"Qalatasaray" səfərdə qələbə qazandı .....                        O da Ankarada Suriya lideri ilə görüşdü .....                        74 yaşlı qadının əl-ayağını bağlayıb başına kisə keçirdilər .....                        Qatarın qarşısına qəfil çıxan şəxs yaralandı .....                        "Neftçi" məğlub oldu .....                        Ərdoğanla Əhməd əl-Şaraa 1 saat yarım nələrdən danışdılar... .....                        Şuşada “Xarıbülbül” Festivalının açılışı - FOTO .....                        Cüdoçularımız erməni rəqiblərini məğlub etdi .....                        İsrail-Azərbaycan əlaqələrində 4 vacib amil - SƏFİR AÇIQLADI .....                       
29-12-2023, 17:17
Cəlilabadda kanalda azyaşlı bacılar boğuldu


Cəlilabadda kanalda azyaşlı bacılar boğuldu

Cəlilabadda kanalda boğulanlar azyaşlı bacılardır.
Kanalda boğulanların 4 yaşlı Abdullayeva Nərmin Vüsal qızı və onun bacısı 7 yaşlı, birinci sinif şagirdi Leyla olduğu bildirilir.
İlkin məlumata görə, 4 yaşlı Nərmin kanala düşüb, bacısı ona kömək etmək istəyən zaman suya yıxılıb.
Azyaşlılardan birinin meyiti sudan çıxarılıb, digərinin axtarışları davam edir.
29-12-2023, 17:09
Azərbaycanla sərhəddə yerləşən avtomobil buraxılış məntəqəsi açıldı


Azərbaycanla sərhəddə yerləşən avtomobil buraxılış məntəqəsi açıldı

Rusiyanın nəqliyyat naziri Vitali Savelyevin iştirakı ilə Azərbaycanla sərhəddə yerləşən Yaraq-Kazmalyar avtomobil buraxılış məntəqəsi telekörpü vasitəsilə açılıb.
Bu barədə TASS məlumat yayıb.
Nazir qeyd edib ki, Yaraq-Kazmalyar məntəqəsinin yenidən qurulması yükdaşıma qabiliyyətini iki dəfədən çox artırmağa imkan verib. Hərəkət zolaqlarının sayı 14-dən 22-yə yüksəlib.
“Bu il biz yük avtomobillərinin keçidi üzrə rekord vurduq - 2 mindən çox yük maşını. Bu, 2022-ci illə müqayisədə 10% çoxdur”, - Savelyev bildirib.
Dağıstan Nazirlər Kabinetinin rəhbəri Əbdülmüslim Əbdülmüslimovun sözlərinə görə, Yaraq-Kazmalyar məntəqəsinin yenidən qurulması həm Rusiya mallarının ixracını, həm də Rusiyaya beynəlxalq malların idxalını artıracaq.
"Bu, öz növbəsində, Dağıstan Respublikasının və bütövlükdə ölkənin sosial-iqtisadi inkişafına əlavə təkan verəcək", - o çıxış edib.
Gürcüstanla sərhəddə yenidən qurulan “Yuxarı Lars” avtomobil buraxılış məntəqəsinin də telekörpü vasitəsilə açılışı olub. Təkmilləşdirmədən sonra yükdaşıma qabiliyyəti iki dəfədən çox artaraq gündə 1,5 min yük avtomobilinə çatdırılıb.
“Bu il Yuxarı Lars sərhəd-keçid məntəqəsindən 335 mindən çox yük maşını keçib ki, bu da keçən illə müqayisədə 19% çoxdur. Bu da mütləq rekorddur”, - Savelyev əlavə edib.
Yaraq-Kazmalyar çoxtərəfli avtomobil keçid məntəqəsi Azərbaycan, İran, Hindistan və Cənubi Asiya, eləcə də Fars körfəzinin digər ölkələrinə yüklərin tranzitinin, ixracının və idxalının təmin edilməsində strateji əhəmiyyətə malikdir.
O, “Şimal-Cənub” beynəlxalq nəqliyyat dəhlizinin kəsişməsində yerləşən əsas obyektlərdən biridir. Yuxarı Lars Gürcüstanla sərhəddəki yeganə avtomobil keçid məntəqəsidir və Rusiyanın ən işlək məntəqələrindən biridir.
29-12-2023, 16:26
Erməni eks-prezident Azərbaycandan qisas almaqdan danışıb


