5-03-2026, 10:38
Azərbaycan Avropa enerji
bazarında mövqeyini gücləndirir
Azərbaycan Prezidenti İlham Əliyev Bakıda keçirilən Cənub Qaz Dəhlizi Məşvərət Şurası çərçivəsində nazirlərin 12-ci və Yaşıl Enerji Məşvərət Şurası çərçivəsində nazirlərin 4-cü iclasında çıxış edərək enerji təhlükəsizliyi, qaz təchizatının genişləndirilməsi, yaşıl enerji gündəliyi və Azərbaycanın qlobal enerji bazarındakı roluna dair mühüm mesajlar verdi. Enerji təhlükəsizliyi məsələlərinin müzakirə yolu ilə həlli və ölkələrin bir masa ətrafında toplaşması indi hər zamankından daha böyük əhəmiyyət daşıdığını vurğuladı.
Prezident qeyd etdi ki, təşəbbüsün başlanmasından 12 il ötür və bu müddət ərzində dünya müxtəlif çətinliklər, mürəkkəb geosiyasi proseslər və enerji böhranları ilə üzləşib. Bütün bunlara baxmayaraq, Azərbaycan tərəfdaşları ilə birlikdə bir sıra ölkələrin enerji təhlükəsizliyinin təmin olunmasına nail olub və bu, artıq gündəlik həyatda hiss edilən reallığa çevrilib. Ötən il Bakıda keçirilən son görüşdən sonra da irəliləyişin davam etdiyi xüsusi vurğulandı.
Dövlət başçısı bildirdi ki, Azərbaycan hazırda 16 ölkəyə qaz tədarük edir və boru kəmərləri vasitəsilə qaz ixrac etdiyi ölkələrin sayına görə dünyada birinci yerdədir. Qaz təchizatının coğrafiyası artıq Avropa hüdudlarını da aşaraq yeni istiqamətləri əhatə edir. İlk dəfə olaraq Suriyaya qaz tədarükünə başlanılıb və 1,5 milyard kubmetr həcmində ixrac həmin ölkədə elektrik enerjisi qıtlığının azaldılmasına töhfə verir. Prezident vurğuladı ki, qaz təchizatının şaxələndirilməsi həm istehlakçı, həm də istehsalçı ölkələr üçün həyati əhəmiyyət daşıyır.
Azərbaycanın Avropa enerji bazarındakı mövqeyi də güclənməkdədir. Artıq Almaniya və Avstriyaya qaz tədarükünə başlanılıb və bununla da Avropa İttifaqının 10 üzv dövləti Azərbaycandan qaz alır. Bununla yanaşı, hasilatın artırılması istiqamətində konkret planlar mövcuddur. Cari ildə “Azəri-Çıraq-Günəşli” yatağının dərin qaz laylarından hasilatın başlanması gözlənilir. Yaxın illərdə “Abşeron” yatağının tammiqyaslı işlənməsi və “Ümid” yatağının ikinci mərhələsi üzrə hasilatın başlanması planlaşdırılır. 2028-ci ildə isə “Şahdəniz” yatağında yeni mərhələnin istismara verilməsi nəzərdə tutulur. Bu layihələr maksimum səviyyədə əlavə 10-15 milyard kubmetr qaz hasilatına imkan yaradacaq. Prezident qeyd etdi ki, bunun üçün mövcud nəqliyyat infrastrukturunun genişləndirilməsi zəruridir, çünki Cənub Qaz Dəhlizi artıq tam yüklənib.
Prezident eyni zamanda bildirdi ki, 240 meqavat gücündə regionun ən böyük külək elektrik stansiyası istifadəyə verilib və layihə “ACWA Power” tərəfindən reallaşdırılıb. Bundan əvvəl isə “Masdar” şirkəti tərəfindən 230 meqavat gücündə Günəş elektrik stansiyası inşa olunub. Bir sıra yeni layihələr icra mərhələsindədir və xarici sərmayəçilərlə yanaşı, SOCAR və özəl yerli şirkətlər də alternativ enerji sahəsinə investisiya yatırırlar.
