Xəbərlərin siyahısı: Dekabr 2022 illər » Səhifə 45

11-12-2022, 16:18

Sabahın hava proqnozu

Azərbaycanda dekabrın 12-nə gözlənilən hava proqnozu açıqlanıb. Milli Hidrometeorologiya Xidmətindən bildirilib ki, sabah Bakıda və Abşeron yarımadasında havanın arabir yağıntılı olacağı gözlənilir. Şimal-şərq küləyi əsəcək. Havanın temperaturu gecə 4-6° isti, gündüz 7-10° isti, Bakıda gecə 4-6° isti, gündüz 8-10° isti olacaq. Atmosfer təzyiqi 768 millimetr civə sütunundan 764 millimetr civə sütununa enəcək. Nisbi rütubət 75-85 % olacaq. Azərbaycanın rayonlarında əsasən yağmursuz. Lakin bəzi şərq rayonlarında arabir yağıntılı olacağı ehtimalı var. Bəzi yerlərdə duman olacaq. Mülayim şərq küləyi əsəcək. Havanın temperaturu gecə 4-6° isti, gündüz 7-11° isti, dağlarda gecə 5-10° şaxta, gündüz 0-4° şaxta olacağı gözlənilir.

Sabahın hava proqnozu

11-12-2022, 16:11

Əfqanıstan Yaponiyaya təşəkkür etdi

Əfqanıstanın "Taliban" hökuməti Yaponiyaya təşəkkür edib. Bu barədə "Taliban"ın Kabildəki mərkəzi hökuməti məlumat yayıb. Məlumata əsasən, Yaponiya Əfqanıstana 106 milyon dollarlıq humanitar yardım ayırıb. 2023-cü ildə yardım mərhələli şəkildə Kabilə çatdırılacaq. Bunun qarşılığında "Taliban" hökuməti Tokioya təşəkkür edib.

Əfqanıstan Yaponiyaya təşəkkür etdi

11-12-2022, 16:04

Şimali Kiprdə meymunçiçəyi aşkarlandı

Şimali Kipr Türk Cümhuriyyətində meymunçiçəyi xəstəliyinə ilk yoluxma qeydə alınıb. Bu barədə Türk Cümhuriyyətinin Səhiyyə Nazirliyi məlumat yayıb. Bildirilib ki, Lefkoşa Dövlət Xəstəxanasına müraciət edən şəxsin meymunçiçəyi virusuna yoluxduğu müəyyən olunub. Təcrid olunaraq müalicəsinə başlanan xəstənin təmaslarının təqib edilməsi üçün araşdırmalar aparılır.

Şimali Kiprdə meymunçiçəyi aşkarlandı

11-12-2022, 15:56

Yeni ilə hazırlaşarkən öldü

Bakının Nərimanov rayonunda 12 yaşlı qız bədbəxt hadisə nəticəsində ölüb. Hadisə Əliyar Əliyev küçəsi ev 26-da qeydə alınıb. Belə ki, 2010-cu il təvəllüdlü Mirzəzadə Fərəh Vüqar qızı yaşadığı binanın 6-cı mərtəbəsində yerləşən mənzildə yeni il üçün dekorasiya qururmuş. Həmin vaxt o, pəncərədən yıxılıb. Yeniyetmə qız aldığı xəsarətlərdən hadisə yerində dünyasını dəyişib. Faktla bağlı hüquq mühafizə orqanın əməkdaşları tərəfindən araşdırma aparılır.

Yeni ilə hazırlaşarkən öldü

11-12-2022, 15:43

Rusiya XİN-dən Gürcüstana mesaj

"Bir daha vurğulamaq istəyirəm ki, Rusiya tərəfi lazımi ilkin şərtlər formalaşarsa, Gürcüstan ilə birbaşa aviareysləri bərpa etmək barədə qərar qəbul edə bilər. Biz qarşı tərəfin mövqeyini gözləyirik". Bunu TASS-a müsahibəsində Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar deyib. O bildirib ki, Rusiya tərəfi buna hazırdır, lakin Gürcüstan bu məsələdə gözləmə mövqeyində dayanıb: “Birbaşa uçuşların bərpası və Gürcüstan vətəndaşları üçün viza rejiminin liberallaşdırılması məsələsində aydın mövqeyimiz var. Lazımi ilkin şərtlər formalaşarsa, biz bununla bağlı qərarların qəbuluna hazırıq. Təəssüf ki, Tbilisinin mövqeyi isə aydın deyil. Hətta Gürcüstan Rusiyaya qarşı daha radikal mövqe nümayiş etdirir".

