12-09-2022, 00:12
Lavrovdan Ukrayna açıqlaması: Çətin olacaq
"Hazırda Kreml Ukrayna ilə danışıqlardan imtina etmir". Bunu Rusiyanın xarici işlər naziri Sergey Lavrov deyib. XİN başçısı proses uzandıqca Ukrayna ilə sülh barədə razılaşmanın daha çətin olacağını söyləyib: "Rusiya Ukrayna ilə danışıqlardan imtina etmir, lakin nə qədər ki, proses uzanacaq, bir o qədər razılığa gəlmək çətin olacaq".
12-09-2022, 00:09
DİN-in radiosu yeni layihəyə başlayır
Daxili İşlər Nazirliyi (DİN) radiosu yeni layihəyə başlayır. Butov.az-ın məlumatına görə yol hərəkəti ilə bağlı DİN-in səlahiyyətlərinə aid olan mövzular ətrafında sentyabr ayının 12-dən etibarən həftədə 5 gün olmaqla 2 saat ərzində saat 18:00-20:00 aralığında “Qaydaları pozma” adlı yeni layihəyə Avto Fm 107.7 dalğasında start verilir. Veriliş radionun sosial şəbəkə səhifələrində də canlı olaraq yayımlanacaq. Hər gün ictimaiyyəti maraqlandıran bir mövzu ilə yanaşı efirə ünvanlanan suallar cavablandırılacaq, əlavə olaraq yol polisinin fəaliyyəti ilə bağlı şikayətlər birbaşa icraya yönləndiriləcək, digər yəni səlahiyyət dairəsində olmayan məsələlər isə aidiyyəti üzrə səlahiyyətli qurumlara göndəriləcək. Layihə ötən mövsümdə həftədə iki gün 1 saat olmaqla efirə çıxıb, lakin böyük maraq və sosial media üzərindən cəmiyyətin müsbət mövqeyi qeyd olunan platformada bu işin genişləndirilməsini və daha fərqli formada təqdim esilməsini şərtləndirib.
11-09-2022, 22:50
11-09-2022, 15:07
Evində tiryəkxana açan qadın ələ keçdi
Nizami Rayon Polis İdarəsinin 25-ci Polis Şöbəsinin əməkdaşları tərəfindən daxil olmuş məlumat əsasında həyata keçirilən əməliyyat nəticəsində yaşadığı evdə tiryəkxana təşkil edən Günay Məmmədova saxlanılıb. Daxili İşlər Nazirliyindən verilən məlumata görə, onun üzərindən və Nizami rayonunda yaşadığı evdən 2 kiloqrama yaxın heroin və metamfetamin aşkar edilib. G.Məmmədovanın evində narkotik vasitələrin qəbulu və paytaxt ərazisində narkokuryerliklə məşğul olan daha iki nəfər - Elçin Mirzəyev və Teymur Orucov da saxlanılaraq istintaqa cəlb ediliblər. Faktla bağlı 25-ci Polis Şöbəsində toplanan materiallar Nizami RPİ-nin istintaq şöbəsinə göndərilib. Bu şəxslərin daxil olduğu narkoşəbəkənin digər üzvlərinin saxlanılması istiqamətində əməliyyat tədbirləri davam etdirilir.
11-09-2022, 15:05
Ərdoğan Putinlə görüşdən sonra BMT-də nədən danışacaq...
Türkiyə Prezidenti Rəcəb Tayyib Ərdoğan sentyabrın 15-16-da Özbəkistanın Səmərqənd şəhərində keçiriləcək Şanxay Əməkdaşlıq Təşkilatının dövlət başçılarının sammitində iştirak edəcək. Türkiyə lideri burada Rusiya Prezidenti Vladimir Putinlə görüşəcək. Bu barədə Türkiyə mətbuatı məlumat yayıb. Kremlin sözçüsü Dmitri Peskov isə mediaya açıqlamasında Rusiya Prezidenti Vladimir Putinlə həmkarı Rəcəb Tayyib Ərdoğanın Səmərqənddə keçiriləcək görüşünə hazırlıq görüldüyünü və tərəflərin Rusiya ərzaq məhsullarının ixracı da daxil olmaqla taxıl müqaviləsini müzakirə edəcəklərini bildirib. Ərdoğan daha sonra ABŞ-a səfər edəcək, Nyu-Yorkda Birləşmiş Millətlər Təşkilatının Baş Assambleyasının 77-ci iclasında iştirak edəcək. Türkiyə lideri sentyabrın 20-də Baş Assambleyada çıxış edəcək. Ərdoğan BMT-də Rusiya-Ukrayna müharibəsi, Ukrayna taxılının daşınması, terrorla mübarizə, Yunanıstanla gərginliyə qədər bir çox mövzularda danışacaq. Ərdoğan BMT Baş Assambleyası çərçivəsində bir çox dövlət və hökumət başçıları ilə təkbətək görüşəcək.
