18-11-2022, 17:39
İranda Xomeyninin evi yandırıldı
Etirazçılar İran İslam Respublikasının birinci ali rəhbəri və qurucusu olmuş Ruhullah Xomeyninin evini yandırıb. Bu barədə məlumatı “Arab News” portalı yayıb. Məlumata görə, yandırılan ev muzey kimi istifadə olunub. Aksiya iştirakçıları bina yanarkən İran rejimi əleyhinə şüarlar səsləndiriblər. Xatırladaq ki, cari ilin sentyabr ayının ortalarından başlayaraq İranda etiraz aksiyaları keçirilir. Belə ki, 22 yaşlı Məhsa Əmininin əxlaq polisi tərəfindən zorakılığa məruz qalması və bir müddət sonra xəstəxanada vəfat etməsi ölkədə ictimai-siyasi vəziyyəti gərginləşdirib. Etirazçılar ölkədə hakimiyyətin dəyişməsini tələb ediblər.
18-11-2022, 17:37
Dəhşətli hadisə: Bir ailənin 7 üzvü yanaraq öldü
Rusiyanın Başqırdıstan Respublikasında şəxsi evdə baş vermiş yanğın nəticəsində bir ailənin 7 üzvü həlak olub. Hadisə Başqırdıstanın Sterlitamak rayonunun Matveyevka kəndində qeydə alınıb. Yanğın söndürüldükdən sonra evdə ailənin 7 üzvünün, o cümlədən 5 uşağın meyitləri tapılıb. Məlumata görə, ailə öz övladlarından başqa daha 4 uşağı övladlığa götürüb. Hadisə zamanı ailə başçısı iki azyaşlını – 5 yaşlı Arslan və Boqdan əkiz qardaşlarını xilas etsə də, özü həlak olub.
18-11-2022, 17:33
Rusiyada uçuş qadağasının vaxtı uzadıldı
Rusiyanın cənubunda və mərkəzi hissəsində yerləşən aeroportlarda uçuş məhdudiyyətləri yenidən uzadılıb. Butov.az xəbər verir ki, Rosaviasiya 11 aeroportda uçuşlara məhdudiyyət rejimini 2022-ci il noyabrın 27-dək uzadıb. Məhdudiyyətlər Anapa, Belqorod, Bryansk, Voronej, Gəlincik, Krasnodar, Kursk, Lipetsk, Rostov, Simferopol və Elista hava limanlarına aiddir. Xatırladaq ki, Rusiya Ukraynada apardığı müharibə ilə əlaqədar 2022-ci il fevralın 24-dən etibarən ölkənin cənubunda və mərkəzi hissəsində hava məkanının bir hissəsini mülki təyyarələr üçün bağlayıb.
18-11-2022, 17:20
Şimali Koreya Yaponiyaya raket atdı
Şimali Koreyanın atdığı qitələrarası raket Yaponiyanın Hokkaydo adasından təqribən 200 kilometr qərbə düşüb. Bu barədə Yaponiya Müdafiə Nazirliyi məlumat yayıb. Bildirilib ki, raket adi trayektoriya ilə uçacağı təqdirdə 15 min kilometr məsafəni qət edərək ABŞ ərazisinə çata bilər. Yaponiyanın müdafiə naziri Yasukazu Hamada deyib ki, dünən yerli vaxtla saat 10:14-də buraxılan raket saat 11:23-də dənizə düşüb. Raketin uçuş müddəti 69 dəqiqə təşkil edib. İlkin məlumatlara əsasən, 6 min kilometr maksimal hündürlüyə qalxan raket min kilometr məsafə qət edib. Raketin buraxılışından sonra ABŞ hərbi-hava qüvvələrinin Aomori prefekturasında yerləşən Misava bazasında həyəcan siqnalı verilib.
