29-07-2024, 15:01
Macarıstan Avropa İttifaqında təcrid olunur - Polşa XİN başçısı
"Macarıstan Aİ-də getdikcə təcrid olunur və ölkənin mövqeyi blokun əksər üzv ölkələrini qıcıqlandırır".
Bunu Polşanın xarici işlər naziri Radoslav Sikorski deyib.
Müsahibəsində o qeyd edib ki, Macarıstan Aİ Xarici Əlaqələr Şurasının son iclasında öz mövqeyinə dəstək almayıb.
"Nəinki dəstək almayıblar, onlar neft tədarükü məsələsində Avropa ilə həmrəylik istəyəndə təcrid olunmuş görünürlər. Onlar bu həmrəyliyi əldə etmirlər, çünki kimsə eqoistlik nümayiş etdirirsə, dostluq etmək çətindir", - nazir əlavə edib.
29-07-2024, 14:02
Putin Lavrovun müavinini işdən çıxardı
Rusiya xarici işlər nazirinin birinci müavini Vladimir Titov vəzifəsindən azad olunub.
Bu barədə TASS məlumat yayıb.
Bildirilib ki, bununla bağlı Rusiya prezidenti Vladimir Putin müvafiq qərar imzalayıb.
Qərarın səbəbi bilinmir.
29-07-2024, 13:43
Ermənistanın 900-dək maşını “Yuxarı Lars”da qalıb
Hazırda “Yuxarı Lars” keçid məntəqəsində Rusiya-Gürcüstan sərhədini keçmək üçün gözləyən yük maşınlarının növbəsində 2,7 mindən çox nəqliyyat vasitəsi var.
Bu barədə Şimali Osetiya Yol Hərəkətinin Təşkili Mərkəzi məlumat yayıb.
İyulun 29-u səhər saatlarına olan məlumata görə, gediş-gəliş üçün elektron növbədə 2734 yük avtomobili qeydə alınıb. Onlardan 847-nin Ermənistan nömrə nişanı var.
Xatırladaq ki, iyulun 26-da sel səbəbindən “Yuxarı Lars” keçid məntəqəsi ilə avtomobillərin hərəkəti bir neçə saat müddətinə qadağan edilmişdi;
“Yuxarı Lars” keçid məntəqəsi Ermənistanı Rusiya ilə birləşdirən yeganə quru yoludur.
28-07-2024, 20:15
Pezeşkianın andiçmə mərasimində Türkiyəni o təmsil edəcək
İranın yeni Prezidenti Məsud Pezeşkianın andiçmə mərasimində Türkiyəni xarici işlər naziri Hakan Fidan təmsil edəcək.
Bu barədə İran mətbuatı məlumat yayıb.
Fidan ölkə prezidentinin xüsusi nümayəndəsi kimi İran prezidenti Məsud Pezeşkianın andiçmə mərasimində iştirak edəcək.
Qeyd edək ki, andiçmə mərasimi iyulun 30-da baş tutacaq.
28-07-2024, 18:24
Türkiyədə meşə yanır
Türkiyənin Qaziantep şəhərinin Mərkəzi Şehitkamil rayonunda Dülükbaba Meşəsində naməlum səbəbdən yanğın baş verib.
Bu barədə "TRT Haber" məlumat yayıb.
Məlumata görə, Meşə Əməliyyat Müdirliyi və Böyükşəhər Bələdiyyəsi yanğın qrupları yanğına müdaxilə edir.
Qruplar yanğını nəzarət altına almaq üçün işlərini davam etdirir.
28-07-2024, 16:04
Rusiya Amerika seçkilərinə müdaxilə etmir - Medvedev
ABŞ-də prezident seçkilərinin nəticəsi amerikalıların işidir, Rusiya bu prosesə qarışmır, həm də gələcəklə bağlı heç bir illüziyası yoxdur.
Bunu TASS-ın sualını cavablandıran Rusiya Təhlükəsizlik Şurasının rəhbərinin müavini Dmitri Medvedev deyib.
O, ABŞ-dəkı prezidentlik yarışını şərh edərkən deyib: “Biz, şübhəsiz ki, bu ştatın daxili işlərinə qarışmayacağıq. Kim seçiləcəksə, o da seçiləcək, məsələ seçicilərindir. Baxmayaraq ki, qoca Baydenin intellektual qabiliyyətləri ilə bağlı ilkin məlumatlar çox illüziya yaratmır”.
