30-09-2021, 12:15
Azərbaycanın tanınmış din xadimləri arasında qarşıdurma yaranıb. Bu dəfə QMİ rəhbərliyində təmsil olunan şəxslər üz-üzə gəliblər. QMİ sədri Şeyxülislam Hacı Allahşükür Paşazadə ilə qurumun Nəsimi rayonu üzrə səlahiyyətli nümayəndəsi, “Məşədi Dadaş” məscidinin axundu Hacı Şahinin münasibətləri kəskin xarakter almağa başlayıb. Tərəflər aralarındakı narazılığı uzun müddət gizlətməyə nail olsalar da, son günlər konflikt açıq müstəviyə çıxıb.
Yenisabah.az-ın əldə etdiyi məlumata görə, Şeyxlə Hacı Şahinin üz-üzə gəlməsinin ciddi səbəbləri var. Qurumun vəzifəli şəxslərindən birinin dediyinə görə, Hacı Şahinin adının Paşazadənin yerinə ən şanslı namizəd kimi hallanması onu QMİ-də “arzuolunmaz şəxs”ə çevirib. Təkcə Şeyx və əshabələri deyil, hətta qurumun regionlardakı təmsilçiləri də Hacı Şahinlə soyuq davranmağa başlayıblar.
Mənbə deyib ki, Hacı Şahinin hədəfə götürülməsinin başqa səbəbləri də var. Belə ki, Şeyx və yaxın ətrafı onun siyasi əlaqələr qurmağından, ələlxüsus da dövlət adamları ilə tez-tez bir araya gəlməsindən narahatdır. Sözügedən şəxs QMİ-nin bir rayon üzrə səlahiyyətli nümayəndəsi olmasına rəğmən vaxtaşırı yüksək rütbəli dövlət məmurlarının ailə üzvlərinin, yaxınlarının yas mərasimlərinə qatılmaqla, həmçinin telekanalların, xüsusilə dövlət televiziyasının efirində görünməklə ətrafındakı çəmbəri daha da daraldıb. Hazırda Şeyxlə münasibətləri üzündən QMİ-nin dəhlizlərində ona qarşı soyuq münasibət hökm sürür.
Məlumatlı şəxsin sözlərinə görə, Hacı Şahin özü də yaranmış vəziyyətin fərqindədir. Müsahibimiz deyib ki, o, nəinki geri çəkilmir, əksinə, öz məqsədi uğrunda daha ciddi mübarizə aparır. Hacı Şahinin Şeyxlə məsafə saxladığı, öz təbirincə desək, “QMİ-nin qaranlıq işlərinə” qarışmadığı aşkar müşahidə olunur. “Məşədi Dadaş”ın axundunun ətrafında müasir texnologiyaların “dilindən” yaxşı anlayan komanda formalaşdırdığı bildirilir. Özlərini şərti olaraq “islahatçı dindarlar” adlandıran bu qrupu və onun liderini QMİ-nin dəhlizlərində nadir hallarda görmək mümkündür.
Sonda mənbə deyib ki, İranla Azərbaycan arasında yaranmış gərginlik səbəbilə Şeyxin hədəfə götürülməsi QMİ-də böyük narahatlq yaradıb. Şeyxin göstərişi ilə tanınmış din xadimlərinin hamısı onun müdafiəsinə qalxıb, dəstək xarakterli çıxışlar ediblər. Amma bəlli səbəblərdən Hacı Şahin bu kampaniyaya qoşulmayıb. Şeyxin ən müxtəlif cinahlardan hücuma məruz qaldığı bu həssas dönəmdə Hacı Şahin bir dəfə də onu müdafiə etməyib. Bu fakt tərəflər aarsındakı ziddiyyətləri daha da kəskinləşdirib.
Bütov.az
30-09-2021, 12:08
Bloger Mehman Hüseynov növbəti araşdırmasında mərhum nazir Azad Rəhimovun oğlu Arif Rəhimovun korrupsiya əməllərini ifşa edib.
