İrəvan » Səhifə 3

7-02-2022, 12:16

Ermənistanda iki hərbçi qeyri-müəyyən şəraitdə öz mövqelərindən yoxa çıxıb.
Bu barədə Ordum.az Ermənistan mətbuatına istinadən xəbər verir. Qeyd edilir ki, onlardan biri Vayotsdzor Qladzor icmasının sakini, müqaviləli hərbçi, 33 yaşlı Vahe Manukyandır.
Vahe Manukyan 2021-ci ilin 12 noyabrından axtarışdadır. Hərbçi həyat yoldaşı ilə telefon danışığı zamanı yoxa çıxıb. Onun itkin düşməsi faktı üzrə 10 gün sonra mövqeni icazəsiz tərk etməsi maddəsi ilə cinayət işi açılıb. Yerli KİV vurğulayıb ki, hərbi polisin belə məlumatları haradan əldə etdiyi, hərbi polis əməkdaşlarının ailəyə hansı əsasla Vahenin fərari kimi qaçması barədə məlumat verməsi məlum deyil, çünki bununla bağlı şahid və müvafiq ifadə yoxdur.
Üstəlik, Vahenin yoxa çıxma şəraiti xüsusən Müdafiə Nazirliyinin onun xidmət müddətinin uzadılması ilə bağlı açıqlaması, habelə digər iddialar fonunda şübhəlidir.
Qeyd edilir ki, eyni mövqedə daha bir əsgər, 19 yaşlı Narek Mkrtçyan da itkin düşüb. Onun barəsində də eyni əsasda cinayət işi başlanıb. Uzun müddət davam edən istintaq zamanı Narekin cinayət işində heç bir şübhəli və digər təqsirləndirilən şəxslər iştirak etməyib, ittiham yalnız itkin düşən hərbçiyə qarşı irəli sürülüb.

Ermənistanda əsgərlər mövqelərdən yoxa çıxıb

5-02-2022, 22:05

Köçəryan, Sərkisyan, Saakyan və katolikos daşnaklarla birgə türklərə qarşı çağırış etdi...

Köçəryan, Sərkisyan, Saakyan və katolikos daşnaklarla birgə türklərə qarşı çağırış etdi...
"Alman faşizminin liderləri Berlində məhv edildiyi kimi, erməni neofaşizminin ideoloq və başçıları da İrəvanda yaxalanıb Haqq məhkəməsi qarşısına çıxarılmayınca bunları susdurmaq mümkün olmayacaq..."
Terrorçu "Daşnaksütyun" partiyasının bu gün İrəvanda keçirilmiş illik toplantısında Ermənistanın və Qarabağdakı separatçı rejimin terrorçu eks-prezidentləri Robert Köçəryan, Serj Sərkisyan, Bako Saakyan və Arkadi Qukasyan, müxalifət partiyalarının liderləri, habelə bütün ermənilərin katolikosu II Qaregin Azərbaycan və Türkiyəyə qarşı kəskin çağırışlar ediblər.
Moderator.az xəbər verir ki, bu haqda erməni mediası məlumat yayıb.
""Daşnaksütyun” ümummilli hərəkata başlamağı və Ermənistan-Türkiyə münasibətlərinin normallaşmasını dayandırmağı təklif edir.
"Diaspordan, Ermənistandan və Qarabağdan olan ermənilər vətəni bərpa etmək hərəkatına qoşulmalıdırlar" - "Daşnaksütyun" partiyasının nümayəndəsi İşxan Sağatelyan partiyanın yaradılmasının 131-ci ildönümünə həsr olunmuş tədbirdə deyib.
Sağatelyan hesab edir ki, Ermənistan-Türkiyə münasibətlərinin normallaşması prosesi dayandırılmalıdır. Eyni zamanda, o vurğulayıb ki, müxalifətlə indiki iqtidar arasında olan fikir ayrılıqları şəxsi deyil, ideoloji xarakter daşıyır və Ermənistanın və Dağlıq Qarabağın, eləcə də bütün erməni diasporunun gələcəyi ilə bağlıdır"- xəbərdə belə deyilir.
P.S. Alman faşizminin liderləri Berlində məhv edildiyi kimi, erməni neofaşizminin ideoloq və başçıları da İrəvanda yaxalanıb Haqq məhkəməsi qarşısına çıxarılmayınca bunları susdurmaq mümkün olmayacaq...

Daşnaklar türklərə qarşı çağırış etdi.

27-01-2022, 21:13

Ermənistanda hökm sürən hava şəraiti və yolların acınacaqlı vəziyyətdə olması zəncirvari qəzaya səbəb olub.

NOCOMMENT Sputnik Armenia-ya istinadən xəbər verir ki, Göyçə-İrəvan yolunda 20 maşın qəzaya uğrayıb.

Avtomobillərdən bəziləri yolun hərəkət hissəsindən çıxaraq aşıb, bəziləri ağaca çırpılıb.

Bütöv.az

Göyçə-İrəvan yolunda onlarla maşın bir-birinə girdi – VİDEO

28-12-2021, 11:18

Arazdəyən-Culfa-Ordubad-Mehri-Horadiz dəmir yolunun Ermənistan hissəsinin təmiri 226 milyon dollar başa gələcək.

Axar.az xəbər verir ki, bu barədə Ermənistanın Ərazi idarəetmə və İnfrastruktur Nazirliyi məlumat yayıb.
Məlumata görə, Mehri bölgəsindəki işlər, təxminən, 221 milyon dollara başa gələcək. Burada dəmir yolunun uzunluğu 45 kilometr olacaq. Təxminən 5 milyon dollar da Arazdəyən rayonundakı sahənin (1 kilometr) təmirinə sərf olunacaq.