28-07-2024, 13:56
Putindən ABŞ-yə xəbərdarlıq
Rusiya prezidenti Vladimir Putin Vaşinqtona xəbərdarlıq edib ki, Almaniyada Amerikanın uzaqmənzilli raketlərinin peyda olacağı təqdirdə Rusiya Federasiyası orta və daha qısa mənzilli zərbə silahlarının yerləşdirilməsinə birtərəfli moratoriumun tətbiqini dayandıracaq.
Bu barədə dövlət başçısı Sankt-Peterburqda Baş Dəniz Paradını qəbul edərkən bildirib.
“Amerika administrasiyası və Almaniya hökumətinin 2026-cı ildən Almaniya Federativ Respublikası ərazisində Amerikanın uzaqmənzilli yüksək dəqiqlikli raket sistemlərinin yerləşdirilməsi planlarına dair bəyanatı diqqəti cəlb edir”, - Putin deyib.
Prezident belə silahların Rusiyanın mühüm dövlət və hərbi nəzarət obyektlərinə, inzibati və sənaye mərkəzləri və müdafiə infrastrukturuna çata biləcəyini vurğulayıb.
"Və gələcəkdə nüvə başlıqları ilə təchiz oluna biləcək bu cür raketlərin ərazimizdəki hədəflərə uçuş müddəti təxminən 10 dəqiqə olacaq", - Rusiya dövlət başçısı qeyd edib.
“Əgər Amerika Birləşmiş Ştatları belə planları həyata keçirsə, biz özümüzü orta və daha qısa mənzilli zərbə silahlarının yerləşdirilməsinə, o cümlədən Hərbi Dəniz Qüvvələrimizin sahil qüvvələrinin imkanlarının artırılmasına dair əvvəllər qəbul edilmiş birtərəfli moratoriumdan azad hesab edəcəyik”, - Putin bildirib.
28-07-2024, 12:16
Xamenei Pezeşkianı İranın yeni prezidenti kimi təsdiqlədi
İran İslam Respublikasının lideri Ayətullah Əli Xamenei bazar günü Məsud Pezeşkianı yeni prezident kimi rəsmi olaraq təsdiqləyib.
Bu barədə Mehr xəbər agentliyi məlumat yayıb.
Agentliyin məlumatına görə, mərasimin əvvəlində İranın daxili işlər naziri Əhməd Vəhidi növbədənkənar prezident seçkilərinin necə keçirildiyi barədə rəsmi hesabat təqdim edib və İran xalqına , idarə əməkdaşlarına seçkini uğurlu keçirmələrinə görə təşəkkür edib.
Ayətullah Xamenei daha sonra Pezeşkianın İran İslam Respublikasının 9-cu prezidenti elan edilməsi haqqında fərman verib.
Qeyd edək ki, Məsud Pezeşkianın andiçmə mərasimi iyulun 30-da İran parlamentdə olacaq.
28-07-2024, 11:48
Çində qasırğa - 12 nəfər öldü, vəzifəli şəxslər itkin düşdü
Çinin cənubunda “Qaemi” qasırğasının yaratdığı fəsadlar nəticəsində azı 12 nəfər ölüb, 6 nəfər yaralanıb.
Güclü yağışlar nəticəsində Henyan şəhərində torpaq sürüşməsi baş verib, 300 minə yaxın insan bölgədən təxliyə edilib.
Qeyd olunub ki, şəhər hakimiyyəti mümkün daşqınlarla bağlı xəbərdarlıq edib.
Məlumata görə, Lintszyan şəhərində mer müavini və daha bir məmur xilasetmə işləri zamanı itkin düşüb.
28-07-2024, 11:48
Çində qasırğa - 12 nəfər öldü, vəzifəli şəxslər itkin düşdü
Çinin cənubunda “Qaemi” qasırğasının yaratdığı fəsadlar nəticəsində azı 12 nəfər ölüb, 6 nəfər yaralanıb.
Güclü yağışlar nəticəsində Henyan şəhərində torpaq sürüşməsi baş verib, 300 minə yaxın insan bölgədən təxliyə edilib.
Qeyd olunub ki, şəhər hakimiyyəti mümkün daşqınlarla bağlı xəbərdarlıq edib.
Məlumata görə, Lintszyan şəhərində mer müavini və daha bir məmur xilasetmə işləri zamanı itkin düşüb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!