24-08-2025, 10:59
Ermənistan məhsulları Rusiyaya buraxılmadı
Rusiyaya ixrac edilən Ermənistan kənd təsərrüfatı məhsulları geri qaytarılıb.
Bu barədə Ermənistan parlamentinin deputatı Qarnik Danielyan sosial media hesabında paylaşım edib.
D.Qarnik bildirib ki, Gürcüstan vasitəsilə Rusiyaya ixrac edilən kənd təsərrüfatı məhsulları ilə dolu yük maşınları Ermənistana geri qayıdır.
Onun sözlərinə görə, sürücülər keçidə icazə verilməməsinə "fitosanitar problemlər"in səbəb göstərildiyini deyiblər.
Deputat digər yüklərlə, xüsusilə tikinti materialları ilə olan avtomobillərin də ciddi yoxlamaya məruz qaldığını bildirib.
D.Qarnik vurğulayıb ki, hakimiyyət hadisəyə adekvat reaksiya verməyib və vəziyyət təkcə iqtisadi deyil, həm də siyasi xarakter daşıyır.
24-08-2025, 10:13
34 yaşlı qadın qətlə yetirildi
Lənkəranda 34 yaşlı qadın qətlə yetirilib.
Hadisə Liman şəhəri ərazisində baş verib.
Belə ki, 1991-ci il təvəllüdlü Əfsanə Əkbər qızı Lələzadə bədən və boyun nahiyələrinin çoxsaylı kəsilmiş-deşilmiş yaraları ilə Lənkəran Rayon Mərkəzi Xəstəxanasına gətirilib. Lakin xəstəxanadan həkiməqədər ölüm faktı qeydə alındığı bildirilib. Qətli törətməkdə Ə.Lələzadənin həyat yoldaşı şübhəli bilinir.
Onun meyiti müayinə olunmaq üçün Məhkəmə Tibbi Ekspertiza və Patoloji Anatomiya Birliyinin Lənkəran Rayonlararası Zona Mərkəzinə təhvil verilib.
Faktla bağlı rayon prokurorluğunda araşdırma aparılır.
23-08-2025, 16:03
Kəlbəcərin bu kəndinə də KÖÇ OLACAQ
Kəlbəcər sakinləri artıq öz dədə-baba yurdlarına qovuşub. Bu həftə sakinlərin ilk qrupu 30 ildən artıq müddətdən sonra geri qayıdıblar.
Prezident İlham Əliyev və Birinci vitse-president Mehriban Əliyeva Kəlbəcərə köçən sakinlərlə görüşüb, söhbət ediblər.
Milli Məclisin Kəlbəcərdən olan sabiq deputatı, Kəlbəcər Ağsaqqallar Şurasının sədri Aqil Məmmədov bu münasibətlə danışıb.
O, özü və şəhər sakinlərinin adından Prezidentə təşəkkür edib:
“Kəlbəcər işğaldan azad olunandan sonra bura gəliş-gediş olub, eləcə də təsərrüfatla məşğul olan, müvəqqəti olsa da,mal-heyvanlarını saxlayanlar var. Amma bugünkü köç daimi yaşayış üçün ilkin addımdır. Kəlbəcər işğaldan azad olunandan bu yana ərazidə infrastruktur yenilənir, su və qaz çəkilişlərində, yaşayış binaların tikilməsində çox uğurlu layihələr icra olunub. Kəlbəcərlilər qayıdışı çox səbirlə gözləyirdilər. Biz bilirdik ki, cənab Prezident ilk qayıdış zamanı kəlbəcərlilərlə görüşəcək, onlara öz xeyir duasını verəcək. Bunu alqışlayırıq, sevinirik. Bu günə görə şükürlər olsun. Cənab Prezidentin fəaliyyəti dövründə uğurlarını saymaqla bitirmək olar. Kəlbəcərə ilk qayıdış növbəti bir uğur və inkişafla bağlı atılan addımdır. Bütün dünyaya mesajdır ki, hansı söhbətlər, proseslər gedirsə-getsin Azərbaycanda işğaldan azad olunmuş ərazilərlə bağlı dövlət proqramları gecikmədən öz həllini tapır. Mən cənab Prezidentə öz camaatımız adından minnətdaram. İlk köç Kəlbəcər şəhərinə oldu. Burada 3,4 və 5 mərtəbəli binalar tikilir. Bu binalarda camaatımız yaşayacaq. Çox enli, böyük prospekt salınıb. İnşallah o prospekti "Heydər Əliyev" prospekti qoyacağıq. Mən buna əminəm. İnsanlar artıq bu günü gözləyirlər. Yerdə qalan camaatımızın qonaq qismində Kəlbəcərə gediş-gəlişi artıq asanlaşacaq. Uğurlar arzulayıram. İnşallah, ikinci qayıdış planı uzun zaman almayacaq. Artıq bu gün Zar kəndində tikinti-quruculuq işləri gedir. Əminəm ki, yaxın vaxtlarda Zar kəndinə də köç başlayacaq. Kəlbəcərliləri təbrik edirəm".
