Parisdə Azərbaycan Xalq Cümhuriyyətinin 99-cu ildönümünə həsr edilmiş foto sərgi keçirilib.

Butov.az Teleqraf.com-a istinadən xəbər verir ki, Azərbaycanın Dostları Assosiyasiyasını Paris və Azərbaycan Evinin təskilatçılığı ilə baş tutan “Azərbaycana səyahət” adlı foto sərgi açılıb.

Sərgi Şərq və Türkdilli dövlətlərin arasında ilk respublika olan Azərbaycan Demokratik Respublikasının 99-cu müstəqillik ildönümü münasibətilə təşkil olunub. Vernisajı Azərbaycanın Dostları Assosiasiyasının baş katibi Paris Azərbaycan Evinin sədri Mirvari Fətəliyeva açaraq, qonaqlara sərginin məqsədi barədə məlumat verib, fotoların müəlliflərini təqdim edib. Daha sonra vernisajda iştirak edən Azərbaycanının Fransadakı səfiri Elçin Əmirbəyov çıxış edərək Azərbaycan Demokratik Respublikasının yaranışı və tarixi barədə danışıb. Azərbaycan Dostları Assosiasiyasının prezidenti Cen Fransua Mansel isə Azərbaycan Fransa dostluq əlaqələrinin getdikcə daha da genişləndiyini və Azərbaycanın məhz bu kimi tədbirlər sayəsində Fransada daha da tanındığını, vurğulayıb. Sərgidə Azərbaycan fotoqrafları Vüqar İbadov, Etibar Cəfərov və Kərim Abbasovun fotoların da təqdim olunub. Azərbaycanın rəngarəng təbiətini, zəngin memarlıq abidələrini əks etdirən fotolar seyricilər tərəfindən geniş rəğbətlə qarşılanıb. Tədbridə Fransa Parlament və Senat üzvləri, fransız jurnalistlər, şirkət rəhbərləri və diaspor nümayəndələri iştirak edib.

Qeyd edək ki, sərgi mayın 2-dən, 31-nə kimi davam edəcək.