16-06-2025, 20:10
Lazım olan hər addımı atmağa hazırıq - Ərdoğan
Türkiyə İranla İsrail arasında münaqişəni dayandırmaq üçün diplomatik səylər göstərir.
Bunu Nazirlər Kabinetinin iclasından sonra Türkiyə Prezidenti Rəcəb Tayyib Ərdoğan bildirib:
“Cümə günündən bəri həm şəxsən, həm də xarici işlər nazirimiz qarşıdurmaları dayandırmaq üçün sıx diplomatik hərəkətlər həyata keçiririk”.
O qeyd edib ki, Türkiyə vasitəçilik də daxil olmaqla, lazım olan hər addımı atmağa hazırdır.
16-06-2025, 19:21
İran televiziyası canlı yayımda vuruldu
İsrail İranın Dövlət Televiziyasının binasını vurub.
Hücum canlı yayım zamanı baş verib.
Görüntülər teleqram kanallarında paylaşılıb.
Xatırladaq ki, bundan əvvəl İsrailin müdafiə naziri İsrael Katz Tehranın Dövlət Televiziyasının binasının və bir sıra hərbi obyektlərin də yerləşdiyi 3-cü dairənin sakinlərini dərhal öz evlərini tərk etməyə çağırıb.
16-06-2025, 18:51
Tehranda binalar boşaldılır - İsrail zərbə endirəcək
İsrailin ordusu Tehrana yeni zərbə endirəcəyini elan edib.
Bu barədə Ordunun Mətbuat xidməti məlumat yayıb.
"Hörmətli sakinlər, təhlükəsizliyiniz üçün sizdən göstərilən əraziləri dərhal tərk etməyinizi xahiş edirik", - İsrail Müdafiə Ordusunun farsdilli nümayəndəsi Kamal Penhasi bildirib.
K.Penhasi vurğulayıb ki, yaxın saatlarda İsrailin Müdafiə Ordusu İranın hərbi infrastrukturuna zərbə endirəcək.
İsrailin müdafiə naziri İsrael Katz isə Tehranın Dövlət Televiziyasının binasının və bir sıra hərbi obyektlərinin də yerləşdiyi 3-cü dairəsinin sakinlərini dərhal öz evlərini tərk etməyə çağırıb.
Bu xəbərdarlıqdan sonra sakinlərin təxliyəsinə başlanılıb.
Qeyd edək ki, həmin ərazidə 330 min nəfər dinc sakin yaşayır.
16-06-2025, 18:32
Britaniya kəşfiyyatına o rəhbərlik edəcək
Böyük Britaniyanın xarici kəşfiyyat xidməti olan MI6 ilk dəfə olaraq qadın rəhbər tərəfindən idarə ediləcək.
1999-cu ildən xidmətin tərkibində çalışan Bleys Metreveli bu ilin sonunda Sir Riçard Murun yerinə MI6-in 18-ci rəhbəri olacaq.
Hazırda texnologiya və innovasiyalar üzrə direktor vəzifəsini tutan B.Metreveli təyinatı ilə bağlı qürur duyduğunu deyib. Böyük Britaniyanın Baş naziri Kir Starmer bu təyinatı “tarixi” adlandıraraq, kəşfiyyat xidmətlərinin işinin heç vaxt bu qədər əhəmiyyətli olmadığını vurğulayıb. 47 yaşlı Metreveli hazırda MI6-in “Q” adlanan texnologiya və innovasiya departamentinə rəhbərlik edir. Bu bölmə agentlərin kimliyini gizli saxlamaq və Çin kimi rəqib dövlətlərin biometrik nəzarət sistemlərindən yayınmaq üçün yeni üsulları inkişaf etdirir.
MI6 əsasən Britaniyanın xarici təhlükəsizliyi üçün informasiya toplayır və fəaliyyətini terrorizmin qarşısını almaq, düşmən dövlətlərin fəaliyyətini pozmaq, kibertəhlükəsizliyi gücləndirmək üzərində qurur.
Qeyd edək ki, Bleys Metreveli MI6-in 116 illik tarixində qurumun rəhbəri vəzifəsinə təyin olunan ilk qadındır.
16-06-2025, 18:23
Türkiyə və Ermənistan nazir müavinləri görüşdü
Türkiyə xarici işlər nazirinin müavini Berris Ekinci ilə Ermənistan xarici işlər nazirinin müavini Vahan Kostanyan Ankara şəhərində görüşüb.
Bu barədə Türkiyə Xarici İşlər Naziliyindən bildirilib.
Onlar ikitərəfli və regional məsələləri müzakirə ediblər.
16-06-2025, 17:51
Ermənistanda hərbi maşın aşdı - Yaralanan var
Ermənistanın Lori rayonunda avtomobil qəzası baş verib.
Bu barədə erməni KİV məlumat yayıb.
