12-07-2022, 12:59
F-16-lar verilməsə, Türkiyə bu addımı atacaq
ABŞ Konqresinin Nümayəndələr Palatasının üzvü olan 35 senatorun Baydenə Türkiyəyə F-16 qırıcı təyyarələrinin verilməməsi haqqında məktubunu ölkəmizə qarşı olan qrupların, lobbi mərkəzlərinin fəaliyyəti kimi dəyərləndirirəm. Bu sözləri açıqlamasında Türkiyənin Qaziantep Universitetinin müəllimi Əli Fuad Gökçə deyib. Alimin sözlərinə görə, Bayden F-16 qırıcılarının verilməsi qərarından imtina etsə, Türkiyə də İsveç və Finlandiya ilə bağlı lazımi addımları atacaq:
“Baydenin Madriddə Ərdoğanla görüşü zamanı F-16-ların Türkiyəyə verilməsi ilə bağlı razılıq əldə olunub. Ölkəmizə verilən söz yerinə yetirilməlidir. Lakin buna mane olmaq üçün yunan lobbisi və Cənubi Kipr birlikdə ABŞ Konqresində iş aparır. Yunanıstan mediasında verilən xəbərlər və aparılan kampaniya da bunun təzahürüdür.
Təyyarələrin verilməməsi halında Vaşinqton Ankara kimi güclü bir müttəfiqi qarşısına almış olacaq. Çünki Türkiyə bu məsələdə çox ciddidir və F-16-ların verilməsi məsələsi ölkəmizin İsveç və Finlandiyanın NATO-ya üzvlüyünə razılığı qarşısında irəli sürdüyü şərtlərdən biridir. Madriddə imzalanan memorandum hələ Türkiyə Böyük Millət Məclisində təsdiq edilməyib. Cənab Ərdoğanın da vurğuladığı kimi, verilən sözlər yerinə yetirilməsə, TBMM İsveç və Finlandiyanın NATO-ya üzvlüyünə “yox” deyəcək”.
10-07-2022, 11:34
Akardan Qarabağ mesajı
30 ildə Minsk Qrupu 30 kəlməlik iş görmədi
Türkiyə Azərbaycanla bir ordu halında fəaliyyət göstərir.
Bunu Türkiyənin milli müdafiə naziri Hulusi Akar “Haber Global” telekanalı əməkdaşının 44 günlük müharibədən sonra Türkiyə-Azərbaycan əlaqələri ilə bağlı sualını cavablandırarkən deyib:
“Azərbaycan bizim qardaşımızdır. Bu mövzuda kimsənin tərəddüdü olmasın. Biz həqiqətən də iki dövlət, bir millətik. Xüsusilə də biz 44 günlük uğurlu əməliyyatdan sonra azərbaycanlı qardaşlarımızla demək olar ki, bütövləşdik. Bu məsələdə biz gerçəkdən illərlə azərbaycanlı qardaşlarımızın bütün iztirablarını hiss etdik. 30 ildən bəri ATƏT-in Minsk qrupu və başqaları Azərbaycan torpaqlarının işğaldan azad edilməsində 30 kəlməlik iş görmədi. Bir milyondan çox qaçqın olmasına, Xocalı və başqa soyqırımların baş verməsinə, torpaqların 20 faizinin işğal edilməsinə baxmayaraq heç bir şəkildə heç kim tükünü tərpətmədi. Lakin baş verənlərlə bağlı iki məqam da var. Birincisi, Azərbaycan tək deyil. İkincisi oradakı qardaşlarımızın “yetər artıq” deməsi ilə Azərbaycan fəaliyyətə başladı. Cənab İlham Əliyevin liderliyi ilə toparlanan, çalışan Azərbaycan Silahlı Qüvvələri 44 gün ərzində böyük zəfərlə yanlış hesabları yoluna qoydu”.
Nazir bildirib ki, 44 günlük Vətən müharibəsindən sonra da iki ölkənin əlaqələri dərinləşərək genişlənir:
“İki ordu təlimlər keçirir, müdafiə sənayesi sahəsində əməkdaşlıq, işlər davam edir. Tək ordu halında fəaliyyət göstəririk. Ərazilərin minalardan təmizlənməsi istiqamətində əlimizdən gələni edirik”.
