29-12-2021, 18:58
Futzal üzrə milli komandaların 2021-ci il üçün yekun reytinq cədvəli açıqlanıb.
Bütöv.az xəbər verir ki, UEFA-nın açıqladığı Avropa komandalarının sıralamasında Azərbaycan yığması ili 7-ci pillədə başa vurub.
Joza Alesio da Silvanın yetirmələrinin hesabında 2015 xal var. Millimiz ötən illə müqayisədə bir pillə geriləyib.
Avropa yığmaları arasında reytinqə İspaniya (2493 xal) başçılıq edir. Rusiya ilə Portuqaliya bir il ərzində yerlərini dəyişib. Şimal qonşularımız 2464 xalla ikinci, portuqaliyalılar isə 2450 xalla üçüncü sırada qərarlaşıb. Azərbaycandan reytinqdə üstdə olan digər 3 komanda Qazaxıstan, Xorvatiya və Serbiyadır. İtaliya, Çexiya və Ukrayna ilk “10-luğ”u tamamlayır.
Qeyd edək ki, Ermənistan millisi 52 ölkənin yer aldığı reytinqdə 33-cüdür.
28-12-2021, 11:06
"Qalatasaray" misirli futbolçu Mustafa Məhəmmedi transfer edib.
Bütöv.az xəbər verir ki, klub Mustafa üçün 4 milyon dollar ödəyəcək.
Məlumata görə, futbolçu ilə 2025-ci ilə qədər müqavilə imzalanıb.
27-12-2021, 19:58
Dünya Azərbaycanlıları İctimai Maarif Mərkəzinin təşkilatçılığı ilə 2021-ci ilin yekunlarına dair “Qızıl Buta” Milli mükafatının təqdimetmə mərasimi baş tutub.
Mərkəz tərəfindən 2-15 dekabr tarixlərində respondentlər arasında mükafat qaliblərinin müəyyən edilməsi üçün sorğu keçirilib. Ənənəvi olaraq sorğular anket şəklində, sosial şəbəkələrdə həmçinin mərkəzin koordinatorları tərəfindən aparılıb. Dünya Azərbaycanlıları İctimai Maarif Mərkəzinin sədri Zaur Mirzəzadə sorğularda 11 min respondentin iştirak etdiyini açıqlayıb.
“Qızıl Buta” Milli mükafatı Millət vəkillərinə, rəsmi şəxslərə Kütləvi İnformasiya Vasitələri habelə, idman, mədəniyyət və incəsənət nümayəndələrinə təqdim edilib. İdman sahəsində sağlam gəncliyin yaranmasında və formalaşmasında xidmətlərinə görə Fövqəladə Hallar Nazirliyinin İdman sağlamlıq klubunun rəisi polkovnik Füzuli Musayev “Qızıl Buta” Milli mükafatı ilə təltif olunub. Polkovnik F.Musayev öz çıxışında ona səs verən bütün respondentlərə, mükafatı təsis və təqdim edən DAİM Mərkəzinə və sədrinə dərin təşəkkürünü bildirib.
Füzuli Musayev Azərbaycan idmanında göstərdiyi peşəkarlıq fəaliyyətinə, idmançıların karate idmanı üzrə beynəlxalq yarışlarında layiqincə təmsil edilməsinə, zəhmətinə, göstərdiyi səy və nəticələrin nailiyyətlərinə görə ölkə rəhbərliyi tərəfindən dəfələrlə layiqincə qiymətləndirilib. O, Prezident İlham Əliyev tərəfindən 2015-ci ildə “Fəxri diplom” və 2021-ci ildə “Tərəqqi medalı” ilə təltif edilib.
Füzuli Musayev hal-hazırda Fövqəladə Hallar Nazirliyinin İdman Sağlamlıq klubunun rəisi kimi əməkdaşların fiziki hazırlığı və peşəkarlığının artırılması, idmançıların yetişdirilməsi sahəsində fəaliyyətini davam etdirir.
Bütöv.az
27-12-2021, 19:54
Azərbaycanlı tanınmış MMA döyüşçüsü Rafael Fiziyev UFC jurnalisti Ariel Helvaniyə müsahibə verib.
“Ataman” ləqəbli idmançı milliyyəti haqqında sualı belə cavablandırıb:
“Mən Qazaxıstanda anadan olmuşam və 12 il Qırğızıstanda yaşamışam. Lakin mən əslən azərbaycanlıyam”.
Rafael döyüşlərə çıxarkən başına taxdığı milli papaqla bağlı suala da cavab verib:
“Bu papaq Azərbaycandandır. Bu, bizim tariximizdir, Azərbaycanın milli baş geyimidir”.
Qeyd edək ki, Qırğızıstan vətəndaşı olan Rafael Fiziyev bir müddət əvvəl bu ölkənin bayrağı altında yarışlara qatılmaqdan imtina edib. O, bunu özünə qarşı hiss etdiyi təzyiqlər səbəbindən etdiyini bildirib.
