24-02-2025, 14:44
Müharibənin dördüncü ili: Lavrovla Fidan Qafqazı da müzakirə etdilər
Rusiya xarici işlər naziri Sergey Lavrov Ankaradadır.
Lavrovun səfəri Rusiyanın Ukraynaya hərbi müdaxiləsinin dördüncü ildönümünə təsadüf edib.
Səfər çərçivəsində Lavrov Türkiyə xarici işlər naziri Hakan Fidanla bir araya gəlib. Rusiya diplomatının prezident Rəcəb Tayyib Ərdoğan tərəfindən qəbul ediləcəyi gözlənilir.
Türkiyə və Rusiya xarici işlər nazirləri arasında keçirilən görüşlərdə əsas müzakirə mövzusu Ukrayna müharibəsinin dayandırılması üçün diplomatik təşəbbüslər olub. Hakan Fidan Türkiyənin bu məsələdə vasitəçi rolunu oynamağa hazır olduğunu bildirib. O, ABŞ-nin başlatdığı və sülh danışıqları yolu ilə müharibənin bitməsini hədəfləyən yeni təşəbbüsə Türkiyənin dəstək verdiyini vurğulayıb.
Lavrov isə çıxışında Rusiya üçün əsas şərtləri bir daha xatırladıb: "Ukraynanın NATO-ya üzv olmaması bizim üçün qırmızı xətdir." Lavrov həmçinin, Ukrayna münaqişəsinin əslində Qərbin təxribatı nəticəsində yarandığını iddia edib və müharibənin başlanmasında Rusiyanın günahkar olmadığını müdafiə edib.
Bundan əlavə, görüşlərdə İsrail-Fələstin münaqişəsi, Suriya məsələsi və Türkiyə-Rusiya ikitərəfli münasibətləri də gündəmdə olub.
Rusiya və Türkiyə xarici işlər nazirləri Cənubi Qafqazdakı vəziyyəti müzakirə edib. Lavrovun sözlərinə görə, Fidanla görüşdə Cənubi Qafqazda əməkdaşlığın dərinləşdirilməsi perspektivlərinə baxılıb.
“Tərəflər arasında etimadın möhkəmləndirilməsi, infrastrukturun, nəqliyyat kommunikasiyalarının bərpası məsələsinə, eləcə də Cənubi Qafqazda “3+3” əməkdaşlıq platforması çərçivəsində birgə fəaliyyətə ayrıca diqqət ayırdıq”, - Rusiya XİN başçısı vurğulayıb. Lavrov ümumilikdə Fidanla görüşün çox faydalı keçdiyini qeyd edib.
Müzakirələr fonunda Ukrayna prezidenti Volodimir Zelenski də sülh mövzusunda rezonans doğuran açıqlama verib. O, ölkəsinə sülh və NATO üzvlüyü təmin olunarsa, prezident postunu tərk edə biləcəyini bildirib. Bu bəyanat Donald Trampın onu "diktator" adlandırmasından sonra səsləndirilib. Lavrov isə Trampın da Ukraynanın NATO-ya qəbul edilməsinin səhv olduğunu düşündüyünü iddia edib.
ABŞ və Rusiya arasında başlanan danışıqlar fonunda diqqət indi Ukrayna və Rusiya arasında mümkün sülh müqaviləsinin konturlarına yönəlib. Sual yaranır: razılaşma hansı şərtlərlə əldə edilə bilər? Ukrayna işğal olunmuş ərazilərinin, o cümlədən Krımın qaytarılmasını əsas şərt kimi qoysa da, Rusiya bu ərazilərdən geri çəkilmək niyyətində olmadığını bəyan edir.
Türkiyə prinsip etibarilə Ukraynanın ərazi bütövlüyünü dəstəkləyir, lakin Fidan müsahibələrində vurğulayıb ki, müharibə dövründə çətin və "arzuedilməz" qərarlar qəbul etmək lazım gəlir. Bu isə, mümkün kompromislərin ola biləcəyi ehtimalını gücləndirir.
Lavrov və Fidanın görüşündə diqqət çəkən başqa bir mövzu Suriya olub. Yeni hökumətin qurulduğu Suriyada sabitlik üçün hansı addımların atılacağı müzakirə edilib.
Rusiyanın Suriyadakı əsas marağı Tartus və Hmeymim bazalarını qorumaqdır. Moskva yeni Dəməşq hökuməti ilə ilk əlaqələrini qurub və Ankara ilə koordinasiyanı davam etdirmək istəyir.
Beləliklə, Türkiyə Ukraynadakı sülh danışıqlarında fəal rol oynamağa hazır olduğunu bəyan etsə də, tərəflərin mövqeləri hələ də kəskin şəkildə fərqlənir. Rusiya Ukraynanın NATO-ya üzv olmaması şərtini irəli sürür, Ukrayna öz ərazi bütövlüyündən geri çəkilmək istəmir. Gələcək danışıqlarda beynəlxalq güclərin, o cümlədən Türkiyənin vasitəçilik səylərinin necə nəticə verəcəyini zaman göstərəcək.
