8-12-2022, 15:25
SEPAH generalı: “Bütün müsəlmanlar bir ailə kimidilər...”
İran İslam İnqilabı Keşikçiləri Korpusunun (SEPAH) baş komandan müavini, briqada generalı Əli Fədavi bugünkü çıxışında bir müddət öncə ölkənin şimal sərhədlərində - Azərbaycanla qonşuluqda keçirilən hərbi təlimlərdən danışıb. Əli Fədavi bildirib ki, İran prinsipial siyasət yürüdür və region üzrə coğrafi sərhədlərdə hər hansı dəyişikliyi qəbul etmir: “Regionun coğrafiyasında dəyişiklik İran üçün mühüm məsələdir və biz bununla razı deyilik”. İranın Səudiyyə Ərəbistanı ilə münasibətlərilə bağlı suala cavab olaraq general deyib: “Bütün müsəlmanlar bir ailə kimidirlər, biz həmişə demişik ki, ailə daxilində davalar olur, amma ailədaxili çəkişmələrlə ailədən kənar mübahisələr arasında böyük fərq var. Amerika, sionistlər və onların şər yoldaşları İslam dünyasından kənardadırlar və təbii ki, bizim davranışımız əvvəlki kimi olmayacaq”.
8-12-2022, 15:22
Ölkə başçısı Albaniyanın baş naziriylə görüşdü
Dekabrın 8-də Azərbaycan Respublikasının Prezidenti İlham Əliyevin Albaniya Respublikasının Baş naziri Edi Rama ilə təkbətək görüşü olub. Əvvəlcə rəsmi foto çəkdirilib. Qonağı salamlayan Azərbaycan Prezidenti İlham Əliyev deyib:
- Xoş gəlmisiniz. Sizi bir daha görməyimə çox şadam. Əvvəla, Albaniyaya səfərim zamanı mənə göstərdiyiniz qonaqpərvərliyə görə Sizə təşəkkür edirəm. Razılığa gəldiyimiz kimi, biz fəal dialoqu davam etdirəcəyik. Sizin səfəriniz artıq razılaşdırılmış məsələlərin gedişatını izləmək xarakteri daşıyır. Hər iki tərəfdən bütün tapşırıqlar verilib. Heyətlərimiz fəal şəkildə işləyirlər. Mənim rəsmi səfərimin nəticələri olduqca müsbətdir. Bizim əlaqələrimiz güclənir və yeni imkanlar yaranır. Sizə məlumat verdiyim kimi, biz Tiranada səfirlik açırıq və bu da əməkdaşlığımızın vacib bir əlamətidir. Praktiki nöqteyi-nəzərdən bu, bizə ölkənizdə gedən proseslərlə daha yaxından tanış olmaq imkanı verəcək. Eyni zamanda, bu, bizə ikitərəfli gündəliyimizdə daha da səmərəli olmağa imkan yaradacaq. Bir daha xoş gəlmisiniz. Albaniyanın Baş nazir Edi Rama deyib:
-Təşəkkür edirəm cənab Prezident. Bu, mənim üçün şərəfdir. Mən də təşəkkürümü ifadə etmək istəyirəm. İcazə verin deyim ki, məsələlərin gedişatı ilə bağlı təəssüratım heyrətamizdir. İndi ölkəmizdə Azərbaycan səfirliyinin açılması çox vacib bir məsələdir. Qalan digər məsələlərə gəldikdə isə Siz dediyiniz kimi, biz işi davam etdirməliyik. Təşəkkür edirəm.
Sonra Azərbaycan Prezidenti İlham Əliyevin Albaniyanın Baş naziri Edi Rama ilə işçi səhər yeməyi əsnasında geniş tərkibdə görüşü olub. Daha sonra dövlətimizin başçısı Heydər Əliyev Fondunun vitse-prezidenti Leyla Əliyevanın çəkdiyi rəsm əsərini və Leyla Əliyevanın əsərlərinin kataloqunu qonağa hədiyyə edib. Sonda xatirə şəkli çəkdirilib.