AzToday.az xəbər verir ki, araşdırmada hər il Bakı sakinlərinin əsəblərini tarıma çəkən “Formula-1” yarışlarından nazir oğlunun qamarladığı vəsaitlərin xaricə çıxarılması əksini tapıb.
Mehman Hüseynov Arif Rəhimovun xalqın pulu ilə Fransada özünə 2 bahalı yaxta aldığını sübut edə bilib. İndi söz əlaqədar təşkilatlarınındır…
Araşdırmanı təqdim edirik:
[media=https://www.youtube.com/watch?v=t-cqhtqUZ7E&feature=emb_logo]
Bütov.az
30-09-2021, 11:39
Milli Məclisin Sədri Sahibə Qafarova parlamentin bu gün keçirilən ilk plenar iclasında İrana səfəri barədə danışıb.
Modern.az xəbər verir ki, Sahibə Qafarova səfəri zamanı Azərbaycan Vətən müharibəsində əldə etdiyi qələbə ilə ərazi bütövlüyünü bərpa etdiyini qeyd etdiyini bildirib:
"Ermənistan işğal etdiyi ərazilərimizdəki məscidlərimizi, mədəniyyət abidələrimizi və bütün digər tikililəri dağıdıb, infrastrukturu tamamilə məhv edib. Düşmən hətta müqəddəs ziyarətgahlarımızı və məscidlərimizi də təhqir edib”.
Milli Məclisin sədri diqqətə çatdırıb ki, gələn il - 2022-ci ilin 26 fevralında Xocalı soyqırımının 30-cu ildönümü tamam olacaq:
“Görüşlərdə Xocalı soyqırımının bu günə qədər bir çox dövlətlər və beynəlxalq təşkilatlar tərəfindən tanındığını vurğuladım. Bunu nəzərə alaraq, bu məsələyə İran parlamentinin də diqqət yetirməsinə toxundum”.
Bütov.az
30-09-2021, 11:33
"Canilərə səslənirəm! Bəsdirin şəhidlər, qazilərlə bağlı özünüzə xal qazandınız!!! Azərbaycan Dövləti də, Prezidenti də, ölkənin Birinci Xanımı da bu istiqamətdə yetdiyindən artıq iş görür və görəcək qurumlar, Fondlar yaradıb! Hamısı da işinin öhdəsindən gəlir! Hansısa üzüqara həkimcik guya bu işlərdə boşluq varmış kimi şəhidlərə, qazilərə qahmar çıxmasın, özünü yiyə dururmuş kimi göstərməsin!!!"
DİA.AZ bildirir ki, bu sözləri tanınmış jurnalist Günel Gözəlova özünün "facebook" səhifəsindəki paylaşımında qeyd edib.
Jurnalist fikirləırini daha sonra belə davam edir: "Nə qədər şərəfsizlərin yağ kimi üzə çıxdığı dövrdə yaşayırıq. Bu canı həkim Araz Bayramov 1 gündə bir gənc Azərbaycan kişisini beyni şikəst edib, utanmadı. Qansız adam 2 aya yaxın atamın ağır durumu, yoldaşımın bu vəziyyətindən özümüzü itirdiyimizi görüb peşəkar aktyorluq bacarığı ilə də yoldaşıma sağalacaq deyib aldatdı bizi. 4 ay sonra qapı-qapı həkim, klinika gəzdikdən sonra yoldaşımın əslində durumunun ağır olduğunu anladığımda adamı məhkəməyə verdim, başladı mənəviyyatımız, şərəfimiz, dərdimizlə oyunayıb pul təklif etməyə, sonra da baş tutmayınca Məhkəmə Tibbi Ekspertiza və Patalogiya Birliyi, Səhiyyə Nazirliyi, nə bilim başqa müvafiq orqanlarda özü kimi rüşvətxorları tapıb, əleyhimizə qərarlar qəbul etdirib, rəy çıxartdırmağa. Bu biqeyrət anlamır ki, Məhkədə, nə bilim başqa hardasa pulunun hesabına qələbə qazana bilər, o da bəlkə! Hələ çox ümidlənmə, cani həkim! Ancaq mənim və ailəmin yaşadıqlarını övladları daha betər yaşayacaq!!!