Nazir Azərbaycanla Türkiyənin birgə fəaliyyətinin üçüncü tərəfə qarşı olmadığını deyərək, əlavə edib:
“İki ölkənin əməkdaşlığı üçüncü dövlətə qarşı deyil. Əksinə, bu, Cənubi Qafqazın təhlükəsizliyi üçündür. Bu, regionda hər kəsin xeyirinədir”.
30 ildə Minsk Qrupu 30 kəlməlik iş görmədi
Türkiyə Azərbaycanla bir ordu halında fəaliyyət göstərir.
Bunu Türkiyənin milli müdafiə naziri Hulusi Akar “Haber Global” telekanalı əməkdaşının 44 günlük müharibədən sonra Türkiyə-Azərbaycan əlaqələri ilə bağlı sualını cavablandırarkən deyib:
“Azərbaycan bizim qardaşımızdır. Bu mövzuda kimsənin tərəddüdü olmasın. Biz həqiqətən də iki dövlət, bir millətik. Xüsusilə də biz 44 günlük uğurlu əməliyyatdan sonra azərbaycanlı qardaşlarımızla demək olar ki, bütövləşdik. Bu məsələdə biz gerçəkdən illərlə azərbaycanlı qardaşlarımızın bütün iztirablarını hiss etdik. 30 ildən bəri ATƏT-in Minsk qrupu və başqaları Azərbaycan torpaqlarının işğaldan azad edilməsində 30 kəlməlik iş görmədi. Bir milyondan çox qaçqın olmasına, Xocalı və başqa soyqırımların baş verməsinə, torpaqların 20 faizinin işğal edilməsinə baxmayaraq heç bir şəkildə heç kim tükünü tərpətmədi. Lakin baş verənlərlə bağlı iki məqam da var. Birincisi, Azərbaycan tək deyil. İkincisi oradakı qardaşlarımızın “yetər artıq” deməsi ilə Azərbaycan fəaliyyətə başladı. Cənab İlham Əliyevin liderliyi ilə toparlanan, çalışan Azərbaycan Silahlı Qüvvələri 44 gün ərzində böyük zəfərlə yanlış hesabları yoluna qoydu”.
Nazir bildirib ki, 44 günlük Vətən müharibəsindən sonra da iki ölkənin əlaqələri dərinləşərək genişlənir:
“İki ordu təlimlər keçirir, müdafiə sənayesi sahəsində əməkdaşlıq, işlər davam edir. Tək ordu halında fəaliyyət göstəririk. Ərazilərin minalardan təmizlənməsi istiqamətində əlimizdən gələni edirik”.
Nazir Azərbaycanla Türkiyənin birgə fəaliyyətinin üçüncü tərəfə qarşı olmadığını deyərək, əlavə edib:
“İki ölkənin əməkdaşlığı üçüncü dövlətə qarşı deyil. Əksinə, bu, Cənubi Qafqazın təhlükəsizliyi üçündür. Bu, regionda hər kəsin xeyirinədir”.
9-07-2022, 21:08
Qaraqalpaq hadisələrinin təşkilatçıları saxlanıldı
Özbəkistanda Qaraqalpaq hadisələri ilə bağlı 14 nəfər saxlanılıb.
Bu barədə Özbəkistan Baş Prokurorluğu məlumat yayıb.
“Ölkə Konstitusiyasında Qaraqalpaq Muxtar Respublikasının statusu ilə bağlı bəzi maddələrə dəyişiklik edilməsi haqqında təkliflərin gündəmə gəlməsindən sonra 1-2 iyul tarixlərində Nukusda qanunsuz nümayişlər baş tutub. Qanunsuz aksiyalarda konstitusiya quruluşunu devirməyə cəhd ittihamı ilə 14 nəfər saxlanılıb. Saxlanılanlar arasında qanunsuz nümayişi təşkil edənlər - Dövlətmurad Tacimuradov və Əzəmət Turdanov da var.