Azərbaycan Avropaya Qara dənizin dibi ilə uzanacaq enerji kabeli və Mərkəzi Asiyadan ölkəmizə gələcək enerji kabeli layihələri üzərində də iş aparır. Müvafiq müqavilələr artıq imzalanıb, layihələrdən birində iqtisadi-texniki əsaslandırma mərhələsi yekunlaşmaq üzrədir. Prezidentin sözlərinə görə, bu layihələr bir çox ölkələrin enerji təhlükəsizliyi üçün ekzistensial əhəmiyyət daşıyacaq.
Dövlət başçısı bəyan etdi ki, 2032-ci ilə qədər alternativ enerji mənbələrindən 6-8 giqavat elektrik enerjisi istehsalı planlaşdırılır. Bu, daxili tələbatın qarşılanması, iqtisadiyyatın və sənayenin inkişafı, eləcə də ixrac imkanlarının genişləndirilməsi baxımından böyük potensialdır. ABŞ ilə imzalanmış Strateji Tərəfdaşlıq Xartiyasının enerji, süni intellekt və digər sahələrdə əməkdaşlıq üçün geniş imkanlar açdığı vurğulandı.
Prezident həmçinin işğaldan azad edilmiş ərazilərdə hidroelektrik stansiyalara yatırılan investisiyalar barədə də məlumat verdi.
Çıxışında Prezident praqmatik yanaşmanın vacibliyini xüsusi vurğuladı. O qeyd etdi ki, bərpaolunan enerji mənbələrinin inkişafı ilə yanaşı, faydalı qazıntı yanacaqlarını tamamilə nəzərdən kənarda qoymaq real deyil. Azərbaycan həm qaz ehtiyatlarını effektiv şəkildə dəyərləndirir, həm də yaşıl enerjiyə milyardlarla sərmayə yatırır.
Sonda dövlət başçısı Azərbaycanın etibarlı tranzit ölkə roluna da diqqət çəkdi: “Qazaxıstan və Türkmənistan neftinin tranziti ildən-ilə artır və ölkənin infrastrukturu daha böyük həcmləri qəbul etməyə imkan verir. Türkiyədə 870 meqavat gücündə elektrik stansiyasının əldə olunması, Serbiyada 500 meqavatlıq stansiyanın inşasına dair müqavilənin imzalanması, eləcə də İtaliyada ümumi emal gücü 10 milyon ton olan iki neftayırma müəssisəsinin alınması Azərbaycanın enerji sahəsində beynəlxalq mövqeyini daha da gücləndirir. Egey dənizi sahillərində mövcud 12 milyon tonluq müəssisə ilə birlikdə Aralıq və Egey hövzəsində ümumi 22 milyon tonluq emal potensialı formalaşıb ki, bu da qlobal enerji təchizatında mühüm rol oynayacaq”.
Malik Məmmədov
Abşeron Rayon İcra Hakimiyyəti başçısının Xırdalan şəhər İƏD üzrə nümayəndəsi
4-03-2026, 18:35
İran-Türkiyə sərhədində məhdudiyyət
İran öz vətəndaşlarının Türkiyə istiqamətində sərhədi keçməsinə müvəqqəti məhdudiyyət tətbiq edib.
Vunu Türkiyənin daxili işlər naziri Mustafa Çiftçi açıqlayıb.
Nazir bildirib ki, hazırda İran-Türkiyə sərhədində Türkiyə vətəndaşlarının və üçüncü ölkə vətəndaşlarının keçidinə icazə verilir.
Onun sözlərinə görə, Türkiyə tərəfi də İran vətəndaşlarının öz ölkələrinə qayıdışına maneə yaratmır. Mövcud vəziyyətin sabit olduğu vurğulanıb. Sərhəd-keçid məntəqələrində hər hansı fövqəladə sıxlıq və ya gərginlik müşahidə edilmir və narahatlıq doğuran durum yoxdur.
