13-04-2023, 16:48
İşgəncə verilən əsgərimizlə bağlı cinayət işi açıldı
Azərbaycan Silahlı Qüvvələrinin hərbi qulluqçusuna işgəncə verilməsi faktı ilə bağlı cinayət işi başlanıb. Bu barədə Baş Prokurorluğun Mətbuat xidmətindən bildirilib. Qeyd olunub ki, bəzi media və sosial şəbəkə səhifələrində Naxçıvan Muxtar Respublikasının Şahbuz rayonunun ərazisindən əlverişsiz hava şəraitində məhdud görmə səbəbindən itkin düşmüş Azərbaycan Silahlı Qüvvələrinin hərbi qulluqçusu 2003-cü il təvəllüdlü Axundov Hüseyn Əhliman oğlunun Ermənistan ərazisində əsir düşməsi və ona əlləri bağlı şəkildə açıq-aydın işgəncə verilməsi, qeyri-insanı rəftara məruz qalmasına dair videogörüntülər yayılıb. Yayılmış həmin videogörüntlərlə bağlı Baş Prokurorluğun İstintaq idarəsində Cinayət Məcəlləsinin 115.2-ci (əsir düşmüş şəxslərə işgəncə vermə, onlarla qəddar və ya qeyri-insani rəftar etmə) maddəsi ilə cinayət işi başlanıb. Qeyd olunan videogörüntülərlə bağlı zəruri istintaq-əməliyyat tədbirləri həyata keçirilməklə hərbi qulluqçumuza qarşı işgəncə verən, qəddar və qeyri-insani rəftar edən şəxs və ya şəxslərin müəyyən edilərək məsuliyyətə cəlb edilməsi istiqamətində tədbirlər görülür. Bəyan edilir ki, Azərbaycan vətəndaşlarına qarşı qanunsuz əməllərə yol verən şəxslərin milli və beynəlxalq məhkəmə məsuliyyətinə cəlb edilməsi məqsədilə xarici ölkələrin müvafiq orqanlarına müraciətlərin göndərilməsi və həmin şəxslərin cəzalandırılması üçün beynəlxalq təşkilatlarla əməkdaşlıq edilməsi təmin olunacaq. İstintaqın gedişatı və nəticəsi barədə ictimaiyyətə ətraflı məlumatın verilməsi təmin ediləcək.
13-04-2023, 16:43
Ermənilər əsgəri döyməklə beynəlxalq hüququ pozdu
Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən azaraq itkin düşən əsgər Hüseyn Axundov bu gün Ermənistanda saxlanılıb. Ermənilərə məxsus sosial şəbəkə hesablarında azərbaycanlı əsgərin fotoları yayılıb. Görüntülərdən əsgər H.Axundovun amansız işgəncələrə məruz qaldığını, qeyri-insani rəftarla üzləşdiyini görmək olar. Ermənistan tərəfinin bu addımı beynəlxalq hüquq normalarına ziddir. Belə ki, beynəlxalq sənədlər əsir götürülən şəxslərin hüquqlarının qorunmasında vacib mexanizm rolunda çıxış edir və bütün ölkələr buna riayət etməsi vacib hesab olunur. Beynəlxalq humanitar hüquqda bununla bağlı 3 sənəd mövcuddur:
1. 1907-ci il Quru müharibəsi qanunları və adətləri haqqında Haaqa konvensiyası
2. 1949-cu il 12 avqust tarixli Cenevrə konvensiyaları
3. 1977-ci il Beynəlxalq silahlı münaqişə qurbanlarının müdafiəsinə dair Cenevrə konvensiyalarına I əlavə protokol və insan hüquqlarına hörmət prinsipinin əks olunduğu beynəlxalq hüquq sənədləri
İnsan hüquqlarına hörmət prinsipi ilk dəfə olaraq BMT Nizamnaməsində ümumi formada təsbit olunub, sonralar bir sıra beynəlxalq sənədlərdə, o cümlədən 1948-ci il 10 dekabr tarixli İnsan Hüquqları Haqqında Ümumi Bəyannamədə dəqiqləşdirilib. 