23-09-2023, 12:59
Ermənistan Hindistana yeni səfir göndərir
Ermənistan Prezidenti Vaaqn Xaçaturyan ölkənin Hindistan, Nepal və Şri-Lankadakı səfiri Yuri Babaxanyanı vəzifəsindən geri çağırıb.
Xaçaturyan bununla bağlı sərəncam imzalayıb.
Ermənitan Prezidentinin digər sərəncamı ilə Vaaqn Afyan ölkənin Hindistandakı yeni səfiri təyin edilib.[b][/b]
23-09-2023, 12:33
Erməniəsilli sakinlərin böyük bir qrupu seperatçılar tərəfindən girov götürüldü
Xankəndini tərk etmək istəyən erməniəsilli sakinlərin böyük bir qrupu qanunsuz rejimin tör-töküntüləri tərəfindən girov götürülüb.
Bu barədə “Caliber” məlumat yayıb.
Bildirilir ki, Xankəndidə erməniəsilli sakinlər şəhəri tərk edərək Ermənistana getmək istəyirlər. Qonşu ölkədə qohum və tanışları olan insanların oraya gedib suların durulmasını gözləmək istəyi başadüşüləndir. Daxil olan müraciətlər əsasında Azərbaycanın müvafiq qurumları bu məqsədlə lazımi təhlükəsizlik dəhlizi də təşkil ediblər.
Ancaq Xankəndidə qalan qanunsuz rejimin tör-töküntülərinin idarə etdiyi erməni silahlı birləşmələri şəhəri tərk etmək istəyən sakinləri girov götürüblər və onlardan canlı sipər kimi istifadə etmək niyyətindədirlər.
23-09-2023, 12:19
Şəhid və qazi ailələrinin üzvləri üçün tibbi aksiya keçirilir
Sentyabrın 23-də Səhiyyə Nazirliyi Elmi-Tədqiqat Kardiologiya İnstitutunda şəhid və qazi ailələrinin üzvləri üçün tibbi aksiya keçirilir.
Azərbaycan Respublikasında Anım Günü ilə əlaqədar olaraq keçirilən aksiyada Bakı və Sumqayıtda, Abşeron və digər rayonlarda yaşayan həmin həssas kateqoriyadan olan vətəndaşlar kardioloji, endokrinoloji, şüa-diaqnostika və nevroloji müayinələrdən keçirlər.
Onlara EKQ, ExoKQ və USM müayinəsi, müasir beynəlxalq standartlara cavab verən laborator müayinələri aparılır. Müayinələrin nəticələrinə əsasən xəstələrə müvafiq müalicələr təyin edilir, digər patologiya aşkar olunan şəxslər isə ixtisaslaşmış tibb müəssisələrinə yönləndirilirlər.
Elmi-Tədqiqat Kardiologiya İnstitutunda keçirilən tibbi aksiya saat 16:00-a kimi davam edəcək.
23-09-2023, 11:39
Sabahın hava proqnozu - 29 dərəcə isti olacaq
Sentyabrın 24-də gözlənilən hava şəraiti açıqlanıb.
Milli Hidrometeorologiya Xidmətindən bildirilib ki, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecəyə doğru yarımadanın bəzi yerlərində arabir yağış yağacağı ehtimalı var. Şimal-şərq küləyi əsəcək.
Havanın temperaturu gecə 16-20° isti, gündüz 22-27° isti olacaq. Atmosfer təzyiqi normadan yüksək 766 mm civə sütunu olacaq. Nisbi rütubət gecə 60-70%, gündüz 40-45 % olacaq.
Azərbaycanın rayonlarında əsasən yağmursuz keçəcəyi, lakin gündüz bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var. Gecə və səhər bəzi rayonlarda duman olacaq. Mülayim şərq küləyi əsəcək.
Havanın temperaturu gecə 16-20° isti, gündüz 24-29° isti, dağlarda gecə 6-11° isti, gündüz 12-17° isti olacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!