14-05-2024, 18:40
Hakan Fidan Umerovla danışıqlar apardı
Türkiyə xarici işlər naziri Hakan Fidan Ukraynanın müdafiə naziri Rüstəm Umerovla görüşüb.
Bu barədə Türkiyə XİN-in mətbuat xidməti məlumat yayıb.
Görüş Ankarada baş tutub.
14-05-2024, 16:47
Gürcüstan parlamenti qalmaqallı qanunu qəbul etdi
Gürcüstan parlamenti hakim “Gürcü Arzusu-Demokratik Gürcüstan” partiyasının təqdim etdiyi “Xarici təsirin şəffaflığı haqqında” qanun layihəsini üçüncü oxunuşda qəbul edib.
Qanun layihəsinin lehinə 84, əleyhinə 30 deputat səs verib.
Bununla da ölkədə ciddi narazılığa və qarşıdurmaya səbəb olan qanun layihəsi qəbul edilib və yaxın bir neçə gün ərzində təsdiqlənmək üçün Prezident Salome Zurabişviliyə təqdim olunacaq.
Qeyd edək ki, “Xarici təsirin şəffaflığı haqqında” qanun layihəsinin qəbul edilməsindən sonra Tbilisidə mitinq iştirakçıları ilə polis arasında qarşıdurma yaşanıb, iğtişaşlar baş verib.
Gürcüstan polisi iğtişaşçıların qarşısını almağa çalışır.
14-05-2024, 15:09
İrəvan çalxalanır – Keşiş etirazçıları meydana qaytardı
İrəvanda gərginlik davam edir. Erməni Apostol Kilsəsinin Tavuş Yeparxiyasının primatı, arxiyepiskop Baqrat Qalstanyanın rəhbərlik etdiyi yürüş iştirakçıları İrəvanın Qaregin Njde meydanından metro ilə Respublika meydanına qayıdıblar.
Bu barədə Ermənistan KİV-ləri məlumat yayıb.
Qalstanyanın qeyd etdiyi kimi, yürüş iştirakçıları dincəlməlidirlər və onun bir neçə mühüm görüşü nəzərdə tutulub.
“Biz heç nə etmirik, sadəcə olaraq müxtəlif yerləri ziyarət edirik. Tezliklə görüşlərim olacaq. Onlar son dərəcə vacibdir. Bir az dincələcəyik. Saat 19:00-da Surb Anna kilsəsinin həyətində görüşəcəyik”, - Qalstanyan bildirib.
Qeyd edək ki, bu gün səhər saatlarında Erməni Apostol Kilsəsinin Tavuş Yeparxiyasının primatı İrəvan Dövlət Universitetinin həyətində olub və burada gənclər onu rəqslə qarşılayıblar. Sonra o, Ermənistan Jurnalistlər Birliyinə baş çəkib, burada mətbuat nümayəndələrinin suallarını cavablandırıb.
Xatırladaq ki, bu gün səhər saatlarından irimiqyaslı itaətsizlik aksiyaları keçirilir, küçələr bağlanır. “Qırmızı berelilər” etirazçıların bir qisminə güc tətbiq edərək həbs ediblər.
14-05-2024, 14:09
“Türkiyənin Avropa İttifaqına daxil olması illüziyadır” - Nazir
Ankarada rəsmi səfərdə olan Avstriyanın xarici işlər naziri Aleksandr Şallenberq Türkiyənin Avropa İttifaqına (Aİ) daxil olması ehtimalını illüziya kimi qiymətləndirib.
“Der Standard” nəşri Avstriya diplomatiyasının rəhbərinin sözlərindən sitat gətirib:
“Türkiyə uzun illərdir ki, söz və hərəkətlərlə Avropa İttifaqını tərk edir. Türkiyənin Avropa İttifaqına daxil olması illüziyadır”.
Eyni zamanda, Şallenberq Türkiyənin Aİ-yə tam üzv olması əvəzinə Ankara ilə Brüssel arasında “praqmatik əməkdaşlığı dəstəkləyən real qonşuluq konsepsiyası”nın nəzərdən keçirilməsini təklif edib.
14-05-2024, 12:40
Türkiyənin Ali Məhkəməsinə yeni sədr seçildi
Türkiyənin Ali Məhkəməsinə yeni sədr seçilib.
Bu barədə "TRT Haber" məlumat yayıb.
Bildirilib ki, bundan sonra Ömer Kerkez Ali Məhkəməyə sədrlik edəcək.
O, Ali Məhkəməyə 37-ci tur seçkilərində 193 səs yığıb.
14-05-2024, 12:10
Putin onlara vəzifə verdi - Siyahı
Rusiya prezidenti Vladimir Putin Kremldə bir sıra təyinatlarla bağlı qərar imzalayıb.
