17-02-2026, 23:04
Ukraynanın keçmiş ədliyyə naziri həbs olunub
Ukraynanın Korrupsiyaya qarşı Ali Məhkəməsi keçmiş ədliyyə naziri Qerman Qaluşenkonu 60 sutka müddətinə həbs edib.
O, 200 milyon qrivna (təxminən 4,6 milyon dollar) girov qarşılığında azadlığa buraxıla bilər. Qaluşenko apellyasiya şikayəti vermək niyyətində olduğunu bildirib.
Keçmiş nazir “Enerqoatom” şirkətinin vəsaitlərinin yuyulmasında ittiham olunur və ona 7-12 il həbs cəzası verilə biləcəyi bildirilir. Fevralın 15-də o, Ukraynanı tərk etməyə çalışarkən saxlanmışdı.
17-02-2026, 22:56
Hacıqabulda qəza - Sürücü öldü
Hacıqabulda sürücünün ölümü ilə nəticələnən yol-nəqliyyat hadisəsi baş verib.
Hadisə Bakı-Qazax magistralının Hacıqabul rayonunun Navahı kəndi ərazisindən keçən hissəsində qeydə alınıb.
Belə ki, KİA markalı avtomobilin digər minik avtomobili ilə toqquşması nəticəsində birincinin sürücüsü hadisə yerində ölüb.
Faktla bağlı araşdırma aparılır.
17-02-2026, 22:30
ABŞ narkotik gəmilərini vurdu: 11 nəfər öldü
ABŞ narkotik qaçaqmalçılarına məxsus gəmilərə zərbələr endirib.
ABŞ Silahlı Qüvvələri narkotik qaçaqmalçılığında istifadə edilən üç gəmiyə zərbələr endirib. Nəticədə 11 nəfər həlak olub.
ABŞ Silahlı Qüvvələrinin X platformasındakı açıqlamasına görə, kəşfiyyat məlumatları gəmilərin narkotik daşınmasında tanınmış marşrutlarla hərəkət etdiyini və qeyri-qanuni əməliyyatlarda iştirak etdiyini təsdiqləyib.
17-02-2026, 21:50
Kilsədə partlayış: Yaralananlar var
ABŞ-ın Nyu-York şəhəri yaxınlığında bir kilsədə güclü partlayış baş verib.
Partlayış nəticəsində ən azı beş nəfər xəsarət alıb, əlavə olaraq 13 nəfərin tibbi yardıma ehtiyacı olduğu bildirilir. Ciddi xəsarət almış yaralıların regional xəstəxanalara çatdırılması üçün iki tibbi helikopter çağırılıb.
Yerli sakinlər partlayışdan bir qədər əvvəl ərazidə kəskin qaz iyinin yayıldığını bildiriblər.
17-02-2026, 21:25
Rusiyadan iki min ukraynalı uşaq geri qaytarılıb
Ukrayna Prezidenti Volodimir Zelenski açıqlayıb ki, "Bring Kids Back UA" təşəbbüsü çərçivəsində Rusiyadan 2 min ukraynalı uşaq geri qaytarılıb.
Zelenski bu barədə öz "Telegram" kanalında paylaşım edib.
O bildirib ki, uşaqların geri qaytarılması insanların, ictimai təşkilatların və beynəlxalq tərəfdaşların gündəlik səyləri sayəsində mümkün olub. "Biz uşaqlarımızın, ölkəmizin və dünyanın gələcəyi uğrunda çalışan hər kəsə minnətdarıq", - deyə Ukrayna lideri vurğulayıb.
17-02-2026, 21:17
Şirvanda turistlər "Qırmızı kitab"a düşən quşları ovlayırlar?
Şirvan şəhərində xarici vətəndaşların adı "Qırmızı kitab"a düşən quşları ovladıqları bildirilir.
Bu barədə məlumat və görüntülər sosial şəbəkələrdə yayılıb.
İddialara görə, ov edən şəxslər Suriya vətəndaşlarıdır. Bildirilir ki, onlar Şirvanda yerləşən hotellərin birində qızılquşlarına yem məqsədilə təbiətdən tutulmuş bəzgək quşlarını saxlayırlar.