24-02-2025, 14:20
Hərbi əməliyyatları o zaman dayandıracağıq ki... - Lavrov şərtlə danışdı
Rusiya Federasiyası Ukrayna ilə bağlı danışıqlara hazırdır, lakin yalnız nəticə Rusiya tərəfini qane edərsə, hərbi əməliyyatları dayandıracaq.
Bunu Rusiyanın xarici işlər naziri Sergey Lavrov Türkiyənin xarici işlər naziri Hakan Fidanla danışıqların yekunlarına dair mətbuat konfransında deyib.
“Biz həm Ukrayna, həm də Avropa ilə, xoş niyyətlə sülhün əldə olunmasına kömək etmək istəyən istənilən nümayəndə ilə danışıqlara hazırıq. Lakin biz hərbi əməliyyatları yalnız o zaman dayandıracağıq ki, bu danışıqlar Rusiya Federasiyasını qane edən qəti və davamlı nəticə versin”, - nazir deyib.
Lavrovun sözlərinə görə, Rusiya prezidenti Vladimir Putin bunu açıq şəkildə bəyan edib.
"Əlbəttə, yerlərdəki reallıqlar nəzərə alınmalıdır", - Rusiya XİN rəhbəri vurğulayıb.
24-02-2025, 14:05
Rusiya konsulluğunda partlayış
Rusiyanın Marseldəki Baş Konsulluğunun ərazisinə üç naməlum partlayıcı qurğu atılıb.
Bunu Rusiyanın Marseldəki Baş Konsulluğundan TASS-a məlumat verilib.
Konsulluğun məlumatına görə, atılmış qurğulardan ikisi partlayıb:
"İstehkamçılar yerdə qalan qurğu ilə məşğul olurlar. İtki və dağıntı yoxdur. Diplomatik missiyanın binasına zərər dəyməyib".
24-02-2025, 12:37
Rusiyaya qarşı 16-cı sanksiyalar paketini təsdiqlədilər
Avropa İttifaqı ölkələrinin xarici işlər nazirləri Rusiyaya qarşı 16-cı sanksiyalar paketini təsdiq ediblər.
Bu barədə məlumatı iki diplomata istinadən “Reuters” agentliyi yayıb.
Bildirilib ki, ümumilikdə məhdudiyyətlər Rusiyanın 35 şirkətinə və 48 fiziki şəxsinə şamil ediləcək.
Bununla yanaşı, məhdudiyyətlər arasında Rusiyadan alüminium, xrom və bəzi kimyəvi maddələrin idxalına qadağa da var.
24-02-2025, 00:50
Tramp 350 demişdi, Zelenski 100 deyir
Ukrayna Prezidenti Volodimir Zelenski Birləşmiş Ştatlarla borcun on nəsil ukraynalılar tərəfindən ödəniləcəyi barədə müqavilə imzalamayacaq. Ona görə də ABŞ lideri Donald Trampla dialoq lazımdır.
“Əgər bu gün ABŞ deyirsə, biz sizə yardım edəcəyik, ancaq siz bunu ABŞ üçün qazancla qaytarmalısınız - bu, razılaşmadır. Bu müqavilə qrant deyil. Bu, yeni razılaşmadır. Mən də dedim ki, belə bir dialoqa hazıram”.
Bunu Ukrayna Prezidenti Volodimir Zelenski Rusiya-Ukrayna münaqişəsinin başlanmasının üçüncü ildönümünə dair mətbuat konfransında söyləyib.
Prezident belə bir dialoqun müsbət olacağına əminliyini ifadə edib.
Zelenski, həmçinin Ukraynanın ABŞ-dan 100 milyard dollar həcmində yardım aldığını açıqlayıb. Eyni zamanda, rəsmi Kiyev qrantları Vaşinqtona qaytarılmalı olan borclar kimi tanımağı planlaşdırmır.
Qeyd edək ki, bir müddət öncə Prezident Donald Tramp müharibə dönəmində ABŞ-ın Ukraynaya 350 milyard dollar həcmində yardım etdiyini açıqlamışdı.
24-02-2025, 00:14
Lavrov Türkiyədə
Rusiyanın xarici işlər naziri Sergey Lavrov Türkiyəyə səfər edib.
Rusiya diplomatik missiyasının rəhbərini daşıyan təyyarə Ankara hava limanına enib.
Qeyd edək ki, bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova Lavrovun Türkiyədə bır sıra danışıqlar planlaşdırdığını demişdi.
Onun sözlərinə görə, səfər zamanı beynəlxalq, regional və ikitərəfli münasibətlərə dair geniş mövzular müzakirə olunacaq.
23-02-2025, 22:02
Kansler məğlub olduğunu etiraf etdi
Almaniya kansleri Olaf Şolts bu gün keçirilən parlament seçkilərində təmsil etdiyi Sosial Demokrat Partiyasının (SPD) məğlub olduğunu bildirib.
O, məğlubiyyətə görə məsuliyyəti öz üzərinə götürüb.