Araz Bayramovun etdiklərinə susan qurumlar, dostlar, həmkarlar, unutmayın o tək Anarı şikəst etməyib, mənim 11 yaşlı qızımın da ruhu şikəstdir artıq!!!"
Bütov.az
30-09-2021, 11:30
Azərbaycan Texnologiya Universiteti (ATU) 8 ildə idarəçilikdən xəbəri olmayan bir adamın rəhbərliyi nəticəsində uçrumun başındadır.Təsəvvür edin ki, ömründə təyyarə sürməyən adamı təyyarənin sükanı arxasında otuzdurublar. Keçək əsas mətləbə.
Bu ilin iyul ayının 10-da Təhsil nazirinin müvafiq əmri ilə ATU-nun rektoru Azər Süleymanovun xəstəliyi ilə əlaqədar Təhsil Nazirliyinin sektor müdiri Y.Ömərov universitetə elmi işlər üzrə prorektot və eyni zamanda 3 ay müddətinə rektor əvəzi təyin edildi. Elə hadisələr də bundan sonra başladı.
Belə ki, bundan bir həftə sonra ağır xəstə olan A.Süleymanov qəfil “sağaldı” və Təhsil Nazirliyinə ərizə ilə müraciət edərək, işə qayıtmasını xahiş etdi. Nəticədə universitetdə bir-neçə günlüyə ikihakimiyyətlik yarandı. A.Süleymanov universitetə rəhbər kimi qayıtmasını daha parlaq nümayiş etdirmək üçün məzuniyyətdə olan elmi şura üzvlərinin təcili toplanmasına və elmi şura iclasının keçirilməsinə (onlayın) göstəriş verdi.
Yetərsay olduğunu bildirən A.Süleymanov iclasın gündəliyini elan edib və məlum olub ki, 6 aydan çox işdə olmayan rektor elə işə çıxdığı gün birdən-birə struktur dəyişikliyi etmək istəyir. Həmin vaxt Elmi işlər üzrə prorektor Y.Ömərov və iclasa qoşulmuş Təhsil Nazirliyinin məsul işçisi Y.Piriyev iclasın keçirilməsinin qanuna zidd olduğunu və çıxarılan nəticələrin legitim olmayacağını bildiriblər. Universitetə 8 il “rəhbərlik” edən rektora başa salıblar ki, məzuniyyətdə olan elmi şura üzvləri ilə iclas keçirmək üçün əvvəla onları məzuniyyətdən geri çağırmaq lazımdır, bu da ancaq fövqəladə hallarda baş verə bilər, hansısa bir struktur dəyişikliyi üçün insanları narahat etməyə dəyməz.
Görəsən, uzun müddətdir univerisitetdə elmi şuranın katibi işləyən, aylıq maaşı universitetin professorunun aylıq maaşından 6 dəfə artıq olan dosent Mətanət Əhmədova tradikomik vəziyyətə düşməməsi üçün niyə vaxtında rektoru, “dayısı” Akif Süleymanovu məlumatlandırmayıb?! Ola bilər ki, M. Əhmədova uzun müddətdir xəsdəlikdən əziyyət çəkən rektoru görmək istəyirmiş...
Yeri gəlmişkən, M.Əhmədova elmi şuranın katibi kimi, elmi şura iclaslarının protokollarını sonradan öz istədikləri şəkildə dəyişdirməkdə həmişə yüksək ustalıq nümayiş etdirib. Həmin biabırçı, yarımçıq qalmış iclasdan sonra universitetə nəhayət ki, Təhsil Nazirliyinin yoxlaması gəlib və məlun olub ki, işə qayıtmasından 4 gün keçməsinə baxmayaraq, rekor A.Süleymanov işə çıxmır. O da məlum olub ki, A.Süleymanov vərdiş etdiyi köhnə qayda ilə yenidən universiteti idarə etmək istəyir. Yəni adı işdə, özü isə haradasa məlum olmayan yerlərdə.
