8-11-2024, 17:45
Noyabrın 10-dan bu marşrutlar pulsuz olacaq
Heydər Əliyev adına Beynəlxalq Hava Limanı ərazisindən paytaxtın 2 istiqamətində ödənişsiz ekspres xətlər fəaliyyət göstərəcək.
Bu barədə Azərbaycan Yerüstü Nəqliyyat Agentliyi məlumat yayıb.
Bildirilib ki, H1 ekspres xətti üzrə avtobuslar “28 May” Nəqliyyat Mübadilə Mərkəzinə, H2 ekspres xətti üzrə avtobuslar isə metronun “Əhmədli” stansiyasına hərəkət edəcək.
Sözügedən marşrutlar 10 noyabr tarixindən fəaliyyətə başlayacaq və ödənişsiz şəkildə sərnişinlərə xidmət göstərəcək
8-11-2024, 17:19
Prezident və ailə üzvləri Bayraq Meydanında - FOTO
Xəbər verdiyimiz kimi, noyabrın 8-də Azərbaycan Prezidenti İlham Əliyev, birinci xanım Mehriban Əliyeva və oğulları Heydər Əliyev Bakıda Dövlət Bayrağı Meydanında olublar.
Butov.az dövlət başçısının, birinci xanımın və oğulları Heydər Əliyevin Dövlət Bayrağı Meydanından fotolarını təqdim edir:
8-11-2024, 16:55
Ərdoğandan Zəfər Günü paylaşımı: Can Azərbaycan...
Türkiyə prezidenti Rəcəb Tayyib Ərdoğan Azərbaycanın Zəfər günü ilə bağlı sosial şəbəkə hesabında paylaşım edib. Paylaşımda deyilir:
“Qarabağ zəfərinin 4-cü ildönümünü böyük coşqu və qürur hissi ilə qeyd edən Can Azərbaycanı Azərbaycan xalqının Zəfər günü münasibətilə ürəkdən təbrik edirəm.
Qardaşım Prezident İlham Əliyevin şəxsində 44 günlük Vətən müharibəsini zəfərə çatdıran Azərbaycan Silahlı Qüvvələrinin qəhrəman mənsublarını dövlətim və millətim adından hörmətlə salamlayıram.
Tarixə adını şərəflə yazdıran bütün şəhidlərimizi rəhmətlə anır və ruhu şad olsun deyirəm.
Qarabağ səmalarında nazlı hilal dalğalansın deyə canından keçən qəhrəmanları hər zaman minnətdarlıqla yad edəcəyik”.
8-11-2024, 14:52
Prezidentin dalğalandırdığı bayraq “Ginnesin Rekordlar Kitabı”na düşüb
Xəbər verdiyimiz kimi, noyabrın 8-də Azərbaycan Respublikasının Prezidenti İlham Əliyev Bakıdakı Dövlət Bayrağı Meydanında olub. Dövlət başçısı burada Azərbaycanın üçrəngli Bayrağını ucaldıb.
Prezidentin Dövlət Bayrağı Meydanında dalğalandırdığı bu bayrağın eni 36, uzunluğu 72 metr, çəkisi isə 500 kiloqramdan artıqdır.
Dənikənarı Bulvar İdarəsinin mətbuat xidmətinin rəhbəri Əfsanə Mehdiyeva bildirib ki, bayraq parametrlərinə görə "Ginnesin Rekordlar Kitabı"na düşüb.
Dövlət Bayrağı Meydanı təmirə bağlanmazdan öncə bayraq dirəyinin hündürlüyünə görə bu rekord qırılmışdı:
"Hazırda isə yeni sertifikat Dövlət Bayrağı Meydanında ucaldılan bayrağın ölçüləri ilə bağlıdır”.
8-11-2024, 14:31
Dünya Bankı Ukraynaya 750 milyon dollar yardım ayırdı
Dünya Bankı (DB) Ukraynaya 750 milyon dollar məbləğində yeni yardım paketinin ayrıldığını açıqlayıb.
Bu barədə Ukraynanın baş naziri Deniz Şmıqal bildirib.
“Vəsait Avropa İttifaqına daxil olmaq üçün tələb olunan institusional islahatları dəstəkləmək məqsədi daşıyan Sağlam Fiskal İdarəetmə (SURGE) vasitəsilə bərpanın dəstəklənməsi layihəsi vasitəsilə təmin ediləcək. Bu məbləğin bir hissəsi Yaponiya hökuməti tərəfindən dəstəklənən ADVANCE Ukraine fondundan ayrılacaq”, - deyə o, banka köməyə görə təşəkkürünü bildirib.
