11-12-2022, 22:53
Odessa işıqsız qaldı
Dekabrın 10-da rusların Ukraynanın Odessa şəhərini atəşə tutması nəticəsində 1.5 milyon insan işıqsız qalıb. Daha sonra şəhərdə elektrik infrastrukturunun bir qismi bərpa edilib. Bu barədə Odessa administrasiyasının rəhbəri Maksim Marçenko məlumat verib. O qeyd edib ki, hazırda 300 mindən çox insan hələ də işıqsızdır. İlkin hesablamalara görə, elektrik enerjisinin tam bərpası iki-üç ay çəkəcək. Xatırladaq ki, Rusiya oktyabr ayından Ukraynanın enerji obyektlərinə zərbələr endirir.
11-12-2022, 22:51
Zelenski Türkiyəylə bağlı paylaşım etdi
Türkiyə Prezidenti Rəcəb Tayyib Ərdoğan və ukraynalı həmkarı Volodimir Zelenski arasında telefon danışığı baş tutub. Bu barədə Zelenski sosial şəbəkə hesabında bildirib. “Türkiyə Prezidenti Rəcəb Tayyib Ərdoğanla dialoqumu davam etdirdim. Ukraynalı uşaqlar üçün sığınacaq və şəhərlərimiz üçün yüzlərlə generator üçün təşəkkürümü bildirdim. Türkiyənin Ukraynanın #GrainFromUkraine təşəbbüsünə verdiyi dəstəyi qeyd etdim. Həmçinin gələcək fəaliyyat və taxıl dəhlizinin mümkün genişlənməsini müzakirə etdik”, - Ukrayna Prezidenti vurğulayıb.
11-12-2022, 22:40
Fəridə Muradxaninin həbs cəzası azaldıldı
2022-ci ilin 23 noyabr tarixində həbs edilən İranın ali rəhbəri Əli Xameneinin bacısı qızı Fəridə Muradxaniyə verilən 15 il həbs cəzası apellyasiya məhkəməsi tərəfindən 3 ilə endirilib. Bu barədə F.Muradxaninin vəkili Muhammed Hüseyn Akasi “Twitter” hesabında məlumat paylaşılıb. Onun sözlərinə görə, bundan əvvəl müvəkkili yurisdiksiya haqqı olmayan din adamlarının xüsusi məhkəməsində mühakimə edilib və 15 il həbs cəzasına məhkum olunub. Amma apellyasiya məhkəməsi onun cəzasını 3 ilə endirib.
11-12-2022, 22:20
Pakistanla Əfqanıstan sərhədində toqquşma
Pakistanın Əfqanıstanla sərhədində yerləşən Spin-Boldak-Çaman keçid məntəqəsi yaxınlığında toqquşma baş verib. Minaatanlarla həyata keçirilən hücum nəticəsində 4 nəfər ölüb, 20 nəfər yaralanıb. Hadisə “Taliban” tərəfdarları ilə Pakistan sərhədçiləri arasında münaqişə zamanı baş verib. Yaralı pakistanlılar Çaman şəhərinə aparılıb.
11-12-2022, 16:11
Əfqanıstan Yaponiyaya təşəkkür etdi
Əfqanıstanın "Taliban" hökuməti Yaponiyaya təşəkkür edib. Bu barədə "Taliban"ın Kabildəki mərkəzi hökuməti məlumat yayıb. Məlumata əsasən, Yaponiya Əfqanıstana 106 milyon dollarlıq humanitar yardım ayırıb. 2023-cü ildə yardım mərhələli şəkildə Kabilə çatdırılacaq. Bunun qarşılığında "Taliban" hökuməti Tokioya təşəkkür edib.
11-12-2022, 16:04
Şimali Kiprdə meymunçiçəyi aşkarlandı
Şimali Kipr Türk Cümhuriyyətində meymunçiçəyi xəstəliyinə ilk yoluxma qeydə alınıb. Bu barədə Türk Cümhuriyyətinin Səhiyyə Nazirliyi məlumat yayıb. Bildirilib ki, Lefkoşa Dövlət Xəstəxanasına müraciət edən şəxsin meymunçiçəyi virusuna yoluxduğu müəyyən olunub. Təcrid olunaraq müalicəsinə başlanan xəstənin təmaslarının təqib edilməsi üçün araşdırmalar aparılır.