4-03-2026, 18:14
ABŞ İrana qarşı əməliyyatları dərinləşdirir
İran müharibənin ilk günləri ilə müqayisədə daha az raket atır.
Bu barədə ABŞ Baş Qərargah Rəisləri Komitəsinin sədri Dan Caine deyib.
O, İranın hərbi imkanlarının ciddi şəkildə zəiflədiyini vurğulayıb.
ABŞ zərbələri bundan sonra İran ərazisinin daha dərin hissələrinə doğru genişləndiriləcək. Bu addımın ABŞ qüvvələri üçün əlavə əməliyyat imkanları yaratdığı qeyd olunur.
ABŞ-ın müdafiə naziri Pete Hegseth müharibədə üstünlüyün Vaşinqtonun tərəfində olduğunu bildirib. Münaqişə başlayandan indiyədək 6 amerikalı hərbçi həlak olub.
4-03-2026, 17:53
Samir Nuriyev nazirləri topladı - Məruzələri dinlədi
Martın 4-də Birləşmiş Millətlər Təşkilatının Ümumdünya Şəhərsalma Forumunun On Üçüncü sessiyasının (WUF13) təşkili ilə əlaqədar yaradılmış Təşkilat Komitəsinin növbəti iclası keçirilib.
Azərbaycan Respublikası Prezidenti Administrasiyasının rəhbəri, Təşkilat Komitəsinin sədri Samir Nuriyev iclası açaraq, dövlətimizin sosial-iqtisadi siyasətində şəhərsalma fəaliyyətinin Azərbaycan Respublikasının Prezidenti tərəfindən əsas strateji hədəflərdən biri kimi müəyyən edildiyini vurğulayıb. O, 2026-cı ilin ölkəmizdə “Şəhərsalma və Memarlıq İli” elan edilməsinin şəhərsalma sahəsinə verilən əhəmiyyətin növbəti ifadəsi olduğunu bildirib.
Təşkilat Komitəsinin sədri dövlətimizin başçısının rəhbərliyi ilə paytaxt və regionların tarazlı inkişafının təmin edilməsi və dayanıqlı məskunlaşmanın təşviqi istiqamətində həyata keçirilən ardıcıl, məqsədyönlü tədbirlərin ölkənin hərtərəfli inkişafında mühüm rol oynadığını qeyd edib.
Samir Nuriyev Azərbaycanın qlobal şəhərsalma proseslərini diqqət mərkəzində saxlayan bir ölkə olaraq, bu sahədə innovativ yanaşmaları irəli sürdüyünü və onları praktiki müstəvidə uğurla tətbiq etdiyini diqqətə çatdırıb. Belə ki, öz miqyasına, əhatə dairəsinə və sürətinə görə qlobal səviyyədə nadir nümunələrdən biri olan Qarabağ və Şərqi Zəngəzur iqtisadi rayonlarında həyata keçirilən genişmiqyaslı bərpa və quruculuq prosesinin bunun ən bariz təzahürü olduğunu söyləyib. Eyni zamanda, 2026-cı ilin may ayında Bakıda keçiriləcək və artıq böyük beynəlxalq marağa səbəb olan WUF13-ün Azərbaycanın şəhərsalma sahəsində formalaşdırdığı konseptual yanaşmanın, o cümlədən işğaldan azad edilmiş ərazilərdə tətbiq edilən praktiki təcrübənin beynəlxalq müstəvidə təqdimatı üçün platforma olduğunu qeyd edib.
Daha sonra Təşkilat Komitəsinin üzvlərinin WUF13-ə hazırlıq prosesinin cari vəziyyəti, substantiv məsələlər, kommunikasiya və təşkilati-logistika istiqamətlərində görülmüş işlər, həmçinin gündəlikdə yer alan digər məsələlər barədə məruzələri dinlənilib.
