Əhərli dostumuzu təbrik edirik! .....                        Bu gün ilaxır çərşənbəsidir .....                        Azay Quliyev ATƏT PA-da görüşlər keçirdi .....                        Ərdoğanla Putin arasında telefon danışığı baş tutub .....                        Güləşçilərimiz “Çempionlar” turnirini 10 medalla başa vurdu .....                        Mömünə Xatun türbəsiylə bağlı yayılan məlumata aydınlıq gətirildi .....                        Putin Bakıdan nə qədər səs topladı? - Açıqlama .....                        Tehranlı soydaşımız mükafatlandırıldı .....                        Azərbaycan çox yaxşı təlim keçmiş hərbi qüvvələrə malikdir - Stoltenberq .....                       
Tarix : 26-02-2021, 16:04
Türkiyəli gənclər “Xocalıya ədalət” tələb edirlər

Xocalı soyqırımının 29-cu ildönümü ilə əlaqədar Azərbaycan Respublikasının Gənclər Fondu və Türkiyə Gənclik Vəqfi (TÜGVA) tərəfindən İstanbulda silsilə tədbirlər təşkil olunub.

Butov.az AZƏRTAC-a istinadən xəbər verir ki, tədbirlər çərçivəsində İstanbuldakı Ayasofya məscidi qarşısında bu şəhərdə fəaliyyət göstərən yerli və xarici media qurumlarına Türkiyə gəncləri adından bəyanat səsləndirilib.

Bəyanatda Xocalı soyqırımının tanınması və qanlı qırğını törədənlərin məsuliyyətə cəlb olunması ilə bağlı beynəlxalq təşkilatlara çağırış ünvanlanıb, soyqırımı həqiqətlərinin dünyaya yayılması işində Azərbaycan ilə həmrəylik ifadə edilib.

Daha sonra TÜGVA Mərkəzində hər iki qurumun birgə həyata keçirdiyi “Qarabağ zəfəri” adlı rəsm müsabiqəsinin qaliblərinin əsərlərindən ibarət sərginin açılışı olub.

Mərkəzdə, həmçinin Türkiyənin bütün bölgələrinin gənclərinin iştirakı ilə geniş onlayn tədbir keçirilib. Tərdbirdə Ermənistan hərbi birləşmələri tərəfindən törədilən soyqırımı barədə məlumat verilib. Bildirilib ki, mülki azərbaycanlılara qarşı qətliam siyasəti Ermənistanın hərbi-siyasi rəhbərliyinin fəaliyyətinin dəyişməz istiqaməti olub. Ötən il Şanlı Azərbaycan Ordusu Müzəffər Ali Baş Komandanın rəhbərliyi ilə Qarabağı azad etdiyi zaman da ermənilər tərəfindən şəhər və rayonlarımız atəşə tutulub, dinc əhali qətlə yetirilib.

Tədbirdə Xocalı və bu kimi digər cinayətləru törədənlərin məsuliyyətə cəlb edilməsi və soyqırımı qurbanlarının xatirəsinin əbədiləşdirilməsi naminə iki ölkə gənclərinin birgə təbliğat işinin davam etdirilməsi qərara alınıb.

Onlayn toplantıda Xocalı soyqırımına həsr olunan “Kiçik Oskar” adlandırılan “Accolade Qlobal Film Competition” nəşrinin ən yüksək mükafatına layiq görülən “Sonsuz dəhliz” filmi nümayiş etdirilib.

“Xocalıya ədalət!” beynəlxalq təbliğat kampaniyası çərçivəsində çəkilən film toplantı iştirakçıları tərəfindən böyük diqqət və dərin kədər hissi ilə qarşılanıb.

Tədbirlərdə TÜGVA-nın sədri Enes Eminoğlu, Azərbaycan Respublikası Gənclər Fondunun icraçı direktoru Fərid Cəfərov, Milli Məclisin deputatı Naqif Həmzəyev və Xocalı soyqırımının canlı şahidi, faciə zamanı atası və yeddi yaşlı bacısı qətlə yetirilən Xəzəngül Əmirova çıxış ediblər.

Azərbaycanın nümayəndə heyətinin İstanbula səfəri çərçivəsində fevralın 27-də hər iki ölkə gənclərinin iştirakı ilə bu şəhərin Sarıyer rayonundakı Heydər Əliyev parkında Azərbaycan xalqının Ümummilli Liderinin abidəsi ziyarət olunacaq.

Daha sonra tədbir iştirakçıları Sarıyerdəki Xocalı parkında soyqırımı qurbanlarının xatirəsinə ucaldılan abidəni ziyarət edəcəklər.

Nümayəndə heyətinin İstanbula səfəri davam edir.





Paylaş



Bölmə: Xəbər / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!