Sözügedən layihə bu günlərdə 994FM saytı tərəfindən yayımlanmışdır.

Qeyd edim ki, sayta daxil olarkən diqqətimi çəkən ilk erməni əsilli şairin qələmə aldığı şeirlərinin dəfələrlə istedadlı gənclərimiz tərəfindən səsləndirilməsi, onlara yazılmış rəylər, bəyəni və paylaşım sayı oldu. Rəylər əsasən rus dilli, azərbaycan əsilli vətəndaşlarımızın mövqeyi idi. Təriflər saya-hesabı gəlmirdi. Təbii ki, vəziyyəti belə gördükdə bir millətsevər vətəndaş kimi, mən də öz mövqeyimi bildirməyi qərara aldım.
QEYD: “tərəfinizdən irəli sürülən bu gözəl layihəni bəyənir və saytın rəhbərliyinə bir iradımı bildirmək istəyirəm. İctimaiyyətin ədəbi və mədəni zövqünü oxşamaq mövzusunda irəli sürülən layihənizi hər hansı erməni şairinin şerilə bəzəmədən öncə sizə son günlərdə sosial şəbəkədə yayınlanan insana utanc hissi aşılayan əsir düşmüş Azərbaycan Qadınının məktubunu oxumağı tövsiyyə edirəm.

http://fedai.az/index.php?newsid=513

Daha sonra qeyd edim ki, bizim üzə çıxarılacaq çox gözəl şair və ədiblərimiz var. Erməni əsilli bir şairin Azərbaycana məxsus bir səhifədə belə yüksək səviyyədə reklam olunmasını şəxsən mən bir vətəndaş və ictimaiyyətçi kimi qətiyyətlə pisləyirəm. Şeirləri ifa edən gənclərimizə isə bildirmək istəyirəm ki, qoy onlar öz istedadlarını bizim dəyərli ustadlarımızın yazdığı əsrarəngiz əsərlərlə zənginləşdirsinlər. Musiqinin dili yoxdur deyirlər amma mənim millətimlə düşmən mövqeyində olan ermənilərin, mədəni irsimdən oğurlayıb mənimsədiyi musiqinin və ədəbiyyatın dili bizim hər birimiz üçün fərqli olmalıdır.