Təşkilat Komitəsinin sədri iclasın yekununda Azərbaycan Respublikasının Prezidenti tərəfindən WUF13-ün yüksək səviyyədə təşkili ilə əlaqədar qarşıya qoyulmuş vəzifələrin həyata keçirilməsindən irəli gələrək, iclas iştirakçılarına bütün işlərin daha keyfiyyətli, vaxtında və kompleks yanaşma təmin edilməklə icrasına dair göstərişlər verib.
4-03-2026, 17:50
Daha bir icra hakimiyyətində ixtisarlar - 36 əməkdaş
İcra hakimiyyəti orqanlarında aparılan struktur dəyişikliyi ilə əlaqədar Quba Rayon İcra Hakimiyyətində də ixtisarlar aparılıb.
Aparılan struktur dəyişikliyi ilə əlaqədar icra hakimiyyətinin 36 əməkdaşı vəzifəsindən azad edilib.
Dəyişikliklə əlaqədar Quba Rayon İcra Hakimiyyətində 36 vəzifə ləğv edilib və nəticədə həmin şəxslər işini itiriblər. İcra başçısı İlqar Mahmudovun sərəncamı ilə həmin əməkdaşların dövlət qulluğuna xitam verilib və onlar ehtiyat kadr siyahısına əlavə olunublar.
Məlumata görə, vəzifəsini itirənlərdən 31 nəfər kənd inzibati ərazi dairəsi üzrə nümayəndəsinin müavini, nümayəndəliyinin baş məsləhətçi - baş mühasibidir. Digər şəxslər isə Quba Rayon İcra Hakimiyyətində müəyyən vəzifələrdə çalışanlardır.
Qeyd edək ki, bundan əvvəl Ağsu, Tovuz və Cəlilabad icra hakimiyyəti orqanlarında aparılan struktur dəyişikliyi ilə əlaqədar kütləvi ixtisarlar olmuşdu.
4-03-2026, 17:46
Nəqliyyat sahəsində yeni dövlət standartları qəbul edildi
Prezident yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Standartlaşdırma İnstitutu (AZSTAND) nəqliyyat sektorunda təhlükəsizliyin, ekoloji göstəricilərin və texniki uyğunluğun artırılması məqsədilə yeni dövlət standartları qəbul edib.
Bildirilib ki, qəbul olunan sənədlər BMT-nin Avropa İqtisadi Komissiyasının (UNECE) müvafiq qaydaları əsasında hazırlanıb:
AZS ECE 21:2026 "Nəqliyyat vasitələrinin daxili avadanlığı ilə bağlı təsdiqinə dair vahid müddəalar";
AZS ECE 51:2026 "Səs səviyyəsi baxımından ən azı 4 təkərə malik mexaniki nəqliyyat vasitələrinin rəsmi təsdiqinə dair vahid müddəalar";
AZS ECE 85:2026 "Faydalı gücün və elektrik dartı sisteminin 30 dəqiqəlik maksimal gücünün ölçülməsi baxımından M və N kateqoriyalı mexaniki nəqliyyat vasitələrinin hərəkətə gətirilməsi üçün nəzərdə tutulan daxili yanma mühərriklərinin və ya elektrik dartı sistemlərinin rəsmi təsdiqinə dair vahid müddəalar";
AZS ECE 16:2026 "Təsdiq üçün vahid müddəalar: I. Mühərriklə hərəkətə gətirilən nəqliyyat vasitələrinin sərnişinləri üçün təhlükəsizlik kəmərləri, saxlayıcı sistemlər, uşaq saxlayıcı sistemləri və ISOFIX uşaq saxlayıcı sistemləri;
II. Təhlükəsizlik kəmərləri, təhlükəsizlik kəməri xatırlatma sistemləri, saxlayıcı sistemlər, uşaq saxlayıcı sistemləri, ISOFIX uşaq saxlayıcı sistemləri və i-ölçülü uşaq saxlayıcı sistemləri ilə təchiz edilmiş nəqliyyat vasitələri".