Rusiya XİN-dən Gürcüstana mesaj

11-12-2022, 15:39

Avropa İttifaqının Ukraynaya yeni yardım planı təsdiqləndi

Avropa İttifaqı Şurası 2023-cü ildə Ukraynaya 18 milyard avro ayrılmasını təsdiqləyib. Sənəd qəbul olunması üçün gələn həftə Avropa Parlamentinə göndəriləcək. Bu barədə qurumun saytında məlumat yer alıb. Şura Aİ-nin 2023-cü ildə Ukraynaya kredit şəklində 18 milyard avro maliyyə yardımı göstərməsinə imkan verəcək qanunvericilik paketi üzrə razılığa gəlib. Kreditin 10 illik güzəşt müddəti olacaq.

Avropa İttifaqının Ukraynaya yeni yardım planı təsdiqləndi

11-12-2022, 15:29

Məğlub olan Ronaldo göz yaşlarına boğuldu

Qətərdə keçirilən dünya çempionatının 1/4 final mərhələsində Portuqaliya millisinin Mərakeşə məğlub olmasından sonra Portuqaliya yığmasının kapitanı Kriştianu Ronaldo göz yaşlarına boğulub. Futbolçunun ağlaması fotolara yansıyıb. Qeyd edək ki, Mərakeş rəqibini 1:0 hesabı ilə məğlub edərək yarımfinala yüksəlib. Portuqaliya millisi heç vaxt dünya çempionu olmayıb. Kriştianu Ronaldo karyerasının əvvəlindən beş dünya çempionatında iştirak edib, turnirlərin pley-off mərhələsində qol vurmayıb. Futbolçu bugünkü görüşün start heyətində də yer almayıb.

Məğlub olan Ronaldo göz yaşlarına boğuldu

11-12-2022, 15:26

Mərakeşdən Ukraynaya ilk hərbi yardım

Mərakeş Ukraynaya hərbi yardım göstərən ilk Afrika ölkəsi olacaq. Bu barədə Fransanın “Le journal de l” qəzeti yazıb. Qeyd olunub ki, Mərakeş Ukraynaya T-72 tanklarının ehtiyat hissələrini vermək niyyətindədir. Beləliklə, Mərakeş Kiyevi silahla dəstəkləyən Afrika ölkələrindən birincisi olacaq. Həmçinin bildirilib ki, ABŞ-ın tövsiyəsi ilə Ukraynaya tanklar üçün ehtiyat hissələri Kiyevə göndəriləcək.

Mərakeşdən Ukraynaya ilk hərbi yardım

11-12-2022, 15:19

Toyda bıçaqlanma ölümlə nəticələndi

Goranboyda toy məclisində bıçaqlanma olub. Hadisə rayonun Faxralı kəndində baş verib. Kənd sakini 1991-ci il təvəllüdlü Elman Yəhyazadə bıçaq xəsarəti ilə xəstəxanaya yerləşdirilib. Dərhal xəstənin yarası tikilib, lakin vəziyyətinin kafi olduğu bildirilir. Faktla bağlı Goranboy rayon Polis Şöbəsində araşdırma başlanılıb.

Toyda bıçaqlanma ölümlə nəticələndi

11-12-2022, 15:12

Təxribat nəticəsinsə monitorinq baş tutmadı

Azərbaycanın Rusiya sülhməramlılarının yerləşdiyi ərazilərdə faydalı qazıntı yataqlarının qanunsuz istismarı və onun törətdiyi fəsadlarla bağlı ilkin monitorinqi növbəti təxribat nəticəsində baş tutmayıb. Bu barədə İqtisadiyyat Nazirliyinin nümayəndəsi Məsim Məmmədov bildirib. “Biz həmin yerdə bir qrup aqressiv gəncin yığıldığını gördük. Onlar bizim həmin obyektlərə, yataqlara girişimizə mane oldular. Hesab edirik ki, bu, əvvəlcədən təşkil olunmuş təxribat idi. Həmin təxribatın arxasında oraya gəlmiş Vitali Qolasanyan və özünü qondarma rejimin nümayəndəsi kimi təqdim edən Ruben Vardanyan iştirak edirdirlər. Əvvəlki müzakirələr nəticəsində səfərimizin təşkil edilməsi ilə bağlı verdikləri sözlərə baxmayaraq, Rusiya sülhməramlı qüvvələri tərəfindən normal fəaliyyətimiz üçün şərait yaradılmamışdı”, - qurum rəsmisi deyib. Məsim Məmmədov qeyd edib ki, onların getdikləri ikinci obyektin giriş qapısında da böyük bir kütlə toplaşıb: “Biz baxanda gördük ki, eyni şəxslər həmin obyektlərdən başqa bizim hərəkət etdiyimiz istiqamətdə yolu yenidən kəsmişlər. Rusiya sülhməramlı qüvvələrin nümayəndələri, rəhbərlik, komandanlıq onlarla danışığa girməklərinə baxmayaraq, nəticə əldə edilmədi. Hesab edirik ki, bu, iki tərəflin təşkil etdiyi təxribatdır”.

Təxribat nəticəsinsə monitorinq baş tutmadı