Tarix : 5-07-2018, 06:24
“Biz hamımız əldə etdiyimiz nailiyyətlərə, bütün varlığımıza görə müəllimə borcluyuq”.
Ümummilli lider Heydər Əliyev
Müsahibim təcrübəli pedaqoq, ömrünün 30 ilini ürəkdən bağlandığı müqəddəs və şərəfli peşə olan müəllimliyə həsr etmiş Bakının Suraxanı rayonundakı M.Bayramov adına 196 nömrəli tam orta məktəbin Azərbaycan dili və ədəbiyyat müəllimi Zərifə Mikayılovadır.
Zərifə müəllim orta məktəbi qurtarandan sonra əvvəlcə M.Ə.Sabir adına Pedaqoji Texnikumu bitirir və boya-başa çatdığı Gürcüstan Respublikasının Başkeçid (Dmanisi) rayonunun Yuxarı Qarabulaq kənd orta məktəbində sinif müəllimi kimi fəaliyyətə başlayır və adına ilk əmək kitabçası burada açılır. 1983-cü ildə ali təhsil almaq məqsədilə sənədlərini indiki Azərbaycan Dövlət Pedaqoji Universitetinin filologiya fakültəsinə verir və istəyinə çatır. Belə ki, həmin ali məktəbin çoxminli tələbə kollektivinin üzvü olur. 1988-ci ildə ADPU-nu fərqlənmə diplomu ilə bitirir. 1989-1991-ci illərdə həmin ali təhsil ocağının dissertantı olur. 1989-cu ildən “baş müəllim” kimi pedaqoji fəaliyyətini davam etdirir. Ailə vəziyyəti ilə əlaqədar olaraq 1989-cu ildə Bakı şəhərinə köçür. Dil-ədəbiyyat müəllimi olan həmsöhbətimi duyğulu şair kimi də tanıyırlar. Bir neçə şeir kitabına imza atmışdır.
Bu günlərdə Zərifə müəllimlə görüşüb, çalışdığı məktəb kollektivi barədə, bugünkü təhsilimiz qarşısında duran vəzifələrə necə əməl etmələri haqda suallarımızı cavablandırmağı ondan xahiş etdik.
- Zərifə xanım, ilk dərs gününü necə xatırlayırsınız?
- İlk dəfə hələ Pedaqoji Texnikumunun III kursunda oxuyanda şagirdlər qarşısına çıxmışam. O vaxt bizi təcrübəyə aparmışdılar. Mən ibtidai sinifdə ana dili dərsi keçməli idim. İlk dərsə çox ciddi hazırlaşmışdım. Bu, bir növ açıq dərs səviyyəsində idi. Dərsi o qədər geniş, əhatəli, bir qədər də həyəcanlı başa vurdum ki, bir də gördüm müəllimlər, metodistlər mənə təəccüblə diqqət kəsiliblər. Dərsin sonunda Fəxri müəllim dedi ki, əgər bu cür dərs keçsən, bir ildə saçların ağarar.
- Gənc müəllim olaraq pedaqoji kollektivə tezmi qaynayıb-qarışdınız?
- Bəli, gənc müəllim olaraq pedaqoji kollektivə tez isinişdim. Buna səbəb məktəbdə hökm sürən sağlam ab-hava, səmimiyyət idi. Bir də işlədiyim təhsil ocağı, oxuduğum doğma məktəb idi.
- Böyük Azərbaycan pedaqoqu Firudin bəy Köçərli demişdir: “Əsl müəllim elm, bilik və zəhmətkeşlikdən əlavə, şagirdlərinə münasibətdə məhəbbət və qayğı dolu qəlbə malik olmalıdır”. Bu fikirlərə sizin münasibətiniz.
- Bu fikirlə tam razıyam. Əsl müəllim uşaqları öz övladları kimi ürəkdən sevməlidir. Dəcəlini də, sakitini də. Mən də şagirdlərimə çox bağlıyam. Onların hər birinə bir şəxsiyyət kimi yanaşıram.
- Uzun illərdir ki, Azərbaycan dili və ədəbiyyat fənnini tədris edirsiniz. Dərsin gedişatında hansı metodlardan istifadəyə üstünlük verirsiniz, ümumiyyətlə, fənninizi şagirdlərinizə sevdirə bilmisinizmi?
