Helikopter qəzasında həlak olan sərhədçilərə şəhid statusu verilib .....                        Bakıda Azərbaycan və Türkiyə hərbi pilotlarının birgə təlim uçuşları icra olunub – VİDEO .....                        Pentaqon hesab edir ki, Rusiya və Ukrayna ilə bağlı vəziyyətə görə ABŞ və NATO-nun maraqları risk altındadır .....                        Ərdoğanın baş məsləhətçisi koronavirusdan öldü .....                        “Pensiya ilə yanaşı, müavinətlər də artacaq” .....                        Vilayət Vəliyev haqqında DAHA BİR İDDİA... .....                        Azərbaycanın hərbi qulluqçusu həlak oldu .....                        Polkovnik Zaur Nudirəliyev təyyarəni düşmən mövqeyinə çırparaq şəhid olubmuş - VİDEO .....                        Ceyhun Bayramov belaruslu həmkarı ilə müzakirə apardı .....                       
Tarix : 1-02-2019, 14:09
Əbülfəs Qarayev: “Hazırda 125 istedadlı gənc Prezident təqaüdünə layiq görülüb”

Fevralın 1-də Beynəlxalq Muğam Mərkəzində Gənclər günü münasibətilə ənənəvi təşkil olunan “Gəncliyin səsi” festivalının açılış mərasimi keçirildi.
Butov.az Modern.az-a istinadən xəbər verir ki, festival Mədəniyyət Nazirliyi və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (“ASAN Xidmət”) birgə təşkilatçılığı ilə reallaşdı.
Tədbir iştirakçıları ilk olaraq mərkəzin foyesində xalq yaradıcılığı ilə məşğul olan gənc sənətkarların əl işlərindən ibarət sərgi ilə tanış oldular.
Açılış mərasimində çıxış edən mədəniyyət naziri Əbülfəs Qarayev hər il ənənəvi olaraq keçirilən festivalın əhəmiyyətindən danışdı. Bildirdi ki, 1996-cı ildə ulu öndər Heydər Əliyevin təşəbbüsü ilə respublika gənclərinin birinci forumunun çağırılması, 1997-ci ildə isə 2 fevral tarixinin “Azərbaycan Gəncləri Günü” elan edilməsi ümummilli liderin Azərbaycan gəncliyinə göstərdiyi diqqət və qayğının bariz nümunəsi idi. Həmin vaxtdan etibarən hər il 2 fevral gənclərimizin bayramı kimi təntənəli şəkildə qeyd olunur.
Nazir qeyd etdi ki, ölkəmizdə Gənclər günü ilə bağlı silsilə tədbirlərin təşkil olunması, müxtəlif sahələrdə yüksək nailiyyətlər qazanmış gənclərin mükafatlandırılması, istedadlı gənclərin beynəlxalq festival və müsabiqələrdə iştirakı həmişə dövlət tərəfindən dəstəklənir: “Prezident İlham Əliyevin sərəncamı ilə təsdiq olunan “Azərbaycan gəncliyi 2017-2021-ci illərdə Dövlət Proqramı çərçivəsində həyata keçirilən layihələr gənc nəslin hərtərəfli inkişafına stimul verir. Sevindirici haldır ki, yaradıcı gənclərimizin fəaliyyəti diqqətdən kənarda qalmır. Mədəniyyət Nazirliyinin tabeliyindəki yaradıcı təşkilatlarda gənclərin fəaliyyətinə xüsusi diqqət yetirilir. Müxtəlif müsabiqələr, təqdimatlar, yeni layihələr həyata keçirilir. Son bir neçə ildir öz innovativ yanaşmaları ilə seçilən, mədəniyyət sahəsində çalışan gənclərin “ASAN Xidmət”lə fəal əməkdaşlığını təmin edirik. Məhz bunun nəticəsində artıq 3 ildir ki, “ASAN Xidmət”lə birgə “Gəncliyin səsi” festivalını reallaşdırırıq”.
Hazırda ölkəmizdə 125 istedadlı gəncin Prezident təqaüdünə layiq görüldüyünü deyən nazir vurğuladı ki, onlar bu təqaüdlə öz yaradıcı imkanlarını daha da inkişaf etdirirlər. Belə gənclərin sırasında beynəlxalq müsabiqələr laureatları, xarici ölkələrdə təhsilini davam etdirənlər və dünyanın böyük səhnələrində Azərbaycan mədəniyyətini, incəsənətini yüksək səviyyədə təbliğ edənlər var.
Əbülfəs Qarayev “Gəncliyin səsi” festivalının gənc istedadların üzə çıxarılması, onların yaradıcılıq axtarışlarının, bilik və bacarıqlarının, əldə etdiyi nailiyyətlərin dəstəklənməsi, yeni simaların aşkar olunması məqsədi daşıdığını bildirdi. Qeyd etdi ki, fevralın 5-dək davam edəcək festival çərçivəsində mədəniyyətin müxtəlif sahələri üzrə peşəkar və həvəskar gənclərin iştirakı ilə konsertlər, görüşlər və tamaşa nümayişlərinin keçirilməsi nəzərdə tutulur.
Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev bildirdi ki, bugünkü tədbir ölkə rəhbərliyinin həyata keçirdiyi gənclər siyasətinin daha bir təcəssümüdür. Ulu öndər Heydər Əliyev ölkə rəhbəri olduğu ilk dövrdən gənclərin himayədarı kimi sağlam düşüncəli yeni nəslin yetişdirilməsini dövlət və cəmiyyətin mühüm vəzifəsi hesab edirdi. Ulu öndərin əsasını qoyduğu gənclər siyasəti bu gün dövlət başçısı tərəfindən uğurla davam etdirilir.
Festivalın təşkilini yüksək qiymətləndirən Ü.Mehdiyev tədbirin gənclərin potensialının üzə çıxarılmasında əhəmiyyətini vurğuladı, layihənin uğurla davam edəcəyinə əminliyini ifadə etdi. Bildirildi ki, festival çərçivəsində təşkil edilən tədbirlər gənclərin dünyagörüşünün formalaşmasına, onların peşə və sənət seçiminə öz töhfəsini verir. Vurğulandı ki, festivalın paytaxtla yanaşı, Sumqayıt şəhərində, Abşeron, Quba, İmişli və Masallı rayonlarında keçirilməsi nəzərdə tutulub.
Daha sonra 2018-ci ildə uğurlu fəaliyyətinə görə seçilən bir qrup istedadlı gənc Mədəniyyət Nazirliyinin fəxri fərmanı ilə təltif edildi.
Festivalın açılış mərasimi konsert proqramı ilə davam etdi. Ü.Hacıbəyli adına Bakı Musiqi Akademiyası, Azərbaycan Milli Konservatoriyası, Bakı Xoreoqrafiya Akademiyası, Azərbaycan Dövlət Mədəniyyət və İncəsənət Universiteti, Sumqayıt Musiqi Kolleci, Şuşa Humanitar Kolleci, Q.Qarayev adına Mərkəzi İncəsənət Məktəbi, Bakı şəhər T.Quliyev adına 12, Rostropoviçlər adına 21, Niyazi adına 22, M.Maqomayev adına 26 nömrəli, Abşeron rayonu Xırdalan şəhər 11 illik musiqi məktəblərinin tələbə və şagirdlərinin ifasında təqdim olunan konsert proqramı alqışlarla qarşılandı.


