Xəbərlərin siyahısı: 01.03.2026 » Səhifə 4

1-03-2026, 09:46

Xameneidən sonra İranla danışıqlar "daha asan" olacaq - Tramp

ABŞ Prezidenti Donald Tramp bəyan edib ki, İranın ali dini lideri Ayətullah Əli Xameneinin öldürülməsindən sonra Tehranla razılığa gəlmək "çox daha asan" olacaq.
Amerika lideri bunu "CBS News"a telefonla verdiyi müsahibədə deyib.
Onun fikrincə, ABŞ və İsrailin Xameneinin ölümü ilə nəticələnən hücumları "effektiv olub" və diplomatiyaya yol aça bilər.
"İndi dünənkindən çox daha asandır, aydındır. Çünki onlara (İrana - red.) bərk zərbə vururlar", - Tramp böhranın diplomatik nizamlanması perspektivləri haqqında suala cavab verərkən deyib.
O həmçinin Xameneinin ölümündən sonra İran lideri postuna "bir neçə uyğun namizəd" olduğunu bildirib, lakin təfərrüatlara varmayıb.
Xatırladaq ki, ABŞ və İsailin İrana hücumları nəticəsində İranın Dövlət Xəbər Agentliyi Əli Xameneinin öldürüldüyünü təsdiqləyib.

Xameneidən sonra İranla danışıqlar "daha asan" olacaq - Tramp

1-03-2026, 09:37

İranda 148 məktəbli qız həlak oldu

İranda Minab şəhərinə edilən hücum nəticəsində 148 məktəbli qız həlak olub.
Yerli hakimiyyət orqanlarının açıqlamasına görə, hücum zamanı daha 95 nəfər müxtəlif dərəcəli bədən xəsarətləri alıb.
Yaralılar ətraf xəstəxanalara yerləşdirilib və onlara tibbi yardım göstərilir.

İranda 148 məktəbli qız həlak oldu

1-03-2026, 09:19

SEPAH-ın yeni baş komandanı üzə çıxdı

İslam İnqilabı Keşikçiləri Korpusunun (SEPAH) yeni baş komandanı təyin edilib.
Verilən məlumata görə, briqada generalı Əhməd Vahidi İran İslam İnqilabı Keşikçiləri Korpusunun yeni baş komandanı təyin edilib.
Xatırladaq ki, İranın rəsmi mediası ABŞ və İsrailin hücumları nəticəsində İslam İnqilabı Keşikçiləri Korpusunun (SEPAH) komandanı, general-mayor Məhəmməd Pakpurun həlak olduğunu açıqlayıb.

SEPAH-ın yeni baş komandanı üzə çıxdı

1-03-2026, 09:10

İran Ərbildəki ABŞ aviabazasına zərbə endirdi

Bu gün səhər saatlarında İranın hücumundan sonra İraqın Ərbil beynəlxalq hava limanında yerləşən ABŞ aviabazasında yanğın baş verib.
Qeyd edək ki, İran ABŞ-İsrail hücumlarına cavab olaraq, İraqın Ərbil şəhəri də daxil olmaqla, Yaxın Şərqdəki ABŞ hərbi bazalarına raket zərbələri endirib.

İran Ərbildəki ABŞ aviabazasına zərbə endirdi

1-03-2026, 09:03

Xameneinin öldürülməsi cavabsız qalmayacaq - Pezeşkian

"İranın Ali Lideri Əli Xameneinin qətli cinayətdir və cəzasız qalmayacaq".
Bu sözləri İslam Respublikasının Prezidenti Məsud Pezeşkian deyib.
"Bu dəhşətli cinayət cavabsız qalmayacaq və İslam dünyasının tarixində yeni bir səhifə açacaq", - deyə o, "Telegram" kanalında yazıb.

Xameneinin öldürülməsi cavabsız qalmayacaq - Pezeşkian

1-03-2026, 08:57

SEPAH Komandanı və Əli Şamxani ÖLDÜRÜLDÜ

İranın Ali Rəhbəri Əli Xameneinin müşaviri admiral Əli Şamxani və İslam İnqilabı Keşikçiləri Korpusunun (SEPAH) komandanı general-mayor Məhəmməd Pakpur da ABŞ-İsrail aviazərbələri nəticəsində öldürülüb.
İran Dövlət Televiziyası onların ölümünü təsdiqləyib.
Məlumata görə, hücumlar zamanı İranın ali dini rəhbərinin müşaviri Əli Şamxani də öldürülüb. Artıq Pakpurun yerinə briqada generalı Əhməd Vahidi təyin edilib.
Xatırladaq ki, ABŞ və İsailin İrana hücumları nəticəsində İranın Dövlət Xəbər Agentliyi Ali Dini Lider Seyid Əli Xameneinin öldürüldüyünü təsdiqləyib.

