20-03-2026, 15:19
ABŞ-İsrail kolasiyası İranda müharibə başlatdı - Qalib Rusiya oldu
“İsrail və Amerikanın İranda başlatdığı müharibənin ən böyük qalibi Rusiyadır”.
Bunu Qətərin “Əl-Cəzirə” telekanalının məhşur aparıcısı Ahmad Mansur X-də bildirib.
“Amerikanın əvvəllər Rusiya neftinə tətbiq etdiyi embarqo indi aradan qaldırılıb, neftin qiyməti qalxıb, Rusiyaya milyardlarla dollar axır və mənfəət dəfələrlə artdı. Üstəlik, Amerikanın müttəfiqləri Vaşinqtonun silahlarına olan inamı itirdilər. Gələcəkdə onların Rusiya və Çinin hədəfi olacağı şübhəsizdir”.
19-03-2026, 19:03
Xırdalanda qəza - Motosiklet sürücüsü öldü
Xırdalanda ölümlə nəticələnən yol qəzası baş verib.
Qeyd edilib ki, Qalubiyyə küçəsində avtomobil motosikletə çırpılıb.
Nəticədə motosiklet sürücüsü dünyasını dəyişib.
19-03-2026, 18:55
İsrail ilk dəfə Xəzərdəki İran gəmilərinə hücum edib - TƏSDİQLƏNDİ
İsrail Müdafiə Qüvvələri Xəzər dənizindəki İran hərbi gəmilərinə zərbələr endirdiyini açıqlayıb.
İsrail Müdafiə Qüvvələri Xəzər dənizində İran hərbi gəmilərinə ilk dəfə hücum etdiyini təsdiqləyib.
Bu barədə İsrail Müdafiə Qüvvələrinin mətbuat xidməti bildirib.
"İsrail Hərbi Hava Qüvvələri 28 fevralda hərbi əməliyyatın başlanğıcından bəri ilk dəfə olaraq Xəzər dənizində bir sıra əsas İran hərbi dəniz infrastruktur obyektlərinə hücum etdi", - deyə Müdafiə Qüvvələrinin mətbuat xidməti bəyan edib.
19-03-2026, 18:40
ABŞ-nin Azərbaycandakı səfirliyi müvəqqəti bağlanır
ABŞ-nin Bakıdakı səfirliyi Novruz və Ramazan bayramları münasibətilə 20–24 mart tarixlərində bağlı olacaq və 25 mart tarixində fəaliyyətini bərpa edəcək.
Bu barədə səfirlik məlumat yayıb.
“ABŞ səfirliyi adından hər kəsə təhlükəsiz və xoş bayram arzulayırıq.Əgər siz ABŞ vətəndaşısınızsa və bu müddət ərzində təcili yardıma ehtiyacınız yaranarsa, +994 12 488 33 00 nömrəsi ilə əlaqə saxlaya bilərsiniz. Yaxın Şərqdə olan ABŞ vətəndaşları üçün konsulluq məlumatı və ya yardım almaq məqsədilə Dövlət Departamentinin 24/7 fəaliyyət göstərən Qaynar Xətti ilə əlaqə saxlayın: xaricdən +1-202-501-4444, ABŞ daxilindən isə 1-888-407-4747”,-məlumatda deyilir.
19-03-2026, 18:28
Nazirin müavinlərinin sayı artırıldı
Əmək və əhalinin sosial müdafiəsi nazirinin müavinlərinin sayı artırılıb.
Bu, Prezident İlham Əliyevin müvafiq fərmanı ilə təsdiqlənən "Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”yə edilən dəyişiklikdə əksini tapıb.
Fərmana əsasən, nazirin Azərbaycan Respublikasının Prezidenti tərəfindən vəzifəyə təyin və vəzifədən azad edilən müavinlərinin sayı 5-ə çatdırılıb.
Əvvəl nazirin dörd müavini var idi.
19-03-2026, 18:19
Zaur Əliyev vəzifəsini itirdi
Xəbər verdiyimiz kimi, İcbari Tibbi Sığorta üzrə Dövlət Agentliyinin (İTSDA) əhalinin icbari tibbi sığortası sahəsində səlahiyyətləri Əmək və Əhalinin Sosial Müdafiəsi Nazirliyinə (ƏƏSMN) həvalə edilib.