Hazırda sözügedən hadisələrlə bağlı ilkin araşdırmalara başlanılıb”, - məlumatda bildirilib.
8-07-2022, 08:17
Tarixi köklərə bağlı Azərbaycan-Özbəkistan dostluğu
Azərbaycan-Özbəkistan dostluğu tarixi köklərə bağlıdır. Azərbaycan Respublikasının prezidenti İlham Əliyevin qardaş ölkəyə son rəsmi səfərindən, Özbəkistan Respublikasının Prezidenti Şavkat Mirziyoyevlə görüşündən sonra bu dostluq yeni inkişaf mərhələsinə qədəm qoyub. Azərbaycan Yazıçılar Birliyinin dəvəti və Özbəkistandakı Azərbaycan Mədəniyyət Mərkəzinin təşkilatçılığı ilə Azərbaycana gəlmiş Özbəkistan Yazıçılar Birliyinin üzvləri, şair-tərcüməçi, Daşkənd İnsan Hüquqları İnstitutunun direktoru Gülzirə Şəripova, Filologiya üzrə fəlsəfə doktoru, millət vəkili, pedaqoq Gülbahar Səid Qani və tətcüməçi Güllalə Ruziyeva ilə universitetlərdə, Yazıçılar birliyində görüşlər keçirildi.
Özbəkistanlı qonaqlarla Sumqayıt Poeziya Evində də görüş keçirildi.
Görüşdə şəhərin ədəbi mühitinin tanınmış simaları, jurnalistlər və paytaxtdan gələn qonaqlar iştirak etdilər. Tədbiri giriş sözü ilə Poeziya Evinin direktoru, şair-tərcüməçi İbrahim İlyaslı açaraq qonaqları salamladı, Azərbaycan-Özbəkistan ədəbi əlaqələri haqqında geniş məlumat verdi, soy-kökü eyni olan millətin dostluğu, birliyi, həmrəyliyi üçün ədəbiyyatın, poeziyanın ən yaxşı təbliğat vasitəsi olduğunu vurğuladı.
Tədbirdə iştirak edən Sumqayıt Regional Mədəniyyət İdarəsinin rəisi Rəşad Əliyev çıxışında qeyd etdi ki, xalqlarımız arasında qarşılıqlı mədəni əlaqələrin qurulması, inkişaf etdirilməsi olduqca əhəmiyyətli və vacibdir. Sonra Gülzirə Şəripovaya və Gülbahar Səid Qaniyə Poeziya Evinin "Fəxri qonağı” diplomu təqdim edildi.
Tədbirdə qonaq qismində iştirak edən Natəvan Dəmirçioğlu “Arzularımızın şəhərləri var. Bunlar Bakı, Təbriz, Dərbənd, ulu Əmir Teymurun uyuduğu Səmərqənd və sair şəhərlərdir” dedi, diqqəti tarixi birliyimizə, Nizami Gəncəvidən bəhrələnən Əlişir Nəvai ilə inkişaf edən, Qafur Qulam və Səməd Vurğun dostluğu ilə davam edən ədəbi əlaqələrimizdən danışdı. Hazırda Gülzirə Şəripovanın onun iki hekayəsini qardaş Özbək dilinə çevirdiyinə görə tərcüməçiyə təşəkkürünü bildirdi.
Şair, həkim Nazilə Gültac çıxışında “Könül yolçuluğu” platformu yaratdığını, məqsədi türk dövlətlərinin ziyalılarını, yazarlarını, elm xadimlərini, mədəniyyət adamlarını bir-birinə tanıtmaq, təbliğ etmək olduğunu qeyd etdi. Vurğuladı ki, dünyanın əmin-amanlığı üçün könül insanlarına-sənətkarlara ehtiyacı var.