11-09-2022, 15:03
Putin bu tarixdə hakimiyyətdən gedəcək - Sensasion iddia
Rusiya Prezidenti Vladimir Putin Xersonun azad edilməsindən və ya Krım körpüsünün dağıdılmasından sonra hakimiyyətdən uzaqlaşdırılacaq. Bunu rusiyalı politoloq Andrey Piontkovski deyib. “Putin üçün siyasi fəlakət çox sadədir. Məhz iki hadisədən biri - Xersonun azad edilməsi və ya Krım körpüsünün dağıdılmasından sonra o, sadəcə olaraq, hakimiyyətdən uzaqlaşdırılacaq. Ertəsi gün “Qu gölü”nü yenidən eşidəcəyik və fasilə zamanı bizə məlumat veriləcək ki, yoldaş Putin Ukrayna məsələsində bir sıra ciddi səhvlərə yol verib və səhhəti ilə əlaqədar, yaşının çox olması səbəbindən artıq vəzifəsini yerinə yetirə bilmir”, - ekspert söyləyib. Onun sözlərinə görə, bunun üçün əlverişli tarix də var: oktyabrın 7-də Putinin 70 yaşı tamam olan gün...
11-09-2022, 15:00
Ukrayna daha bir qəsəbəni azad etdi
Ukrayna ordusu Xarkov vilayətinin Çkalovskoe qəsəbəsini işğaldan azad edib. Bu barədə Ukrayna Prezidenti Volodimir Zelenski “Telegram” kanalında paylaşım edib. Zelenski Ukrayna bayrağının azad edilən qəsəbədə dalğalandığını bildirib.
11-09-2022, 14:59
Anası ilə çayda batan gəncin meyiti tapıldı
Tərtər çayında batan Rzayev Qiyas Rasif oğlunun meyiti tapılıb. Butov.az xəbər verir ki, həmin şəxs avqustun 26-da anası Rzayeva Fizzə Kamil qızı ilə birlikdə itkin düşüb. F.Rzayevanın meyiti həmin gün Tərtər çayının şəhərdən keçən hissəsində tapılsa da, Q.Rzayevin axtarışları bu günə kimi davam edib. Yaxınlarının bildirdiyinə görə, Q.Rzayevin meyiti Tərtər çayının rayonun Düyərli kəndindən keçən Qazyan arxında tapılıb.
11-09-2022, 14:57
PKK-ya qarşı yeni əməliyyata başlanıldı
Türkiyənin Muş şәhәrinin Malazqirt qәsәbәsindә PKK terror təşkilatına qarşı ‘‘Eren Abluka-36’’ әmәliyyatına start verilib. Bu barәdә Türkiyənin Daxili İşlәr Nazirliyindәn bildirilib. Mәlumata görə, PKK-nı ölkәnin gündәmindәn çıxarmaq vә bölgәdәki terrorçuları zәrәrsizlәşdirmәk mәqsәdilә Hakkaridә ‘‘Eren Mühasirә-2’’ әmәliyyatına başlanılıb. Qeyd edәk ki, әmәliyyatda 513 hәrbi personal iştirak edir.
11-09-2022, 14:56
Gürcüstanın DTX rəisi baş nazir olacaq?
Gürcüstan Dövlət Təhlükəsizlik Xidmətinin (DTX) rəisi Qriqol Liluaşvili ölkənin gələcək Baş naziri olacağı ilə bağlı mətbuatda yayılan xəbərləri təkzib edib. Butov.az bildirir ki, o, jurnalistlərə açıqlamasında hökumət başçısı olmağı arzulamadığını, əgər kimsə buna bənzər təklif etsə, cavabının "yox" olacağını bildirib. “Mənim səlahiyyət müddətim var, onu bitirməliyəm, siyasi həyatımı, o cümlədən baş nazir və ya hər hansı nazir kimi davam etdirməyə hazırlaşmıram. Mən nə etdiyimi, hansı islahatlara başladığımı bilirəm və tutduğum vəzifədən daha yüksək vəzifəni praktiki olaraq istisna edirəm”, - Qriqol Liluaşvili bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!