9-12-2022, 17:22
Zelenski: “Türkiyə prezidentinə təşəkkürümü bildirirəm”
Ukrayna prezidenti Volodimir Zelenski türkiyəli həmkarı Rəcəb Tayyib Ərdoğana təşəkkür edib. Zelenski Türkiyədə keçirilən “TRT World Forum” tədbirinin iştirakçılarına video müraciəti zamanı Türkiyənin Ukrayna məsələsindəki rolunu yüksək qiymətləndirib. O, Ukrayna və Rusiya arasında əsirlərin qarşılıqlı dəyişdirilməsinə kömək etdiyinə görə Ərdoğana minnətdar olduqlarını söyləyib. “Türkiyə prezidentinə təşəkkürümü bildirirəm”, - Zelenski deyib.
9-12-2022, 17:15
Kanada bu ölkələrə sanksiya tətbiq etdi
Kanada Rusiya, İran və Myanmaya qarşı sanksiyalar tətbiq edib. Bu barədə Kanadanın Xarici İşlər Nazirliyi məlumat yayıb. Bildirilib ki, sanksiyalara Ukraynaya hərbi təcavüzün əleyhinə olan rusiyalılara qarşı insan hüquqlarının sistematik pozulmasında ittiham olunan Rusiyanın 33 yüksək vəzifəli məmuru və altı təşkilatı daxil edilib. Bundan əlavə, İranda 22 nəfərə, o cümlədən məhkəmə və penitensiar sistemlərin yüksək vəzifəli şəxslərinə, hüquq-mühafizə orqanlarının və dövlət mediasının bəzi xadimlərinə, həmçinin İran İslam Respublikasının ali dini lideri Əli Xameneinin müşavirləri də daxil olmaqla, siyasi dairələrin bir sıra nümayəndələrinə qarşı məhdudlaşdırıcı tədbirlər tətbiq olunub. Sanksiyalar siyahısına Myanmanın hərbi orqanları ilə əlaqəsi olan və hərbçilərin zorakılığına şərait yaradan 12 fiziki və üç hüquqi şəxs də daxil edilib.
9-12-2022, 17:13
Aİİ-yə üzv ölkələr arasında 15 sənəd imzalandı
Qırğızıstanın paytaxtı Bişkek şəhərində keçirilən Avrasiya İqtisadi İttifaqı (Aİİ) sammiti yekunlaşıb. Aİİ-yə üzv ölkələrin dövlət başçılarının toplantısının sonunda 15 sənəd imzalanıb. Kremldən verilən məlumata görə, imzalanan sənədlərlə əldə olunan razılaşmalar müxtəlif sferaları əhatə edir. Qeyd edək ki, Avrasiya İqtisadi İttifaqının sammitində Rusiya, Qazaxıstan, Belarus və Qırğızıstan prezidentləri, habelə Ermənistanın baş naziri iştirak edib.
9-12-2022, 17:10
Ərdoğandan etirazçı çıxış
Türkiyə prezidenti Rəcəb Tayyib Ərdoğan Egey dənizindəki adaların silahlandırılmasına etirazını bildirib. Prezident bu barədə “TRT World Forum”da çıxışı zamanı danışıb. “Biz hələ “F-16” məsələsini həll edə bilməmişik. Egey dənizində, Aralıq dənizində Yunanıstanı hesabsızca dəstəkləyərək təcavüzçü və təxribatçı cəhdlərə cəsarət verənlərə “eyvallah” demədik, deməyəcəyik. NATO-da bərabərik, amma adaları silahla doldurursunuz, təyyarələrlə doldurursunuz”, - deyə Ərdoğan vurğulayıb. Qeyd edək ki, 1924-cü ildə imzalanan Lozanna, eləcə də 1947-ci ildə imzalanan Paris müqavilələrinə əsasən, Yunanıstanın Egey dənizində Türkiyə sahillərinə yaxın ərazidə yerləşən adaları hərbiləşdirməsi qadağan edilib.
9-12-2022, 17:08
Qriqoryandan sülh müqaviləsiylə bağlı açıqlama
Ermənistan Təhlükəsizlik Şurasının (TŞ) katibi Armen Qriqoryan Azərbaycanla Ermənistan arasında imzalanması ehtimal olunan sülh müqaviləsi ilə bağlı yeni məlumatlar açıqlayıb. Qriqoryan bu barədə Ermənistan parlamentinin iclasında danışıb. “Azərbaycanla sülh müqaviləsinin sadəcə 1 maddəsi razılaşdırılıb. Bu, Vyana Konvensiyasına uyğun olaraq, ölkələr arasında diplomatik əlaqələrin qurulması ilə bağlıdır. Başqa məsələlərdə dəqiq razılaşma yoxdur”, - deyə Qriqoryan bildirib. Onun sözlərinə görə, sülh müqaviləsinin mətni indiyə qədər 3 dəfə redaktə olunub: “Hazırda müqavilənin üzərində Ermənistan tərəfi işləyir”.