Bununla bağlı Prezident İlham Əliyev Fərman imzalayıb.
Bununla da Agentliyin İdarə Heyətinin sədri Zaur Əliyev vəzifə səlahiyyətlərini itirib. Onun səlahiyyətləri əmək və əhalinin sosial müdafiəsi naziri Anar Əliyevə həvalə olunub.
19-03-2026, 18:14
Azərbaycanda yeni agentlik yaradıldı
İcbari Tibbi Sığorta üzrə Dövlət Agentliyinin (İTSDA) əhalinin icbari tibbi sığortası sahəsində səlahiyyətləri Əmək və Əhalinin Sosial Müdafiəsi Nazirliyinə (ƏƏSMN) həvalə edilib.
Prezident İlham Əliyev əhalinin icbari tibbi sığortası sahəsində idarəetmənin təkmilləşdirilməsi ilə bağlı bir sıra tədbirlər haqqında Fərman imzalayıb.
Fərmanla İTSDA və ƏƏSMN-nin tabeliyində Dövlət Tibbi-Sosial Ekspertiza və Reabilitasiya Agentliyi publik hüquqi şəxsin birləşmə formasında yenidən təşkili yolu ilə nazirliyin tabeliyində Dövlət Tibbi Sığorta və Ekspertiza Agentliyi publik hüquqi şəxs yaradılıb.
19-03-2026, 18:05
İcbari Tibbi Sığortanın bu səlahiyyətləri TƏBİB-ə verildi
İcbari Tibbi Sığorta üzrə Dövlət Agentliyinin sığortaolunanların dərman və tibb vasitələri ilə təmin edilməsi ilə bağlı hüquq və öhdəlikləri Tibbi Ərazi Bölmələrini İdarəetmə Birliyinə keçib.
Prezident İlham Əliyev bu barədə Fərman imzalayıb.
19-03-2026, 17:56
İlham Əliyev MDB ilə bağlı vacib sənədi TƏSDİQLƏDİ
Prezident İlham Əliyevin fərmanı ilə “Şəxslərin dövlətlərarası axtarışı haqqında Müstəqil Dövlətlər Birliyinin iştirakçısı olan dövlətlərin 2010-cu il 10 dekabr tarixli Müqaviləsində düzəlişlər edilməsi barədə Protokol”un təsdiqlənib.
Fərmana əsasən, 2024-cü il oktyabrın 8-də Moskva şəhərində Azərbaycan Respublikası tərəfindən qeyd-şərtlə imzalanmış “Şəxslərin dövlətlərarası axtarışı haqqında Müstəqil Dövlətlər Birliyinin iştirakçısı olan dövlətlərin 2010-cu il 10 dekabr tarixli Müqaviləsində düzəlişlər edilməsi barədə Protokol” təsdiq edilib.
Bu Fərmanda göstərilən Protokol qüvvəyə mindikdən sonra Azərbaycan Respublikasının Daxili İşlər Nazirliyi və Azərbaycan Respublikasının Dövlət Təhlükəsizliyi Xidməti onun müddəalarının həyata keçirilməsini təmin etməlidir.
Xarici İşlər Nazirliyi Protokolun qüvvəyə minməsi üçün zəruri olan dövlətdaxili prosedurların yerinə yetirildiyi barədə Müstəqil Dövlətlər Birliyinin İcraiyyə Komitəsinə bildiriş göndərməlidir.
19-03-2026, 17:52
ABŞ İran neftinə sanksiyaları ləğv edə bilər
Vaşinqton tankerlərdə saxlanılan İran neftinə qarşı sanksiyaların ləğvi imkanlarını araşdırır.
Bu barədə "Bloomberg" məlumat yayıb.
Bildirilib ki, ABŞ-nin maliyyə naziri Skott Bessent bu barədə məlumat verib.
Bessentin sözlərinə görə, bu qərar İran neftini Çindən kənar bazarlara, o cümlədən Avropaya yönəldə bilər. O, həmçinin qeyd edib ki, Vaşinqton strateji ehtiyatlarından əlavə neft buraxmağı nəzərdən keçirə bilər.
Nazir vurğulayıb ki, ABŞ neft bazarlarına müdaxilə etmir və bunu etmək planı da yoxdur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!