Tarix : 29-09-2015, 11:39
Ölkənin baş müftisi facənin qarşısının alınmasının imkan xaricində olduğunu bəyan edib.
Bu ilki Həcc ziyarəti həm də 753 nəfərin ölümü, 800-dən artıq insanın yaralandığı faciə ilə yadda qaldı.
Butov.az ANS TV-nin məluamatına görə xəbər verir ki, hər il iki milyondan artıq zəvvarı qəbul edən Səudiyyə Ərəbistanı bu il səriştəsizlikdə və zəif təşkilatçılıqda ittiham olunur. Səbəb isə bir-birinin ardınca Məkkədə baş verən və zəvvarların ölümü ilə nəticələnən hadisələr oldu.
Bu ayın əvvəlində Məkkə şəhərindəki Böyük Məscidin üzərinə kran aşması 109 nəfərin ölümü, 400 nəfərin yaralanması ilə nəticələndi.
Otellərdə yanğınlar və başqa bu tipli hadisələrlə bu ilki faciə son 25 ilin ən genişmiqyaslı Həcc faciəsi kimi tarixə düşdü.
Səudiyyə Ərəbistanının baş müftisi Əbdüləziz bin Abdullah əl-şeyx bəyan edib ki, həcc ziyarəti zamanı baş verən bu faciənin qarşısını almaq imkan xaricində olub.
Ölkənin ən böyük rütbəli ruhanisi və daxili işlər naziri son günlər kadrları yayılan faktı da təkzib edir.
Kralın oğlu Məhəmməd bin Salmanın kortecinin əraziyə gəlməsi və şeytan daşlama mərasimində iştirak etməsi, həm də tək yox 200 hərbçi və 150 polisin müşayəti ilə bu ayini yerinə yetirməsi, sırf kral oğluna görə zəvvarların marşrutunun istiqamətinin dəyişdirilməsi, ilahiyyatçıların da qınağına səbəb oldu.
“İslamda hamı bərabər hüquqa malikdir deyə bir inanc var. Xüsusi ilə də bu həcc ayinlərinin icrası zamanı. Orada hər bir hacı eyni hüquqa, haqqa malikdir. Kiminsə oğlu olması bu ona heç də əsas vermir ki, fərqli gəlməli və fərqli getməlidir. Məhz islam belə bir dəyişilmənin əleyhinə olan bir dindir”, - deyə ilahiyyatçı hacı Fuad Pənahlı bildirib.
Mina dağı ətrafında baş verən hadisə zamanı insanların ölümünə səbəb kimi iki müxtəlif qrupun bir qovşaqda toqquşması da göstərilir.
Səudiyyə daxili işlər nazirliyinin sözçüsü də bu faktı qabardır. Onun sözlərinə görə, zəvvarların iki böyük qrupunun eyni küçəyə müxtəlif istiqamətlərdən daxil olması çaxnaşmaya səbəb olub, nəticədə isə faciə baş verib.
Kral Salman ölkəsinə qarşı təzyiqlərin artması fonunda ziyarət qaydalarına yenidən baxılması üçün sərəncam verdi. Xüsusi komissiya yaradıldı və faktla bağlı genişmiqyaslı istintaq araşdırmasına start verildi.
Maraqlısı isə odur ki, hər il müsəlmanların üz tutduğu bu ölkə iki milyon zəvvardan təxminən 8,5 milyard dollar vəsait əldə edir.
Bu məbləğin müqabilində ölkənin təşkilatçılıq səviyyəsi göz qabağındadır.
Butov.az
Paylaş
Bölmə: Dünya / Karusel / Slayd / Xəbər lenti
Başqa xəbərlər
- Bu il Azərbaycandan Həccə 80 zəvvar qrupu göndəriləcək
- Həcc ziyarətindən dönən prezidentin katerində partlayış olub
- Zəvvarların son qrupu da həccə getdi, 3 nəfər isə qaldı
- Barak Obama İlham Əliyevi təbrik etdi
- Təbii fəlakət 63 nəfərin ölümünə səbəb oldu
Fikirlər
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!