Tərtər rayonunda yanacaqdoldurma məntəqəsində partlayış baş verib.
Butov.az Report-a istinadən xəbər verir ki, hadisə zamanı 1966-cı il təvəllüdlü Seymur Rzayev və 1995-ci il təvəllüdlü Əsgər Məmmədov müxtəlif dərəcəli bədən xəsarətləri alıblar.
Onların vəziyyəti ağır olduğundan müayinə və müalicələrinin davam etdirilməsi üçün Bakıdakı xəstəxanalardan birinə göndərilib.
Faktla bağlı araşdırma aparılır.

***

FHN Tərtərdə yanacaqdoldurma məntəqəsində baş vermiş partlayışla bağlı məlumat yayıb.
“Tərtər rayonunun Qaradağlı kəndində PAT OİL yanacaqdoldurma məntəqəsinin ərazisində yanacaqdaşıyan avtomobildən tutumu 60 ton olan yeraltı yanacaq çəninə benzin yanacağı doldurularkən çənin üst qapağında partlayış nəticəsində alışma baş verib.
Nəticədə çənin üst hissəsi, üzərində quraşdırılmış, ümumi sahəsi 120 m² olan talvar və 15 p.m elektrik kabeli yanıb. Hadisə zamanı yanacaqdoldurma məntəqəsində işləyən 5 nəfər müxtəlif dərəcəli xəsarətlər alıb. Yanacaqdoldurma məntəqəsinin ərazisində olan yanacaqla dolu yeraltı çənlər və digər avadanlıqlar yanğından mühafizə olunub.
Yanğın yanğından mühafizə bölmələri tərəfindən qısa müddət ərzində söndürülüb.
Hadisə ilə əlaqədar müvafiq qurumlar tərəfindən araşdırma aparılır” – məlumatda qeyd olunub.