Nəhayət, vərdiş etdiyi qaydada universitetə ”rəhbərlik” etməsinin mümkünsiz olduğunu və eyni zamanda universitetə gələn yoxlamanın suallarına cavab vermək iqtidarında olmadığını dərk edən A.Süleymanov yenidən ərizə yazaraq məzuniyyətə çıxıb.
A.Süleymanov rektor olduğu müddətdə işlədiyi “Kompyuter mühəndisliyi və telekommunikasiya” kafedrasında müəllim kimi bir saat belə dərs deməyib. Amma adı çəkilən kafedrada 8 ildir ki, ona qanunsuz olaraq əmək haqqı yazılır. Bu korrupsiya faktı deyilsə bəs nədir?
Yəni A.Süleymanov dərs demədən müftə maaş alaraq vəzifəsindən sui-istifadə edib. Universitetə gələn yoxlama üzviləri də qeyd olunanların doğru olduğunun şahidi olublar. Ayda özünə 10 min manat maaş yazdıran rektor A. Süleymanovun gözü doymadığından, iddialara görə, rüşvət almaqla da ciddi məşğul olmuşdur.
Onun 8 illik fəaliyyəti artıq Təhsil Nazirliyinin müvafiq komissiyası tərəfindən araşdırılır. Respublikanın digər ali məktəbləri ilə müqayisədə cəmi 3 min tələbəsi olan bir universitet (həm də dövlət universiteti olmaqla) rektorunun, digər universitet rəhbərlərindən fərqli olaraq, bu qədər fantastik maaş alması görən nə ilə izah oluna bilər?! Görəsən, Akif Süleymanov hansı keyfiyyətlərinə görə digər universitet rektorlarından dəfələrlə artıq maaş alır? Bəlkə bunların materialı İ.Stalin demişkən, bolşeviklər kimi xüsusi növ parçadan hazırlanıb!
A.Süleymanov son 6 ildə universitetdən 3 mühasib kənarlaşdırıb. Yəni ağlı başında olan heç bir mühasib rektorun ağılsız fantaziyalarına inanıb, hansısa bir qanunsuz sənədə imza atmayıb, çıxış yolunu ərizə yazıb işdən çıxmaqda görüblər və belə də olub. Univrsitetin mühasibatlığında elə maliyyə pozuntuları edilib ki, bunları təsəvvür etmək mümkün deyil. ATU fəaliyyət göstərdiyi tarixdən bəri belə bir duruma heç vaxt düşməmişdir.
Qeyd etmək istəyirəm ki, universitetdə çox az sayda professor çalışır. A.Süleymanov rektor kimi fəaliyyəti müddətində universitetə nə bir elmlər doktoru, nə də fəlsəfə doktoru dəvət edib, müəllim kimi işə götürdükləri ancaq magistr səviyyəli işçilər olub. Əksinə, ATU-nun rektoru Akif Süleymanovun təzyiqi ilə 4 nəfər yüksək potensiallı, cavan elmlər doktoru universitetdən uzaqlaşdırılıb. Sonradan onlardan biri məhkəmənin qərarı ilə universitetə bərpa olunub.
Bax, budur A.Süleymanov və oğlu Şamil Süleymanov cütlüyünün “ədalət” meyarları.
Hörmətli prezidentimiz, cənab İlham Əliyev dəfələrlə vətəndaşlara müraciət edərək bildirib ki, “yerlərdə məmurların özbaşnalığına göz yummayın, məlumat verin”. Yazının əvvəlində qeyd edildiyi kimi, artıq Təhsil Nazirliyinin yoxlaması universitetdədir və ümid edirik ki, dövlətimizin qanunlarını pozanlar, zəli kimi kollektivin qanını soranlar layiqli cəzasını alacaqlar.
