BMT-nin Nyu-Yorkda keçirilən 76-cı sessiyası çərçivəsində GUAM təşkilatına üzv ölkələrin xarici işlər nazirlərinin görüşü keçiriləcək. Bu barədə Gürcüstanın Xarici İşlər Nazirliyi (XİN) məlumat yayıb. Sentyabrın 22-23-də baş tutacaq görüş Gürcüstanın GUAM-a sədrliyi çərçivəsində təşkil olunacaq. Gürcüstanın XİN başçısı David Zalkaliani sessiya zamanı bir sıra həmkarları ilə ikitərəfli görüşlər də keçirəcək.