9-12-2022, 17:02
Zelenski ölkə böhranından danışdı
“13 milyondan tondan artıq kənd təsərrüfatı məhsulunu 40-dan çox ölkəyə çatdırmışıq”. Bunu Ukrayna prezidenti Volodimir Zelenski Türkiyədə keçirilən “TRT World Forum” tədbirinə ünvanlandığı müraciətində deyib. “Bizim cəsur əsgərlərimizin Rusiyaya ilə müharibədəki gücü, eləcə də diplomatiyamızın gücü sayəsində Qara dənizdəki üç limandan ixracatı bərpa etməyi bacardıq. Burada Türkiyə və BMT ilə birgə fəaliyyətimizlə aclıq böhranının qarşısını aldıq”, - deyə Zelenski bildirib. O, fəaliyyətin Afrika ölkələri tərəfindən hiss olunduğunu xüsusi vurğulayıb.
9-12-2022, 16:54
Ukrayna xalqı Qərbin qurbanına çevrilib - Putin
Rusiya prezidenti Vladimir Putin deyib ki, hazırda çoxqütblü dünyanın inkişafında dəyişikliklər baş verir. Putin bunu Şanxay Əməkdaşlıq Təşkilatı (ŞƏT) və MDB-yə üzv dövlətlərin müdafiə nazirlərinin iclasının iştirakçılarına video müraciətində deyib. "Bu gün yeni kəskin çağırışlar yaranır, geosiyasi dəyişikliklər baş verir. Gözümüzün qarşısında həqiqətən çoxqütblü dünya nizamının konturları yaranır: Asiya, Afrika, Latın Amerikasında yeni inkişaf mərkəzləri formalaşır. Tarixin bu obyektiv proseslərinə müqavimət göstərmək sadəcə mümkün deyil”, - Putin qeyd edib. Rusiya prezidenti Ukrayna ilə aparılan müharibəyə də toxunub. Deyib ki, Qərb bütün vasitələrlə öz dominantlığını qorumağa çalışır, Ukrayna xalqı isə bu istəklərin qurbanına çevrilir. "Biz Ukraynada bu cür hərəkətlərin ağır nəticələrini görürük. Bir neçə ildir ki, Qərb həyasızcasına Ukraynanın resurslarını mənimsədi və istismar etdi, bu ölkəni faktiki olaraq müstəmləkəyə çevirdi. İndi də Ukraynanı silah və sursatla təmin etməklə, muzdlular göndərərək, onu intihar yoluna sövq edir”. Rusiya lideri bildirib ki, alternativ inkişaf modellərini saxlamaq üçün Qərb qeyri-qanuni sanksiyalar tətbiq edir, “rəngli inqilablar” texnologiyalarından istifadə edir və hərbi münaqişələri qızışdırır. Putin ŞƏT və MDB çərçivəsində daimi məlumat mübadiləsinin və hərbi-texniki əməkdaşlığın qurulmasının vacibliyini qeyd edib. O, həmçinin birgə sülhməramlı missiyaların müstəsna əhəmiyyətini qeyd edib.
9-12-2022, 16:50
Rusiya İran istehsalı yeni PUA-lar alıb
Rusiya İran istehsalı olan pilotsuz uçuş aparatlarının (PUA) yeni partiyasını alıb. Bu barədə Britaniya Müdafiə Nazirliyi Twitter-də kəşfiyyat məlumatlarına istinadən məlumat yayıb. İddia olunur ki, Rusiya bir neçə yüz “Shahed-131” və “Shahed-136” pilotsuz uçan aparatlarından ibarət əvvəlki ehtiyatını tükəndirib və çox güman ki, indi əlavə PUA-lar alıb. Kəşfiyyat qeyd edir ki, 2022-ci il dekabrın 6-da Ukrayna Silahlı Qüvvələrinin Baş Qərargahı 17 pilotsuz uçan aparatın, o cümlədən 14 “Sahed-136”nın vurulması barədə məlumat verib.
9-12-2022, 16:14
Ukrayna xalqıyla bağlı dua edərkən ağladı
Roma Papası Fransisik Ukrayna xalqı ilə bağlı dua edərkən ağlayıb. Papa Tanrıdan Ukraynaya sülh arzulayarkən Rusiya müharibəsinin dəhşətli nəticələrindən əziyyət çəkən xalqın halına acıyıb. “Müqəddəs Tanrı, bu gün Sizə Ukrayna xalqının uzun müddətdir ki, Rəbbdən xahiş etdiyimiz sülhə görə minnətdarlığını çatdırmaq istəyirəm. Əvəzində bu əzablı, səbirli məmləkətin övladlarının, qocalarının, ata və analarının, gənclərinin dualarını bir daha sizə təqdim etməliyəm. Amma əslində bilirik ki, Siz bütün əziyyət çəkənlərin yanındasınız”, - deyə Papa bildirib. “Ukrayna xalqı” sözlərindən sonra Papa danışmağı dayandırıb və ağlamağa başlayıb.
[media=https://youtu.be/GA35ecgIIRQ]
9-12-2022, 16:11
ABŞ-dan Ukraynaya 275 milyon dollarlıq yardım
ABŞ administrasiyası Ukraynaya növbəti hərbi yardımı paketini təqdim etməyə hazırlaşır. Yardım paketi hava hücumundan müdafiə sistemini möhkəmləndirmək və PUA-ya qarşı mübarizə aparmaq üçün nəzərdə tutulmuş avadanlıq daxil olmaqla, 275 milyon dollar həcmindədir. Amerikanın Ukraynaya HIMARS reaktiv yaylım atəşi sistemləri, zirehli “Humvee” və enerji generatorları üçün sursat verməsi gözlənilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!