- Müəllimdən savadla yanaşı, həm də yüksək pedaqoji ustalıq tələb olunur. Artıq bir qərinə qədər pedaqoji stajım var. Bir qayda olaraq dərs prosesində müxtəlif müasir tədris metodlarına müraciət edirəm. Bura fərdi yanaşma, hər bir şagirdin psixoloji xüsusiyyətlərinə diqqət yetirmək və s. daxildir. Bəli, ondan razıyam ki, tədris etdiyim fənni şagirdlərimə sevdirə bilmişəm. Xüsusilə, ədəbiyyatı, şeiri, poeziyanı. Axı şagirdlərin dünyagörüşünün formalaşmasında, mənəvi zənginləşməsində poeziya müstəsna rol oynayır.
- Məhəmməd peyğəmbər (s.ə.s.) də müəllimin əməyinə yüksək qiymət verib. Onun belə bir kəlamı var: “Ümmətimin xeyirliləri müəllimlərdir. Müəllimin xeyirlisi mərhəmətli olmalıdır. Allah bir cahilin günahını əfv etməzdən əvvəl müəllimin 40 günahını əfv edər”. Sizcə, bütün müəllimlər bu fikirlərin dərinliyinə varırmı?
- Məhəmməd (s.ə.s.) peyğəmbər onu da söyləmişdir: “Sənə elm öyrədənə də, elmi öyrətdiyinə də hörmət et”. Və ya “Qiyamət günündə alimin mürəkkəbi ilə şəhidin qanı tərəziyə qoyulsa, çəkidə alimin mürəkkəbi ağır gələr”. Bu fikirlər peyğəmbərimizin elmə, müəllimə necə qiymət verdiyini sübut edir. Məncə bunları müəllimlərin hamısı bilmir. Amma bilməkləri zəruridir.
- Deyirlər o millət xoşbəxtdir ki onun övladlarının təhsil və tərbiyəsi yerindədir. Burada Vətən məhəbbəti daha üstündür. Bu baxımdan sizin təhsil ocağında təhsillə tərbiyə yerindədirmi?
- Çalışdığım məktəb rayonun nümunəvi təhsil ocaqlarından sayılır. Məktəbimizdə savadlı və bilikli, bugünkü təhsilin tələblərinə cavab verən, yenilikləri təhsilə tətbiq edən müəllimlər işləyir. Əlbəttə, bəzi qüsurlar da yox deyil.
- Məşhur pedaqoq Suxomlinski deyib: “Bir damla öyrətmək üçün bir dərya öyrənmək lazımdır”. Sizcə, bu fikirdə bir həqiqət varmı?
- Suxomlinski məşhur pedaqoqdur. Çox gözəl bir fikir söyləyib. Həqiqətən də bir damla bilik ümmanlardan yaranır. Axı insanın bütün oxuduqları bilik qazandırmır. Qazanılan bilik oxunmuş materialların yadda qalan hissəsidir. Ona görə də çox oxumaq, çox mütaliə etmək lazımdır ki, ondan nə isə əxz edəsən.
- Yeri gəlmişkən, mütaliə barədə. Son vaxtlar insanlar kitabla ünsiyyətdən uzaqlaşıblar. Siz də bunu şagirdləriniz arasında hiss edirsinizmi və belə neqativ halı aradan qaldırmaq üçün hansı metodlardan istifadə edirsiniz?
- Təbiidir ki, hər dövrün öz xüsusiyyətləri olur. Bugünkü dövrün də neqativ xüsusiyyəti insanların mütaliədən uzaqlaşmasıdır. Çünki internet bir növ mütaliəyə əngəl törədir. Amma mən istər dərs prosesində, istərsə də digər yerlərdə şagirdlərimə ədəbiyyatı, poeziyanı, o cümlədən mütaliəni sevdirirəm, onlarda şeirə sevgi oyatmağa çalışıram. Bir az böyük çıxmasın, özüm şair olduğuma görə, dərs prosesində uşaqlara müxtəlif mövzularda şeirlər söyləyirəm, şagirdlərdə şeirə, poeziyaya həvəs oyadıram, onlara Azərbaycan şairi və yazıçılarının əsərlərini oxumağı tapşırıram. Ədəbiyyata aid müxtəlif tədbirlər keçiririk.
- Hər bir məktəb kollektivinin nailiyyətləri onun məzunlarının ali məktəblərə qəbul olunmalarının sayı ilə ölçülür. Sizin təhsil ocağında bu cəhətdən vəziyyət necədir?