Şmıqal aydınlaşdırıb ki, lazım gələrsə, maliyyə vəsaiti artırıla bilər.
8-11-2024, 14:05
Ərdoğan Trampın prezident seçilməsini belə şərh etdi
Türkiyə prezidenti Rəcəb Tayyib Ərdoğan Donald Trampın ABŞ prezident seçilməsini şərh edib.
Ərdoğan bu seçkinin ABŞ, region və dünyaya faydalı olmasını arzulayıb.
“O, təslim olmadan və yorulmadan imtahandan uğurla keçdi”.
Trampın seçki prosesində sui-qəsd cəhdi də daxil olmaqla bir çox çətinliklə mübarizədə gözəl nümunə göstərdiyini ifadə edən Ərdoğan, belə deyib:
"Bildiyiniz kimi, onu vurmağa cəhd etdilər, güllə qulağına dəydi. Qolu qandallı halda polis bölməsinə apardılar. Bütün bu hadisələrə rəğmən, o, seçki kampaniyasını çox güclü, yorulmadan davam etdirdi. Bu, hər bir siyasətçinin asanlıqla əldə edə biləcəyi bir cəhd deyil”.
Ərdoğan Trampla telefon danışığına toxunaraq deyib:
"Cənab Trampla mehriban danışığımız oldu. Onlar həmin vaxt ailəvi şam yeməyində idilər. İlon Mask və Maskın uşağı da onun yanında idi və onlarla söhbətimiz bu şəkildə keçirdik. Seçki prosesini və ABŞ-Türkiyə arasında əməkdaşlığı müzakirə etdik. Onu ölkəmizə dəvət etdik, ümid edirəm ki, Türkiyə ilə ABŞ arasında əməkdaşlığı daha da gücləndirəcəyik.
Bizimlə ABŞ arasında F-35 məsələsi var. S-400 ilə bağlı bir proses də var. Tramp prezidentliyi dövründə F-35 məsələsi ilə bağlı Türkiyədən danışarkən, “Pulu verdilər, amma hələ də təyyarələri vermirsiniz?” deyib. Baxaq, yeni dövrdə bu məsələləri necə əsaslandıracağıq və yolumuza necə davam edəcəyik... Başda Fələstin məsələsi və Rusiya-Ukrayna böhranı ilə bunların öhdəsindən gəlmək mümkündür. Ümid edirəm ki, regional və qlobal müharibələr, böhranlar Trampın prezidentliyi ilə sona çatacaq”.
Ərdoğan deyib ki, gtürkiyə sülh və əmin-amanlığın tərəfdarıdır:
"Yeni dövrdə Donald Trampla danışıqlarımızı davam etdirəcəyik və əvvəllər olduğu kimi, telefon diplomatiyası ilə Yaxın Şərqdəki hadisələri necə formalaşdıracağımızı müzakirə edəcəyik. Məsələn, ABŞ qoşunlarının Suriyadan çıxarılması məsələsini dəyərləndirəcəyik. onlardan PKK/PYD/YPG terror təşkilatına dəstəyinə son qoymalarını istəyəcəyik.
Bildiyiniz kimi, Tramp İsrailin başlatdığı münaqişələrə son qoyacağına söz verib. Ümid edirik ki, cənab Trampın ikinci dövründə regionda daimi sülh və əmin-amanlıq yaranacaq. Biz sülh və əmin-amanlığın tərəfdarıyıq”
8-11-2024, 13:40
COP29 Məlumat Mərkəzləri fəaliyyətə başladı
Bu ilin 11-22 noyabr tarixlərində Bakıda keçiriləcək COP29 konfransında iştirak məqsədilə paytaxta səfər edəcək minlərlə ziyarətçini hərtərəfli məlumat dəstəyi ilə təmin etmək üçün COP29 Məlumat Mərkəzləri fəaliyyətə başlayıb.
COP29 Əməliyyat Şirkətindən verilən xəbərə görə, yeni fəaliyyətə başlayan COP29 Məlumat Mərkəzlərinin məqsədi konfransla bağlı sorğulardan tutmuş konfrans müddətində paytaxtda qonaqlama məsələlərinə kimi müxtəlif sualları əhatəli və dəqiq şəkildə cavablandırmaqdır.
COP29 Məlumat Mərkəzlərinin xüsusi təlim keçmiş işçiləri ətraflı məlumat təqdim etməklə yanaşı, tədbir iştirakçılarının aidiyyəti mövzularda düzgün istiqamətləndirilməsi və müsbət ziyarətçi təcrübəsinin təmin edilməsi xüsusunda da dəstək göstərəcəklər.