8-12-2022, 15:18
Avropa İttifaqından ölkəmizə ayrılan vəsait
Avropa İttifaqı (Aİ) iqtisadi investisiya planı çərçivəsində Azərbaycana iki milyard avro ayırıb. Bu barədə Avropa İttifaqının Bakı ofisindən məlumat verilib. Mənbənin sözlərinə görə, investisiyalar Azərbaycan iqtisadiyyatının diversifikasiyasına, yeni iş yerlərinin açılmasına və kəndlərin inklüziv inkişafına kömək edəcək. "İqtisadi və investisiya planı üzrə yüksək səviyyəli işçi qrupunun yaradılması Aİ ilə Azərbaycan arasında sıx tərəfdaşlığın bariz göstəricisidir. Bu plan artıq Azərbaycan xalqına nəzərəçarpacaq faydalar verməkdədir. Əvvəllər ayrılmış 90 milyon avroluq vəsait çərçivəsində ölkədə iri sərmayə layihələri, xüsusən də Gəncədə küçələrin işıqlandırılmasının yaxşılaşdırılması həyata keçirilir, bütün ölkə üzrə kiçik biznes üçün alternativ maliyyə mənbələri yaradılır. İşçi qrupumuz Azərbaycana iqtisadi investisiya planının həyata keçirilməsindən daha çox fayda əldə etməsinə kömək edə biləcək", - deyə Aİ-nin məlumatında bildirilir. Qeyd edək ki, iqtisadi və investisiya planı Aİ-nin "Şərq tərəfdaşlığı" siyasətinin əsasını təşkil edir. Bu təşəbbüs həm də bütün dünyada davamlı və etibarlı rəqəmsal, enerji və nəqliyyat əlaqələrinin yaradılması üçün Aİ-nin "Global Gateway" strategiyasını dəstəkləyir.
8-12-2022, 15:13
ABŞ Türkiyəyə bu mövzuyla bağlı müsbət qərar verib
Türkiyənin ABŞ-dan “F-16”lar alması ilə bağlı rəsmi Vaşinqtondan yeni açıqlamalar verilib. Bu barədə ABŞ Dövlət Departamentinin sözçüsü Ned Prays danışıb. Onun sözlərinə görə, ABŞ Türkiyəyə “F-16”lar tədarük etməkdə maraqlıdır. “Türkiyə bizim NATO-da önəmli müttəfiqlərimizdən biridir. Həmçinin təhlükəsizliklə bağlı əsas tərəfdaşlarımızdandır. ABŞ Türkiyənin müdafiə ehtiyaclarını qarşılamaq mövzusunda maraqlıdır”, - Prays deyib. ABŞ rəsmisi, həmçinin Türkiyənin terror təhdidinə qarşı mübarizəsinə də toxunub: “Heç bir NATO ölkəsi öz ərazilərində Türkiyə qədər terror təhdidinə məruz qalmayıb. Bu təhdidlə mübarizə üçün lazım olanları təmin etmək bizim üçün də əhəmiyyət kəsb edir”. Qeyd edək ki, ABŞ Türkiyəyə "F-16" təyyarələri satmaq barədə müsbət qərar verib. Türkiyənin XİN başçısı Mövlud Çavuşoğlu bu addımı təqdir etdiklərini açıqlayıb.
8-12-2022, 15:11
Suitilərin ölümüylə bağlı tədbir görüləcək
Xəzər dənizinin Dağıstan sahillərində suitilərinin kütləvi ölümü ilə bağlı operativ qərargah yaradılacaq. Bu barədə Dağıstan Nazirlər Kabinetinin Teleqram kanalında məlumat dərc olunub. “Qərargahda “Rosprirodnadzor”, “Rosrıbolovstvo”, Xəzər Bioloji Resurslar İnstitutunun nümayəndələri, həmçinin bələdiyyələrin rəhbərləri və alimlər yer alacaqlar. Bununla bağlı sərəncam yaxın vaxtlarda imzalanmalıdır”, – məlumatda qeyd edilib.