- Bəli, məktəbin nailiyyətləri onun məzunlarının ali məktəblərə qəbul olunması ilə bağlıdır. Bizim məktəb də hər il məzunlarımızın ali məktəblərə qəbul olunması faizi ilə fərqlənir. Belə ki, ötən tədris ilində məktəbin məzunlarından Aydın Hüseynzadə 591 balla Azərbaycan Dövlət Neft Akademiyasına, Röyalə Abbasova, Əfsanə Muradzadə, Əli Salmanlı, Sevinc Bədəlova, Sevinc Mirzəzadə və s. yüksək balla müxtəlif ali məktəblərin tələbələri sırasına qatılmışlar. Məktəbimizin direktoru, təcrübəli pedaqoq, bacarıqlı təşkilatçı olan Sevinc Mehdiyeva, tədris işləri üzrə direktor müavini Aida Cəfərova təhsil ocağında hökm sürən nizam-intizamdan razıdırlar. Amma uğurlarımız bizi arxayınlaşdırmır.
- Müəllim olmağınıza görə peşiman deyilsiniz ki?
- Peşəmə ürəkdən bağlıyam. Axı ailəmizi müəllimlər ailəsi adlandırırlar. Belə ki, atam, anam, bacılarım, qardaşım da müəllim olublar. Yenidən həyata gəlsəydim, yenə də bu peşəni seçərdim. Şərəfli, müqəddəs peşədir. Şagirdlərimə də hər zaman deyirəm ki, gələcəkdə seçəcəyiniz peşəyə ürəkdən bağlanın. Təsadüfi bir peşə sizə sonradan peşimançılıq gətirər. Yaxşı sənətkar olun ki, sizə uğur qazandırsın. Bir də onlara Şeyx Nizaminin
Kamil bir palançı olsa da insan,
Yaxşıdır yarımçıq papaqçılıqdan -
kimi ibrətamiz fikirlərini misal çəkirəm.
- Zərifə müəllim, suallarımızı ətraflı cavablandırdığınız üçün təşəkkür edirəm!
Sizin kollektivə isə daha böyük uğurlar arzulayıram!
Hüseyn MƏMMƏDOV
“Bütöv Azərbaycan” qəzeti
Ümummilli lider Heydər Əliyev
Müsahibim təcrübəli pedaqoq, ömrünün 30 ilini ürəkdən bağlandığı müqəddəs və şərəfli peşə olan müəllimliyə həsr etmiş Bakının Suraxanı rayonundakı M.Bayramov adına 196 nömrəli tam orta məktəbin Azərbaycan dili və ədəbiyyat müəllimi Zərifə Mikayılovadır.
Zərifə müəllim orta məktəbi qurtarandan sonra əvvəlcə M.Ə.Sabir adına Pedaqoji Texnikumu bitirir və boya-başa çatdığı Gürcüstan Respublikasının Başkeçid (Dmanisi) rayonunun Yuxarı Qarabulaq kənd orta məktəbində sinif müəllimi kimi fəaliyyətə başlayır və adına ilk əmək kitabçası burada açılır. 1983-cü ildə ali təhsil almaq məqsədilə sənədlərini indiki Azərbaycan Dövlət Pedaqoji Universitetinin filologiya fakültəsinə verir və istəyinə çatır. Belə ki, həmin ali məktəbin çoxminli tələbə kollektivinin üzvü olur. 1988-ci ildə ADPU-nu fərqlənmə diplomu ilə bitirir. 1989-1991-ci illərdə həmin ali təhsil ocağının dissertantı olur. 1989-cu ildən “baş müəllim” kimi pedaqoji fəaliyyətini davam etdirir. Ailə vəziyyəti ilə əlaqədar olaraq 1989-cu ildə Bakı şəhərinə köçür. Dil-ədəbiyyat müəllimi olan həmsöhbətimi duyğulu şair kimi də tanıyırlar. Bir neçə şeir kitabına imza atmışdır.
Bu günlərdə Zərifə müəllimlə görüşüb, çalışdığı məktəb kollektivi barədə, bugünkü təhsilimiz qarşısında duran vəzifələrə necə əməl etmələri haqda suallarımızı cavablandırmağı ondan xahiş etdik.
- Zərifə xanım, ilk dərs gününü necə xatırlayırsınız?
