Cəlilabad rayonunda yaşayan 17 yaşlı Emil Mirzəyev çox nadir xəstəlik olan hidrosefaliyadan əziyyət çəkir. ANS PRESS-in bölgə müxbirinin verdiyi məlumata görə, onun beynində sürətli böyümə gedir. E.Mirzəyevin pataloji əlaməti doğulan zaman aldığı travmadan sonra başlayıb. Emilin atası İmran Mirzəyevin sözlərinə görə, mütəmadi mülicə olunması onun başında anromal inkişafın qismən də olsa qarşısın alıb.

"Əvvəllər uşağın başı bundan da böyük idi. Onun uşaqlıq papaqları böyük idi. Müalicələrin təsirindən sonra başı yavaş-yavaş kiçilməyə başladı.”, - deyə İ.Mirzəyev bildirib.

İ.Mirzəyevin sözlərinə görə, 17 ildir bu xəstəlikdən əziyyət çəkən Emil Mirzəyevin səhhətində son zamanlar xəstəliyin təsirindən müəyyən narahatlıqlar yaranmağa başlayıb.

“Son vaxtlar baş ağrıları, halsızlıq olur. Həkimlər Emilə televizor və kompüterə baxmağı, eləcə də, zehni işlərlə məşğul olmağı tamamilə qadağan edib. Ona duzsuz yeməklər tövsiyyə olunub”, - deyə İ. Mirzəyev vurğulayıb.

Başının diametri 70 sm-ə çatan 17 yaşlı gəncin əziyyət çəkdiyi xəstəliyin müəlicəsi xarcidə əməliyyat yolu ilə mümkündür. Lakin ailənin indiki maddi durumu buna imkan vermir. Emil isə heç də xətəliyə təslim olmaq istəmir. Hər gün bacardığı qədər həyatda daha aktiv olmağa çalışır.