Xəbərlərin siyahısı: 12.08.2023 » Səhifə 2

12-08-2023, 16:03

Energetika nazirlərinin üçtərəfli görüşü keçirildi

Azərbaycan, İran və Rusiya energetika nazirlərinin müavinlərinin görüşü olub.
Görüş Rusiyanın paytaxtı Moskvada baş tutub.
Görüş zamanı İran, Azərbaycan və Rusiyanın enerji sistemlərinin birləşdirilməsi müzakirə olunub.
Nazir müavinləri layihələrin həyata keçirilməsi üçün ən son texniki tədbirləri nəzərdən keçiriblər.
Bundan əvvəl iyulun 16-da İranın energetika naziri Əli Əkbər Mehrabyan bəyan etmişdi ki, İran və Rusiya Azərbaycan Respublikası vasitəsilə elektrik enerjisi mübadiləsi aparacaqlar.

Energetika nazirlərinin üçtərəfli görüşü keçirildi

12-08-2023, 15:42

ABŞ-a casusluq edən Çin vətəndaşı saxlanıldı

ABŞ Mərkəzi Kəşfiyyat İdarəsinə (MKİ) casusluq etməkdə şübhəli bilinən Çin vətəndaşı saxlanılıb.
Bu barədə Çin Dövlət Təhlükəsizliyi Nazirliyi məlumat yayıb.
Nazirliyin "WeChat" kanalında hərbi sənaye sektorunda çalışan Zeng adlı Çin vətəndaşının İtaliyada ABŞ kəşfiyyatı tərəfindən agent kimi işə götürüldüyü bildirilib.
"Zeng, əlavə araşdırmalar üçün hərbi sənaye qrupu tərəfindən İtaliyaya göndərilmişdi. O, MKİ agenti ilə burada tanış olub. Orada ikisi arasında yaxın bir əlaqə yaranıb və Zeng psixoloji olaraq MKİ agentindən getdikcə daha çox asılı olub. Agent Zengdən Çin ordusu ilə bağlı həssas məlumatlar istəyib",- məlumda deyilir.
Hadisələrin nə zaman baş verdiyi barədə məlumat verilməsə də, MKİ agenti olduğu iddia edilən şəxsin 1971-ci il təvəllüdlü olduğu və adının "Seth" olduğu qeyd edilib.
Nazirlik Zengin ailəsinə "külli miqdarda pul" verildiyini, eləcə də onlara Amerikaya köçmək vəd edildiyini söyləyib.

ABŞ-a casusluq edən Çin vətəndaşı saxlanıldı

12-08-2023, 14:33

Krım körpüsü raket hücumuna məruz qaldı

Rusiya tərəfindən ilhaq edilən Kımın qondarma rəhbəri Sergey Aksyonov Ukrayna Silahlı Qüvvələrinə məxsus iki raketin Kerç boğazı ərazisində hava hücumundan müdafiə qüvvələri tərəfindən vurulduğunu bildirib.
Bu barədə o, özünün teleqram kanalında yazıb.
Onun sözlərinə görə, Krım körpüsünə ziyan dəyməyib. Körpüdə nəqliyyat vasitələrinin hərəkəti müvəqqəti olaraq məhdudlaşdırılıb.
Krımdakı qondarma qurumun nümayəndəüi Oleq Kryuçkov bildirib ki, xüsusi xidmət orqanları körpünün üzərinə tüstü pərdəsi qoyublar. Onun sözlərinə görə, yaxın vaxtlarda hərəkat bərpa olunacaq.
Rusiya hakimiyyətinə yaxın "Mash" kanalı yazır ki, körpü ərazisində hava hücumundan müdafiə sistemi ən azı dörd dəfə işləyib.

Krım körpüsü raket hücumuna məruz qaldı

12-08-2023, 14:14

Kirpiləri kütləvi şəkildə öldürənlər saxlanıldı

Zaqatalada qanunsuz ov edən şəxslər saxlanılıb.
Bu barədə Daxili İşlər Nazirliyinin Mətbuat Xidmətinin Şəki regional qrupundan məlumat verib.
Bildirilib ki, Zaqatala Rayon Polis Şöbəsinin əməkdaşlarının qanunsuz ov hallarının qarşısının alınması məqsədilə keçirdikləri tədbirlər nəticəsində rayon ərazisində ov üçün nəzərdə tutulmayan yerdə qanunsuz ov edən Yevlax sakinləri Elçin Nadirov, Elşən Əliyev və Hüseyn Hüseynov saxlanılıblar.
Onlardan kəsib satmaq məqsədilə ovladıqları çoxlu sayda kirpi və digər sübutlar götürülüb. Həmin şəxslər barəsində İnzibati Xətalar Məcəlləsinin müvafiq maddəsi ilə protokol tərtib olunub.