Bu dövlət standartları təhlükəsizlik kəmərləri və uşaq tutucu sistemlərinə dair tələbləri, nəqliyyat vasitələrinin səs səviyyəsinə dair normativləri, daxili yanma mühərriklərinin və elektrik dartı sistemlərinin faydalı gücünün ölçülməsi qaydalarını, həmçinin minik avtomobillərinin arxa görünüş güzgüsü və ya güzgülər istisna olmaqla salonun daxili hissələrinə, idarəetmə elementlərinin düzülüşünə, dam və açılan dama, eləcə də oturacaqların arxalığına və arxa hissələrinə dair tələbləri əhatə edir.
Sözügedən dövlət standartı layihələri Daxili İşlər Nazirliyi Baş Dövlət Yol Polisi İdarəsinin sədrlik etdiyi "Yol nəqliyyatı" standartlaşdırma üzrə Texniki Komitənin (AZSTAND/TK 19) təqdimatı əsasında qəbul edilib və Standartlaşdırma üzrə normativ sənədlərin Dövlət Fonduna daxil edilib.
4-03-2026, 17:43
Sumqayıtda silahlı insdent - 64 yaşlı kişi güllələndi
Sumqayıt şəhərində 64 yaşlı kişi güllələnib.
Hadisə 12-ci mikrorayonda qeydə alınıb.
İlkin məlumata görə, 1962-ci il təvəllüdlü Qılman Nəcəfzadə tanımadığı şəxs və ya şəxslər tərəfindən odlu silahla öldürülüb.
Əraziyə polis əməkdaşları cəlb olunub, faktla bağlı araşdırma aparılır.
4-03-2026, 17:22
İranı əslində o idarə edir
İranda ali lideri Ayətullah Seyid Əli Xameneinin ölümündən sonra müvəqqəti liderlər şurasının yaradılacağını elan edən veteran siyasətçi Əli Laricani yenidən ölkə gündəminin mərkəzinə çıxıb. O, rejimin təhlükəsizlik iyerarxiyasında ən nüfuzlu fiqurlardan biri kimi təqdim olunur və hazırda İranın faktiki idarəedicisi sayılır.
Məlumata görə, Laricani nüvə danışıqlarından tutmuş Tehranın regional əlaqələrinə və daxili etirazların yatırılmasına qədər geniş spektrdə məsələlərə nəzarət edir. Vaşinqtonun yanvar ayında hökumət əleyhinə etirazların yatırılmasındakı roluna görə ona qarşı sanksiyalar tətbiq etməsindən qısa müddət sonra Laricani İranın ABŞ ilə nüvə sazişi istiqamətində səylərinə rəhbərlik edib.
1958-ci ildə İraqın Nəcəf şəhərində anadan olan Laricani tanınmış ruhani ailəsində böyüyüb. Atası Ayətullah Haşimi Mirzə Amoli şah dövründə sürgün edilib. 1979-cu il inqilabından sonra ailə İrana qayıdıb. Laricani fəlsəfə üzrə doktorluq dərəcəsi alıb, qardaşları isə məhkəmə və diplomatik strukturlarda yüksək vəzifələr tutublar.
Karyerası ərzində o, İslam İnqilabı Keşikçiləri Korpusunun üzvü olub, həmçinin dövlətə məxsus IRIB teleradio şirkətinə rəhbərlik edib. 2005–2007-ci illərdə İranın baş nüvə danışıqçısı kimi çıxış edən Laricani Tehranın uran zənginləşdirmə hüququnu qətiyyətlə müdafiə edib.
2008–2020-ci illərdə parlamentin sədri vəzifəsini tutan siyasətçi 2015-ci ildə İranla altı dünya dövləti arasında imzalanmış nüvə sazişi prosesində də fəal rol oynayıb. Həmin sazişdən ABŞ 2018-ci ildə, prezident Donald Trampin qərarı ilə geri çəkilmişdi.