Bu barədə Kreml məlumat yayıb.
Anton Vayno - Prezident Administrasiyasının rəhbəri,
Aleksey Qromov - Prezident Administrasiyası rəhbərinin birinci müavini,
Sergey Kiriyenko - Prezident Administrasiyası rəhbərinin birinci müavini,
Dmitri Kozak - Prezident Administrasiyası rəhbərinin müavini,
Maqomedsalam Maqomedov - Prezident Administrasiyası rəhbərinin müavini,
Vladimir Ostrovenko - Prezident Administrasiyası rəhbərinin müavini,
Dmitri Peskov - Prezident Administrasiyası rəhbərinin müavini - Rusiya Federasiyası Prezidentinin mətbuat katibi.
Kremldən yayılan məlumata görə, həmçinin Maksim Oreşkin prezident administrasiyası rəhbərinin müavini təyin edilib.
14-05-2024, 12:05
Putin Patruşevi özünə köməkçi götürdü
Aleksey Dyumin Rusiya Federasiyası Prezidentinin köməkçisi təyin edilib
Bu barədə Kreml məlumat yayıb.
Vladimir Putin, həmçinin Təhlükəsizlik Şurasının sabiq katibi Nikolay Patruşevi öz köməkçisi təyin edib.
Qeyd edək ki, Patruşevin əvvəlki vəzifəsinə sabiq müdafiə naziri Sergey Şoyqu gətirilib.
14-05-2024, 11:49
Almaniya üçüncü "Patriot" sistemini Ukraynaya göndərir
Almaniya üçüncü "Patriot" sistemini Ukraynaya təhvil verəcək.
Bunu federal kansler Olaf Şolts bildirib.
Mətbuat konfransı zamanı o qeyd edib ki, belə bir qərar qəbul etmək asan olmayıb, çünki Almaniyada xidmətdə çoxlu "Patriot" yoxdur.
Xatırladaq ki, 2022-ci ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb. Krım isə 2014-cü ildə ilhaq olunub.
14-05-2024, 00:26
Ərdoğan Yunanıstan Baş naziri ilə nələrdən danışdı
Terrorla mübarizə məsələsində Yunanıstanla fikir birliyimiz getdikcə güclənir. Bölgəmizin gələcəyində terror təşkilatlarına yer olmadığı ilə bağlı həmfikirik. Əlaqələrimizdəki müsbət atmosferin Yunanıstandakı soydaşlarımızın hüquqlarının təmin olunmasına töhfə verəcəyini gözləyirik.
Bu fikirləri Türkiyə Prezidenti Rəcəb Tayyib Ərdoğan Ankarada səfərdə olan Yunanıstanın Baş naziri Kiriakos Mitsotakis ilə birgə mətbuat konfransında söyləyib.
Ərdoğan bildirib ki, görüşlərdə Türkiyə-Yunanıstan münasibətlərindəki bir-biri ilə əlaqəli məsələlər müzakirə edilib, onların dialoq yolu ilə həlli iradəsinə sadiqlik ifadə olunub. Qarşıya iki ölkə arasındakı ticarət dövriyyəsini 10 milyard dollara çatdırmaq məqsədi qoyulub.
“Kipr probleminin adadakı həqiqətlər əsasında ədalətli və qalıcı həllinin tapılması vacibdir. Belə bir addım regionumuzda sabitliyi və əmin-amanlığı gücləndirəcək”, - deyə Ərdoğan vurğulayıb.
Baş nazir Mitsotakis Türkiyə ilə Yunanıstan arasındakı anlaşma və xoş münasibət mühitinin davamlı olaraq daha müsbət istiqamətdə inkişaf etdiyini, ölkəsinin Türkiyənin Avropa İttifaqına üzvlük məsələsinə dəstəyini davam etdirəcəyini bildirib.
Liderlər görüş zamanı regional və qlobal məsələlər, o cümlədən İsrail ilə Fələstin arasında davam edən qarşıdurmanın da müzakirə olunduğunu bildirərək, Qəzza zolağında dinc əhalinin qorunmasının vacibliyini vurğulayıblar.
13-05-2024, 19:48
Paşinyan Danimarkaya işgüzar səfərə getdi
Ermənistanın baş naziri Nikol Paşinyan Danimarkaya işgüzar səfərə gedib.
Bu barədə Ermənistan hökumətinin mətbuat katibi Nazeli Baqdasaryan bildirib.
O, Kopenhagen Demokratiya Sammitində iştirak edəcək.
Paşinyan danimarkalı həmkarı Mette Frederiksen, ölkə parlamentinin spikeri Syoren Qade, eləcə də NATO-nun keçmiş baş katibi Anders Foq Rasmussenlə danışıqlar aparacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!