8-12-2022, 15:08
Prezidentə 20 ilədək həbs cəzası verilə bilər
Perunun ötən gün devrilmiş eks-prezidenti Pedro Kastilyo üsyan təşkil etməkdə ittiham olunur. Bu barədə “El Comercio” qəzeti məlumat yayıb. Nəşrin məlumatına görə, Kastilyo polis tərəfindən saxlanılıb və bir sıra cinayətlərdə ittiham olunaraq 10 sutka müddətinə istintaq təcridxanasına yerləşdirilib. İttihamlardan ən ciddisi üsyan təşkil etmək cəhddir. Peru Cinayət Məcəlləsinə əsasən, buna görə onu 10 ildən 20 ilədək həbs cəzası gözləyir. Bundan başqa, keçmiş dövlət başçısı vəzifə səlahiyyətlərindən sui-istifadə və ictimai asayişi pozmaqda da ittiham olunur.
8-12-2022, 15:03
Parlament ölkə başçısının həbsinə qərar verdi
Peru parlamenti ölkə başçısı Pedro Kastilio haqqında impiçment qərarı çıxarıb. Qərarı 101 deputat dəstəkləyib, 6 deputat əleyhinə səs verib, 10 deputat bitərəf qalıb. Daha öncə qanunverici orqanın buraxıldığını və komendant saatının tətbiq edildiyini açıqlayan Prezident impiçment qərarından sonra axtarışa verilib. Yerli mətbuat artıq onun həbs edildiyini bildirir. Məlumata görə, ölkənin birinci vitse-prezidenti Dina Boluartenin respublika rəhbəri vəzifəsinin icrasına başlaması üçün andiçmə mərasimi keçiriləcək. ABŞ Dövlət Departamenti artıq Kastillonu Peru prezidenti kimi tanımadıqlarını bəyan edib.
8-12-2022, 14:59
İsveçrənin yeni prezidenti bəlli oldu
İsveçrənin daxili işlər naziri Alen Berse 2023-cü ildə ölkəyə rəhbərlik edəcək. Onun ölkəyə rəhbərlik etməsinə parlament qərar verib. Belə ki, parlamentdə keçirilən səsvermədə Versen 140 səs toplayıb. O, səlahiyyətlərinin icrasına yanvarın 1-də başlayacaq.
8-12-2022, 14:57
Stoltenberq mandatını uzatmaq niyyətində deyil
NATO-nun baş katibi Yens Stoltenberq mandatını uzatmaq niyyətində deyil. Bu barədə Stoltenberq “Financial Times” qəzetinə müsahibəsində bildirib. Stoltenberqin səlahiyyət müddəti oktyabrın 1-də bitməli idi, lakin Ukraynadakı hərbi əməliyyatlar fonunda onun mandatı daha 12 ay uzadılıb. Jurnalist Stoltenberqdən onun səlahiyyət müddətinin növbəti dəfə uzadılmasının mümkün olub-olmadığını soruşub. O cavabında deyib: “Gələn ilin sentyabr ayının sonuna kimi işimə diqqət yetirməkdən başqa heç bir planım yoxdur. Bu, mənim yeganə planımdır”. NATO-nun baş katibi həmçinin əmin olduğunu bildirib ki, alyans ölkələri onun yerinə layiqli namizəd tapa biləcəklər.
8-12-2022, 14:53
Daha 17 suiti cəsədi aşkarlandı..
Xəzər dənizinin Dağıstan sahillərində suitilərin kütləvi ölüm hallarının aşkarlanması ilə əlaqədar Xəzərin Azərbaycan bölməsində Ekologiya və Təbii Sərvətlər Nazirliyinin əməkdaşları tərəfindən genişmiqyaslı monitorinqlər keçirilib. Bioloji Müxtəlifliyin Qorunması Xidmətinin rəisi Firuddin Əliyev bildirib ki, monitorinqlər zamanı dənizin Xaçmaz rayonu ərazisində İstisu qəsəbəsi, Tikanlıoba, Seyidli və Nabran kəndi istiqamətlərində ümumilikdə 17 suiti cəsədi aşkar olunub. Suitilərin ölüm səbəbinin araşdırılması məqsədilə Qida Təhlükəsizliyi Agentliyinin mütəxəssisləri ilə birgə cəsədlərdən nümunə götürüləcək və nəticələr barədə məlumat veriləcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!