2-12-2025, 15:46
Ramiz Mehdiyevin Şuşaya getməməsinin sirləri – ŞOK FAKTLAR
Mehdiyev və ətrafı Bakıda məhkəməsi keçirilən ermənilərlə eyni kürsüdə oturmalıdır
Azərbaycanın hər bir vətəndaşı üçün 44 günlük Vətən müharibəsində qazanılan Zəfər qürur, 30 illik həsrətin sonu, əsrlərlə xalqımızdan alınmış qələbə hissi, dünya üçün ədalətin bərpasıdır. Bu qələbə ordumuzun gücünü, xalqın birliyini dünyaya göstərdi. Azad edilən bölgələrimizin hər biri Azərbaycan üçün müqəddəs məna daşıyır.
Azad Şuşa müharibənin ən simvolik məqamlarından biri kimi qəbul olunur. Bu səbəbdən də hər kəsin Şuşaya səfəri bir növ milli həmrəyliyin göstəricisinə çevrilib. Lakin maraqlı məqamlardan biri odur ki, dövlət həyatında uzun illər mühüm vəzifələr tutmuş Ramiz Mehdiyev azad edilmiş bölgələrdə görünmədi. Azərbaycanın ictimai-siyasi həyatında bu qədər böyük rol oynamış bir şəxsin Şuşaya getməməsi, belə tarixi anlardan kənar gəzməsi əslində onun mövqeyidir.
Qarabağın azadlığı elə böyük hadisədir ki, işğaldan azad olunan torpaqlara səfər etmək şəxsi seçim kimi dəyərləndirilmir. Bu, milli birliyə dəstək jestidir. Bu torpaqların azadlığına uşaqdan yaşlıya hamı sevinir. Çünki bu qələbə bir partiyanın, bir qrupun cəsarəti sayıla bilməz. Bu, Müzəffər Ali Baş Komandanın liderliyi ilə bir xalqın qalibiyyət salnaməsidir. Bütöv xalqın iradəsi və dövlətin gücünün nəticəsidir.
Bu fonda Ramiz Mehdiyevin Şuşaya getməməsi bir yana, xalqımızın qələbəsini bir dəfə dilə gətirməməsi daşnak mövqeyidir. Sosial şəbəkələrdə və ekspert diskussiyalarında onun davranışı milli maraqlara açıq şəkildə zidd addım kimi qiymətləndirilir.
Fakt odur ki, Ramiz Mehdiyev müharibədən sonra adi çıxışla yadda qalmadı. Öz adına qalaq-qalaq kitab yazıdaran adam bir cümlə paylaşmadı. Arada Milli Elmlər Akademiyasının saytını öz ruporuna çevirdi.
Onun açıq şəkildə Şuşa səfərinə qatılmaması müxtəlif versiyalara yol açdı. Hətta Mehdiyevin dəstəsi Şuşaya gedən siyasiləri “avtobus müxalifəti” kimi təqdim etməyə çalışdı. Halbuki Şuşaya getmək milli həmrəyliyin göstəricisi idi, orada siyasi məqsəd yox idi.
Əksəriyyət düşünür ki, Ramiz Mehdiyevin Şuşaya getməməsi onun müharibə sonrası siyasi mövqeyi ilə bağlıdır. Bəli, Azərbaycan cəmiyyəti üçün Qarabağ məsələsi şəxsi münasibətlərdən tamamilə kənar, ümummilli məna daşıyan mövzudur. 30 il davam edən nisgil və ağrı qələbə ilə başa çatdı. Bu səbəbdən də hər kəsdən gözlənti belə idi ki, qələbə sevincində həmrəylik nümayiş etdirilsin. Kim bu sevincdən kənarda qalırsa, onun mövqeyi daşnak mövqeyi kimi qəbul edilir. Burada söhbət tək Şuşaya getməməklə bitmir, bu, Mehdiyevin uzun illər gizli saxladığı siyasi irsinin davamıdır.
Cəmiyyət hər kəsdən, xüsusilə dövlət həyatına illərlə təsir etmiş Mehdiyevdən daha açıq və milli həmrəyliyi ifadə edən jestlər gözləyirdi. Amma adam əsl simasını göstərdi. Bunun istəyi Azərbaycan torpaqlarının işğal altında qalmasını əbədiləşdirmək imiş. Bundan böyük dövlət xaini, millət düşməni ola bilməz.
