22-08-2023, 12:50
Mirziyoyev xanımıyla Şəhidlər xiyabanını ziyarət etdi
Azərbaycan Respublikasında dövlət səfərində olan Özbəkistan Respublikasının Prezidenti Şavkat Mirziyoyev və xanımı Ziroatxon Mirziyoyeva avqustun 22-də Şəhidlər xiyabanını ziyarət ediblər.
Burada ali qonağın şərəfinə fəxri qarovul dəstəsi düzülmüşdü.
Prezident Şavkat Mirziyoyev “Əbədi məşəl” abidəsinin önünə əklil qoyub.
Bakının ən hündür nöqtəsindən Azərbaycan paytaxtının mənzərəsini seyr edən ali qonağa Şəhidlər xiyabanının tarixi və paytaxtda görülən abadlıq-quruculuq işləri barədə məlumat verilib.
22-08-2023, 12:47
Qarabağdan 7 nəfəri müalicə üçün Ermənistana aparıldı
Bu gün Beynəlxalq Qırmızı Xaç Komitəsi (BQXK) Qarabağdan 7 nəfəri müalicə üçün Ermənistana aparıb.
Bu barədə BQXK-nin Ermənistandakı nümayəndəliyi məlumat yayıb.
Bildirilib ki, əvvəllər müalicə olunmaq üçün İrəvana göndərilən daha 7 nəfər müşayiətçiləri ilə birlikdə Xankəndiyə qaytarılması planlaşdırılır.
22-08-2023, 12:36
Zelenski Yunanıstanın Baş naziriylə görüşdü
Ukrayna prezidenti Volodimir Zelenski Yunanıstanın paytaxtı Afinada Bolqarıstanın baş naziri Nikolay Denkovla görüşüb.
Tərəflər taxıl dəhlizini müzakirə ediblər.
Zelenski Rusiya təcavüzünə qarşı mübarizədə Ukraynanın hərtərəfli dəstəyinə görə Nikolay Denkova təşəkkür edib. Prezident və baş nazir Ukraynanın qorunması üçün gələcək əməkdaşlığı da nəzərdən keçiriblər.
Bolqarıstanın baş naziri avqustun 23-də Kiyevdə üçüncü sammiti keçiriləcək Krım Platformasını prinsipial olaraq dəstəklədiyini bir daha təsdiqləyib.
22-08-2023, 12:21
Sabahın hava proqnozu
Avqustun 23-də gözlənilən hava şəraiti açıqlanıb.
Milli Hidrometeorologiya Xidmətindən bildirilib ki, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal küləyi əsəcək.
Havanın temperaturu gecə 21-26° isti, gündüz 33-38° isti olacaq. Atmosfer təzyiqi normadan aşağı 757 mm civə sütunu olacaq. Nisbi rütubət gecə 60-65 %, gündüz 40-45 % olacaq.
Azərbaycanın rayonlarında əsasən hava yağmursuz olacaq. Lakin gündüz bəzi dağlıq rayonlarda qısamüddətli yağış yağacağı, şimşək çaxacağı ehtimalı var. Gecə və səhər bəzi rayonlarda duman olacaq. Mülayim şərq küləyi əsəcək.
Havanın temperaturu gecə 20-25° isti, gündüz 34-39° isti, dağlarda gecə 11-16° isti, gündüz 23-28° isti olacaq.
22-08-2023, 12:13
Arayik rəhbərlik etdiyi rejimin qondarma iclasını çağırdı
Qarabağın dağlıq hissəsində məskunlaşmış erməni separatçıların başçısı Arayik Arutyunyan rəhbərlik etdiyi rejimin qondarma “Təhlükəsizlik Şurası”nın genişləndirilmiş iclasını çağırıb.
Bu barədə “Hraparak” nəşri məlumat yayıb.
Qeyd olunur ki, Arayik Arutyunyanın bu gün keçirəcəyi iclasda rejimin yaratdığı qondarma “parlament”dəki qüvvələr, keçmiş “prezidentlər”, eləcə də son günlər fəallaşan “Artsax milislərinin komandiri” Karen Matevosyan dəvət olunub.
“Hraparak” yazır ki, “parlament qüvvələri” və keçmiş “prezidentlər” görüşdə iştirakdan imtina ediblər.
Nəşrin Qarabağdakı mənbələrə istinadən verdiyi məlumatda daha sonra bildirilir ki, Arayik Arutunyanın Azərbaycanın Ağdam-Xankəndi yolu vasitəsilə humanitar yüklərin daşınması tələbini qismən təmin etmək qərarına gəldiyi barədə xəbərlər var.
22-08-2023, 11:57
Erməni təxribatı nəticəsində hərbiçimiz yaralandı
Ermənistan tərəfinin törətdiyi təxribat zamanı Azərbaycan Ordusunun hərbi qulluqçusu Nəzərov İsmət Ramiz oğlu qarşı tərəfdən açılan atəşin rikoşet etməsi nəticəsində yüngül yaralanıb.
Bu barədə Müdafiə Nazirliyindən məlumat verilib.