Erməni eks-prezident Azərbaycandan qisas almaqdan danışıb

Ermənistan parlamentinin müxalifətdən olan deputatı, “Mənim şərəfim var” fraksiyasının katibi Tiqran Abramyan revanşist açıqlama ilə çıxış edərək, Azərbaycandan qisas almaq haqda danışıb.
Eks-prezident Serj Sarkisyanın Respublika Partiyasında təmsil olunan Tiqran Abramyanın sözlərinə görə, Azərbaycandan qisas almaq ilk növbədə Ermənistanda hakimiyyətin ən yüksək eşelonunda olan şəxslərin vəzifədən dərhal kənarlaşdırılması deməkdir
“Azərbaycan anlayır ki, Ermənistanda hazırkı reallıqlarla (Qarabağın itirilməsi-red.) sadəcə barışa bilməyən qüvvələr var və bunu özləri üçün təhlükə kimi görürlər”, - Tiqran Abramyan revanşistləri nəzərdə tutaraq deyib.
Abramyanın fikrincə, Ermənistanın hazırkı iqtidarı da “qisas” sözündə hakimiyyətdən məhrum edilmə ehtimalını görür, buna görə də onun səsləndirilməsinə qarşıdır.
“Azərbaycandan qisas almaq, ilk növbədə, Ermənistanda hakimiyyətin ən yüksək eşelonunda Azərbaycanın ideoloji baxımdan həmfikir adamları olan şəxslərin dərhal kənarlaşdırılması deməkdir, çünki Bakı ilə “hesablaşmaq” yalnız bundan sonra mümkündür”.
T.Abramyan deyib ki, Ermənistan Respublikasının üçüncü prezidenti Serj Sarkisyan da bir gün əvvəl bu mövzuya toxunaraq, belə bir istəyin indiki şəraitdə nəinki normal, həm də təbii olduğuna işarə edib.
“Bakı hər şeyi edə bilər, biz isə heç nə? Onda belə həyat kimə lazımdır? Serj Sarkisyan da qeyd edib ki, xalqı layiqli həyatın əsas axınına qaytarmaq ideyası, əslində, həm də qisas ideyası ilə səsləşir”.
29-12-2023, 16:24
Şuşada ölümlə nəticələnən qəza baş verib


Şuşada ölümlə nəticələnən qəza baş verib

Əhmədbəyli-Füzuli-Şuşa avtomobil yolunda ölümlə nəticələnən qəza baş verib.
Bununla bağlı AzTV məlumat yayıb.
Belə ki, yolun 64-cü kilometrliyində 99-XU-742 dövlət nömrəli yük maşınının sürücüsü idarəetməni itirib və nəqliyyat vasitəsi uçuruma yuvarlanıb.
Qəza nəticəsində sürücü həlak olub.
29-12-2023, 15:43
Rusiyaya məxsus naməlum obyekt Polşanın hava məkanına daxil olub


Rusiyaya məxsus naməlum obyekt Polşanın hava məkanına daxil olub

Polşa ordusu Rusiyanın Ukraynaya hücumu zamanı naməlum obyektin ölkənin hava məkanına daxil olduğunu bildirib.
Ölkə prezidenti Anjey Duda Müdafiə Nazirliyində təcili müşavirə keçirib.
O, Milli Təhlükəsizlik Bürosunun da təcili iclasını çağırıb.
Polşa ordusunun məlumatına görə, naməlum obyekt sərhədi keçdiyi andan siqnal itənədək ölkənin hava hücumundan müdafiə sisteminin radar avadanlığı tərəfindən müşahidə edilib.
Ukrayna Hərbi Hava Qüvvələrinin sözçüsü Yuri İqnat bildirib ki, Rusiyanın Ukraynaya hücumu zamanı Polşanın hava məkanını pozması müttəfiqlərə Ukraynanın hava hücumundan müdafiəsini gücləndirməyin zəruriliyi barədə siqnaldır.
29-12-2023, 15:21
Çinin yeni müdafiə baziri bəlli oldu


Çinin yeni müdafiə baziri bəlli oldu

Çinin yeni müdafiə naziri təyin olunub.
Bu barədə "Xinhua" agentliyi məlumat yayıb.
Belə ki, bu posta Donq Cun gətirilib.
29-12-2023, 14:35
Qərbi Azərbaycan İcmasının növbədənkənar ümumi yığıncağı keçirildi