Rusiyadakı ağalarının qarşısında sədaqətini göstərən bu əməlləri cəmiyyət yaxşı anlayır. Rusiyanın müxtəlif dairələri ilə işləyən xalq düşməni əslində ermənilərə xidmət edib.
Bunun və ətrafının başında donmuş düşüncə odur ki, Azərbaycan Rusiya təsirindən xilas ola bilməz. Amma zaman dəyişib, Azərbaycan müstəqil dövlətdir.
Azərbaycan bu cür möhtəkir qüvvələrdən azad olub. Tör-töküntülərini də xalq torpağa gömür.
Bu gün Ramiz Mehdiyev və onun əlaltıları Xocalıda xalqımıza qarşı törədilən soyqırımı siyasətinin başında duranlarla eyni kürsüdə otuzdurulmalıdır.
Ramiz Mehdiyev və onun əlaltıları Azərbaycan xalqının başına müsibətlər gətirmiş və hazırda Bakıda müttəhim kürsüsündə oturdulan Arayik Harutyunyan, Arkadi Qukasyan, Bako Sahakyan, Davit İşxanyan, David Babayan, Levon Mnatsakanyan və digər canilərdən daha təhlükəlidirlər.
2-12-2025, 15:28
Ramiz Mehdiyev Xalq Cəbhəsinə müraciət edibmiş
“Ramiz Mehdiyev vaxtilə də Azərbaycan Xalq Cəbhəsinə müraciət etmişdi”.
Bunu hakim Yeni Azərbaycan Partiyasının Veteranlar Şurasının sədri, Milli Məclis sədrinin keçmiş birinci müavini Arif Rəhimzadə “Yeni Sabah”a açıqlamasında deyib.
“Ramiz Mehdiyev Xalq Cəbhəsinin rəhbərlərinə deyirdi ki, mənim çox böyük təcrübəm var, işi bilirəm, mənə vəzifə verin, sizə xidmət edəcəyəm. Xalq Cəbhəsinə müraciətinin olmasını dəqiq bilirəm. Onda Heydər Əliyev hələ hakimiyyətə gəlməmişdi”, - A.Rəhimzadə söyləyib.
Ramiz Mehdiyevin YAP-dan nə zaman çıxarılacağı məsələsinə də toxunan şura sədri bildirib ki, bunun üçün məhkəmə qərarını gözləyirlər:
“O ki, qaldı Ramiz Mehdiyevin YAP-dan çıxarılmasına, bunun üçün məhkəmənin başa çatmasını gözləyirik. Qərar olsun, onun nəticəsində müvafiq addımlar atılacaq”.
Xatırladaq ki, Dövlət Təhlükəsizliyi Xidməti (DTX) noyabrın 29-da AXCP sədri Ə.Kərimli və partiyanın Rəyasət Heyətinin üzvü Məmməd İbrahimi saxlayıb. Səbail Rayon Məhkəməsi dekabrın 1-də onların hər biri barəsində 2 ay 15 gün müddətə həbs qətimkan tədbiri seçib.
Əli Kərimli və Məmməd İbrahim Cinayət Məcəlləsinin 278.1 (hakimiyyəti zorla ələ keçirməyə, dövlətin konstitusiya quruluşunu zorla dəyişdirməyə yönələn hərəkətlər) maddəsi ilə ittiham edilirlər. Hər iki şəxs Ramiz Mehdiyev barəsində başladılan cinayət işi çərçivəsində həbs olunublar.
2-12-2025, 15:01
Azad edilmiş ərazilərdə daha 25 abidə inventarlaşdırılıb
Azərbaycan Respublikası Prezidentinin 2020-ci il 29 oktyabr tarixli 1170 nömrəli Fərmanına uyğun olaraq işğaldan azad olunmuş ərazilərdə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti tərəfindən həyata keçirilən inventarlaşma işləri davam etdirilir. Görülən işlər nəticəsində Ağdam, Füzuli, Ağdərə və Xocalı rayonları ərazisində 16-ı arxeoloji, 9-u memarlıq abidəsi olmaqla ümumilikdə daha 25 tarix-mədəniyyət abidəsinin yeri müəyyən olunaraq inventarlaşdırılıb.