Xatırladaq ki, Rafael bir müddət əvvəl UFC Vegas 44 yarışında yeni zelandiyalı Bred Riddellə qarşılaşıb və qalib gəlib. Texniki nokautla rəqibini məğlub edən Rafael ardıcıl beşinci qələbəsini qazanıb. Sözügedən turnirdə də Fiziyev heç bir ölkənin bayrağı altında vuruşmayıb.
Daha ətraflı Baku TV-nin süjetində:
Bütöv.az
24-12-2021, 12:46
Türkiyə Super Liqasının XVIII tur matçından sonra insident baş verib.
Bütöv.az xəbər verir ki, "Yeni Malatyaspor" və "Kayserispor" komandaları arasında matçdan sonra Malatya təmsilçisinin prezidenti Adil Gevrek meydana daxil olaraq, oyunun baş hakimi Hüseyin Göçekə hücum çəkib.
Buna səbəb isə referinin komandanın lehinə penalti qərarı verməsi olub.
Qeyd edək ki, qarşılaşma 2:2 hesabı ilə başa çatıb.
24-12-2021, 12:44
İndoneziyanın “Tornado FC” klubunun qapıçısı Taufik Ramsyah oyun zamanı rəqibi ilə toqquşduqdan sonra huşunu itirib.
Bütöv.az xəbər verir ki, 20 yaşlı qolkiper xəstəxanaya aparılsa da onun həyatını xilas etmək mümkün olmayıb.
23-12-2021, 18:22
Azərbaycan millisinin və Polşa “Legiya”sının futbolçusu Mahir Emreli bu gün “Qarabağ”ın bazasında olub.
Bütöv.az xəbər verir ki, klubun Mətbuat Xidmətinin rəhbəri Gündüz Abbaszadənin verdiyi məlumata görə, 24 yaşlı hücumçu Ağdam təmsilçisinin baş məşqçisi Qurban Qurbanovla görüşüb.
Abbaszadə bildirib ki, Emrelinin sabiq klubunun bazasına gəlişi sırf 49 yaşlı mütəxəssisi görmək istəyilə bağlı olub: “Onun “Qarabağ”a transferi müzakirə mövzusu deyil. Ümumiyyətlə, bu barədə söhbət olmayıb. Mahirin öz komandası, öz yolu var. Sadəcə, keçmiş futbolçumuz, “Qarabağ”da xidmətləri olmuş biri kimi bazaya gələrək, Qurban müəllimlə görüşüb”.
Qeyd edək ki, Mahir Emreli ötən mövsümün sonunda “Qarabağ”ı “Legiya”ya dəyişib. O, azarkeşlərlə bağlı insidentdən sonra Varşava təmsilçisindən ayrılmaq istəyir.
22-12-2021, 11:23
İngiltərə Premyer Liqasında "Arsenal" "Sanderlend"i 5:1 hesabı ilə məğlub edərək yarımfinala yüksəlib.
Bütöv.az xəbər verir ki, 17, 49 və 58-ci dəqiqələrdə Eddi Nketiah, 27-ci dəqiqədə Nikolas Pepe və 90+1-ci dəqiqədə Çarli Patinonun vurduğu qollar “Arsenal”a Liqanın 1/4 finalında qələbə qazandırıb. Qonaq komandanın yeganə qolu 31-ci dəqiqədə Natan Brodheddən olub.
21-12-2021, 12:25
Bu gün Azərbaycan Triatlon Federasiyasında Hesabat-Seçki Konfransı keçiriləcək.
Bütöv.az-ın xəbərinə görə, bu tədbirdə federasiyanın növbəti beş il üçün prezidenti seçiləcək.
Konfrans saat 14:00-da başlayacaq. Tədbir ənənəvi olaraq Gənclər və İdman Nazirliyinin inzibati binasında baş tutacaq.
Qeyd edək ki, 2013-cü ildə yaradılmış Azərbaycan Triatlon Federasiyasının hazırkı prezidenti Azər Məhərrəmovdur. O, ilk gündən federasiyaya rəhbərlik edir. A.Məhərrəmov sonuncu dəfə 2015-ci ilin sentyabrında Milli Olimpiya Komitəsində keçirilmiş seçkidə bu posta seçilib.
20-12-2021, 16:26
ARB TV-nin “Onun Sirri” verilişində Azərbaycan karateçisi, 5 dəfə dünya, 14 dəfə Avropa çempionu olan Rafael Ağayev qonaq olub.
Bütöv.az xəbər verir ki, “Qara brilliant” ləqəbli karateçi anasının yol pulu üçün qızıllarını satdığını etiraf edib:
“Rusiyada keçirilən yarışa getməyə yol pulumuz yox idi, Anam qızıllarını satdı. Yol pulumuzu düzəldib, atamla yola düşdük. Azərbaycandan kənarda ilk qızıl medalımı qazandım. Onu da anama hədiyyə etdim. Daha sonralar anama bir çox hədiyyələr aldım, amma anamın 32 qramlıq qızıllarının yerini heç bir hədiyyə verə bilməz”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!