18-11-2022, 17:14
İstanbul terroruna görə 17 nəfər həbs olundu
Türkiyənin İstanbul şəhərində noyabrın 13-də terror aktı törətməkdə şübhəli bilinən 17 nəfər həbs olunub. Butov.az xəbər verir ki, həbs olunanlar arasında terror aktını törədən Suriyaəsilli qadın Əhləm Əlbəşir də var. Türkiyə polisi ümumilikdə terror aktında iştirak etməkdə şübhəli bilinən 51 nəfəri saxlayıb. Qeyd edək ki, noyabrın 13-də İstanbulun İstiqlal küçəsində baş vermiş partlayış nəticəsində 6 nəfər həlak olub, 81 nəfər yaralanıb. Yaralılardan ikisinin vəziyyəti ağır qiymətləndirilir. Hadisəni törətməkdə ittiham olunan Suriya əsilli Əhlam Əlbəşir gizləndiyi evdə saxlanılaraq istintaqa cəlb olunub.
18-11-2022, 17:09
Qəzzada dəhşətli yanğın - 21 nəfər öldü
Qəzza zolağında ziyafət keçirilən binada güclü yanğın baş verib. Hadisə nəticəsində azı 21 nəfər ölüb. Qəzza zolağının şimalındakı Cabalia qaçqın düşərgəsində yerləşən yaşayış binası tamamilə yanıb. Hadisə nəticəsində yaralıların olduğu bildirilir. Lakin xəsarət alanların sayı barədə məlumat verilməyib. Qeyd edək ki, Cabalia 2,3 milyon insanın yaşadığı səkkiz qaçqın düşərgəsindən biridir.
17-11-2022, 22:51
Pelosi vəzifədən getdiyini açıqladı
ABŞ Nümayəndələr Palatasının spikeri Nensi Pelosi vəzifəsini tərk edəcək. Bu barədə o, palatada çıxışı zamanı bildirib. Pelosi qeyd edib ki, Demokrat fraksiyaya yeni nəslin rəhbərlik etməsi lazımdır. "Çoxlarının bu böyük məsuliyyəti çiyninə götürməyə hazır olduqlarına görə minnətdaram” , - o deyib. Bundan əlavə, Pelosi ABŞ Konqresində qalıb işləməyə davam edəcəyini söyləyib.
17-11-2022, 22:50
İrana qarşı sanksiyalar genişləndirildi
ABŞ İranın neft sektoru ilə işləyən 13 şirkətə qarşı sanksiya tətbiq edib. Bu barədə ABŞ Maliyyə Nazirliyin saytında məlumat yayılıb. Sanksiya siyahısına BƏƏ və Çində, xüsusən də Honq Konqda qeydiyyatdan keçmiş şirkətlər daxildir. Sanksiya siyahısına daxil edilmiş şirkətlərin bütün əmlak və aktivləri bloklanmalıdır.
17-11-2022, 22:47
Nazir helikopter qəzasında öldü
Meksikanın mərkəzi Aquaskalientes əyalətində helikopter qəzaya uğrayıb. Butov.az xəbər verir ki, qəza nəticəsində 5 nəfər ölüb. Ölənlərin biri Meksikanın ictimai təhlükəsizlik naziri Porfirio Xavyer Sançes Mendozadır. Ölkənin şimalında baş verən qəzanın səbəbi bəlli deyil.
17-11-2022, 22:32
İrandan Türkiyəyə terrorçular keçdi - Biri öldürüldü
İran sərhədindən Türkiyəyə daxil olan 2 terrorçu zərərsizləşdirilib. Bu barədə Türkiyə Daxili İşlər Nazirliyi məlumat yayıb. Bildirilib ki, Muş bölgəsində terrorçularla Türkiyə komandoları arasında toqquşma yaşanıb. Qarşıdurma zamanı İran sərhədindən Türkiyəyə daxil olan 2 PKK/KCK terrorçusundan birinin ölü, digərinin isə sağ ələ keçirildiyi qeyd edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!