2021-ci ildə Xamenei Laricanini Çinlə 25 illik strateji əməkdaşlıq sazişi üzrə danışıqlara məsul şəxs təyin edib. Son aylarda onun həm Omana, həm də Moskvaya səfərləri, eləcə də ABŞ ilə mümkün danışıqlarla bağlı praqmatik açıqlamaları diqqət çəkib. Laricani fevral ayında Oman televiziyasına müsahibəsində ABŞ-ın nüvə silahı ilə bağlı narahatlığının danışıqlar yolu ilə aradan qaldırıla biləcəyini bildirib. Bununla yanaşı, o, İranın nüvə proqramının “heç vaxt məhv edilə bilməyəcəyini” də vurğulayıb.
2025-ci ilin dekabrından başlayan və 1979-cu ildən bəri hakimiyyət üçün ən ciddi çağırış sayılan etirazlar fonunda Laricaninin rolu xüsusi diqqət çəkib. ABŞ-ın sanksiya qərarına əsasən, o, yanvar etirazlarının yatırılmasında əsas fiqurlardan biri olub. Hadisələrdən sonra onun təhlükəsizlik strukturları və SEPAH komandirləri ilə əlaqələrini gücləndirdiyi bildirilir.
Mənbələr iddia edirlər ki, yanvar hadisələrindən sonra Laricani böhranı nəzarətə götürərək seçilmiş hökumətin səlahiyyətlərini faktiki olaraq məhdudlaşdırıb və prezident Məsud Pezeşkianı prosesdən kənarlaşdırıb. Beləliklə, o, ölkənin həm müttəfiqləri, həm də rəqibləri ilə münasibətləri birbaşa idarə edən əsas fiqura çevrilib.
Ruhani olmadığı üçün Laricani formal olaraq ali lider postuna namizəd ola bilməz. Lakin analitiklər hesab edirlər ki, Xameneinin vəfatı halında ölkədə ruhani rejimin davamlılığı sual altına düşə bilər və Laricani kimi daha dünyəvi, sərt xətt tərəfdarı olan siyasətçi hakimiyyəti ələ ala bilər. Bu isə İran siyasətinin daha militarist və proqnozlaşdırılması çətin mərhələyə keçməsi ilə nəticələnə bilər.
4-03-2026, 17:16
Bir gecədə dörd evdən oğurluq edən şəxs saxlanıldı
Abşeron rayonunda silsilə oğurluq hadisəsi qeydə alınıb.
Naməlum şəxs ayrı-ayrı dörd evdən elektrik naqilləri, su qızdırıcılar, 1600 manat dəyərində 4 ədəd avtomobil təkəri və digər dəyərli əşyaları talayıb.
Polis əməkdaşlarının keçirdikləri tədbirlə 28 yaşlı A.Məmmədov qeyd olunan əməlləri törətməkdə şübhəli bilinərək saxlanılıb. Araşdırmalarla onun evlərdə heç kimin olmadığını dəqiqləşdirdikdən sonra talama cinayətlərini reallaşdırdığı məlum olub.
Faktlarla bağlı araşdırmalar davam etdirilir.
4-03-2026, 16:58
Hakan Fidan Abbas Əraqçıyə etiraz etdi
Türkiyənin xarici işlər naziri Hakan Fidan iranlı həmkarı Abbas Əraqçı ilə İrandan Türkiyə istiqamətinə atılan ballistik raketin zərərsizləşdirilməsinə dair telefon danışığı aparıb.
Türkiyənin "Hürriyet" qəzetinin məlumatına görə, Fidan İranı münaqişəni gərginləşdirə biləcək addımlardan çəkinməyə çağırıb.
Daha əvvəl Türkiyə Müdafiə Nazirliyi İrandan Türkiyəyə doğru atılan ballistik raketin Aralıq dənizində NATO hava hücumundan müdafiə qüvvələri tərəfindən zərərsizləşdirildiyini bəyan etmişdi
Raket qalıqları cənubdakı Hatay əyalətinə düşüb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!