1949-cu il avqustun 12-də Cenevrədə bağlanmış “Hərbi əsirlərlə rəftar haqqında” Konvensiyaya görə, əsir götürülən hərbçilərə qarşı zorakılıq yolverilməzdir. Konvensiyada əsirlərə insan həyatına qəsd və fiziki toxunulmazlığın pozulması, xüsusilə hər cür qətl, şikəstetmə, qəddarlıq, işgəncə edilməsi, insan ləyaqətinə qarşı hücum, xüsusilə təhqiramiz və alçaldıcı davranış, sivil millətlər tərəfindən tanınan və zəmanət verilən məhkəmənin qüvvəyə minən qərarı olmadan kimisə məhkum etmək və ona cəzanı tətbiq etmək qadağan edilir. Hərbi əməliyyatlarda iştirak edən və rəqib əlinə düşən şəxslərin hansı kateqoriyaya aid edilməsinə dair şübhələr yarandıqda, bu şəxslərin statusu səlahiyyətli məhkəmə tərəfindən təyin olunana qədər onlar mövcud Konvensiya ilə qorunur. Sadalanan şərtlər mövcud olduqdan və ya təsdiqləndikdən sonra ələ keçən şəxslərə qarşı hərbi əsir rejimininin tətbiqi reallaşa bilər. Ermənistan qeyd olunan Cenevrə konvensiyalarını təsdiq edib. Lakin silahsız Azərbaycan əsgərinə qeyri-humanist münasibət göstərmək və onun vəhşicəsinə döyülməsi Ermənistanın beynəlxalq konvensiyalara əməl etmədiyini göstərir. Qeyd edək ki, bu, Ermənistanın Azərbaycan əsirlərinə qarşı ilk işgəncə faktları deyil. Həm Birinci, həm İkinci Qarabağ müharibəsində, eləcə də müharibələrarası dövrdə Ermənistan tərəfi Azərbaycan hərbçilərinə və girov götürülən mülki şəxsləsə qarşı işgəncələr verib. Bu işgəncə faktları beynəlxalq təşkilatların hesabatlarında da əks olunub. Beynəlxalq konvensiyaların tələbi ondan ibarətdir ki, Ermənistan əsir götürdüyü Azərbaycan hərbçisinə qarşı işgəncələri dayandırmalı və onun hüquqlarını təmin etməlidir. Xatırladaq ki, Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən Azərbaycan Respublikası Müdafiə Nazirliyinin iki hərbçisi əsgərlər - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu itkin düşüblər. Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası əsgərlərin Ermənistan ərazisində saxlanıldığının ehtimal edildiyi nəzərə alınaraq, onların azad olunmaları ilə bağlı aidiyyəti beynəlxalq təşkilatlara rəsmi müraciət olunduğunu bəyan edib.
13-04-2023, 16:38
Cənubi Koreyadan Ermənistan və Azərbaycana səyahətlə bağlı qadağa
Cənubi Koreya öz vətəndaşlarına Ermənistan və Azərbaycanın sərhədyanı rayonlarına səyahət etməyi qadağan edib. Bu barədə ölkənin Xarici İşlər Nazirliyi məlumat yayıb. Məlumata görə, 4-cü ən yüksək səyahət xəbərdarlığı səviyyəsi müəyyən edilib. Qadağa 15 apreldən qüvvəyə minəcək.
13-04-2023, 16:25
Peskov Putinin məqsədini açıqladı
"Cəmiyyət Vladimir Putinin ətrafında birlik və konsolidasiya nümayiş etdirir, rusların əhval-ruhiyyəsində əsas olan budur". Bunu Kremlin sözçüsü Dmitri Peskov deyib. "NATO-nun Ukraynadakı münaqişədə iştirak dərəcəsi artıb, lakin bu, Rusiya üçün əməliyyatın müsbət nəticəsinə təsir etməyəcək. Vladimir Putin özünün əsas məqsədini vətəndaşların həyatını yaxşılaşdırmaqda görür, bu onun əsas ideyasıdır. Qara dəniz heç vaxt “NATO dənizi” olmayacaq. Qerşkoviçin həbsi prezidentin yox, xüsusi xidmət orqanlarının səlahiyyətindədir. Kreml Aleksey Navalnı ətrafında vəziyyətə nəzarət etmir. Hazırda Putinin qrafiki üzrə Çin lideri ilə yeni telefon əlaqəsi yoxdur", - deyə o bildirib.
13-04-2023, 16:00
Azərbaycanla Bosniya Herseqovina arasında bəyənnamə imzalandı
Aprelin 13-də Sarayevoda “Azərbaycan Respublikası ilə Bosniya və Herseqovina arasında strateji tərəfdaşlıq haqqında Birgə Bəyannamə” imzalanıb. Sənədi Azərbaycan Respublikasının Prezidenti İlham Əliyev və Bosniya və Herseqovinanın Rəyasət Heyətinin Sədri xanım Jelka Tsviyanoviç imzaladılar.
