı addımların atılacağını qiymətləndirən Aİ rəsmisi qeyd edib ki, Aİ-Türkiyə münasibətləri barədə Avropa Şurasının müəyyən etdiyi alətlər və variantlar əsasında strateji və gələcəyə hesablanmış bir şəkildə irəliləmək məqsədi ilə Şuraya təqdim olunacaq hesabat payızda müzakirə ediləcək. Hələ iyul ayında xarici işlər nazirləri mövcud fikir ayrılıqlarını aradan qaldırmağa çalışarkən Aİ-nin Türkiyə ilə yenidən əlaqə saxlaması və ortaq maraqlar üzərində qurulmasının zəruriliyi barədə fikir mübadiləsi aparıblar.
O, Türkiyənin Avropa Birliyinə tam üzvlüklə bağlı hansı mərhələləri tamamladığını da açıqlayıb: "Üzvlük danışıqlarındakı fasilədən əvvəl (2018-ci ildən) Aİ və Türkiyə cəmi 35 müzakirə fəslindən 16-nı açdı. Yalnız elm və tədqiqat bölməsi müvəqqəti olaraq bağlanıldı. 2006-cı ildə Şura Türkiyənin Kiprlə əlaqəli məhdudiyyətləri ilə bağlı 8 fəslin açılmayacağına və Türkiyənin Aİ-Türkiyə Tərəfdaşlıq Anlaşmasına Əlavə Protokol üzrə götürdüyü öhdəlikləri yerinə yetirənə qədər heç bir fəslin müvəqqəti bağlanmayacağına qərar verdi”.

Türkiyənin viza rejiminin sadələşdirilməsi məsələsi payızda müzakirə olunacaq - Aİ

6-08-2023, 14:15

Hatayı meşə yanğınları bürüdü

Türkiyənin Hatay vilayətinin Antakya rayonunda meşə yanğını baş verib.
Taxtaköprü məhəlləsində qeydə alınan yağın bölgəsinə çoxlu sayda yanğınsöndürən cəlb olunub.
Qeyd edək ki, 2 yanğınsöndürmə helikopteri, 15 çiləyici maşın və 2 su çəni ilə havadan və qurudan yanğınla mübarizə davam edir.

Hatayı meşə yanğınları bürüdü

6-08-2023, 13:30

Moskvaya dron hava hücumu zərərsizləşdirildi

Paytaxt Moskvaya doğru irəliləyən dron hava hücumundan müdafiə qüvvələri tərəfindən zərərsizləşdirilib.
Bu barədə şəhərin meri Sergey Sobyanin teleqramda bildirib.
“Bu gün saat 11 radələrində (Bakı vaxtı ilə 12 - red.) dronla Moskvaya keçməyə cəhd edilib. O, yaxınlaşma zamanı hava hücumundan müdafiə qüvvələri tərəfindən məhv edilib”, - mer qeyd edib.
Eyni zamanda, Rusiya Müdafiə Nazirliyi hadisə ilə bağlı yaydığı açıqlamada pilotsuz uçuş aparatının Moskva vilayətinin Podolsk rayonunda zərərsizləşdirildiyini bildirib. Olayda itki və dağıntıların olmadığı vurğulanıb.

Moskvaya dron hava hücumu zərərsizləşdirildi

6-08-2023, 12:38

Sabahın havası

Avqustun 7-də Bakıda və Abşeron yarımadasında hava əsasən yağmursuz olacaq. Gecə və səhər bəzi yerlərdə zəif duman olacaq. Cənub-şərq küləyi əsəcək.
Bu barədə Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib.
Havanın temperaturu gecə 22-27° isti, gündüz 32-37° isti olacaq.
Azərbaycanın rayonlarında hava əsasən yağmursuz olacaq. Lakin gündüz bəzi dağlıq ərazilərdə qısamüddətli yağış yağacağı, şimşək çaxacağı ehtimalı var. Gecə və səhər bəzi rayonlarda duman olacaq. Mülayim şərq küləyi əsəcək.
Havanın temperaturu gecə 21-26° isti, gündüz 33-38° isti, dağlarda gecə 12-17° isti, gündüz 20-25° isti olacaq.

Sabahın havası