Ümumilikdə doqquz məlumat mərkəzi Bakı şəhərinin müxtəlif ərazilərində, əsasən də qonaqlama məkanları və nəqliyyat baxımından əlverişli nöqtələrdə yerləşir. Dövlət Turizm Agentliyi ilə əməkdaşlıq çərçivəsində bu mərkəzlərdən yeddisi daha əvvəl şəhərin qonaqlarına xidmət göstərən mərkəzlərin bazasında, digər ikisi isə COP29 Azərbaycan Əməliyyat Şirkəti tərəfindən Heydər Əliyev Beynəlxalq Aeroportunda təşkil olunub.
Qeyd edək ki, məlumat əldə etmək üçün COP29 Azərbaycan Əməliyyat Şirkəti tərəfindən istifadəyə verilmiş *1029 qısa nömrəsi və canlı çat vasitəsilə COP29 Çağrı Mərkəzi ilə də əlaqə saxlamaq mümkündür.
8-11-2024, 13:18
Azərbaycan xalqı bundan sonra qalib xalq kimi yaşayacaq
Şəhərimizin ən gözəl yerlərindən birində bu gün bizim parlaq Zəfərimizi əks etdirən yeni simvolumuz artıq yaradılıb. Şəhərə gedən iki yolun kəsişməsində Zəfər tağı yerləşir. Həm müasir üslubda inşa edilib, həm çox əzəmətlidir. Hündürlüyü də 44 metrdir, sütunlarının da sayı 44-dür.
Bu sözləri Prezident İlham Əliyev Zəfər Günü münasibətilə xalqa müraciətində söyləyib.
Zəfər parkında və tərtib olunan muzeydə bir çox önəmli rəmzlərin olduğunu deyən dövlətimizin başçısı qeyd edib: “Bu rəmzlər bizimlə əbədi olacaq. Bu Qələbə bizimlə əbədi olacaq. Azərbaycan xalqı bundan sonra qalib xalq, Azərbaycan dövləti müzəffər dövlət kimi yaşayacaqdır”.
8-11-2024, 13:13
Bakı Olimpiya Stadionunun ərazisi bu axşam BMT-yə təhvil veriləcək
Bakı Stadionunda COP29-la bağlı inşaat işləri 99 faiz tamamlanıb. Ərazi bu axşam Birləşmiş Millətlər Təşkilatına (BMT) təhvil veriləcək.
Bunu jurnalistlərə açıqlamasında COP29 Azərbaycan Əməliyyat Şirkətinin Məkanların inşası departamentinin direktoru Azər Quliyev deyib.
Çox az işin qaldığını diqqətə çatdıran departament direktoru əlavə edib: “Bu işlər istifadə olunan ərazilərin yenidən ən yaxşı səviyyəyə gətirilməsidir. Bütün infrastruktur dayanıqlı standartlara əsasən quraşdırılıb və ətrafda görünənlərin əksəriyyəti yenidən istifadə oluna bilən materiallardır”.
8-11-2024, 13:05
8 Noyabr Günü Türk dünyasının Zəfər səlnaməsidir
Bu gün, noyabrın 8-də xalqımız böyük qürurla tarixi Zəfər Bayramını və “Şuşa Şəhəri Günü”nü qeyd edir. Hər iki tarixi Gün münasibətilə xalqımızı, Müzəffər Ali Baş Komandanı, Silahlı Qüvəllərimizin bütün mənsublarını, şəhid ailələrini, qaziləri və müharibə iştirakçılarını ürəkdən təbrik edirəm.
Bu, Zəfər və bu, Vətən üçün canlarını fəda edən qəhrəman Şəhidlərimizin əziz xatirəsini sonsuz minnətdarlıq hissilə anır və onlara Allahdan rəhmət diləyirəm.
Dünya hərb tarixinə qəhrəmanlıq və peşəkarlıq nümunəsi kimi qızıl hərfləlrə yazılan, yeni milli kimliyimizi bəlirləyən, 200 illik milli faciələr silsiləsinə son qoyan və milli ləyaqət tariximizə çevrilən 8 Noyabr Günü hər bir azərbaycanlının və bütövlükdə, Türk dünyasının 21-ci yüzildəki Zəfər səlnaməsidir.
İllər keçsə də 44 günlük Vətən müharibəsində mislsiz igidlik və şücəat nümunələri yaratmış əsgər və zabitlərimizin qəhrəmanlığı və döyüşkən vətənpərvərlik ruhu; Ali Baş Komandan, Prezident İlham Əliyevin sərkərdərlik bacarığı, qətiyyəti, siyasi dühası və diplomatik məharəti, qələbəmizi təmin edən milli birlik və siyasi həmrəylik haqqında hər zaman ürəkdolusu və fəxarətlə danışılacaq.