Qərbi Azərbaycan İcmasının növbədənkənar ümumi yığıncağı keçirildi

Dekabrın 29-da Qərbi Azərbaycan İcmasının (QAİ) növbədənkənar ümumi yığıncağı keçirilib.
Ümumi yığıncaq 2024-cü il fevralın 7-də Azərbaycan Respublikası Prezidenti seçkilərində İlham Əliyevin namizədliyinə dəstək mövzusuna həsr edilib.
Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərli fevralın 7-də keçiriləcək prezident seçkilərinin Azərbaycan Respublikasının tarixində mühüm hadisə olacağını qeyd edərək, ölkəmizin ərazi bütövlüyünü və suverenliyini bərpa etmiş və Qərbi Azərbaycana qayıdış məsələsini beynəlxalq gündəliyə gətirmiş Müzəffər Ali Baş Komandanın - Prezident İlham Əliyevin namizədliyinə dəstək ifadə edib.
Daha sonra Müşahidə Şurasının sədri professor Misir Mərdanov, Ağsaqqallar Şurasının sədri, deputat akademik Əhliman Əmiraslanov, Nəzarət-Təftiş Komissiyasının sədri professor Vahid Novruzov, Ziyalılar Şurasının sədri professor Elxan Hüseynov, Qadınlar Şurasının sədri, deputat Məlahət İbrahimqızı, Gənclər Şurasının sədri, deputat Ramin Məmmədov, İdarə Heyəti sədrinin müavini, deputat Hikmət Babaoğlu, Ziyalılar Şurası sədrinin müavini akademik Nizami Cəfərov, o cümlədən Ağsaqqallar Şurasının üzvü, Amasiya rayon icmasının sədri akademik Abel Məhərrəmov, Ağsaqqallar Şurasının sədr müavini, Vedi rayon icmasının sədri professor Vaqif Şadlinski, Müşahidə Şurasının üzvü akademik Rasim Əliquliyev, İdarə Heyətinin üzvü professor Mahirə Hüseynova, Nəzarət-Təftiş Komissiyasının sədr müavini, deputat Şahin İsmayılov, İdarə Heyətinin üzvü professor Kamran Musayev çıxış ediblər. Natiqlər Ulu Öndər Heydər Əliyevin irsini şərəf və ləyaqətlə davam etdirən, bütün dünya azərbaycanlılarının ümid və dayaq yeri olan Prezident İlham Əliyevin namizədliyinə dəstək ifadə ediblər.
Çıxışlardan sonra ümumi yığıncaq bəyanat qəbul edib. Bəyanatda amalı Azərbaycan dövlətinin güclənməsinə, xalqımızın firavanlığına xidmət etmək olan Prezident İlham Əliyevin Vətən qarşısında xidmətləri ilə mükəmməl vətəndaş, siyasi irsə sadiq lider və islahatçı dövlət xadimi kimi tanındığı vurğulanır və Azərbaycanın ərazi bütövlüyü və suverenliyini bərpa etməklə Azərbaycan dövlətçilik tarixinə ən böyük töhfəsini verdiyi, bununla da keçmiş, indiki və gələcək nəsillər qarşısında misilsiz xidmətə imza atdığı bildirilir. Bəyanatda minlərlə məcburi köçkünü Qarabağa, Şərqi Zəngəzura geri qaytaran Müzəffər Ali Baş Komandanın Ermənistandan didərgin salınmış azərbaycanlıları sülh yolu ilə ana vətənləri Qərbi Azərbaycana qovuşduracağına dair əminlik ifadə olunur və Qərbi Azərbaycan İcmasında birləşən yüz minlərlə icma üzvünün gələn il fevralın 7-də ölkəmizdə keçiriləcək prezident seçkilərində İlham Əliyevi dəstəklədiyi bəyan edilir.
"Azərbaycan xalqının Ümummilli Lideri Heydər Əliyevin ideya və arzularının gerçəkləşdiyi bugünkü Azərbaycan öz dövlətçilik tarixinin ən güclü dövrünü yaşamaqdadır. Ulu Öndərin irsini şərəf və ləyaqətlə davam etdirən, bütün dünya azərbaycanlılarının ümid və dayaq yeri olan Prezident İlham Əliyevin qətiyyətli və müdrik siyasəti yüz illərdən sonra bizə güclü dövlətin qalib vətəndaşı olmaq hissini yaşadıb. Prezident İlham Əliyevin böyük Zəfərlə nəticələnən və Azərbaycanı dünya dövlətləri arasında öz layiqli yerinə ucaldan ali missiyası uzun illərdən bəri titanik zəhmət və müdrikliklə qurulub. Amalı Azərbaycan dövlətinin güclənməsinə, xalqımızın firavanlığına xidmət etmək olan Prezident İlham Əliyev Vətən qarşısında xidmətləri ilə mükəmməl vətəndaş, siyasi irsə sadiq lider və islahatçı dövlət xadimi kimi tanınıb. Bu gün dünyaya günəş kimi parlayan Azərbaycan İlham Əliyevin ən kamil əsəridir.
