Bu il turizm sahəsində bizim üçün sınaq ili olacaq.

Butov.az Teleqraf.com-a istinadən xəbər verir ki, bunu jurnalistlərə açıqlamasında Mədəniyyət və turizm naziri Əbülfəz Qarayev deyib.

Nazirin sözlərinə görə, ötən ilə nisbətən xaricidən gələn qonaqların sayı bu il çox olacaq: "Bu, hələ ilkin mərhələdir. İnsanların müxtəlif ölkələrə səfəri başlayır. Bununla bağlı xüsusi işlər görürük. Ayın 12-də turizm şurasının iclası keçirləcək və orada müxtəlif məsələlər nüzakirə ediləcək".

Nazir qeyd edib ki, Azərbaycan turizm sənayesinin mövsüm açılışına hazırdı: "Azərbaycanda iyun ayının 15-dən sentyabrın 15-ə kimi yay mövsümu nəzərdə tutulub. Ötən ilə nisbətən Azərbaycanda istirahət edən isanların sayı artıb. Bu yay da Azərbaycana çoxlu sayda ərəb ölkələrindən, İran və Rusiyadan turistlərin gəlişi gözlənilir".

Əbülfəz Qarayev əlavə edib ki, Formula 1 yarışları zamanı ölkəmizdə böyük mehmanxana şəbəkələrinin 95 faizini doldurmaq mümkündür: "Artıq sifarişlər verilib. Bundan əlavə, körfəz ölkələrindən gələn turistlər yalnız paytaxtda yox, regionlarda da dincələ birlərlər".

Nazir bildirib ki, bu yaxınlarda Prezident İlham Əliyev hosterlərlə bağlı müvafiq tapşırıq və sərəncam verib: "Qanunvericlik çərçivəsində özəl evlərdə və yaşayış binalarında mehmanxana fəaliyyəti ilə məşğul olan zaman müvafiq şərtlərə əməl etmək lazımdır. Şərtlərin işlənib hazırlanması ilə bağlı tapşırıqlar verilib. Biz hazırda onun üzərində işləyirik.

Düşünürəm ki, təxminən 2 ay müddətində bu şərtlər təsdiq olunduqdan sonra artıq insanlar hostellərin nə olduğunu kifayət qədər aydın təsəvvür edə biləcəklər. Bu gün bu iş pərakəndə şəkildə həyata keçirilir. Lakin tendensiya göstərir ki, bu hostellərə insanlar, xüsusilə gənclər tərəfindən maraq var. İnsanlar kifayət qədər normal şəraiti olan, şəhərin mərkəzində yerləşən məkanlarda məskunlaşmaq istəyirlər".