Mövzuya cavab olaraq Dövlət Ekoloji Təhlükəsizlik Xidmətindən bildirilib ki, bu iddia qurumun əməkdaşları tərəfindən yerində araşdırılıb:
"17 fevral 2026-ci il tarixində səhər saatlarında sözügedən hotelin ərazisinə keçirilən baxış zamanı ovlanmış bəzgək quşlarına rast gəlinməyib. Lakin qeyd olunan görüntülərin nə zaman çəkilməsi və qanun pozucularının kimliyinin müəyyən edilməsi ilə bağlı araşdırmalar davam etdirilir".
17-02-2026, 20:53
2026-cı ilin ilk Günəş tutulması başa çatdı
2026-cı ilin ilk Günəş tutulması başa çatıb.
Halqalı tutulma əsasən Antarktida və Cənub yarımkürəsinin digər bölgələrindən müşahidə olunub.
Bakı vaxtı ilə saat 13:56-da başlayan tutulma 18:27-də sona çatıb.
Növbəti Günəş tutulması avqustun 12-də olacaq və bu dəfə tam tutulma şəklində baş verəcək.
17-02-2026, 20:26
Vardanyan həbsinin 10 ilini ciddi rejimli müəssisədə çəkəcək
Azərbaycan Respublikasının Cinayət Məcəlləsinin sülh və insanlıq əleyhinə cinayətlər, müharibə cinayətləri, habelə terrorçuluq, terrorçuluğu maliyyələşdirmə ilə bağlı maddələri ilə və digər ağır cinayətlər üzrə 20 il hökm oxunan Ruben Vardanyanın cəzasını necə çəkəcəyi məlum olub.
O cəzasının ilk 10 ilini həbsxanada, qalan hissəsini ciddi rejimli cəzaçəkmə müəsisəsində çəkəcək.
11:27
Azərbaycan Respublikasının Cinayət Məcəlləsinin sülh və insanlıq əleyhinə cinayətlər, müharibə cinayətləri, habelə terrorçuluq, terrorçuluğu maliyyələşdirmə ilə bağlı maddələri ilə və digər ağır cinayətlərdə təqsirləndirilən Ermənistan vətəndaşı Ruben Vardanyanın barəsində cinayət işi üzrə açıq məhkəmə iclasında yekun məhkəmə qərarı (hökm) elan olunub.
Bakı Hərbi Məhkəməsində hakimlər Zeynal Ağayevin sədrliyi ilə, Camal Ramazanovdan və Anar Rzayevdən ibarət tərkibdə (ehtiyat hakim Günel Səmədova) keçirilən məhkəmə iclasında təqsirləndirilən şəxs bildiyi dildə, yəni rus dilində tərcüməçi, habelə müdafiəsi üçün dövlət hesabına vəkillə təmin olunub.
İclasda təqsirləndirilən şəxs, onun müdafiəçisi, zərərçəkmiş şəxslərin və zərərçəkmişlərin hüquqi varislərinin bir qismi və onların nümayəndələri, dövlət ittihamını müdafiə edən prokurorlar, həmçinin Azərbaycan dövləti adından zərərçəkmiş qismində Nazirlər Kabineti Aparatının rəhbəri Rüfət Məmmədov iştirak edib.
Hökmə əsasən, R.Vardanyan qəti olaraq 20 il müddətinə azadlıqdan məhrumetmə cəzasına məhkum edilib.
Xatırladaq ki, məhkəmə iclasında dövlət ittihamını müdafiə edən prokuror təqsirləndirilən R.Vardanyanın ömürlük azadlıqdan məhrum olunmasını təklif etmişdi.
***
Azərbaycan Respublikasının Cinayət Məcəlləsinin sülh və insanlıq əleyhinə cinayətlər, müharibə cinayətləri, habelə terrorçuluq, terrorçuluğu maliyyələşdirmə ilə bağlı maddələri ilə və digər ağır cinayətlərdə təqsirləndirilən Ermənistan vətəndaşı Ruben Vardanyanın barəsində cinayət işi üzrə açıq məhkəmə iclasında yekun məhkəmə qərarı (hökm) elan olunur.
Bakı Hərbi Məhkəməsində hakimlər Zeynal Ağayevin sədrliyi ilə, Camal Ramazanovdan və Anar Rzayevdən ibarət tərkibdə (ehtiyat hakim Günel Səmədova-red) keçirilən məhkəmə iclasında təqsirləndirilən şəxs bildiyi dildə, yəni rus dilində tərcüməçi, habelə müdafiəsi üçün dövlət hesabına vəkillə təmin olunub.