A. Məmmədov vurğulayıb ki, Kəlbəcərə yerləşdirilən insanların işlə təmini məsələsi aidiyyəti qurumların nəzərindədir:
"Kəlbəcərə köçənlər arasında gənc ailələr də var. Eyni zamanda qayıdışın olduğu yerlərə seçib salmırlar. Köçürülməsi nəzərdə tutulan məntəqələrdə istər gənc, istərsə də Kəlbəcərdən məcburi köçkün düşmüş köhnə ailələr olsun, hər kəs siyahıya alınıb. Orada neçə nəfər yaşlı və ya gənc ailə var onu konkret olaraq deyə bilmərəm. Lakin burada gənclər üçün iş imkanları var. Burada "İstisu" zavodu fəaliyyət göstərir. Orada artıq sanatoriya tikilib təhvil verilib. Sosial obyektlər, məktəb, bağça, eyni zamanda xəstəxana fəaliyyət göstərir. Ora yerləşdirilən insanların işlə təmini məsələsi aidiyyəti qurumların nəzərindədir. Onların hər birinin işlə təmin olunması ilə bağlı lazımi addımlar atılacaq".
23-08-2025, 15:53
Lavrovla Ceyhun Bayramov danışıqlar apardı
Azərbaycanın xarici işlər naziri Ceyhun Bayramov rusiyalı həmkarı Sergey Lavrov ilə telefon danışığı zamanı regional və beynəlxalq təhlükəsizlik məsələlərini müzakirə edib.
Bu barədə Xarici İşlər Nazirliyi məlumat yayıb.
Məlumata görə, tərəflər arasında Azərbaycan-Rusiya ikitərəfli və çoxtərəfli gündəliyində duran bir sıra məsələlər, siyasi, iqtisadi və humanitar əməkdaşlığın müxtəlif aspektləri də müzakirə olunub.
Nazirlər Azərbaycan ilə Rusiya arasında iqtisadi əməkdaşlıq məsələləri üzrə Hökumətlərarası Dövlət Komissiyasının cari ilin 22 avqust tarixində Həştərxan şəhərində keçirilmiş son iclası barədə fikir mübadiləsi apararaq iclasın nəticələrini yüksək qiymətləndiriblər.
Telefon danışığı zamanı həmçinin qarşılıqlı maraq doğuran digər mövzular ətrafında fikir mübadiləsi aparılıb.
23-08-2025, 15:30
Azərbaycanla Suriya arasında mühüm görüş
Suriyanın daxili işlər naziri Ənəs Xəttab Azərbaycanın Dəməşqdəki müvəqqəti işlər vəkili Elnur Şahhüseynov ilə görüşüb.
Bu barədə Suriya Daxili İşlər Nazirliyi məlumat yayıb.
Görüş zamanı tərəflər ikitərəfli əməkdaşlığın genişləndirilməsi imkanlarını, o cümlədən təhlükəsizlik və daxili işlər orqanlarının fəaliyyətini müzakirə ediblər.
Tərəflərin fikrincə, sabitliyin möhkəmləndirilməsinə və iki ölkənin ümumi maraqlarına nail olunmasına töhfə verəcək təcrübə mübadiləsinə xüsusi diqqət yetirilib.
