Şabrandakı yanğına amfibiya təyyarəsi cəlb olunub .....                        Hacıqabulda şəhidin xatirəsinə tikilən bulağın açılışı oldu .....                        Daha 1300-dən çox müharibə əlilinə birdəfəlik ödəmə verildi .....                        Azərbaycana ən çox turist bu ölkələrdən gəlib .....                        FETÖ-çülərə qarşı əməliyyat - 14 hərbçi tutuldu .....                        Ermənistanda qorxulu anlar yaşanır - FHN hərəkətə keçdi .....                        Şoyqu erməni müdafiə naziri ilə Qarabağdan danışdı .....                        Quba və Şabranda meşələr yanır .....                        Makron Zelenski ilə Zaporojye AES-i müzakirə edəcək .....                       
Tarix : 4-08-2022, 16:30
Qablaşdırılmış su alarkən diqqət edilməsi vacib olan məqamlar

Su - insan orqanizminin normal fəaliyyəti üçün böyük əhəmiyyət daşıyır. Gündəlik müəyyən miqdarda su qəbulunun bütün yaş qruplarından olan insanlar üçün mühüm önəmi var. Çünki orqanizmin optimal fəaliyyətini təmin etmək üçün bədəndə maye balansını qorumaq vacibdir. Əks təqdirdə, əzələ zəifliyi, yorğunluq kimi problemlər baş qaldıra bilər. Orqanizmdə su çatışmazlığı yaranarsa, bu, insanın fiziki fəaliyyətlə məşğulolma qabiliyyətini poza, böyrək və ürək-damar sistemi xəstəliklərinə səbəb ola bilər. Hədsiz su itkisi başağrısı, başgicəllənməsi və ya həzm problemlərinə də yol açır.

Bu simptomları aradan qaldırmaq üçün yenidən müəyyən miqdarda su qəbulu kifayət edir, ancaq içilən suyun keyfiyyəti də nəzərə alınmalıdır.

Butov.az xəbər verir ki, Qida Təhlükəsizliyi Agentliyinin AZƏRTAC-a ünvanladığı maarifləndirici materialda bu barədə bəhs olunur.

İstehlak edilən suyun tərkibində Ca, Na, K, Cl, Mg, Fe, Zn, Cu, Cr, I, Co, Mo və Se kimi elementlərin olması orqanizm üçün vacibdir. Ümumilikdə, içməli su ilə birlikdə orqanizmin daha çox aldığı mikroelementlər kalsium və maqneziumdur. Tələb olunan gündəlik su qəbulu ilə bədən bu elementlərin 20 faizinə qədərini təmin edə bilər.

Suyun pH göstəricisi də onun keyfiyyətini müəyyən edə bilmək üçün mühüm ölçü vahidi sayılır. İçməli suyun təmizlənmə və dezinfeksiyanın bütün mərhələlərində bu ölçü vahidinə diqqət yetirilməlidir. Suyun optimal pH göstəricisi 6.5-8.5 arasında dəyişir. Bu, dəyişiklik suyun tərkibi və paylama sistemində istifadə olunan materialların (boruların) xüsusiyyətindən asılıdır. Həmin göstəricinin aşağı olması (pH 7 və ya daha az) orqanizmə aşındırıcı təsir göstərə bilər.

Plastik materiallardan hazırlanmış qablaşdırma məmulatlarının ekologiyaya vurduğu zərərlə yanaşı, qida məhsullarının keyfiyyətinə də təsiri böyükdür. Belə ki, qablaşdırma materialları qida məhsulları ilə uzun müddət birbaşa təmasda olduqda onlardan suyun və ya qidanın tərkibinə zərərli maddələrin keçməsi mümkündür. Odur ki, hər bir istehlakçı su alarkən qablaşdırmanın üzərindəki işarələrə diqqət yetirməlidir.

Su və qida məhsullarının qablaşdırılmasında istifadə olunan bəzi materialların təkrar istifadəsi qadağandır:

- PETE – Birdəfəlik istifadə üçün nəzərdə tutulan plastik butulkalardır. Təkrar istifadəsi zamanı onların içərisindəki mayeyə ağır kimyəvi maddələr qarışa bilər.

- HDP və ya HDPE – Bu plastik demək olar ki, heç bir zərərli maddə yaymır. Suyu məhz bu plastik qablarda almaq məsləhət görülür.

- PVC və ya V – Bu materialdan hazırlanan qabdan azı 2 təhlükəli kimyəvi maddə ayrılır. Həmin maddələr orqanizmin hormonal balansına mənfi təsir göstərir.

- LDPE – Bu materialdan həm butulkaların, həm də plastik paketlərin hazırlanmasında istifadə olunur. Yalnız su konteynerləri üçün təhlükəsiz sayılır. Həmin materialdan hazırlanmış qablarda ərzaq məhsulu almaq məsləhət görülmür.

- PP – Qatıq və digər süd məhsullarının qablaşdırılmasında istifadə edilir. İsidilən zaman ərimir və demək olar ki, təhlükəsizdir.

- PS – Kofe stəkanları və fastfud konteynerlərinin hazırlanmasında istifadə olunur. Yalnız isidildikdə ondan təhlükəli kimyəvi birləşmələr ayrılır.

- PC və ya xüsusi işarələri olmayan plastiklər – Plastikin ən təhlükəli növüdür. Belə plastik qablarda su və ərzaq məhsulu almaq tövsiyə olunmur.

Bundan başqa, məhsulun etiketində istehsal tarixi və yararlılıq müddəti, saxlanma şəraiti, qablaşdırılma yeri, mineral tərkibi, pH (mühit) göstəricisi, duzların ümumi miqdarı kimi bir çox məlumatlar da öz əksini tapmalıdır.

Məhsulun etiketində qeyd edilmiş markanın adı ilə qapağın üzərindəki ad eyni olmalıdır. Qapağın möhkəm bağlanıb-bağlanmamasına da xüsusi diqqət etmək lazımdır.

İstənilən qida məhsulu kimi, qablaşdırılmış sular da düzgün temperaturda və şəraitdə (sərin, təmiz, quru və qoxusuz yerdə) saxlanılmalıdır, günəşlə təmasa və istiliyə məruz qalmamalıdır.


Paylaş



Bölmə: Xəbər / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Avqust 2022    »
BeÇaÇCaCŞB
1234567
891011121314
15161718192021
22232425262728
293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
Qırmızı işıqda keçən “Range Rover” dəhşətli qəza törətdi - VİDEO

Bakının mərkəzində avtomobilin aşması ilə nəticələnən dəhşətli qəza baş verib.

Bütöv.az xəbər verir ki, bununla bağlı görüntülər sosial şəbəkələrdə paylaşılıb.

Görüntülərdən anlaşılır ki, Bülbül prospektində “Range Rover” markalı avtomobil aşıb.

Hadisə şahidlərinin verdiyi məlumata görə, onun digər avtomobillə toqquşmasının səbəbi yüksək sürətlə qırmızı işıqda keçməsi olub.

Hadisə nəticəsində xəsarət alanlarla bağlı məlumat verilməyib.(Unikal)



All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!