- İlk dəfə hələ Pedaqoji Texnikumunun III kursunda oxuyanda şagirdlər qarşısına çıxmışam. O vaxt bizi təcrübəyə aparmışdılar. Mən ibtidai sinifdə ana dili dərsi keçməli idim. İlk dərsə çox ciddi hazırlaşmışdım. Bu, bir növ açıq dərs səviyyəsində idi. Dərsi o qədər geniş, əhatəli, bir qədər də həyəcanlı başa vurdum ki, bir də gördüm müəllimlər, metodistlər mənə təəccüblə diqqət kəsiliblər. Dərsin sonunda Fəxri müəllim dedi ki, əgər bu cür dərs keçsən, bir ildə saçların ağarar.
- Gənc müəllim olaraq pedaqoji kollektivə tezmi qaynayıb-qarışdınız?
- Bəli, gənc müəllim olaraq pedaqoji kollektivə tez isinişdim. Buna səbəb məktəbdə hökm sürən sağlam ab-hava, səmimiyyət idi. Bir də işlədiyim təhsil ocağı, oxuduğum doğma məktəb idi.
- Böyük Azərbaycan pedaqoqu Firudin bəy Köçərli demişdir: “Əsl müəllim elm, bilik və zəhmətkeşlikdən əlavə, şagirdlərinə münasibətdə məhəbbət və qayğı dolu qəlbə malik olmalıdır”. Bu fikirlərə sizin münasibətiniz.
- Bu fikirlə tam razıyam. Əsl müəllim uşaqları öz övladları kimi ürəkdən sevməlidir. Dəcəlini də, sakitini də. Mən də şagirdlərimə çox bağlıyam. Onların hər birinə bir şəxsiyyət kimi yanaşıram.
- Uzun illərdir ki, Azərbaycan dili və ədəbiyyat fənnini tədris edirsiniz. Dərsin gedişatında hansı metodlardan istifadəyə üstünlük verirsiniz, ümumiyyətlə, fənninizi şagirdlərinizə sevdirə bilmisinizmi?
- Müəllimdən savadla yanaşı, həm də yüksək pedaqoji ustalıq tələb olunur. Artıq bir qərinə qədər pedaqoji stajım var. Bir qayda olaraq dərs prosesində müxtəlif müasir tədris metodlarına müraciət edirəm. Bura fərdi yanaşma, hər bir şagirdin psixoloji xüsusiyyətlərinə diqqət yetirmək və s. daxildir. Bəli, ondan razıyam ki, tədris etdiyim fənni şagirdlərimə sevdirə bilmişəm. Xüsusilə, ədəbiyyatı, şeiri, poeziyanı. Axı şagirdlərin dünyagörüşünün formalaşmasında, mənəvi zənginləşməsində poeziya müstəsna rol oynayır.
- Məhəmməd peyğəmbər (s.ə.s.) də müəllimin əməyinə yüksək qiymət verib. Onun belə bir kəlamı var: “Ümmətimin xeyirliləri müəllimlərdir. Müəllimin xeyirlisi mərhəmətli olmalıdır. Allah bir cahilin günahını əfv etməzdən əvvəl müəllimin 40 günahını əfv edər”. Sizcə, bütün müəllimlər bu fikirlərin dərinliyinə varırmı?
- Məhəmməd (s.ə.s.) peyğəmbər onu da söyləmişdir: “Sənə elm öyrədənə də, elmi öyrətdiyinə də hörmət et”. Və ya “Qiyamət günündə alimin mürəkkəbi ilə şəhidin qanı tərəziyə qoyulsa, çəkidə alimin mürəkkəbi ağır gələr”. Bu fikirlər peyğəmbərimizin elmə, müəllimə necə qiymət verdiyini sübut edir. Məncə bunları müəllimlərin hamısı bilmir. Amma bilməkləri zəruridir.
- Deyirlər o millət xoşbəxtdir ki onun övladlarının təhsil və tərbiyəsi yerindədir. Burada Vətən məhəbbəti daha üstündür. Bu baxımdan sizin təhsil ocağında təhsillə tərbiyə yerindədirmi?
- Çalışdığım məktəb rayonun nümunəvi təhsil ocaqlarından sayılır. Məktəbimizdə savadlı və bilikli, bugünkü təhsilin tələblərinə cavab verən, yenilikləri təhsilə tətbiq edən müəllimlər işləyir. Əlbəttə, bəzi qüsurlar da yox deyil.
- Məşhur pedaqoq Suxomlinski deyib: “Bir damla öyrətmək üçün bir dərya öyrənmək lazımdır”. Sizcə, bu fikirdə bir həqiqət varmı?