İclasda təqsirləndirilən şəxs, onun müdafiəçisi, zərərçəkmiş şəxslərin və zərərçəkmişlərin hüquqi varislərinin bir qismi və onların nümayəndələri, dövlət ittihamını müdafiə edən prokurorlar, həmçinin Azərbaycan dövləti adından zərərçəkmiş qismində Nazirlər Kabineti Aparatının rəhbəri Rüfət Məmmədov iştirak edir.
17-02-2026, 20:15
Telegramda 187 mindən çox kanal bloklandı
“Telegram” messenceri son həftələrdə kütləvi bloklama həyata keçirərək 187 min 634 qrup və kanalı dayandırıb.
Fevral ayından etibarən platforma 2,04 milyon icmaya çıxışı məhdudlaşdırıb, onlardan 7116-sı terrorizm əlaqəli olub. 2026-cı ilin əvvəlindən bloklanan qrup və kanalların ümumi sayı 7,5 milyona yaxınlaşıb və bu rəqəmə 27 382 terrorizm əlaqəli icma da daxildir.
Qeyd olunur ki, “Telegram”da 2015-ci ildən istifadəçi şikayətlərinə və maşın öyrənməsinə əsaslanan proaktiv monitorinq sistemi fəaliyyət göstərir, 2024-cü ildən isə süni intellekt əsaslı moderasiya alətləri də tətbiq olunub.
17-02-2026, 19:38
“Yığılan rüşvət Vasib Talıbovun göstərişi ilə Seymur Talıbova verilib”
Səfərbərlik və Hərbi Xidmətə Çağırış üzrə Dövlət Xidmətinin Naxçıvan Muxtar Respublikası üzrə Baş idarəsinin Şərur rayon şöbəsinin sabiq rəisi Həsən Məmmədovun başa çatan məhkəməsində bir sıra maraqlı məqamlar üzə çıxıb.
7 il 2 ay müddətinə azadlıqdan məhrum edilən polkovnik-leytenantın ümumillikdə 223 nəfərdən 505.730,00 manat rüşvət aldığı müəyyənləşb.
Maraqlıdır ki, Həsən Məmmədov məhkəmədə Naxçıvan MR Səfərbərlik və Hərbi Xidmətə Çağırış üzrə Dövlət Xidmətinin rəisi Mirzə Cəlilovun adını çəkib. O, Mirzə Cəlilovun tapşırığına uyğun olaraq, 3 illik möhlət almış çağırışçılardan təkrar tibbi müayinə zamanı 3000 manat, sülh dövründə hərbi xidmətə yararsız, müharibə dövründə məhdud yararlılar üçün hərbi biletin verilməsindən ötrü 5000 manat, möhlət hüququ almaq istəyən çağırışçılardan 1800 manat məbləğində rüşvət alınaraq xidmət rəsinə çatdırıldığını bildirib.
Ən maraqlı məqam odur ki, Mirzə Cəlilov da öz ifadəsində Ali Məclisin sabiq sədri Vasif Talıbov və oğlu Seymur Talıbovun adını çəkib: “Möhlət hüququ verilmiş çağırışçılardan ümumilikdə təxminən 800-900 min manat rüşvət toplayaraq Ali Məclisin sabiq sədri Vasif Talıbovun göstərişi əsasında Seymur Talıbovun sürücüsü Həsən adlı şəxsə vermişəm. Seymur Talıbova verdiyim 900 min manat puldan mənə 10 faiz, təxminən 80 min manat çatıb. 7 faiz isə rayon şöbə rəisinin idi”.
Qeyd edək ki, Naxçıvan Muxtar Respublikasının Səfərbərlik və Hərbi Xidmətə Çağırış üzrə Dövlət Xidmətinin sabiq rəisi Mirzə Cəlilov da Cinayət Məcəlləsinin 311.3.1, 311.3.2, 311.3.3, 32.5, 321.1 və 341.1-ci maddələri təqsirləndirilib. O, 10 il müddətinə azadlıqdan məhrum edilib. Qeyd edək ki, Həsən Məmmədov 2018-2023-cü illərdə, Mirzə Cəlilov isə 2024-cü ilədək vəzifədə olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!