Rumıniyada yeni hökumət qurmaq cəhdi uğursuzluqla yekunlaşıb. Hazırkı prosedura görə, ölkə prezidenti parlamentdəki siyasi partiyaların nümayəndələri ilə yeni məsləhətləşmələr keçirməli və Baş nazir vəzifəsinə yeni namizəd təyin etməlidir.

Rumıniya parlamenti Prezident Klaus Yohannis tərəfindən Baş nazir vəzifəsinə namizədliyi irəli sürülmüş, "Rumıniyanın Qurtuluş Birliyi" (SSR) sağçı partiyasının lideri Daçian Çioloşun təqdim etdiyi yeni hökumətin tərkibinə və idarəetmə proqramına qarşı səs verib. 88 millət vəkili Çioloş hökumətini dəstəklədiyini, 184-ü əleyhinə olduğunu bildirib. Yeni kabinetin təsdiqlənməsi üçün 234 səs çoxluğu tələb olunurdu.

Beləliklə, Çioloşun Rumıniyada yeni bir partiyalı azlıq hökuməti qurmaq cəhdi baş tutmayıb. Sentyabrın əvvəlində Rumıniyada baş verən siyasi böhran nəticəsində Florin Kitsu hökumətinə sağ mərkəzçi koalisiyasının təşəbbüsü və müxalifətin dəstəyi ilə oktyabrın 5-də etimadsız elan olunub. Bundan sonra Rumıniya Prezidenti Klaus Yohannis Daçian Çioloşa yeni hökumət formalaşmağı tapşırdı. Lakin bu uğursuzluqla nəticələnib. Rumıniyada siyasi böhran davam edir. Hazırkı prosedura görə, prezident parlamentdəki siyasi partiyaların nümayəndələri ilə yeni məsləhətləşmələr keçirməli və Baş nazir vəzifəsinə yeni namizəd təyin etməlidir.