Paylaş



Bölmə: Xəbər / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Dekabr 2021    »
BeÇaÇCaCŞB
 12345
6789101112
13141516171819
20212223242526
2728293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Dağlıq ərazilərdə isə qar yağacağı ehtimalı var
Video
Sumqayıtda avtoxuliqanlıq: Atasının QAZ-53-ünü “ikitəkər” qaldırdı - FOTO - VİDEO

Sosial şəbəkələrdə bir sürücünün Sumqayıt şəhərində QAZ-53 markalı yük maşını ilə avtoxuliqanlıq hərəkətləri etdiyinin görüntüləri yayılıb.

Daxili İşlər Nazirliyindən verilən məlumata görə, Sumqayıt Şəhər Polis İdarəsinin Dövlət Yol Polis Şöbəsinin əməkdaşlarının qısa zamanda həyata keçirdikləri tədbir nəticəsində həmin sürücünün şəxsiyyəti müəyyən edilib.

Məlum olub ki, hadisə şəhər sakini 17 yaşlı Ə.Məmmədov tərəfindən atasına məxsus 31-BD-205 dövlət qeydiyyat nişanlı yük avtomobili ilə törədilib. Sumqayıt ŞPİ-nin DYPŞ-də həmin şəxs barəsində İnzibati Xətalar Məcəlləsinin müvafiq maddəsi ilə protokol tərtib olunub və toplanan materiallar məhkəməyə göndərilib. Sürücünün yaşı nəzərə alındığı üçün barəsində inzibati qaydada həbs tətbiq edilməyib və o, 1000 manat məbləğində cərimə olunub.

Həmçinin sosial şəbəkələrdə Sumqayıt şəhərində toy karvanında avtoxuliqanlıq edən VAZ-2106 markalı avtomobilin sürücüsünün də görüntüləri yayılıb. Sumqayıt ŞPİ-nin DYPŞ-nin əməkdaşları tərəfindən həmin sürücü Məhəmməd Fərzəliyev saxlanılıb. Onun barəsində İnzibati Xətalar Məcəlləsinin müvafiq maddəsi ilə protokol tərtib edilib və baxılması üçün məhkəməyə göndərilib. Məhkəmənin qərarı ilə Məhəmməd Fərzəliyevin sürücülük hüququ 1 il müddətinə məhdudlaşdırılmaqla 15 gün inzibati qaydada həbs olunub.





Bütöv.az

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!