Məlumata görə, Müdafiə Nazirliyinə məxsus "Ural" markalı avtomobili hərəkət zolağından çıxararaq aşıb. Qəza nəticəsində sərnişin, Şirak rayon sakini 35 yaşlı T. H. yaralanıb.
Qəza ilə bağlı cinayət işi başlanıb.
16-06-2025, 17:42
İyirmiqat dünya çempionu qəzada öldü
Rusiyanın məşhur idmançısı Nikolay Krasnikov Rusiyanın Ufa şəhəri yaxınlığında avtomobil qəzasında dünyasını dəyişib.
Rusiya mətbuatında yer alan məlumata görə, Krasnikovun idarə etdiyi avtomobil əks istiqamətdə hərəkət edən iki yük maşını ilə toqquşub. Xilasedicilər və təcili tibbi yardım briqadaları gələnə qədər 40 yaşlı idmançı hadisə yerində keçinib.
Nikolay Krasnikov motosiklet üzrə iyirmiqat dünya çempionu olub. O, Rusiyada ən çox təltif edilmiş və titullu avtoidman idmançısı sayılırdı.
16-06-2025, 17:36
İsrailin məqsədi İranda siyasi rəhbərliyi dəyişmək deyil - Səfir
“İsrailin hərbi əməliyyatının məqsədi İran İslam Respublikasının siyasi rəhbərliyini aradan qaldırmaq deyil”.
Bu barədə İsrailin Rusiyadakı səfiri Simona Halperin bildirib.
Onun sözlərinə görə, İsrailin mövqeyi ondan ibarətdir ki, siyasi hakimiyyət məsələsini "İran xalqı" həll etməlidir.“İsrailin hərbi əməliyyatının məqsədi İran İslam Respublikasının siyasi rəhbərliyini aradan qaldırmaq deyil”.
16-06-2025, 17:30
İsrail Tehranın hava məkanına tam nəzarət edir - Netanyahu məqsədini AÇIQLADI
İsrailin Baş naziri Binyamin Netanyahu bu gün Tel-Nof aviabazasını ziyarət edib.
Onunla birlikdə İsrailin müdafiə naziri İsrael Kats və İsrail Müdafiə Qüvvələrinin Baş Qərargah rəisi Eyal Zamir aviabazada olub.
Netanyahu İran paytaxtı Tehranın hava məkanına tam nəzarət etdiklərini bildirib. O, bunun "dönüş nöqtəsi" olduğunu bildirib.
Netanyahunun sözlərinə görə, İsrail artıq İranın nüvə proqramını və ballistik raket imkanlarını tamamilə aradan qaldırmaq istiqamətində çalışır.
Qeyd edək ki, İsrail ordusu bazar ertəsi verdiyi açıqlamada İranın hava hücumundan müdafiə sistemlərinə endirilən intensiv zərbələrdən sonra "Tehran üzərində tam hava əməliyyat nəzarəti" əldə etdiklərini açıqlayıb.
“İki əsas məqsədimizə doğru gedirik: nüvə təhdidini aradan qaldırmaq və raket təhdidini zərərsizləşdirmək. Qələbə yolundayıq”, - Netanyahu bildirib.
İsrailin müdafiə naziri Yoav Qalant isə açıqlamasında Tehranın bəzi bölgələrində yaşayanların evakuasiya ediləcəyini bildirib. Onun sözlərinə görə, İsrail İrana və onun təhlükəsizlik infrastrukturuna qarşı hücumları genişləndirməyi planlaşdırır.
İran Prezidenti Masud Pezeşkian parlamentdə çıxış edərək ölkədə milli birliyə çağırıb və bildirib ki, İran dinc nüvə proqramına sadiq qalmaqda davam edəcək. Hadisələr fonunda Kanadada toplaşan G7 liderləri böhranın diplomatik yolla həlli məsələsini prioritet gündəlik mövzu elan ediblər.
16-06-2025, 17:21
Ərdoğan hökumət üzvlərini topladı - İran-İsrail müharibəsi müzakirə olunur
Rəcəb Tayyib Ərdoğanın sədrliyi ilə Türkiyə Prezident kabinetinin iclası başlayıb.
Bu barədə Türkiyə Prezidenti Administrasiyası məlumat yayıb.
Məlumata görə, hökumətin gündəliyində əsas mövzu İran-İsrail münaqişəsidir.
Prezident R.T. Ərdoğan məsələ ilə bağlı İraq Baş naziri, Oman Sultanı, Küveyt Əmiri, ABŞ Prezidenti, Rusiya Prezidenti, İran Prezidenti ilə telefonla danışıb.
“Terrorsuz Türkiyə”, iqtisadi inkişaf, Ukrayna və Rusiya arasında davam edən müharibə iclasın gündəliyində olan digər məsələlərdir.
Prezident Kabinetinin iclası sonuncu dəfə iyunun 2-də toplanıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!