12-11-2024, 17:32
COP29-da Fransanın müstəmləkə siyasətinə etiraz
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində Bakı Təşəbbüs Qrupunun (BTQ) təşkilatçılığı ilə “Sülh və yaşıl dünya naminə müstəmləkəçiliyə son!” adlı aksiya keçirilib.
Aksiyada Fransanın müstəmləkəsi olan ada ölkələrdən fəallar iştirak ediblər. Onlar bu hərəkətlə Fransaya mesaj göndərmək niyyətində olduqlarını bildiriblər. Vurğulanıb ki, Cənubi Amerikada müstəmləkə vəziyyətində qalan yeganə ərazi Qvineyadır. Aksiya iştirakçıları, 2024-cü ildə də bəzi ölkələrin hələ də Fransanın tabeliyində qalmasına etiraz ediblər və Fransanı müstəmləkə siyasətini dayandırmağa çağırıblar. Fransa nəzarətində olan ərazilərin BMT-nin dekolonizasiya edilməli olan ərazilər siyahısına əlavə edilməsini tələb ediblər. Eyni zamanda, müstəmləkə altında qalan ərazilər üçün iqlim dəyişikliyi mövzusunda ədalətin təmin edilməsini istəyiblər.
Fəallar "Sülh və yaşıl dünya üçün müstəmləkəçiliyə son qoyulsun", "Gecikən ədalət, rədd edilən ədalətdir", "Təhsili və düşüncəni müstəmləkədən azad edək!", "Müstəmləkəçiliyə yox deyək!" kimi şüarlarla keçirilən dinc aksiyada etirazlarını çatdırıblar.
12-11-2024, 17:24
Azərbaycan COP29-u yüksək səviyyədə təşkil edib
Azərbaycan COP29-u yüksək səviyyədə təşkil edib.
Bu sözləri Polşa Prezidenti Anjey Duda Bakıda jurnalistlərə açıqlamasında deyib.
Dövlət başçısı bu gün Azərbaycan Prezidenti İlham Əliyevlə görüşdüyünü xatırladıb.
“İki ölkə arasında çox gözəl iqtisadi əlaqələr mövcuddur. O cümlədən enerji sahəsində əməkdaşlıq əlaqələrimizin ənənəvi hissəsini təşkil edir. İnanıram ki, bu əlaqələr ikitərəfli əməkdaşlığın digər sahələrində də dərinləşəcək”, - deyə Polşa Prezidenti əlavə edib.
12-11-2024, 17:15
Şarl Mişel İçərişəhərdə - FOTO
Avropa İttifaqı Şurasının Prezidenti Şarl Mişel İçərişəhəri ziyarət edib.
O, UNESCO Dünya İrs Siyahısına daxil olan İçərişəhəri ziyarəti zamanı onun zəngin tarixi irsi və memarlıq inciləri ilə yaxından tanış olub.
Qeyd edək ki,Avropa İttifaqı Şurasının Prezidenti COP29 tədbirində iştirak üçün Bakıya gəlib.
12-11-2024, 17:04
İlham Əliyev həmkarı ilə danışıqlar apardı
Azərbaycan Respublikasının Prezidenti İlham Əliyev noyabrın 12-də Polşa Respublikasının Prezidenti Andjey Duda ilə görüşüb.
12-11-2024, 16:51
İspaniya Baş naziri İlham Əliyevlə görüşündən yazdı: "Ona təşəkkür etdim"
İspaniya Baş naziri Pedro Sançez Prezidenti İlham Əliyevə qonaqpərvərlik və COP29 təşkilatçılığına görə təşəkkür edib.
Bu barədə Baş nazir öz "X" səhifəsində paylaşım edib.
"Mən İlham Əliyevlə görüşdüm və ona qonaqpərvərliyinə və COP29 təşkilatçılığına görə təşəkkür etdim. Biz, həmçinin ikitərəfli münasibətlərimizin vəziyyətini nəzərdən keçirdik və ölkələrimiz arasında diplomatik və iqtisadi əlaqələrin gücləndirilməsini davam etdirməyə razılaşdıq", - Baş nazir yazıb.
12-11-2024, 16:49
COP29-da Norveçin balıq ovuna etiraz edildi
COP29-da Norveç hökumətinin dərin dəniz hasilatı və balina ovu ilə bağlı qanununa qarşı etiraz aksiyası keçirilib.
Beynəlxalq təşkilatların, fəalların, fotoqrafların və müxtəlif ölkələrdən olan ekspertlərin dəstəyi əsasında İsveçrə, Kanada və Böyük Britaniya ekofəalları tərəfindən keçirilən aksiya "FINS" təşkilatının təşəbbüsü ilə COP29-un Yaşıl zonasında baş tutub.
İştirakçılar Norveç hökumətinin öz dəniz ərazilərində yerli hasilat şirkətlərinə dərin dəniz hasilatı üçün təbii ehtiyatlarının işlənməsinə lisenziyalar verməsi planları ilə bağlı dərin narahatlıqlarını ifadə ediblər.
Qeyd edilib ki, bu qərarla əlaqədar dünyanın hər yerindən olan bir çox alimlər mümkün nəticələri qiymətləndirmək üçün elmi tədqiqatlar aparılana qədər işlərin dayandırılmasını təkidlə tələb edirlər.