Kirpiləri kütləvi şəkildə öldürənlər saxlanıldı

12-08-2023, 12:55

İçərişəhərdə ictimai qaydanı pozan şəxs cərimələndi

İçərişəhərdə bir nəfərin ictimai qaydanı pozaraq yüksək səslə söyüş söydüyü bildirilir.
İttihama əsasən, 52 yaşlı H.Rəhimov hər kəsin eşidəcəyi şəkildə nalayiq ifadələr işlədib, ətrafdakı insanların təpkisinə baxmayaraq səsini alçaltmayıb.
O, əməlinə görə polis əməkdaşı tərəfindən şöbəyə dəvət olunarkən tabesizlik göstərib, ictimai qaydanı pozmağa davam edib. H.Rəhimov barəsində İnzibati Xətalar Məcəlləsinin 510 (xırda xuliqanlıq) və 535.1 (polisin qanuni tələbinə qəsdən tabesizlik göstərmə) maddəsi ilə protokol tərtib olunub.
Səbail Rayon Məhkəməsinin qərarı ilə ona 200 manat cərimə cəzası kəsilib.

İçərişəhərdə ictimai qaydanı pozan şəxs cərimələndi

12-08-2023, 12:08

Ermənilərin “Laçın” sərhədindən sərbəst keçidinə şərait yaradıldı

Bu gün Xankəndi-Gorus istiqamətində Qarabağın erməni sakinlərinin “Laçın” sərhəd-buraxılış məntəqəsindən növbəti keçidi baş tutub.
Qarabağın erməni sakinləri bu gün də qeyd olunan istiqamətdə sərhəd-buraxılış məntəqəsindən maneəsiz şəkildə Ermənistana keçiblər.
Belə ki, Xankəndi-Gorus istiqamətində ümumilikdə BQXK-ya məxsus 9 nəqliyyat vasitəsi, 30 nəfər şəxsin (onlardan 3 nəfəri BQXK-nin üzvü, 9 sürücü, 10 xəstə, 7 müşayiətçi, 1 tibb işçisi) Laçın DSBM-dən keçidi təmin olunub.
Qeyd edək ki, “Laçın” sərhəd-buraxılış məntəqəsindən erməni əsilli şəxslər heç bir maneə ilə üzləşmədən günün istənilən saatında istifadə edə bilirlər. Onların nəzarət-buraxılış məntəqəsindən rahat keçidi üçün hər bir şərait yaradılıb.

Ermənilərin “Laçın” sərhədindən sərbəst keçidinə şərait yaradıldı

12-08-2023, 11:48

Sabahın hava proqnozu

Avqustun 13-də gözlənilən hava şəraiti açıqlanıb. Milli Hidrometeorologiya Xidmətindən bildirilib ki, Bakıda və Abşeron yarımadasında hava şəraitinin yagmursuz keçəcəyi gözlənilir. Cənub-şərq küləyi əsəcək.
Havanın temperaturu gecə 24-28° isti, gündüz 37-40°, bəzi yerlərdə 41-42° isti olacaq.
Azərbaycanın rayonlarında hava əsasən yağmursuz olacaq. Lakin gündüz bəzi yüksək dağlıq ərazilərində qısamüddətli az yağış yağacağı, şimşək çaxacağı ehtimalı var. Gecə və səhər bəzi rayonlarda duman. Mülayim şərq küləyi əsəcək.
Havanın temperaturu gecə 23-28° isti, gündüz 35-40°, bəzi yerlərdə 42-44° isti, dağlarda gecə 18-23° isti, gündüz 29-34° isti olacaq.

Sabahın hava proqnozu

12-08-2023, 00:27

Ermənistanda son sutkada ikinci hərbiçi öldürüldü

Avqustun 11-də Ermənistan Müdafiə Nazirliyinin N saylı hərbi hissəsinin hərbi qulluqçusu Qranik Vardanoviç Xnkoyan ölüb.
Bu barədə Nazirliyin mətbuat xidməti məlumat yayıb.
Hərbçinin odlu silahdan açılan atəş nəticəsində öldüyü bildirilir.
Hadisənin baş vermə şəraitinin tam aydınlaşdırılması üçün araşdırma aparılır.
Qeyd edək ki, bu, Ermənistanda son sutkada öldürülən ikinci hərbçidir.

Ermənistanda son sutkada ikinci hərbiçi öldürüldü