- Suxomlinski məşhur pedaqoqdur. Çox gözəl bir fikir söyləyib. Həqiqətən də bir damla bilik ümmanlardan yaranır. Axı insanın bütün oxuduqları bilik qazandırmır. Qazanılan bilik oxunmuş materialların yadda qalan hissəsidir. Ona görə də çox oxumaq, çox mütaliə etmək lazımdır ki, ondan nə isə əxz edəsən.
- Yeri gəlmişkən, mütaliə barədə. Son vaxtlar insanlar kitabla ünsiyyətdən uzaqlaşıblar. Siz də bunu şagirdləriniz arasında hiss edirsinizmi və belə neqativ halı aradan qaldırmaq üçün hansı metodlardan istifadə edirsiniz?
- Təbiidir ki, hər dövrün öz xüsusiyyətləri olur. Bugünkü dövrün də neqativ xüsusiyyəti insanların mütaliədən uzaqlaşmasıdır. Çünki internet bir növ mütaliəyə əngəl törədir. Amma mən istər dərs prosesində, istərsə də digər yerlərdə şagirdlərimə ədəbiyyatı, poeziyanı, o cümlədən mütaliəni sevdirirəm, onlarda şeirə sevgi oyatmağa çalışıram. Bir az böyük çıxmasın, özüm şair olduğuma görə, dərs prosesində uşaqlara müxtəlif mövzularda şeirlər söyləyirəm, şagirdlərdə şeirə, poeziyaya həvəs oyadıram, onlara Azərbaycan şairi və yazıçılarının əsərlərini oxumağı tapşırıram. Ədəbiyyata aid müxtəlif tədbirlər keçiririk.
- Hər bir məktəb kollektivinin nailiyyətləri onun məzunlarının ali məktəblərə qəbul olunmalarının sayı ilə ölçülür. Sizin təhsil ocağında bu cəhətdən vəziyyət necədir?
- Bəli, məktəbin nailiyyətləri onun məzunlarının ali məktəblərə qəbul olunması ilə bağlıdır. Bizim məktəb də hər il məzunlarımızın ali məktəblərə qəbul olunması faizi ilə fərqlənir. Belə ki, ötən tədris ilində məktəbin məzunlarından Aydın Hüseynzadə 591 balla Azərbaycan Dövlət Neft Akademiyasına, Röyalə Abbasova, Əfsanə Muradzadə, Əli Salmanlı, Sevinc Bədəlova, Sevinc Mirzəzadə və s. yüksək balla müxtəlif ali məktəblərin tələbələri sırasına qatılmışlar. Məktəbimizin direktoru, təcrübəli pedaqoq, bacarıqlı təşkilatçı olan Sevinc Mehdiyeva, tədris işləri üzrə direktor müavini Aida Cəfərova təhsil ocağında hökm sürən nizam-intizamdan razıdırlar. Amma uğurlarımız bizi arxayınlaşdırmır.
- Müəllim olmağınıza görə peşiman deyilsiniz ki?
- Peşəmə ürəkdən bağlıyam. Axı ailəmizi müəllimlər ailəsi adlandırırlar. Belə ki, atam, anam, bacılarım, qardaşım da müəllim olublar. Yenidən həyata gəlsəydim, yenə də bu peşəni seçərdim. Şərəfli, müqəddəs peşədir. Şagirdlərimə də hər zaman deyirəm ki, gələcəkdə seçəcəyiniz peşəyə ürəkdən bağlanın. Təsadüfi bir peşə sizə sonradan peşimançılıq gətirər. Yaxşı sənətkar olun ki, sizə uğur qazandırsın. Bir də onlara Şeyx Nizaminin
Kamil bir palançı olsa da insan,
Yaxşıdır yarımçıq papaqçılıqdan -
kimi ibrətamiz fikirlərini misal çəkirəm.
- Zərifə müəllim, suallarımızı ətraflı cavablandırdığınız üçün təşəkkür edirəm!
Sizin kollektivə isə daha böyük uğurlar arzulayıram!
Hüseyn MƏMMƏDOV
“Bütöv Azərbaycan” qəzeti
Paylaş
Bölmə: Müsahibə
Başqa xəbərlər
- 80 ilin işığında
- ŞAGİRDLƏRİNİN QƏLBİNƏ YOL TAPAN MÜƏLLİMƏ
- Müəllimlər artıq yeni qayda ilə maaş alacaq
- Yardımlıda bir məktəb var…
- Azərbaycan Dövlət Pedaqoji Universitetində Bilik günü xüsusi təntənə ilə qeyd edilib
Fikirlər
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!