Butov.az xəbər verir ki, dünən Birləşmiş Dünya Azərbaycanlıları Təşkilatının növbəti iclası keçirilib. İclasda təşkilatın prezidenti Sərraf Kərimov, təşkilatın 1 - ci vitse prezidenti Könül xanım Məmmədzadə, Ictimai Əlaqələr Departamentinin rəhbəri Umuxanım Hüseynzadə, o cümlədən Kanada, İsveç, Gürcüstan , Türkiyə , Tatarıstan nümayəndəliklərinin rəhbərləri iştirak edib.

İclasın gündəliyində təşkilatın özünə məqsəd bildiyi bir sıra məsələlər, cari ildə qarşıda duran plan - tədbirlər üzərində geniş müzakirələr aparıldı. Bununla yanaşı Azərbaycan həqiqətlərini dünyaya çatdırmaq , təşkilatın konsepsiyasına uyğun şəkildə onun icrası yolunda bütün koordinatorlarla daha məsuliyyətli , daha fəal icrası və iş bölgüsü tapşırığı verildi. Bununla yanaşı, BDAT rəhbərliyinin və koordinatorlarının birgə səsverməsi nəticəsində təşkilada yeni təyinat oldu.

Belə ki, Yusif Xıdırov təşkilatın Diaspora və Lobbiçilik üzrə vitse prezidenti təyin olundu. Yusif Xıdırov 5 iyun 1965 ci ilə Azərbaycanın gözəl güşələrindən olan Şəmkir rayonunda doğulub. Uzun illərdir Rusiya Federasiyasında yaşayır. O, RF - da bir çox dövlət strukturlarında çalışmışdır. Ictimai xadim , Hüquqşünasdır. Ailəlidir, üç övladı var.