11-12-2022, 15:43
Rusiya XİN-dən Gürcüstana mesaj
"Bir daha vurğulamaq istəyirəm ki, Rusiya tərəfi lazımi ilkin şərtlər formalaşarsa, Gürcüstan ilə birbaşa aviareysləri bərpa etmək barədə qərar qəbul edə bilər. Biz qarşı tərəfin mövqeyini gözləyirik". Bunu TASS-a müsahibəsində Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar deyib. O bildirib ki, Rusiya tərəfi buna hazırdır, lakin Gürcüstan bu məsələdə gözləmə mövqeyində dayanıb: “Birbaşa uçuşların bərpası və Gürcüstan vətəndaşları üçün viza rejiminin liberallaşdırılması məsələsində aydın mövqeyimiz var. Lazımi ilkin şərtlər formalaşarsa, biz bununla bağlı qərarların qəbuluna hazırıq. Təəssüf ki, Tbilisinin mövqeyi isə aydın deyil. Hətta Gürcüstan Rusiyaya qarşı daha radikal mövqe nümayiş etdirir".
11-12-2022, 15:39
Avropa İttifaqının Ukraynaya yeni yardım planı təsdiqləndi
Avropa İttifaqı Şurası 2023-cü ildə Ukraynaya 18 milyard avro ayrılmasını təsdiqləyib. Sənəd qəbul olunması üçün gələn həftə Avropa Parlamentinə göndəriləcək. Bu barədə qurumun saytında məlumat yer alıb. Şura Aİ-nin 2023-cü ildə Ukraynaya kredit şəklində 18 milyard avro maliyyə yardımı göstərməsinə imkan verəcək qanunvericilik paketi üzrə razılığa gəlib. Kreditin 10 illik güzəşt müddəti olacaq.
11-12-2022, 15:26
Mərakeşdən Ukraynaya ilk hərbi yardım
Mərakeş Ukraynaya hərbi yardım göstərən ilk Afrika ölkəsi olacaq. Bu barədə Fransanın “Le journal de l” qəzeti yazıb. Qeyd olunub ki, Mərakeş Ukraynaya T-72 tanklarının ehtiyat hissələrini vermək niyyətindədir. Beləliklə, Mərakeş Kiyevi silahla dəstəkləyən Afrika ölkələrindən birincisi olacaq. Həmçinin bildirilib ki, ABŞ-ın tövsiyəsi ilə Ukraynaya tanklar üçün ehtiyat hissələri Kiyevə göndəriləcək.
11-12-2022, 15:01
Konqres anti-Azərbaycan düzəlişlərini qəbul etmədi
ABŞ Konqresinin Nümayəndələr Palatası 2023-cü maliyyə ili üçün ölkənin müdafiə büdcəsi layihəsində ermənipərəst konqresmenlərin təklif etdiyi anti-Azərbaycan düzəlişlərini qəbul etməyib. Konqresin 350 üzvü 858 milyard dollarlıq müdafiə büdcəsini ehtiva edən Milli Müdafiə Səlahiyyətləri Aktının (NDAA) lehinə səs verib. Erməniyönlü konqresmenlər sənədin əleyhinə səs veriblər: Demokratlar Adam Sciff, Frank Palon, Cudi Çu və respublikaçı Qus Bilirakis. Demokrat konqresmenlər Robert Menendez və Aleks Padilla tərəfindən ölkənin 2023-cü maliyyə ili müdafiə büdcəsi təklifinə iki düzəliş, Jackie Speier, Frank Pallon, Adam Schiff və Tony Cardenas tərəfindən beş düzəliş təklif edilmişdi. 682 və 724 saylı düzəlişlər ABŞ-ın Azərbaycana yardımını qadağan etməyi nəzərdə tuturdu.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!