Bu barədə Mədəni İrsin Qorunması, İnkişafı və Bərpası üzrə Dövlət Xidmətindən məlumat verilib.
Bildirilib ki, inventarlaşma işləri zamanı sahə tədqiqatı işləri görülüb, abidələrin elektron xəritələri hazırlanıb, fotofiksasiya və dron çəkilişləri aparılıb, arxiv sənədləri araşdırılıb və digər mənbələr nəzərdən keçirilib.
İndiyədək işğaldan azad olunmuş ərazilərdə yerləşən 575 tarix-mədəniyyət abidəsinin inventarlaşma işləri başa çatdırılıb. Eyni zamanda, 402 tarixi, memarlıq və arxeoloji əhəmiyyət kəsb edən obyektin inventarlaşması həyata keçirilib və yeni aşkar edilmiş abidə kimi qeydə alınıb. Azərbaycan Respublikası Nazirlər Kabinetinin 3 iyul 2025-ci il tarixli 193 nömrəli Qərarı ilə həmin yeni aşkar edilmiş abidələrin 44-ü daşınmaz tarix-mədəniyyət abidələrinin siyahısına daxil edilib. Bununla da Qarabağ və Şərqi Zəngəzurda dövlət qeydiyyatında olan tarixi abidələrin sayı 749-a çatıb.
Dövlət mühafizəsində olan 749 tarixi abidədən 130-da inventarlaşma işlərinin aparılması mümkün olmayıb. İnventarlaşdırılmayan abidələrin əksəriyyəti minalarla çirkləndirilən təhlükəli, yaşayış məntəqələrindən kənar, yüksək dağlıq və meşəlik ərazilərdə yerləşir.
30 ilə yaxın davam edən işğal müddəti tarixi abidələrin dağıdılmasına, vandalizmə uğramasına gətirib çıxarıb. Ümumilikdə işğaldan azad olunmuş ərazilərdə 68 abidə tamamilə dağıdılıb, 114 abidə böyük həcmdə və miqyasda dağıntıya məruz qalıb, digərlərinə isə müxtəlif dərəcədə ziyan vurulub
Dövlət Xidməti tərəfindən 434 abidəyə dəyən maddi zərərin məbləği hesablanıb. Ümumilikdə dəymiş zərər 700 milyon 154 min manat təşkil edir.
2-12-2025, 14:33
Rusiya Şahin Şıxlinskini ömürlük həbs edəcək?
Rusiyada Ural bölgəsində Azərbaycan diasporunun keçmiş rəhbəri olmuş Şahin Şıxlinski barəsində aparılan üç cinayət işi üzrə istintaq tamamlanıb.
Rusiya mediasının yazdığına görə, məhkəmədə o, ən ağır cəza - ömürlük həbs cəzası ilə üzləşə bilər.
Məlumatda bildirilir ki, Şıxlinski ona qarşı irəli sürülən bütün ittihamları qətiyyətlə rədd edir və özünü təqsirli hesab etmir.
İstintaqla paralel onun oğlu Mutvalı Şıxlinski barədə də ayrıca cinayət işi açılıb. O, hüquq-mühafizə orqanı əməkdaşına “zor tətbiq etmədə” ittiham olunur. Bu maddə üzrə maksimum cəza 10 il azadlıqdan məhrumetmədir. Mutvalı Şıxlinski də ittihamları qəbul etmir.
Rusiya hüquq-mühafizə orqanları istintaqı tamamlayaraq materialları məhkəməyə təqdim edib. Yaxın günlərdə prosesin başlanacağı gözlənilir.
Xatırladaq ki, avqust ayında Moskvanın Basmannı Məhkəməsi “Azərbaycan-Ural” ictimai təşkilatının və Yekaterinburqdakı Azərbaycan diasporunun rəhbəri Şahin Şıxlinskini qiyabi həbs edib. O, Moskvada könüllü şəkildə təslim olub və oradan Yekaterinburqa aparılıb.
Yerli mətbuat yazır ki, Şahin Şıxlinskiyə qarşı Rusiya Cinayət Məcəlləsinin iki maddəsi üzrə cinayət işi açılıb.
