Təkrar MİQ imtahanlarının keçiriləcəyi tarix açıqlandı .....                        TƏBİB rəsmisi xəstəxanaların fəaliyyətini tənqid edib .....                        Yanğına görə qaynar xətt .....                        Sabah hava necə olacaq? .....                        Sumqayıtda tullantılar poliqonuna cavabdeh şəxs cəzalandırıldı .....                        Azərbaycanda koronavirus infeksiyasına 750 yeni yoluxma faktı qeydə alınıb .....                        Azərbaycanın məşhur Xalq artisti məhkəməyə verilib .....                        Dövlət Dəniz Agentliyi təhlükəli hava şəraiti ilə bağlı xəbərdarlıq edib .....                        Qarabağa qayıdacaq keçmiş köçkünlərə əlavə imtiyazlar verilə bilər .....                       
Tarix : 11-06-2021, 11:24
Aqrar sığorta zamanı müstəqil ekspertlərə ödəniləcək xidmət haqqı açıqlanıb
Azərbaycanda dövlət dəstəyi ilə tətbiq edilən aqrar sığorta mexanizmində müstəqil aqrar sığorta ekspertlərinə ödəniləcək xidmət haqları açıqlanıb.

Butov.az xəbər verir ki, Aqrar Sığorta Fondundan AZƏRTAC-a verilən məlumata görə, ekspertlərin xidmət haqları xidmət göstərilən sığorta müqavilələrinin və kənd təsərrüfatı heyvanlarının sayından asılı olaraq dəyişir.

Qeyd edək ki, müstəqil ekspert sığorta risklərini və ya zərərləri qiymətləndirən, habelə sığorta hadisələrini araşdıran fiziki şəxsdir.

Aqrar Sığorta Fondunun İdarə Heyətinin qərarı ilə təsdiqlənmiş “Aqrar sığorta sinfi üzrə müstəqil ekspertlər tərəfindən göstərilən xidmətlərə görə xidmət haqlarının məbləğlərinin hesablanması” qaydalarına əsasən, aqrar sığorta ekspertlərinə xidmət haqları risklərin qiymətləndirilməsi və zərərin qiymətləndirilməsi xidmətlərinə görə hesablanacaq.

Riskin qiymətləndirilməsi - aqrar sığorta müqaviləsi bağlanmamışdan əvvəl müstəqil ekspert tərəfindən sığorta predmetinə baxış keçirilərək məruz qala biləcəyi risklərin müəyyənləşdirilməsi prosesidir.

Zərərin qiymətləndirilməsi - sığorta hadisəsi baş verməsi nəticəsində yaranan zərərlərin müstəqil ekspert tərəfindən müəyyənləşdirilməsidir.

Qaydalara əsasən, ekspertlərə ödənişlər hesablanarkən xidmət haqqı ilə yanaşı, yanacaq və amortizasiya xərcləri də nəzərə alınır.

Yanacaq və amortizasiya xərcləri müstəqil ekspertin fəaliyyət göstərdiyi ünvandan gedəcəyi ünvana qədər gedib-qayıtması da daxil olmaqla, həmin məsafəyə uyğun olaraq hesablanır və hər 1 kilometr üçün 14 qəpik ödənilir.

Kənd təsərrüfatı bitkiləri və bitkiçilik məhsullarının sığortası üzrə riskin qiymətləndirilməsi zamanı 1 gün ərzində 1 sığorta müqaviləsi üzrə müstəqil ekspertə 20 manat, 1 gün ərzində sığorta müqavilələrinin sayı 1-dən çox olduqda isə hər əlavə sığorta müqaviləsi üzrə əlavə 10 manat hesablanır.

Kənd təsərrüfatı bitkiləri və bitkiçilik məhsullarının sığortası üzrə zərərin qiymətləndirilməsi zamanı isə 1 gün ərzində 1 sığorta hadisəsi üzrə müstəqil ekspertə 50 manat, 1 gün ərzində qiymətləndirilən sığorta hadisələrinin sayı 1-dən çox olduqda isə hər əlavə sığorta hadisəsi üzrə 40 manat ödənilir.