Bu qələbəni Azərbaycan və onun Lideri təkcə döyüş meydanında vuruşaraq qazanmadı. Dünya erməniliyinin 100 illik maddi və siyasi resurslarını özündə cəmləyən Ermənistan və onu açıq müdafiə edən qlobal güclərin ölkəmizə qarşı açdığı digər cəbhələrdə - informasiya və diplomatiya cəbhəsində də mücadilə edərək, haqqımızı qoruyaraq və bütün iftiralara və təzyiqlərə sinə gərərək bu Zəfəri qazandıq.
İgidlərimizin noyabrın 8-də sıldırım qayaları aşaraq Qafqazın incisi olan Şuşanı azad etməsi müharibənin taleyini həll etdi. Müzəffər Ali Baş Komandan 10 noyabr Üçtərəfli Bəyanatı imzalamaqla bir tərəfdən Ermənistanın kapitulyasiyasını rəsmiləşdirdi, digər tərəfdən, Ağdam, Kəlbəcər və Laçın rayonlarını müqavimətsiz və itkisiz azad olunmasına nail oldu. Bu dünyanın son 100 illik tarixində işğal olunmuş ərazilərin hərbi-siyasi yolla azad etməyin yeni uğurlu nümunəsi idi. Bunun ardınca Qarabağın yerdə qalan hissəsinin 2023-cü ilin sentyabrında cəmi 1 günə işğalçılardan və separatçılardan tam təmizlənməsi, Rusiya sülhməramlılarının ölkəmizdən çıxarılması isə dövlətimizin bənzəri olmayan çox böyük tarixi qələbəsi idi.
Bəli, son 20 ildə Prezident İlham Əliyevin yeni baxışları və əlavə etdiyi müasir dövlətçilik anlayışı ilə daha da zənginləşən Heydər Əliyev siyasəti zirvələri fəth edərək Azərbaycanın nəyə qadir olduğunu dünyaya nümayiş etdirdi.
Azərbaycanın və onun Liderinin uğuru həm də onunla izah olunur ki, xalqımız torpaqlarımızın azad olunmasına qədər çox böyük inkişaf və tərəqqi yolu keçdi, 12 noyabrda 29 yaşını qeyd edəcəyimiz Ulu Öndərin müəllifi olduğu Konstitusiyamızda təsbit olunan müstəqil dövlət quruculuğuna sözdə yox, real həyatda nail oldu, siyasi, sosial, mədəni, iqtisadi sahələrdə və ən vacibi isə ordu quruculuğunda, vətənpərvər gənc nəslin yetişdirilməsində, vətəndaş cəmiyyətinin möhkəmlənməsində köklü dəyişiklərə və uğurlara imza atdı.
Lakin uğradıqları acı məğlubiyyəti heç cür həzm edə bilməyənlər və Azərbaycanın ərazi bütövlüyünü və suverenliyini bərpa etməsi ilə razılaşmayanlar ölkəmizə qarşı apardıqları savaşı dayandırmaq fikrində deyillər.
Bu dairələrin hədəfi dəyişməz olaraq qalır: ölkəmizin beynəlxalq nüfuzuna və əlaqələrinə ola biləcək qədər zərbə vurmaq, iftira və yalan kamapaniyasını genişləndirmək, sementləşən milli birliyimizi və siyasi həmrəyliyimizi zədələmək, qələbəmizi unutdurmaq və ya adiləşdirmək, ictimai mühütü zəhərləmək və ideoloji təhlükəsizliyimizi daim təhdid altında saxlamaq. Bunun üçün onlar hər cür çirkin üsullara əl atır, milli maraqlara hər zaman xəyanət etmiş AXCP və “Milli Şura” kimi cəmiyyətdən dışlanmış marginal qrupların, eyni zamanda, xaricdə kiraladıqları “azərbaycanlıları”n xidmətindən geniş şəkildə istifadə edirlər.
Ancaq onlar heç nəyə nail ola bilməyəcəklər! Azərbaycanda nə qədər güclü Lider, milli birliyik və həmrəylik var, nə qədər ki, milli birliyimizin və gücümüzün rəmzi olan “Dəmir yumruq” yerindədi anti-Azərbaycan qüvvələrin məkrli planlarının həyata keçməsi mümkün olmayacaq.
Zəfər Bayramın və Şuşa Şəhəri Günün mübarək və əbədi olsun, Azərbaycan xalqı!
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!