23-08-2023, 14:52
Dəmir yolu körpüsü uçdu - 26 nəfər həlak oldu
Hindistanda tikilməkdə olan dəmir yolu körpüsünün uçması nəticəsində azı 26 işçi həlak olub. Daha 2 nəfər yaralanıb.
Qəza Mizoram ştatının şimal-şərqindəki Sayranq şəhərində baş verib. Media körpünün çökdüyü zaman ərazidə 40-a qədər işçinin olduğunu bildirsə də, polis orada 28 işçinin olduğunu açıqlayıb.
Məlumata görə, xilasedicilər indiyədək 13 cəsədi çıxara biliblər. Qalan cəsədləri çıxarmaq üçün səylər davam edir.
23-08-2023, 14:46
Zelenski: “Finlandiyanın Ukraynaya davamlı və praktiki yardımına görə minnətdaram”
"Bu gün Finlandiyanın Baş naziri Petteri Orpo ilə müdafiə və təhlükəsizlik sahəsində əməkdaşlığımızı müzakirə etdik".
Bunu Ukrayna prezidenti Volodimir Zelenski rəsmi teleqram kanalında yazıb.
"Mən yeni, artıq 18-ci müdafiə dəstəyi paketinə görə minnətdaram. Bunlar bizim indi həqiqətən ehtiyacımız olan sursat və artilleriyadır. Mən Finlandiyanın Ukraynaya davamlı və praktiki yardımına - hərbi, humanitar dəstəyə və Rusiyaya qarşı sanksiyalara görə minnətdaram.
Ölkənizin azadlıq və müstəqillik uğrunda mübarizəmizlə həmrəyliyinə və Sülh Formulasını həyata keçirmək üçün birgə işimizə görə təşəkkür edirəm. Təhlükəsizlik hər kəs üçün vacibdir", - o qeyd edib.
23-08-2023, 14:41
Krımda Rusiyaya məxsus S-400 hava sistemi məhv edildi
Bu gün Ukrayna ordusu ilhaq edilən Krım yarımdasında Rusiyaya məxsus S-400 hava hücumundan müdafiə sistemini sıradan çıxarıb.
Bu barədə Ukrayna Müdafiə Nazirliyinin Baş Kəşfiyyat İdarəsi məlumat yayıb.
"Avqustun 23-də saat 10:00-da Tarxankut burnunun Olenevka kəndi yaxınlığında Rusiyaya məxsus S-400 “Triumf” raket buraxılış qurğusu, eləcə də işğalçıların şəxsi heyəti tamamilə sıradan çıxarılıb", - açıqlamada deyilir.
Qeyd edək ki, S-400 Rusiyanın istifadə etdiyi ən güclü hava hücumundan müdafiə sistemidir. Sistemin ölkə daxilində qiyməti 200 milyon dollar, ixrac qiyməti isə 500 milyon dollardır.
23-08-2023, 14:29
Füzulidə inşa olunan məktəbin açılış mərasimi oldu
Füzulidə inşa olunan Mirzə Uluqbəy adına 1 nömrəli tam orta məktəbin açılış mərasimi olub.
Mərasimdə Azərbaycan Respublikasının Prezidenti İlham Əliyev, birinci xanım Mehriban Əliyeva və Özbəkistan Respublikasının Prezidenti Şavkat Mirziyoyev, xanımı Ziroatxon Mirziyoyeva iştirak edib.
Üç hektar ərazidə inşa edilən məktəb binası iki mərtəbə və zirzəmidən ibarətdir. Məktəbdə 40 sinif otağı, 6 laboratoriya, 2 informatika otağı, 5 funksional tədris otağı, akt zalı, idman zalı, yeməkxana, kitabxana yaradılıb.
Məktəbin ərazisində futbol meydançası, istirahət və keçiriləcək tədbirlər üçün yerlər, qaçış zolaqları, nəzarət buraxılış məntəqəsi, qazanxana, su çənləri, transformator yarımstansiyası inşa edilib.
