Ağdaş rayonunda 5 nəfərin bıçaqlanması ilə nəticələnən kütləvi dava baş verib. ANS PRESS-in bölgə müxbirinin verdiyi məlumata görə, hadisə rayonun Vaqif küçəsində yerləşən Qaraçılar məhəlləsində keçirilən yas mərasimində qeydə alınıb. Uzaq qonşular arasında baş verən davaya getdikcə xeyli insan cəlb olunub.

Belə ki, narkotik qurbanı olan Qismət Quliyevin yas mərasimində iştirak edən qəflətən Ərəstun Məlikov və oğlanları iki ildir ki, şəxsi ədavətləri olan Qasımovlarların yaxın qohumlarına təhqiraməiz söz atıblar. Bundan sonra hər iki tərəfdə münaqişə başlayıb.

Təxminən 70 nəfərdən çox insanın iştirak etdiyi əlbəyaxa dava zamanı bıçaq və küt alətlərlə bir-birinə xəsarət yetirənlər olub. Hər iki tərəfin mövqeyinə gəldikdə, tərəflər bir-birini günahlandırır. Bıçaqlananların sözlərnə görə, Məlikov Ərəstunun oğlanları olan Azad və Nazir 44 yaşlı Əliyev Valehin idarə etdiyi “VAZ-21011” markalı minik avtomobilini daşa tutub və sürücünü qol nahiyəsindən bıçaqla vurublar.

Daha sonra məclisdən çıxan hər iki tərəfin münaqişəsi rayon mərkəzində davam edib və orda “VAZ-2106” markalı maşında olan 49 yaşlı Ağarzə Qasımov və 61 yaşlı Ağayarı Cümşüdov qol nahiyəsindən bir neçə bıçaq yarası ilə ağır bədən xəsarətləri yetiriblər.

Dərhal Ağdaş rayon xəstəxanasına gələn yaralıların vəziyyəti orta ağırdır. Uzun illərdir narkotik istifadəçisi və satıçısıdır.

Dava zamanı Məlikovlar tərəfindən ata 53 yaşlı Ərəstun Məlikov və qarşı tərəfdən 54 yaşlı Şadur Məmmədov yüngül bədən xəsarətlərilə digər xəstəxanaya çatdırılıb. İlkin tibbi yardım göstərildikdən sonra vəziyyətləri orta ağırdır.

ANS PRESS-in bölgə müxbirinin əldə etdiyi məlumata görə, qonşular arasında iki ildir ki, qan düşmənçiliyi davam edir. Onlar tez-tez şəxsi münaqişə zəminində davam etdirir. Belə ki, iki il öncə Vaqif küçəsində yaşayan ailəli olan iki uşağ anası Aytən Qasımov Məlikovların ikini övladı olan Azad Məlikovla qeyri-rəsmi münasibətdə olduğundan qızın əmisi Hafiz Qasımov qardaşı qızını namus üstündə qətlə yetirib və həbs olunub.

Məlikovlar ailəsinin iddialarına görə, Qasımovlarda Azadı ölümcül bıçaq yarası ilə yaralamışdı. Sonradan da oğlanın qohumları ilə qızın qohumları arasında düşmənçilik yaranıb. Mütəmadi olaraq qarşı tərəflər arasında davalar düşür. Hazırda kütləvi dava və bıçaqlanma hadisəsilə bağlı Ağdaş rayon polis şöbəsi tərəfindən cinayət işi başlanıb, araşdırma aparılır. Onlar müsahibə verməsələrdə günahın hər iki tərəfdə olduğunu bildiriblər.