O, Rusiya Cinayət Məcəlləsinin 318-ci maddəsi (hakimiyyət nümayəndəsinə qarşı zor tətbiqi) və 105-ci maddəsinin 2-ci hissəsi (qəsdən adam öldürmə) ilə axtarışa verilmişdi.
2-12-2025, 14:27
Azərbaycan Prezidentinin Protokol Xidməti yaradılıb
Azərbaycanda yeni dövlət qurumu yaradılıb.
Bir müddət əvvəl Azərbaycan Respublikası Prezidentinin Protokol Xidməti adlı yeni qurum formalaşdırılıb.
Ötən gün Nazirlər Kabineti “Dövlət orqanlarının aparatının (və ya onların fəaliyyətini təmin edən qurumların) və onun bölmələrinin adları” adlı qərara dəyişiklik edib və Protokol Xidməti dövlət qurumlarının siyahısına əlavə edilib.
Digər qərara əsasən, Azərbaycan Respublikası Prezidentinin Protokol Xidmətinin rəisi, habelə ailə üzvləri, Azərbaycan Respublikası Prezidentinin Protokol Xidmətinin şöbə müdirləri hava limanlarında xüsusilə mühüm şəxslər (VİP) və rəsmi nümayəndə heyətləri salonlarının xidmətlərindən istifadə hüququ olan Azərbaycan Respublikasının vəzifəli şəxslərinin siyahısına daxil edilib.
Qərardan məlum olub ki, Azərbaycan Respublikası Prezidentinin Protokol Xidmətinin yaradılması barədə sərəncam bu ilin may ayında imzalanıb.
Qeyd edək ki, əvvəllər Prezidentin Protokol xidməti Prezident Administrasiyasının strukturuna daxil idi. Artıq rəsmi saytda bu qurumun adı çıxarılıb və ayrıca qurum olub.
Prezident Administrasiyasının strukturuna daxil olan zaman Protokol xidmətinin rəisi Arif Səmədov olub.
2-12-2025, 14:14
Türkiyədə məşhur futbolçu saxlanılıb
Türkiyə milli komandasının, “Fənərbaxça” və “Beşiktaş”ın sabiq oyunçusu Gökhan Gönül saxlanılıb.
12 nəfərlə birlikdə saxlanılan Gönül fond bazarında süni qiymət dalğalanmaları yaratmaqda şübhəli bilinir.
Araşdırma nəticəsində bu şəxslərin qiymətləri manipulyasiya edərək, qeyri-qanuni əməliyyatlar həyata keçirdikləri müəyyən edilib.
Bu ilin mayın sonuna qədər Türkiyənin U-21 millisinin baş məşqçisi işləmiş G.Gönül hazırda "Fənərbaxça" klubununda baş məşqçi Domeniko Tedeskonun köməkçisidir.
2-12-2025, 14:08
İçməli su şəbəkəsi yenilənir - 10 ayda 90 km-dən çox xətt çəkilib
Bakı şəhərində içməli su və tullantı su şəbəkələrinin təmir-bərpa işləri aparılır.
Bu barədə İri Şəhərlərin Birləşmiş Su Təchizatı Xidmətindən məlumat verilib.
Bildirilib ki, 8 Noyabr prospekti boyu müxtəlif küçələrdə magistral su kəmərləri dəyişdirilib, eyni zamanda müxtəlif rayon və küçələrdə (məsələn: Nərimanov, Suraxanı, Səbail və s.) su xətləri dəyişdirilib və ya yeni layihələr həyata keçirilib.
Bakı şəhərindən başqa Sumqayıt, Gəncə, Mingəçevir, Naxçıvan və Şirvan şəhərlərində əhalinin su təchizatının yenidən qurulması layihəsi çərçivəsində şəbəkələrdə işlər aparılıb.
Yenilənmə və bərpa işləri, infrastrukturun modernləşdirilməsi əhalinin etibarlı su ilə təmin olunması, günün tələblərinə uyğunlaşdırılması baxımından vacibdir.
Xidmətdən verilən məlumata görə , Bakı və Abşeron yarımadası üzrə 2025-ci ilin 10 ayı ərzində 9.76 kilometr yeni magistral su xətti, 84.73 kilometr uzunluğunda su şəbəkələri çəkilib və ya yenilənib, 20.71 kilometrlik su ev birləşməsi verilib.