"Manevr.az" Media Qrupunun rəhbəri Namiq Dəlidağlı öz növbəsində Azərbaycan-Özbəkistan ədəbi əlaqələrindən danışdı, gələn qonaqlara diplom və xatirə hədiyyələri təqdim etdi. Qələm sahiblərindən Ofeliya Babayeva, Rafiq Oday, Hümbət Quliyev, Almaz Sahilə, Aida Eyvazlı, Gülnarə Cəmaləddin, Əli Nəcəfxanlı, Gülbahar Haqverdiyeva, Xatirə Fərəcli, Şahməmməd Dağlaroğlu, Aləm Kəngərli, Asif Asiman, Mədaxil Cavadlı və başqaları qardaş ölkə şairlərinin Azərbaycana təşrif buyurmasından sevindiklərini bildirib, öz şeirlərini səsləndirdilər.
Sonda özbək qonaqlar yaradıcılıqlarından nümunələr söyləyib, Azərbaycan ədəbiyyatını, mədəniyyətini ürəkdən sevdiklərini, görüşdən çox məmnun qaldıqlarını ifadə etdilər.
(Şəkillər Şakir Rəhmanındır)
27-06-2022, 12:24
Üç ölkənin nazirləri Zəngəzur dəhlizini müzakirə edib
Bu gün Bakı şəhərində üç qardaş ölkənin xarici işlər və nəqliyyat üzrə məsul nazirlərinin görüşünü yüksək qiymətləndiririk.
Bunu xarici işlər naziri Ceyhun Bayramov Azərbaycan-Türkiyə-Qazaxıstan xarici işlər və nəqliyyat nazirlərinin ilk üçtərəfli görüşünə dair mətbuat konfransında deyib. Onun sözlərinə görə, görüşdə Zəngəzur dəhlizi də müzakirə olunub.
"Ölkələrimiz arasında müxtəlif sahələrdə əlaqələr var. Amma ilk dəfə olaraq üç ölkə arasında nəqliyyat sahəsi üzrə fikir mübadiləsi aparıldı. Yük daşımalarına diqqət yetirdik. Boğazların genişləndirilməsi və digər nəqliyyat sahəsində yeni imkanlar nəzərdən keçirildi. Türk Dövlətləri Təşkilatı və digər mövqelərdə birgə çıxış diqqətə çatdırıldı. Azərbaycan tərəfi olaraq Şərqi Zəngəzurda aparılan quruculuq işləri, Zəngəzur dəhlizinin əhəmiyyətini vurğuladıq. Bu məsələ onlar tərəfindən müsbət qiymətləndirildi", - deyə XİN başçısı vurğulayıb.
26-06-2022, 23:21
Çavuşoğlu Bakıya gəldi
Türkiyənin xarici işlər naziri Mövlud Çavuşoğlu Bakıya gəlib. Bu barədə Türkiyənin XİN rəhbəri "Twitter" hesabında paylaşım edib.
“Türkiyə-Azərbaycan-Qazaxıstan xarici işlər və nəqliyyat nazirlərinin ilk toplantısında iştirak etmək üçün Bakıdayıq”, - Çavuşoğlu bildirib.
26-06-2022, 20:39
Nazirlər Bakıda TOPLAŞIR
Sabah paytaxt Bakıda Türkiyə-Azərbaycan-Qazaxıstan xarici işlər və nəqliyyat nazirlərinin üçtərəfli görüşü keçiriləcək.
Bu barədə Türkiyə Xarici İşlər Nazirliyi məlumat yayıb.
Bildirilib ki, görüş üç ölkəni maraqlandıran məsələlərdə mövcud koordinasiyanı gücləndirmək və qarşılıqlı fayda əsasında regional əlaqələri genişləndirmək məqsədi daşıyır.
Bundan əlavə, görüşdə üçtərəfli və regional əməkdaşlığın müzakirə edilməsi nəzərdə tutulub.
26-06-2022, 14:48
Ərdoğanın baş müşaviri Azərbaycanı təbrik etdi
Türkiyə Prezidentinin baş müşaviri Yalçın Topçu 26 İyun - Silahlı Qüvvələr Günü münasibətilə Azərbaycanı təbrik edib.
Bu barədə Y.Topçu telekonfrans vasitəsilə edilən çıxışında deyib.