Kənd təsərrüfatı heyvanlarının sığortası zamanı riskin qiymətləndirilməsi zamanı müstəqil ekspertlərə baza məbləğ, heyvanların sayından asılı olaraq dəyişən məbləğ və yol xərci ödənilir. Belə ki, qiymətləndirilən heyvanların sayı 1-dən 25-dək olduqda, hər heyvan üzrə hesablanan məbləğ 2 manat, baza məbləği 15 manat nəzərdə tutulur. Heyvanların sayı 26-100 olduqda hər heyvan üzrə hesablanan məbləğ 0,8 manat, baza məbləği 45 manat, heyvanların sayı 101-dən çox olduqda isə hər heyvan üzrə hesablanan məbləğ 0,4 manat, baza məbləği 86 manat nəzərdə tutulub.

Kənd təsərrüfatı heyvanlarının sığortası üzrə sığorta hadisəsi nəticəsində zərərin qiymətləndirilməsi zamanı isə ekspertə ödənilən məbləğ 1 baş heyvana görə 25 manatdır. Bununla yanaşı, qaydalara görə, müstəqil ekspertə 1 gün üçün ödəniləcək məbləğ 7 baş heyvanın qiymətləndirilməsinə görə ödəniləcək məbləğdən artıq ola bilməz. Başqa sözlə, ay ərzində aqrar sığorta üzrə təqribən 10-15 dəfə xidmət göstərən bitkiçilik və heyvandarlıq ekspertləri müvafiq olaraq sığorta müqavilələrinin və sığorta predmetlərinin sayından asılı olaraq 800-1200 manat gəlir əldə edə bilərlər.

Akvakultura (balıqçılıq) məhsullarının sığortası üzrə müstəqil ekspertlərə ödənilən məbləğ xidmət haqqı, eləcə də yol pulundan (yanacaq və amortizasiya xərclərindən) ibarətdir. Akvakultura məhsullarının sığortası üzrə riskin qiymətləndirilməsi zamanı müstəqil ekspert tərəfindən 1 gün ərzində 1 sığorta müqaviləsi üzrə qiymətləndirilmənin həyata keçirilməsinə görə ödəniləcək məbləğ 50 manatdır.

Akvakultura məhsullarının sığortası üzrə zərərin qiymətləndirilməsi zamanı müstəqil ekspert tərəfindən 1 gün ərzində 1 sığorta hadisəsi üzrə qiymətləndirilmənin həyata keçirilməsinə görə ödəniləcək məbləğ 80 manatdır.

Qaydalara əsasən müstəqil ekspertlərə ödənişlər Aqrar Sığorta Fondu tərəfindən həyata keçirilir.

Xatırladaq ki, iyunun 19-da Dövlət İmtahan Mərkəzində müstəqil aqrar sığorta ekspertləri üçün növbəti imtahan keçiriləcək. Aqronom, baytar və əlaqəli ixtisaslardan olan namizədlər imtahanda iştirak üçün iyun ayının 18-dək qeydiyatdan keçə bilərlər.


Paylaş



Bölmə: Sosial / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Avqust 2021    »
BeÇaÇCaCŞB
 1
2345678
9101112131415
16171819202122
23242526272829
3031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Hər ötən il növbəti il üçün xatirəyə çevrilir; bəzən xatırlanır, bəzən də yenidən yaşanılır. Ancaq elə illər var ki, onları yenidən yaşamaq mümkün olmur. Bu illərə Türkiyənin unudulmaz 90 - cı illərini aid etmək olar. Axı həmin illəri yaddaqalan edən nəydi?
Butov.az Türkiyə mətbuatına istinadən həmin unudulmazlığı təqdim edir:
Türkiyənin unudulmaz 90 - cı illəri...
Video
Şəhid Baş leytenant Azad Hümbətova həsr olunmuş qısa metrajlı film çəkildi

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!