Ulu Öndər Heydər Əliyev tərəfindən müəyyənləşdirilən hər bir siyasi xəttin dərinləşdirilməsi və zamanın tələblərinə uyğunlaşdırılaraq daha da inkişaf etdirilməsi yolunu tutan Prezident İlham Əliyev ölkəmizə rəhbərlik etdiyi son 20 ildə bütün siyasi xətləri yüksək diqqətində saxlayıb. Təkcə iqtisadi, sosial, mədəni, elmi, texniki, hərbi istiqamətlər deyil, böyük mənəvi əhəmiyyət kəsb edən məsələlər də daim ölkə Prezidentinin nəzərində olub. Çoxşaxəli siyasətin nəticəsində ölkəmiz iqtisadi baxımdan güclənib, sərmayələr qoyulan ölkədən investor ölkəyə çevrilib, sərvətlərimizdən əldə edilən gəlir xalqın rifahına, sağlamlığına, təhsilinə xərclənmiş, hərbi qüdrətimiz artıb, Azərbaycan dünyada etibarlı tərəfdaş imici qazanıb, dünyanın mədəni və multikultural mərkəzlərindən birinə çevrilib.
Prezidentin Müzəffər Ali Baş Komandan kimi 2020-ci ildə 44 günlük Vətən müharibəsində xalqımıza bəxş etdiyi şanlı Zəfər və 2023-cü il sentyabrın 19-20-də aparılmış uğurlu antiterror tədbirləri təkcə ərazi bütövlüyümüzün və suverenliyimizin bərpası ilə deyil, həm də Azərbaycan xalqının qürurunun, mübarizə əzminin özünə qaytarılması ilə əlamətdar olub. Bu tarixi nailiyyəti qazanmaqla Prezident İlham Əliyev Azərbaycan dövlətçilik tarixinə ən böyük töhfəsini verib, bununla da keçmiş, indiki və gələcək nəsillər qarşısında misilsiz xidmətə imza atıb. Vətən müharibəsi Zəfəri təkcə məcburi köçkünlərimizin vətənlərinə qayıtmasını təmin etməyib, həmçinin Qərbi Azərbaycan qaçqınlarında da doğma vətənlərinə sülh yolu ilə geri qayıtmaq inamı yaradıb.
2022-ci il dekabrın 24-də Qərbi Azərbaycandan olan bir qrup ziyalı ilə keçirdiyi görüş zamanı söylədiyi fikirlər, verdiyi tapşırıq və tövsiyələr Qərbi Azərbaycandan zorla çıxarılmış azərbaycanlıların öz doğma vətəninə qayıtması hüququnun təmin edilməsi yolunda Azərbaycan xalqının ümummilli mübarizəsində dönüş nöqtəsi olub. Prezident İlham Əliyevin insan hüquqları məsələsi və sülhsevər missiya hesab etdiyi Qərbi Azərbaycana qayıdışı xalqımızın əsas hədəflərindən biri kimi göstərməsi təkcə biz Qərbi azərbaycanlıları deyil, bütövlükdə Azərbaycan ictimaiyyətini bu amal uğrunda səfərbər edib.
Biz Qərbi Azərbaycandan - öz doğma vətənimizdən zorla qovulmuş, amansız soyqırımlarına, işgəncələrə məruz qalmış və Azərbaycan Respublikasına sığınmış, burada bütün təməl vətəndaş hüquqları ilə təmin edilmiş yüz minlərlə Qərbi azərbaycanlı olaraq inanırıq ki, Prezident İlham Əliyevin başlatmış olduğu bu qayıdış və davamlı sülh missiyası məhz Onun rəhbərliyi altında öz hədəfinə çata biləcək.
Əminik ki, minlərlə məcburi köçkünü Qarabağa, Şərqi Zəngəzura geri qaytaran Müzəffər Ali Baş Komandan bizi sülh yolu ilə ana vətənimiz Qərbi Azərbaycana qovuşduracaq.
Bu mənada Qərbi Azərbaycan İcmasında birləşən yüz minlərlə icma üzvü olaraq gələn il fevralın 7-də ölkəmizdə keçiriləcək prezident seçkilərində İlham Əliyevi dəstəklədiyimizi bəyan edirik", - deyə Qərbi Azərbaycan İcmasının bəyanatında deyilir.
29-12-2023, 14:22
BDYPİ bayram günləriylə bağlı sürücülərə müraciət etdi