Yaralı hərbi qulluqçumuza dərhal ilkin tibbi yardım göstərilib və o, hərbi tibb müəssisəsinə təxliyə edilib. Onun həyatı üçün heç bir təhlükə yoxdur.
Azərbaycan Ordusunun bölmələri tərəfindən qəti cavab tədbirləri görülür.
"Bildiririk ki, qarşı tərəfin törətdiyi təxribatların nəticələrinə görə bütün məsuliyyət Ermənistanın hərbi-siyasi rəhbərliyinin üzərinə düşür", - açıqlamada bildirilir.
21-08-2023, 23:21
Rəsmi Bakıdan Ermənistana cavab
Azərbaycanın ərazilərinin işğalı nəticəsində qəbul edilmiş BMT Təhlükəsizlik Şurasının qərarlarını 30 ilə yaxın bir dövrdə heçə sayan və 44 günlük müharibədən sonra beynəlxalq hüququn norma və prinsiplərini kobud şəkildə pozmaqda davam edən Ermənistan tərəfi son zamanlar yalnız Təhlükəsizlik Şurası ilə məhdudlaşmayan çoxsaylı manipulyasiyalarla əsassız addımlar atmaqdadır.
Bunu Azərbaycan Xarici İşlər Nazirliyinin mətbuat katibi Ayxan Hacızadə bildirib.
A.Hacızadə deyib ki, məntiqsiz addımları uğursuzluğa düçar olduqdan və heç bir nəticə əldə edə bilmədikdən sonra isə, Ermənistan tərəfi müxtəlif bəhanələrlə və uzun-uzadı əsassız açıqlamalarla bu uğursuzluqları müxtəlif yalanlarla əsaslandırmağa, öz destruktiv fəaliyyətinə bəraət qazandırmağa çalışır.
"Ermənistan Xarici İşlər Nazirliyi Ermənistan cəmiyyətində həqiqətə uyğun olmayan gözləntilər formalaşdırmaq və yalan dolu izahatlar vermək əvəzinə, beynəlxalq hüquqa əsaslanmaqla qonşu ölkələrlə münasibətləri normallaşdırmalı və bölgədə sülhə mane olan pozucu fəaliyyətdən çəkinməlidir", - XİN rəsmisi vurğulayıb.
Qeyd edək ki, bu gün Ermənistanın Xarici İşlər Nazirliyinin (XİN) mətbuat katibi Ani Badalyan suallara cavabı zamanı BMT Təhlükəsizlik Şurasının 16 avqust tarixli iclası və ümumilikdə müzakirələrin nəticələri ilə bağlı bir sıra fikirlər səsləndirib.
21-08-2023, 23:00
Yunanıstan da ukraynalı pilotların təliminə qoşulur
Yunanıstan ukraynalı pilotların F-16 təyyarələrində təlimində iştirak edəcək.
Bu barədə Ukrayna Prezidenti Volodimir Zelenski Yunanıstanın Baş naziri Kiryakos Mitsotakislə birgə mətbuat konfransında məlumat verib.
O qeyd edib ki, Ukraynaya müdafiə dəstəyi ilə bağlı detallar müzakirə edilir.
"Rusiyanın bu dəhşətli təcavüzünün sonunu sürətləndirə biləcək konkret şeylərin adını çəkdim. Bu gün aviasiya koalisiyası üçün mühüm nəticəmiz var - Yunanıstan F-16-da pilotlarımızın təlimində iştirak edəcək. Biz buna görə minnətdarıq”, - deyə Zelenski qeyd edib.
21-08-2023, 22:04
Hakan Fidan Bağdad və Ərbilə səfər edəcək
Türkiyənin xarici işlər naziri Hakan Fidan Bağdad və Ərbilə səfər edəcək.
Səfər 23-24 avqust tarixlərində baş tutacaq.
Avqustun 23-də Fidan İraqın paytaxtında baş nazir və iraqlı həmkarı ilə danışıqlar aparacaq.
Türkiyəli nazir ertəsi gün Ərbildə İraq Kürdüstan Regionunun liderləri Neçirvan Bərzani və Məsrur Bərzani ilə görüşəcək.
Nazir görüşlərdə ikitərəfli münasibətləri, eləcə də ümumi maraq doğuran bir sıra digər mövzuları müzakirə edəcək.
21-08-2023, 21:53
Seperatçıların Şuşa istiqamətindəki təxribatının qarşısı alındı
Qeyri-qanuni erməni silahlı dəstələrinin gücləndirmə tədbirlərinin qarşısı alınıb
Avqustun 21-də saat 19:45 radələrində Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin Ordumuzun Şuşa rayonu istiqamətində yerləşən mövqeləri ilə üzbəüz mövqelərini gücləndirmək məqsədilə Ural markalı hərbi nəqliyyat vasitəsində yerdəyişmə fəaliyyəti müşahidə edilib.
Bu barədə Müdafiə Nazirliyindən məlumat verilib.
Bölmələrimizin sayıqlığı nəticəsində qeyd olunan istiqamətdə qəti tədbirlər görülüb, yerdəyişmənin qarşısı alınıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!