"Azərbaycanın müzəffər ordusunun 26 İyun - Silahlı Qüvvələr Günü mübarək olsun. Biz Azərbaycan və Ermənistanın sülh addımlarını dəstəkləyirik və regionun təhlükəsizliyi və rifahı naminə hər sahədə həmrəyliyimizi möhkəmləndirməyə davam edirik", - deyə Y.Topçu bildirib.
24-06-2022, 15:21
Əliyevin Daşkənd səfərinə Türkiyədən baxış
Ankara Böhran və Siyasi Araşdırmalar Mərkəzinin (ANKASAM) sədri, professor Mehmet Seyfəddin Ərolun sözlərinə görə, iki qardaş ölkənin əməkdaşlığı xüsusilə türk dünyası üçün strateji önəm kəsb edir:
“İmzalanan müqavilələr və Bəyannamə Azərbaycan və Özbəkistan aralarındakı əməkdaşlığı regional, beynəlxalq layihələrlə genişləndirmək, strateji şəkildə çoxşaxəli bir səviyyəyə yüksəltmək və dərinləşdirmək məqsədi güdür. Bu baxımdan iqtisadi, turizm, texnologiya, sənaye, yük və sərnişin daşınması, nəqliyyat dəhlizləri və müdafiə sənayesi başda olmaqla, qeyri-qanuni miqrasiya ilə mübarizə, ətraf mühit, neft və qaz kimi sahələrdə əməkdaşlıqdan, kənd təsərrüfatından tekstil sektorlarında əməkdaşlığa qədər olan sahələri özündə əks etdirən müqavilələr güclü inkişafı təmin edəcək önəmli addımlardır. Səfər zamanı xüsusilə logistika, daşınma və dəhlizlər məsələsində Çindən Avropaya Xəzər üzərindən uzanan dəhlizin, Orta Asiya və Qafqaz dövlətlərinin əməkdaşlığının, Orta Dəhlizin inşasının əhəmiyyətinin vurğulanması diqqətçəkən məqamlardandır.
Digər tərəfdən Rusiya-Ukrayna müharibəsi başladıqdan sonra təhlükəsizlik problemləri ilə bağlı narahatlıqların artdığı, geosiyasi zəlzələlərin meydana gəldiyi bir vaxtda hər iki lider qlobal sülhün bərqərar edilməsi üçün regiona çağırış edir və konkret layihələrlə sözügedən istiqamətdə öz mövqelərini sərgiləyirlər. Burada dövlətlərin ərazi bütövlüyü, suverenliyi, unitar quruluşları və müstəqilliklərinin qorunmasını əsas götürən xarici siyasət yanaşması çox əhəmiyyətlidir. Azərbaycan və Özbəkistan imzalanan müqavilələrlə müstəqilliyin qorunması istiqamətində qətiyyətlərini ortaya qoyur, mümkün təhdidlərə qarşı birlik mesajı verirlər. Özbəkistan Qarabağ məsələsində hər zaman Azərbaycanın mövqeyini dəstəkləyib. Cənab Əliyev də Özbəkistanda çıxışları zamanı bunu xüsusi qeyd etdi. Bildirmək istəyirəm ki, bu səfər Qafqaz, Orta Asiya və türk dünyası başda olmaqla, xaos, toqquşma və müharibələrə qarşı çoxtərəfli iqtisadi, ticarət, sosial, mədəni əməkdaşlıqları əsas götürən addım kimi tarixə düşdü”.
22-06-2022, 17:54
Azərbaycan Respublikasının Medianın İnkişafı Agentliyi ilə Özbəkistan Respublikası Prezidentinin Administrasiyası yanında İnformasiya və Kütləvi Kommunikasiya Agentliyi arasında "Anlaşma Memorandumu”nu Medianın İnkişafı Agentliyinin İcraçı direktoru Əhməd İsmayılov və Özbəkistan Respublikası Prezidentinin Administrasiyası yanında İnformasiya və Kütləvi Kommunikasiya Agentliyinin direktoru Asadjon Xocayev imzalayıblar.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!