23-08-2025, 15:22
Qubada dağlıq ərazi yanır
Quba rayonu, Gədikqışlaq kəndində mürəkkəb relyefli dağlıq ərazidə yanğın başlayıb.
Bu barədə Fövqəladə Hallar Nazirliyi məlumat yayıb.
Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Hazırda yanğının söndürülməsi istiqamətində əməliyyat davam edir.
23-08-2025, 15:17
Əminə Ərdoğan xanım Trampa məktub yazdı
Türkiyənin birinci xanımı Əminə Ərdoğan ABŞ-nin birinci xanımı Melaniya Trampa məktub ünvanlayıb.
Məktubda Ərdoğan Melaniya Trampın Ukrayna uşaqlarına göstərdiyi dəstəyə toxunaraq, eyni həssaslığın Qəzzadakı uşaqlara da göstəriləcəyinə ümid etdiyini bildirib.
Əminə Ərdoğan vurğulayıb ki, uşaq hüquqları universaldır və əziyyət çəkənlərdən üz çevirmək humanitar məsuliyyətin itirilməsi deməkdir.
23-08-2025, 15:13
Bu marşrutda da Çin avtobusu istifadə ediləcək
Paytaxtın Badamdar qəsəbəsini Əhməd Cavad (Nizami bağı) küçəsi ilə əlaqələndirən 31 nömrəli marşrutda istismar olunan avtobusların mərhələli qaydada yenilənməsinə başlanılıb.
Azərbaycan Yerüstü Nəqliyyat Agentliyindən (AYNA) bildirilib ki, 2025-ci il Çin istehsalı olan “Yutong” markalı 4 müasir, komfortlu və iritutumlu avtobus avqustun 23-dən daşımalara cəlb edilib.
Yaxın aylarda xətdə olan digər avtobusların da yenilənməsi təmin ediləcək.
23-08-2025, 15:11
Ümid edirik, Rusiya da Minsk Qrupunun ləğvini dəstəkləyəcək - Bakıdan REAKSİYA
8 avqust Vaşinqton görüşü zamanı Azərbaycan və Ermənistan liderləri ABŞ Prezidentinin şahidliyi ilə ATƏT Minsk Qrupunun və əlaqədar strukturların buraxılması ilə bağlı qərar qəbul edib. Azərbaycan Xarici İşlər Nazirliyi artıq iki ölkənin ATƏT katibliyinə birgə müraciət etdiyi barədə ictimaiyyətə məlumat verib.
ATƏT-dən isə bildirilib ki, qurumun fəaliyyətdə olan sədri kimi Finlandiya Minsk prosesi və əlaqəli strukturların bağlanması ilə bağlı birgə müraciətinə cavab olaraq iştirakçı dövlətlərlə müzakirələrə rəhbərlik edəcək.
Prezident İlham Əliyev ötən gün Kəlbəcər şəhər sakinləri ilə görüşdə də Minsk Qrupu ilə bağlı məsələyə toxunub.
“Biz istədiyimizə nail olmuşuq, mənfur Minsk qrupu artıq son günlərini yaşayır. Faktiki olaraq o, heç bir fəaliyyət göstərmirdi və göstərə də bilməzdi. Ancaq hüquqi cəhətdən mövcud idi, indi onun da sonu yaxınlaşır”, - Dövlət başçısı vurğulayıb.
Qeyd edək ki, Fransa da Minsk Qrupunun ləğv edilməsinə dəstək verəcəyini bəyan edib. Artıq qrupun ləğvi ilə bağlı proses başlayıb.