SEPAH Komandanı və Əli Şamxani ÖLDÜRÜLDÜ

1-03-2026, 08:43

Xameneinin ailə üzvlərinin öldürüldüyü TƏSDİQLƏNDİ

İranın ali dini lideri Əli Xameneinin qızı, kürəkəni və nəvəsi ABŞ ilə İsrailin endirdiyi hava zərbələri nəticəsində həlak olublar.
Bildirilib ki, ali dini lideirn dəftərxanası onun qızı, kürəkəni və nəvəsinin ölüm xəbərini agentliyə təsdiqləyib.
Həmçinin qeyd olunub ki, Xameneinin gəlinlərindən biri də şənbə günü səhər saatlarında baş verən hücumda ölüb.
Onu da bildirək ki, Tehran şəhər şurasının üzvü Meysəm Müzəffər Xameneinin kürəkəni və gəlininin həlak olduğunu bildirmişdi.
Daha əvvəl ABŞ Prezidenti Donald Tramp İranın ali dini lideri Əli Xameneinin də öldürüldüyünü bəyan edib.
Xatırladaq ki, ABŞ və İsrail fevralın 28-də İrana qarşı hərbi əməliyyata başlayaraq respublikanın şəhərlərinə hava zərbələri endirib. İran da cavab olaraq İsrail ərazisinə raketlər buraxıb. Bundan əlavə, İran qüvvələri ABŞ-nin Fars körfəzi ölkələrində yerləşən on dörd hərbi bazasına hücum edib. Yaxın Şərqdəki vəziyyətlə əlaqədar regionun bəzi ölkələri hava məkanını müvəqqəti olaraq bağlayıb.

Xameneinin ailə üzvlərinin öldürüldüyü TƏSDİQLƏNDİ

1-03-2026, 08:36

İranda 40 gün matəm elan olundu

İran hökuməti ölkənin ali dini rəhbəri Əli Xameneinin ölümü ilə əlaqədar 40 günlük ümummilli matəm elan edib.
Məlumata görə, həmçinin ölkə daxilində yeddi gün iş olmayacaq.
Daha əvvəl İranın dövlət mediası ali rəhbər Əli Xameneinin ölümünü təsdiqləyib.

İranda 40 gün matəm elan olundu

1-03-2026, 08:30

Xamenei öldürüldü - RƏSMİ

İranın ali dini rəhbəri Əli Xamenei ABŞ və İsrailin hücumları nəticəsində öldürülüb.
Bu barədə İranın Dövlət Xəbər Agentliyi (İRNA) məlumat yayıb.
"İslam İnqilabının ali rəhbəri şəhid olub", - məlumatda bildirilib.
Qeyd olunub ki, o, ABŞ və İsrailin hücumları nəticəsində həlak olub.

Xamenei öldürüldü - RƏSMİ

1-03-2026, 01:34

Ərdoğandan ABŞ və İsrailin İrana hücumlarına REAKSİYA

Türkiyə Prezidenti Rəcəb Tayyib Ərdoğan İstanbulda çıxışı zamanı ABŞ və İsrailin İrana hücumlarından kədərləndiyini və narahat olduğunu bildirib.
Bu barədə “Sabah” qəzeti məlumat yayıb.
"Netanyahunun (İsrail Baş naziri) təhriki ilə başlayan ABŞ-İsrail hücumlarından dərin kədərləndik və narahatıq", - deyə Türkiyə Prezidenti bildirib.
Ərdoğan qeyd edib ki, əvvəllər ABŞ Prezidenti Donald Tramp və İran Prezidenti Məsud Pezeşkianla telefon danışıqları aparıb, lakin iki tərəf arasında etimadı bərpa etmək mümkün olmayıb.

Ərdoğandan ABŞ və İsrailin İrana hücumlarına REAKSİYA