Vurğulanıb ki, hasilat üçün nəzərdə tutulan ərazi Böyük Britaniya ölçüsündədir və Norveç sərhədlərindən kənardakı su ekosistemlərinə təsir göstərəcək:
"Norveç hökumətinə öz dənizlərində hasilatın başlanmasına qarşı petisiyanı imzalayan 800-dən çox beynəlxalq alimi dinləməyə və öz planlarına yenidən baxmağa çağırırıq. Bundan əlavə, biz Norveçi qanuniləşdirilən, eyni zamanda, dövlət tərəfindən subsidiyalaşdırılan balina ovunu dayandırmağa səsləyirik. Balina ovuna kvotalar artmaqda davam edir: bu il 2023-cü illə müqayisədə 15%-dən çox artırılıb və ətin əksəriyyəti ev heyvanları üçün yem istehsalına gedir", - deyə aksiya iştirakçıları vurğulayıblar.
Aksiya iştirakçıları bildiriblər ki, onlar beynəlxalq ictimaiyyəti Norveç hökumətinin ekologiya əleyhinə olan bu qanunu ilə bağlı müraciətlərini dəstəkləməyə çağırırlar və Norveç xalqının unikal dəniz ekosistemlərini qorumaq, balina ovunu dayandırmaq üçün öz liderlərinə təzyiq göstərəcəyinə ümid edirlər.
12-11-2024, 16:46
Britaniyanın Baş naziri Bakıdan mesaj verdi
COP29-dayam, çünki Britaniya hökuməti dünyanın iqlim böhranında kritik bir nöqtədə dayandığını qəbul edir.
Bu sözləri COP29-da iştirak edən Britaniyanın Baş naziri Kir Starmer keçirdiyi mətbuat konfransında deyib. Onun sözlərinə görə, Böyük Britaniya 2035-ci ilə qədər emissiyaları 81 faiz azaltmağı hədəfləyir. O, iqlim böhranına qarşı mübarizənin milli təhlükəsizlik üçün əhəmiyyətini vurğulayıb. Baş nazir deyib ki, iqlim təhlükəsizliyi olmadan milli təhlükəsizlik, iqtisadi təhlükəsizlik və qlobal təhlükəsizlik mümkün deyil.
“Buna görə də biz bu COP-da bütün tərəfləri yenidən öz iddialı hədəflərini irəli sürməyə çağırmaq fürsətini dəyərləndirdik”,- deyə Kir Starmer qeyd edib.
Kir Starmer deyib ki, iqlim tədbirləri investisiya, daha yaxşı iş yerləri və gələcəyin texnologiyasını inkişaf etdirmək üçün bir fürsətdir. Baş nazir əlavə edib ki, bu, gələcək onilliklər ərzində bütün xalqların rifahını təmin etmək imkanıdır. O deyib ki, bunlar Böyük Britaniya hökumətinin maraqlandığı məsələlərdir.
12-11-2024, 16:43
Putin hərəkətə keçdi: Tramp and içənə qədər...
Rusiya prezidenti Vladimir Putin yanvarın 20-də Donald Trampın andiçmə mərasiminə qədər Ukrayna hərbçiləri tərəfindən ələ keçirilən Kursk vilayətindəki əraziləri geri qaytarmaq istəyir.
Bu barədə “The Telegraph” qəzeti Britaniya hərbi kəşfiyyatına istinadən yazıb.
Bildirilir ki, Rusiyanın yaxın günlərdə Ukrayna mövqelərinə pilotsuz uçuş aparatları (PUA) ilə kamikadze hücumlarının sayını artıracağı ehtimal edilir.
Qəzetin məlumatına görə, Putin bu məqsədlər üçün 50 min nəfərə qədər hərbçi yerləşdirməyi tapşırıb.
12-11-2024, 16:15
COP29 çox yüksək səviyyədə təşkil edilib - Kobaxidze
Bakıda olmaqdan və COP29 tədbirində iştirak etməkdən xüsusi məmnunluq duyuram.
Bu barədə AZƏRTAC-a müsahibəsində Gürcüstanın Baş naziri İrakli Kobaxidze COP29-da Mavi Zonada Gürcüstanın sərgi pavilyonunda deyib.
“Prezident İlham Əliyevin açılış mərasimindəki çıxışı çox möhtəşəm idi. Ümumiyyətlə, COP29 konfransı çox yüksək səviyyədə təşkil edilib. Tədbiri möhtəşəm təşkil etdiklərinə görə bütün təşkilatçılara minnətdarlığımı bildirirəm", - deyə İrakli Kobaxidze əlavə edib.
12-11-2024, 16:01
Türkiyə COP31-ə ev sahibliyi etmək istəyir
Türkiyə COP31-ə ev sahibliyi üçün müraciət edib.
Bunu Türkiyə Prezidenti Rəcəb Tayyib Ərdoğan Bakıda keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) çıxışı zamanı deyib.
O, bu namizədliyə dəstək verən ölkələrə təşəkkür edib, digər ölkələrin də dəstəyini gözlədiyini vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!