Həmçinin qeyd edilib ki, Azərbaycan Respublikası Prezidenti İlham Əliyev 10 oktyabr 2024-cü ildə “Su ehtiyatlarından səmərəli istifadəyə dair Milli Strategiya”nın təsdiq edilməsi haqqında Sərəncam imzalayıb.
"Milli Strategiyanın icrası su ehtiyatlarının artırılmasını, keyfiyyətli içməli su və suvarma suyu ilə təminatın yaxşılaşdırılmasını, həmin sahədə idarəetmənin müasirləşdirilməsini, habelə beynəlxalq konvensiyaların tələblərinə riayət edilməsi istiqamətində əməkdaşlığın inkişafını nəzərdə tutur.
Bununla bağlı Azərbaycan Dövlət Su Ehtiyatları Agentliyi bir sıra işlər icra edir. İnfrastukturun təmkilləşdirilməsi, yeni şəbəkələrin qurulması prioritet olduğu kimi alternativ su mənbələrinin araşdırılması da əsas hədəflərdəndir. Belə ki, bu istiqamətdə dəniz suyunun duzsuzlaşdırılması, süni yağış texologiyasının tətbiqi, yağış sularının toplanaraq yenidən istifadəyə cəlb edilməsi və s. kimi pilot layihələrin tətbiqi nəzərdə tutulur.
Azərbaycan Dövlət Su Ehtiyatları Agentliyi qarşıya qoyulan məqsədlərə uyğun olaraq su balansının və ekoloji tarazlığın qorunması, su ehtiyatlarından dayanıqlı şəkildə istifadənin təmin olunması məqsədilə kompleks tədbirləri ardıcıl şəkildə davam etdirir”,- qurumun məlumatında bildirilir.
2-12-2025, 13:50
İranda vitse-prezidentin ailəsi qəzaya düşdü: xanımı öldü, uşaqları yaralandı
İranın vitse-prezidenti İsmayıl Sahab İsfahaninin həyat yoldaşı Germsar-Tehran magistral yolunda baş verən ağır yol qəzasında həlak olub.
İran KİV-nin məlumatına görə, vitse-prezidentin üç uşağı və qayınatası müxtəlif xəsarətlərlə Germsardakı tibb mərkəzinə aparılıb.
Qəzada ağır yaralanan Sahab İsfahaninin qızının dünən beyin ölümü keçirdiyi bildirilib.
İslam İnqilabının lideri Ayətullah Seyid Əli Xamenei İsmayıl Sahab İsfahaniyə başsağlığı mesajı göndərib.
2-12-2025, 13:20
Qafqazın ilk aqro-ekoturizm məkanı
Qafqazın ilk aqro-ekoturizm məkanı olan “Bio Garden” regionda ekoturizmin inkişafına töhfə verən nümunəvi layihə hesab olunur.
Dövlət Turizm Agentliyinin Şəki Regional Turizm İdarəsinin rəisi Şahin Məlikov Şəkidə yerləşən “Bio Garden” parkının turizm potensialından danışıb.
Onun sözlərinə görə, təsərrüfatda xarici turistlər üçün birbaşa meyvə-tərəvəz satışı həyata keçirilir. Bu isə həm turistlərin yerli məhsullara çıxış imkanını artırır, həm də bölgədəki sahibkarların gəlirlərinə əhəmiyyətli təsir göstərir.
Məlikov əlavə edib ki, layihə yerli kənd təsərrüfatı ilə məşğul olan sakinlərin maddi dəstəklənməsi və region iqtisadiyyatının canlandırılması baxımından xüsusi əhəmiyyət daşıyır.
2-12-2025, 12:45
Avropa da Zəngəzur dəhlizində MARAQLIDIR
Aİ ABŞ, Azərbaycan və Türkiyə ilə TRIPP layihəsində (Zəngəzur dəhlizi) mümkün iştirakla bağlı danışıqlar aparır.
Bunu Aİ-nin Genişlənmə və Avropa Qonşuluq Siyasəti üzrə Ali Komissarı Marta Kos deyib.
"Avropa İttifaqının öz təklifləri var və Türkiyə ilə Azərbaycanla məsləhətləşmələri davam etdirir. Layihə yalnız bir dəmir yolu hissəsini əhatə etdiyi üçün ABŞ-nin iştirakı xüsusilə vacibdir", - diplomat qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!