13-04-2023, 15:00
İtkin düşən əsgərimiz ermənilərin işgəncəsinə məruz qalıb
Azərbaycan Ordusunun itkin düşən əsgəri Axundov Hüseyn Əhliman oğlu Ermənistan ərazisində saxlanılıb. Onun Qafan rayonunda tutulduğu bildirilib. Sosial şəbəkələrin erməni seqmentində azərbaycanlı əsgərin foto və videoları yayılıb. Kadrlardan göründüyü kimi H.Axundov Ermənistanda saxlanıldıqdan sonra amansız işgəncələrə məruz qalıb. Xatırladaq ki, Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən Azərbaycan Respublikası Müdafiə Nazirliyinin iki hərbçisi əsgərlər - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu itkin düşüblər. Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası əsgərlərin Ermənistan ərazisində saxlanıldığının ehtimal edildiyi nəzərə alınaraq, onların azad olunmaları ilə bağlı aidiyyəti beynəlxalq təşkilatlara rəsmi müraciət olunduğunu bəyan edib.
13-04-2023, 14:12
Prezident Bosniya və Herseqovinaya səfərə getdi
Aprelin 13-də Azərbaycan Respublikasının
Prezidenti İlham Əliyev Bosniya və Herseqovinaya rəsmi səfərə gedib. Hər iki ölkənin Dövlət bayraqlarının dalğalandığı Sarayevo şəhərinin Beynəlxalq Hava Limanında Azərbaycan Prezidentinin şərəfinə fəxri qarovul dəstəsi düzülüb. Prezident İlham Əliyevi Bosniya və Herseqovinanın xarici ticarət və iqtisadi əlaqələr naziri Staşa Koşarats və digər rəsmi şəxslər qarşılayıblar.
13-04-2023, 14:06
Sabahın hava proqnozu
Aprelin 14-nə gözlənilən hava proqnozu açıqlanıb. Milli Hidrometeorologiya Xidmətindən verilən məlumata görə, sabah hava şəraitinin Bakıda və Abşeron yarımadasında dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə və səhər bəzi yerlərdə arabir yağış yağacağı ehtimalı var. Şimal-qərb küləyi gündüz arabir güclənən cənub-qərb küləyi ilə əvəz olunacaq. Havanın temperaturu gecə 9-13° isti, gündüz 20-25° isti olacaq. Atmosfer təzyiqi 755 mm civə sütunundan 759 mm civə sütununa yüksələcək. Nisbi rütubət 65-75 % olacaq. Azərbaycanın rayonlarında hava şəraitinin bəzi yerlərdə arabir yağıntılı olacağı gözlənilir. Əsasən şimal və qərb rayonlarında intensiv olacağı, şimşək çaxacağı, dolu düşəcəyi, yüksək dağlıq rayonlarda qar yağacağı ehtimalı var. Səhər qərb rayonlarından başlayaraq yağıntılar tədricən kəsiləcək. Bəzi yerlərdə arabir duman olacaq. Mülayim qərb küləyi bəzi yerlərdə arabir güclənəcək. Havanın temperaturu gecə 6-11° isti, gündüz 16-21° isti, dağlarda gecə 2° şaxtadan 3°-dək isti, gündüz 3-7° isti olacaq.
13-04-2023, 14:02
Minsk Qrupunun işi dondurulub, lakin.. - ATƏT sədri
"Minsk Qrupunun işi dondurulub, lakin müvafiq şəraitdə format lazım ola bilər". Bunu Şimali Makedoniyanın xarici işlər naziri, ATƏT sədri Buyar Osmani İrəvanda Ermənistan XİN başçısı Ararat Mirzoyanla keçirdiyi mətbuat konfransında bildirib. "Amma ATƏT-in daxilində təkcə Minsk Qrupu deyil, ermənilərlə azərbaycanlılar arasında sülh prosesini dəstəkləmək üçün istifadə oluna biləcək bir çox başqa alətlər və mexanizmlər var", - o əlavə edib.
13-04-2023, 13:58
Ermənistan qoşunlarının Azərbaycanla sərhəddən çıxarılmasına hazırdır
"Ermənistan qoşunlarının Azərbaycanla sərhəddən güzgü effekti ilə çıxarılmasına hazırdır". Bunu Ermənistanın baş naziri Nikol Paşinyan hökumətin iclasında deyib. "İrəvan Avropa İttifaqının qoşunların Azərbaycanla sərhədin bütün perimetri boyu geri çəkilməsi ilə bağlı təklifi ilə razılaşır. Hakimiyyət bunu 2021-ci ildən deyir. Bu, Praqa bəyanatının və Soçi üçtərəfli bəyanatının əsasını təşkil edən məntiqdən irəli gəlir", - deyə Paşinyan qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!