"Bu seçkinin nəticələrinə görə məsuliyyət daşıyıram. Bu acı bir nəticə, seçki məğlubiyyətidir", - Şolta deyib.
"Exit-poll" nəticələrinə görə SPD üçüncü yeri tutub.
23-02-2025, 21:42
Almaniya seçkiləri: ilkin nəticələr məlum oldu
Almaniya parlamentinə keçirilən növbədənkənar seçkilərin başa çatmasından sonra "exit-poll" nəticələri açıqlanıb.
Nəticələr Xristian Demokrat İttifaqı/Xristian Sosial Birlik (CDU/CSU) partiyalar blokunun qalib olduğunu göstərir.
CDU/CSU 28,5% səs toplayır. Seçkilərdə seçicilərin 83 faizi iştirak edib.
Exit-poll nəticələrinə görə, ifrat sağçı “Almaniya üçün Alternativ” 19,8% səslə ikinci yerdədir. Bu arada hazırkı kansler Olaf Şolzun mənsub olduğu Sosial Demokrat Partiyası 16,5%-lik tarixi minimuma enərək üçüncü yerdədir. Mərkəz solçu Birlik 90/Yaşıllar 12% səs toplayıb.
23-02-2025, 19:40
İstefa verməyə hazıram - Zelenski
Ukrayna Prezidenti Volodimir Zelenski Ukrayna üçün sülh müqabilində vəzifəsindən istefa verməyə hazır olduğunu açıqlayıb.
Bunu Ukrayna Prezident Volodimir Zelenski Rusiya-Ukrayna münaqişəsinin başlanmasının üçüncü ildönümünə dair mətbuat konfransında söyləyib.
“Əgər sülh Ukrayna üçündürsə və həqiqətən də vəzifəmi tərk etməyimə ehtiyac varsa, mən hazıram. Vəzifəmi Ukraynanın NATO-ya üzvlüyü müqabilində də dərhal dəyişə bilərəm”, - deyə Zelenski jurnalistə cavab verib.
Zelenski, diqqətini 20 ildən sonraya deyil, bu gün Ukraynanın təhlükəsizliyinə yönəltdiyini və onilliklər ərzində hakimiyyətdə qalmaq fikrində olmadığını bildirib.
“Hesab edirəm ki, NATO ən ucuz variantdır və bu, doğrudur. Hər halda, kimin dəstəkləməsindən və ya dəstəkləməməsindən asılı olmayaraq, bu mövzu masadadır”, - deyə Zelenski vurğulayıb.
Ukrayna Prezidenti qeyd edib ki, bu məsələ tərəfdaşlarla müzakirə olunacaq.
23-02-2025, 19:20
Ərdoğan onlara partiyada yüksək vəzifə verdi
Türkiyənin hakim Ədalət və İnkişaf Partiyasının (AK Parti) 8-ci Böyük Qurultayında mühüm təşkilati dəyişikliklər baş tutub.
Qurultayda partiyanın Mərkəzi İdarəetmə və Nəzarət Qurumu (MKYK) yenilənib və onun tərkibində ciddi dəyişikliklər edilib.
AK Partiya sədri Rəcəb Tayyib Ərdoğanın sədr seçilməsindən sonra partiyanın nizamnaməsində dəyişiklik edilib, əvvəl 16 nəfərdən ibarət olan Mərkəzi İcra Komitəsinin (MYK) üzvlərinin sayı 19-a yüksəldilib.
MKYK-ya 39 yeni üzv daxil olub, 36 nəfər isə siyahıdan çıxarılıb. Bu dəyişikliklə partiyanın idarə heyətinin yarıdan çoxu yenilənmiş olub.
Qurultayda diqqətçəkən məqamlardan biri də digər partiyalardan AK Partiyaya yeni qoşulan millət vəkillərinin dərhal MKYK-ya daxil edilməsi olub.
Bunlar arasında sabiq baş nazir Əhməd Davudoğlunun rəhbərlik etdiyi Gələcək Partiyasından ayrılan və konstitusiya hüququ üzrə professor olan Antalya millət vəkili Serap Yazıcı Özbudun və keçmiş İYİ Partiya sözçüsü Kürşat Zorlu xüsusi diqqət çəkib.
Partiyanın yeni siyahısında tanınmış siyasi və ictimai simaların övladları da yer alıb.
Keçmiş futbolçu Məsut Özil, ifaçı Mahmud Tuncerin oğlu Umut Tuncer və şair Abdurrahim Karakoçun oğlu Türk İslam Karakoç da MKYK siyahısına daxil edilən adlar sırasındadır.
Keçmiş TBMM sədri Bülənt Arınçın oğlu Mücahit Arınç, keçmiş Ankara meri Melih Gökçekin oğlu Osman Gökçek və keçmiş ANAP və CHP millət vəkili Aydın Ayaydının qızı Derya Ayaydın da MKYK-nın yeni üzvləri arasında yer alıb.
Bundan əlavə, keçmiş İYİ Partiya millət vəkili Salim Ensarioğlu da AK Partiyaya qatılıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!