Türkiyədə yeni maliyyə naziri təyin edildi .....                        Fuad Muradov Britaniyada səfərdədir .....                        İlham Əliyev BƏƏ Prezidentini təbrik etdi .....                        Elm Tarixi İnstitutunun əməkdaşları Laçının işğaldan azad edilməsini Şəhid və Qazi ailələri ilə birlikdə qeyd ediblər .....                        Hulusi Akar Elçin Quliyevə və Zakir Həsənova ZƏNG ETDİ .....                        “Azərbaycanlıların deportasiyası” mövzusunda müsabiqə elanı .....                        Polşada Nizami Gəncəvinin 880 illiyi qeyd edildi .....                        İran, Azərbaycan və Türkmənistan arasında qaz MÜQAVİLƏSİ .....                        İlham Əliyev və Rəisi arasında Zəngəzur dəhlizi müzakirəsi .....                       
Tarix : 21-12-2020, 21:10
"Yaralı əsgərlərdən xəbər tutanda hönkürüb ağladı" - Şəhid Mirəli Hüseynovun anası


Vətən sizə oğul dedi!

Qəhrəmanlığın əsasını qoyan ilkin şərt vətənpərvərlikdir. 44 günlük Vətən müharibəsi zamanı neçə-neçə igidlərin, qəhrəmanların şəxsi rəşadəti Azərbaycan xalqının qəhrəman xalq olduğunu bir daha sübut etdi. Elə qəhrəmanı da yaşadığı mühit yetişdirir, Vətən seçir. Bu qəhrəmanların ömür yolu nə qədər qısa olsa da, şərəfli və örnək sayılır.


Vətən müharibəsinin haqq savaşında düşmənin üzərinə qartal tək şığıyan igidlərdən biri də Seyid nəslindən olan Mirəli Hüseynov olub.

Hüseynov Mirəli Arif oğlu 1996-cı il oktyabrın 15-də Ağcabədi rayonunda dünyaya göz açıb. M.Hüseynov həqiqi hərbi xidmətini snayper kimi yerinə yetirib. Prezidentin sərəncamı ilə qismən səfərbərlik elan olunan zaman isə səfərbərliyə cəlb olunub. Doğum gününü səngərdə qeyd edən igidimiz oktyabrın 28-də Füzuli istiqamətində gedən şiddətli döyüşlərdə şəhadətə yetişib. M.Hüseynov doğulduğu Ağcabədi rayonunun Şəhidlər Xiyabanında dəfn edilib. Ölümündən sonra Azərbaycan Respublikası Prezidentinin 15 dekabr 2020-ci il tarixli Sərəncamı ilə "Vətən uğrunda medalı" ilə təltif olunub.

Şəhidimizin uşaqlıq illərini anası Laləzar Hüseynova belə xatırlayır: "Balacalıq vaxtlarından çox sakit uşaq idi. Sakitcə bir kənarda oturardı. Orta məktəb dərslərində uğurlu olmasa da, tərbiyə cəhətdən nümunəvi şagird idi. Heç vaxt mənə ondan hər hansı bir şikayət gəlməyib. O, həm də çox ürəyiyumşaq uşaq idi. Hərbi xidmətə yola düşməzdən bir gün əvvəl yaralı əsgərlərdən xəbər tutanda evimizin pilləkənində oturub hönkürərək ağladı. Səsini eşidib yanına getdim, onu bərk-bərk qucaqladım. Həmin günün səhəri özü də hərbi xidmətə yollandı. Çox şükür ki, ondan mənə xatirə qalan nəvəm var, indi oğlumun qoxusunu nəvəmdən alıram".

Şəhidin həyat yoldaşı Arzu Hüseynova deyir ki, Mirəli ailəsinə qarşı çox mehriban və qayğıkeş idi: "Oğlumuz Ariflə bir-birinə çox bağlı idilər. Arif indi onun şəkilləri ilə yatıb, şəkilləri ilə oyanır. Bir dəfə yuxudan oyananda əlini yuxarı uzadıb dedi ki, atam ordadı. Hələ körpə olsa da, hər şeyi hiss edir. Hərdən deyirik ki, atan işdədir gələcək, deyir yox, atam Allahın yanındadır".

Mirağa Hüseynov qardaşı ilə son telefon danışığından xəbər verdi; "Axırıncı dəfə bizimlə danışanda dedi ki, hər şey yaxşıdır qələbə bizimlədir, qayıdacağam. Amma qayıda bilmədi. Döyüş yoldaşlarının dediyinə görə, Cəbrayıl tərəfdə bir kəndi azad edib irəliləyəndə yanlarına minamyot düşüb. Əvvəlcə yerə uzanıblar, heç nə olmayıb. Ayağa qalxanda bir minamyot da Mirəlinin düz qarşısına düşüb və qardaşım şəhid olub".

Qeyd edək ki, şəhidimizin Vətənə əmanət 3 yaşlı Arif adında bir oğlu qalıb.

Günel ABBAS


Paylaş



Bölmə: Ana seife / Şəhidlər / Xəbər / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Dekabr 2021    »
BeÇaÇCaCŞB
 12345
6789101112
13141516171819
20212223242526
2728293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Dağlıq ərazilərdə isə qar yağacağı ehtimalı var
Video
Azərbaycanda dəhşətli hadisə - VİDEO

Ağcabədi rayonunun Hindarx qəsəbəsində fərdi evdə yanğın qeydə alınıb.

Bütöv.az APA-ya istinadən xəbər verir ki, hadisə baş verən evdə 3 nəfər yanaraq ölüb. Bunlar 1991-ci il təvəllüdlü Kərimov Miri Firdovsi oğlu, bir yaş yarımlıq Kərimov Pünhan Miri oğlu və Kərimova Nailə İsa qızıdır. Həlak olanlar bir ailənin üzvləridir. Kərimov Miri post patrul xidmətinin komandiridir.

FHN-nin Ağdam və Ağcabədi rayonlarının yanğından mühafizə bölməsinin maşını və əməkdaşları və FHN- Qarabağ Regional Mərkəzinin xilasediciləri cəlb olunub.

Yanğın söndürülüb.


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!