Hörmətli Tariyel müəllim!
Sizi – istedadlı şairimizi 75 illik yubileyiniz münasibətilə təbrik edirik.
Siz 1945-ci ildə Cənubi Azərbaycanın Əhər şəhərinin Dürmüşganlı kəndində anadan olmusunuz. 1946-cı ildə ailəliklə Ağdam şəhərinə köçmüsünüz. Orta texniki təhsilinizi Ağdamda almısınız. Politexnik inistitutunu (1972) və Jurnalist Sənətkarlığı inistitutu (1988) ildə bitirmisiniz.
Azərbaycan Ədəbiyyatına gəlişinizi 70-ci illərdə Xalq şairi Söhrab Tahir “Ulduz” jurnalında “Uğur olsun”la qeyd edib.
1973-cü ildə isə Xalq şairi Balaş Azəroğlu “Ədəbiyyat və İncəsənət” qəzetində “Uğur olsun” yazıb. Bu iki xalq şairini özünüzə ustad hesab edirsiniz.
Cənubi Azərbaycan Yazıçılar Cəmiyyətinin (1968-ci ildən) üzvü, Azərbaycan Yazıçılar Birliyinin (1988-ci ildən) üzvü, İranlı Mühacirlər Cəmiyyətinin Ədəbi Birliyinin sədrisiniz (2015-ci ildən),

“Ağ günün qanadları” (1986 “Yazıçı”)

“Buda bir taledi (“2012 , “Şirvannəşr”)

“Mənim Gülüstanım” (2012, Şirvannəşr”)

“yetmiş pilləkan” (2015, “Şirvannəşr”)

Kitablarınız oxucuların rəğbətini qazanıb. 2015-ci ildə Dədə Qorqud Beynəlxalq mükafatı laureatı adına layiq görülmüsünüz. Şeirləriniz, hekayə və poemalarınız mərkəzi mətbuatda, ədəbi almanaxlarda “Çinar pöhrələri”1.2. “El məhəbbəti”, “Ədəbi Şirvan”, “odlu misralar”, “Parçalanmış millətin harayı”. “Səhər”, “Şəhriyar” və başqa almanaxlarda çap olunub.
Hazırda ərəb əlifbası ilə çıxan “Azərbaycan” ruznaməsinin və “Mühacir” qəzetinin əməkdaşısınız. ADFMK-nın komissiya üzvüsünüz.

Hörmətli Tariyel müəllim!
Sizi bir daha yubileyiniz münasibəti ilə təbrik edir, uzun ömür, cansağlığı, yaradsıcılıq uğurları arzu edirik.
Azərbaycan Yazıçılar Birliyi

Tariyel Ümid
Nədir?
Dolandıq günəşin ayın başına,

Bilmədik bu yerin xanası nədir?

Pisliklə, yaxşılıq qarşı-qarşıya,

Səmanın yeddi rəng hanası nədir?

Dünya həmişəlik qalmaqçün deyil,

Bir kəsin önündə nə sın nə əyil,

Heç kəs anlamayır bilmir ey könül,

Bu qısa ömrün mənası nədir?

Ömürlər qırılır, güllər solur tər,

Daha yola getmir xeyir ilə şər.

Yaşamaq eşqini itirib bəşər,

Azanın çağırış sədası nədir?

Məhəbbət mülkünün yeri boşdursa,

Güldən-gülə qonan sevgi quşdursa.

Eşqin, məhəbbətin sonu puçdursa...

Məşuqun aşiqə ədası nədir?

Həmişə, hər yerdə yaxşılıq edin,

Əlinizdə quran, qəlbinizdə din.

Xalqım özü desin, Tariyel Ümidin,

Yaxşılığı nədir, xətası nədir?

05.10.2019
Bakı. Hökməli