Milli Məclisin Beynəlxalq münasibətlər və parlamentlərarası əlaqələr komitəsinin üzvü Zaur Şükürov bildirib ki, ATƏT-in Minsk Qrupu və əlaqəli orqanlarının ləğvi ilə bağlı prosesə start verilməsi çox mühüm hadisədir:
"Nəzərə alaq ki, Prezident İlham Əliyevin misilsiz liderliyi, sərkərdəliyi sayəsində regionda yaranan yeni reallıq nəticəsində bu prosesə start verilib. Artıq Ermənistanla Azərbaycan arasında normallaşma prosesi istiqamətində mühüm addımlar atılıb. Vaşinqton görüşü bunun bariz nümunəsidir. Görüş çərçivəsində imzalanmış birgə bəyannamə, eyni zamanda sülh sazişinin mətninin paraflanması qeyd etdiyim kimi bu istiqamətdə irəli atılmış addım kimi qiymətləndirilə bilər. Sülh sazişi təşəbbüsü Prezident cənab İlham Əliyevə məxsusdur. Sülh sazişinin layihəsi əsasən Azərbaycanın irəli sürdüyü 5 baza prinsipi əsasında hazırlanıb. Maddələr Azərbaycanın maraqlarına xidmət edir. Sülh sazişinin imzalanması ilə bağlı qarşıda duran manelər - Minsk Qrupunun ləğvi və Ermənistan konstitusiyasına dəyişiklik edilməsi ilə bağlı məsələlər, artıq Ermənistan tərəfinin diqqətinə çatdırılıb. Artıq bu məsələlərdən biri - Minsk Qrupunun və əlaqəli orqanların ləğvi ilə bağlı Azərbaycan və Ermənistan xarici işlər nazirləri ATƏT rəhbərliyinə məktub ünvanlayıblar. ATƏT katibliyi üzv dövlətlərə fərdi qaydada məlumat ötürüb. Prosesə artıq start verilib. ATƏT-in daxili prosedurlarına əsasən bu kimi məsələlər təşkilatın daimi nümayəndələr şurasının iclasında baxılır. Həftədə bir dəfə daimi nümayəndələr toplaşır. Növbəti mərhələdə ATƏT-in xarici işlər nazirləri şurasının iclasının gündəliyi müəyyən olunur. ATƏT-in xarici işlər nazirləri şurasının iclası bu ilin dekabrında keçiriləcək. Həmin iclas çərçivəsində digər məsələlərlə yanaşı ATƏT-in Minsk Qrupunun və əlaqəli orqanlarının ləğvi ilə bağlı məsələnin gündəliyə çıxarılması gözlənilir. ATƏT-in prosedurlarına uyğun olaraq, konsensus əsasında qərarlar qəbul olunur. Minsk Qrupunun həmsədr ölkələri Fransa və ABŞ bu prosesə dəstək olacaqlarını, artıq bəyan ediblər".
Z.Şükürov vurğulayıb ki, Minsk Qrupunun digər üzvü olan Rusiyanın da prosesə dəstək verəcəyinə ümid edilir:
"Aparıcı dövlətlər, həqiqətən də, regionda sülhün bərqərar olmasında maraqlıdırsa, Minsk Qrupunun və əlaqəli orqanlarının ləğvi ilə bağlı prosesə dəstək verməlidirlər. Əks münasibət,heç şübhəsiz, regionda sabitliyə, sülhə inkişafa xələl gətirən addım ola bilər. Unutmayaq ki, bu məsələ xüsusi olaraq ABŞ Prezidenti cənab Trampın diqqətdindədir. ABŞ Dövlət Departmeninin sözçüsü razılaşdırılmış məsələlərdə ABŞ Prezidentinin ciddi olduğunu açıqlayıb. Bu məsələlərin həllini çox vacib hesab edir. Bu baxımdan, Rusiya da ABŞ-nin bu mövqeyini nəzərə alıb, Minsk qupunun ləğvi prosesinə müsbət yanaşacaq və nəhayət konsensus əldə etmək mümkün olacaq. ATƏT-in Minsk Qrupunun üzvləri, həqiqətən, regionda sülhün, inkişafın, sabitliyin olmasında maraqlıdırsa, Minsk Qrupunun və əlaqəli orqanlarının ləğvi ilə bağlı müsbət cavab verəcəklər".
23-08-2025, 15:06
Ukrayna öz torpaqlarını verməyəcək - Zelenski
Onlar dəqiq bilirlər ki, Ukrayna öz torpaqlarını verməyəcək.
Bunu Prezident Volodimir Zelenski Dövlət Bayrağı Günü münasibətilə keçirilən şənliklərdə çıxışı zamanı deyib.
Zelenskinin sözlərinə görə, Ukrayna ən yaxşıları birləşdirir:
"Yalnız Ukrayna ilə birlikdə demokratik millətlərin təhlükəsizliyinə zəmanət verilə bilər".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!