Bütöv.az

İrəvan Zəngəzur dəmir yolunun xərcini açıqladı

21-12-2021, 15:20

“Ermənistan parlamentinin spikeri təyin edilmiş Alen Simonyan itkin düşən və əsirlərin qohumları ilə görüşür, timsah göz yaşları tökür və deyir ki, onlar gecələr yatmırlar – yalnız əsirləri düşünürlər. Ertəsi gün isə onun Nikol Paşinyanın qaynı və uğursuz “DJ Edo” ləqəbli baş nazir aparatının rəhbəri Eduard Ağacanya Yunanıstanın Mikonos adasına uçurlar və sahil diskotekasında əylənirlər”.

Bütöv.az xəbər verir ki, bu məlumatı Ermənistanı 7or.am saytı yayıb.

“Bu günlərdə Paşinyanın qaynı Qraçın daha bir əndrəbadi diskoteka rəqsi qeydə alınıb. O, Paşinyanın oğlu Aşot, deputat Sisak Qabrielyan və ölüm gətirən keçmiş səhiyyə naziri Arsen Torosyan diskotekada dincəliblər (videoda Sisak Qabrielyan görünür, lakin şahidlər Paşinyanın qaynı Hraçın Arsen Torosyan, Aşotik və Edonun orada olduğunu söyləyir). Şahidlərin dediyinə görə, alkoqol və narkotikin təsiri altında olan üzdəniraqlar “fədakarcasına” rəqs ediblər…”- erməni nəşrinin yaydığı məlumatda belə deyilir.

Paşinyanın oğlu və qaynı narkotik qəbul etmiş halda rəqs edərkən yaxalandı…- VİDEO

20-12-2021, 15:34

“Türkiyə və Ermənistanın iki ölkə arasında münasibətlərin normallaşdırılması məsələləri üzrə xüsusi nümayəndələri yaxın vaxtlarda görüş keçirə bilər”.

Bununla bağlı Türkiyənin xarici işlər naziri Mövlud Çavuşoğlu məlumat verib.
“Münasibətlərin normallaşdırılması prosesinin başlanması üçün xüsusi nümayəndələr təyin etdik. Yaxın vaxtlarda onlar danışıqlar aparacaqlar”, - deyə türkiyəli nazir bildirib.

O, həmçinin qeyd edib ki, İstanbul-İrəvan aviareyslərinin icrasına yaxın günlərdə başlanılacaq.

“Şirkətlər müraciətlər göndəriblər. Biz onları nəzərdən keçiririk. Onlardan bəziləri yaxın günlərdə uçuşlara başlayacaq. Bütün bu qərarları qəbul edərkən Azərbaycanla müzakirələri davam etdiririk”, - deyə Türkiyə XİN başçısı qeyd edib.

Mənbə: TASS

Bütöv.az

Çavuşoğlu: “İstanbul-İrəvan aviareyslərinin icrasına yaxın günlərdə başlanılacaq”

17-12-2021, 10:23

Rəsmi İrəvan hələ ki AZAL-dan Ermənistan ərazisində həyata keçirilən uçuşlara görə ödəniş almayıb.

Bütöv.az xəbər verir ki, bu barədə Ermənistan Mülki Aviasiya Komitəsi bildirib.

Xatırladaq ki, oktyabrın 6-dan “Azərbaycan Hava Yolları” Bakıdan Naxçıvana sərnişin reysləri həyata keçirmək üçün Ermənistanın hava məkanından istifadə etməyə başlayıb.

İrəvan hələ ki AZAL-dan pul almayıb

13-12-2021, 13:56

Ermənistanın Baş naziri Nikol Paşinyan Eçmiədzindəki 5 nömrəli məktəbin açılışında iştirak edib.

Bütöv.az erməni KİV-ə istinadən xəbər verir ki, Paşinyanın rayona səfəri zamanı səhər tezdən ərazidə gücləndirilmiş xidmət tədbirləri həyata keçirilib. Belə ki, polislər rayonu gəzərək vətəndaşları səkiləri “təmizləməyə”, maşınları yığışdırmağa məcbur edib. Bu da haqlı olaraq sakinlərin narazılığına səbəb olub.

Bununla yanaşı, əraziyə çox sayda polis qrupları və canlı qüvvə cəlb olunub.

Paşinyanın səfər edəcəyi rayona polislər cəlb olundu - VİDEO

10-12-2021, 18:01

İrəvanda “Azadlıq” Hərəkatı üzvləri Xarici İşlər Nazirliyinin binasının yaxınlığında etiraz aksiyası keçirib.

Bütöv.az yerli mənbələrə istinadən xəbər verir ki,ardınca etirazçılar nazirliyin binasına daxil olublar. Polis onları ərazidən çıxarmaq istəyəndə qarşıdurma baş verib. Nəticədə bir neçə nəfər saxlanılıb. Nümayişçilər Qarabağdakı ermənilərlə bağlı hökumətdən məlumat tələb edirlər.

İrəvanda gərginlik: Xarici İşlər Nazirliyində qarşıdurma oldu - VİDEO

8-12-2021, 17:38

İkinci Qarabağ müharibəsində ölən və itkin düşən erməni hərbçilərinin ailələri İrəvanda yeidən etiraz aksiyasına toplaşıblar.

Bütöv.az xəbər verir ki, Baqramyan prospektini bağlayan ailələr Ermənistan hökumətindən övladlarını haqqlarını tələb ediblər. Əraziyə çox sayda polis və canlı qüvvə cəlb olunub. Bildirilir ki, etirazçılarla polislər arasında qarşdurma yaranıb.

Nəticədə bir neçə şəxs polis tərəfindən saxlanılıb. İrəvan sakinləri etirazlarını davam etdirirlər.