BDYPİ bayram günləriylə bağlı sürücülərə müraciət etdi

DİN-in Baş Dövlət Yol Polisi İdarəsi sərnişindaşıma ilə bağlı​ müraciət edib. Müraciətdə deyilir:
​"Bayram günləri ərəfəsində paytaxt və bölgələr üzrə sərnişindaşıma fəaliyyətində nəzərəçarpacaq artım müşahidə edilir. Lakin bir sıra hallarda bu sahədə müəyyən olunmuş qaydaların pozulması ağır yol-nəqliyyat hadisələrinin baş verməsinə real zəmin yaradır.
Baş Dövlət Yol Polisi İdərəsi şəhərlərarası (rayonlararası) müntəzəm marşurutlar üzrə sərnişinlərin təhlükəsiz daşınması məqsədilə bir daha bu sahədə fəaliyyət göstərən fiziki və hüquqi şəxslərə müraciət edərək daşımaların mümkün qədər sutkanın gündüz vaxtı və yalnız müasir standartlara cavab verən iritutumlu avtobuslarla həyata keçirilməsini, uzaq məsafələrə nəzərdə tutulan marşurutlar üzrə avtobuslara iki sürücünün təhkim olunmasını, sürücülərin reysqabağı tibbi müayinəsinin aparılmasına və avtonəqliyyat vasitələrinin reysqabağı texniki vəziyyətinin yoxlanılmasına ciddi nəzarət olunmasını tövsiyə edir.
Sərnişinlərdən isə öz təhlükəsizliklərinə biganə qalmamaq, qeyri-qanuni sərnişindaşıma fəaliyyəti göstərən şəxslərin təklif etdikləri xidmətlərindən istifadə etməmək xahiş olunur.
Xatırladırıq ki, qanunsuz daşımalar zamanı istismar olunan nəqliyyat vasitələrinin texniki vəziyyətinə lazımi qaydada nəzarət edilmir, əksər hallarda bu işə müvafiq sürücülük kateqoriyası və kifayət qədər iş təcrübəsi olmayan sürücülər cəlb edilir ki, onların da reysqabağı tibbi müayinədən keçirilməsi mümkünsüz olur". ​
29-12-2023, 12:53
Sabahın hava proqnozu


Sabahın hava proqnozu

Bakıda və Abşeron yarımadasında dekabrın 30-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, mülayim cənub-qərb küləyi əsəcək.
Havanın temperaturu gecə 4-7° isti, gündüz 12-17° isti olacaq. Atmosfer təzyiqi 769 mm civə sütunundan 765 mm civə sütununa enəcək. Nisbi rütubət gecə 60-70 %, gündüz 40-50 % olacaq.
Azərbaycanın rayonlarında havanın əsasən yağmursuz keçəcəyi gözlənilir. Bəzi rayonlarda arabir duman olacaq. Mülayim qərb küləyi əsəcək.
Havanın temperaturu gecə 3° şaxtadan 2°-dək isti, gündüz 12-17° isti, dağlarda gecə 3-8° şaxta, gündüz 3° şaxtadan 2°-dək isti olacaq.
29-12-2023, 00:07
Ermənilərin Qarabağda dağıtdığı qəbiristanlıqda araşdırma aparılır - VİDEO


Ermənilərin Qarabağda dağıtdığı qəbiristanlıqda araşdırma aparılır - VİDEO

Qarabağ xan nəslinin nümayəndələrinin türbəsinin daxil olduğu məzarlıqda araşdırmalar davam edir.
Arxeologiya və Antropologiya İnstitutunun baş direktoru vəzifəsini icra edən tarix üzrə fəlsəfə doktoru Fərhad Quliyevin sözlərinə görə, əsas məqsədimiz tarixi qəbristanlığın tədqiqi, onun gerçək tarixi, görünüşü və bərpasıdır.
Qazıntılar zamanı isə 212 insan qalığı aşkarlanıb:
Həmçinin arxeoloji araşdırmaya beş türbə də daxildir.
Ətraflı AzTV-nin süjetində:

[media=https://youtu.be/2ywsR_zMHDs]
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    May 2025    »
BeÇaÇCaCŞB
 1234
567891011
12131415161718
19202122232425
262728293031 
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!