Mövzunu davam etdirəcəyik.
(Hurriyyet.az)
Bütov.az
30-09-2021, 11:25
Yasamal rayonunun Moskva prospektində - "Şamaxı yolu" adlanan ərazidə yerləşən "Merd petrol"un yanacaq çənindən çıxan zibil və tullantılara görə maddi ziyana düşən zərərçəkmiş Ramil Quliyev sözügedən məsələnin hansı yerdə qaldığını açıqlayıb.
Publika.az-a danışan zərərçəkmiş bildirib ki, problem həllini tapmayıb və nəticəsiz olaraq da qalır:
" "Merd petrol" həyasızlıq etdi, sübut edə bilmədik. Bu gün baş verən hadisə bu gün olur, sabah onu sübut etmək olmur, çənin içini dəyişirlər. 3000-3500 manat civarında maddi ziyana düşdüm. Haram insanlardır, sahibi də elədir. Haqqımı onlara halal etmirəm. Həmin çirkli dizeli indi də saxlayıram. Amma qəbul etmək istəmirlər. Məhkəməyə müraciət etmədim, zədələr bir neçə gün sonra üzə çıxır, onlar isə çənin içini dəyişirlər.
Zəhmətlə qazandığımız pulu bu cür mənimsəyirlər. İşbazdırlar, fırldaqçıdırlar. Gedib gəmilərdən qeyri-qanuni yollarla tullantılı, zibilli yanacaqları alıb gətirib əhaliyə satırlar. Bununla bağlı faktım olmasa da, ictimai araşdırmam olub və nəticə olaraq da müəyyən etmişəm ki, onlar bu yola əl atırlar. Pul qazanmaq üçün ən çirkli üsullardan istifadə edirlər. İnsanlar dürüst olan yerlərdən yanacaq alsınlar, diqqətli olsunlar".
Qeyd edək ki, R.Quliyev dekabr ayında sözügedən yanacaq məntəqəsindən avtomobilinə dizel vurandan sonra maşınının müəyyən hissələri sıradan çıxmışdı. Servisdən isə bildirilmişdi ki, onun avtomovilinə tərkibində su olan çirkli dizel vurulduğu üçün aidiyyəti hissələr sıradan çıxıb.
Bütov.az
30-09-2021, 11:15
Gürcüstanın Baş naziri İrakli Qaribaşvilinin Azərbaycana səfəri sentyabrın 29-da başa çatıb.
Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Gürcüstanın Baş nazirinin şərəfinə fəxri qarovul dəstəsi düzülüb.
Gürcüstanın Baş naziri İrakli Qaribaşvilini Azərbaycan Respublikasının Baş nazirinin müavini Əli Əhmədov, xarici işlər nazirinin müavini Xələf Xələfov və digər rəsmi şəxslər yola salıblar.
Bütov.az
30-09-2021, 11:12
Türkiyə Prezidenti Rəcəb Tayyib Ərdoğan Füzuli Beynəlxalq Hava Limanının açılışında iştirak edəcək.
Bu barədə “Haber Global”a müsahibəsində Türkiyə Prezident Administrasiyasının sözçüsü İbrahim Kalın bildirib.
“Füzulidəki hava limanı tamamlanmaq üzrədir. Bu yaxınlarda onun açılışı da keçiriləcək. Həmin açılışa prezidentimiz də qatılacaq”, - deyə İ.Kalın bildirib.
Bütov.az
30-09-2021, 11:09
Azərbaycan Respublikasının Prezidenti İlham Əliyev sentyabrın 30-da Çex Respublikasının xarici işlər naziri Yakub Kulhaneki qəbul edib.
Bununla bağlı Bütov.az məlumat yayıb.
30-09-2021, 09:17
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!