23-08-2023, 14:15
Erməni sakin jurnalistlərin sualına azərbaycanca cavab verdi
Qarabağın erməni sakinlərinin Laçın sərhəd-buraxılış məntəqəsindən sərbəst keçidi davam edir.
Buraxılış məntəqəsindən keçən erməni sakinlərdən biri jurnalistlərin sualına azərbaycanca cavab verib.
Belə ki, jurnalistlər sözügedən şəxsə yaradılan şəraitdən razı olub-olmaması barədə sual ünvanlayıb. Həmin şəxs isə suala “Lap qəşəng” deyərək cavab verib.
İctimai televiziyanın sözügedən hadisə ilə bağlı videomaterialını təqdim edirik:
23-08-2023, 14:11
Birinci Qarabağ müharibəsi zamanı itkin düşmüş hərbiçimiz dəfn olundu
Birinci Qarabağ müharibəsi zamanı Daşaltıda itkin düşmüş və nəşi 31 il sonra tapılmış Hüseynov Gülverdi Ağahüseyn oğlu dəfn edilib.
Onun nəşi Abşeron rayonunun Qobu qəsəbəsində torpağa tapşırılıb.
Qeyd edək ki, Gülverdi Hüseynov Birinci Qarabağ müharibəsində itkin düşüb. Həmin vaxt onun 41 yaşı var imiş. 1992-ci ilin yanvar ayında Gülverdi Hüseynovun şəhid olması ilə bağlı ailəsinə məlumat verilib. Lakin həmin vaxtı ərazidə döyüşlər getdiyi üçün şəhidin nəşini götürmək mümkün olmayıb.
Bildirək ki, Gülverdi Hüseynovun adını daşıyan nəvəsi, Qasımov Gülverdi Abil oğlu da Vətən Müharibəsində döyüşlərə qatılaraq şəhidlik zirvəsinə yüksəlib. Ölümündən sonra “Füzulinin azad olunmasına görə”, “Cəbrayılın azad olunmasına görə”, “Cəsur döyüşçü” və “Vətən uğrunda” medallarına layiq görülüb.
23-08-2023, 13:53
Türkiyə XİN İraq Prezidentiylə görüşdü
Türkiyənin xarici işlər naziri Hakan Fidan Bağdadda İraq Prezidenti Əbdüllətif Camal Rəşid ilə görüşüb.
Bu barədə Türkiyə Xarici İşlər Nazirliyi məlumat yayıb.
Görüşdə iki ölkə arasında ikitərəfli ticarətin artırılması, terrorla mübarizə, transsərhəd sulardan səmərəli istifadə məsələləri müzakirə edilib.
23-08-2023, 13:44
Macarıstan Prezidenti Ukraynaya səfər etdi
Macarıstan Prezidenti Katalin Novak Ukraynaya səfər edib.
Bu barədə o, özünün "Twitter" hesabında bildirib.
Novak Kiyevdən şəkil paylaşıb. "Ukrayna uğrunda şəhid olanların xatirə divarının qarşısında ehtiramımı bildirdim", - deyə paylaşımda qeyd edib.
23-08-2023, 13:18
Sabahın hava proqnozu
Bakıda və Abşeron yarımadasında avqustun 24-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, gündüz yarımadanın bəzi yerlərində qısamüddətli az yağış yağacağı ehtimalı var.
Səhər bəzi yerlərdə zəif duman olacaq. Şimal-qərb küləyi axşama doğru arabir güclənəcək.
Havanın temperaturu gecə 22-27° isti, gündüz 31-36° isti olacaq.Atmosfer təzyiqi normadan aşağı 758 mm civə sütunu olacaq.Nisbi rütubət gecə 60-70 %, gündüz 45-50 % olacaq.
Azərbaycanın rayonlarında sabah hava əsasən yağmursuz olacaq. Lakin gündüz bəzi şimal və qərb rayonlarında arabir yağış yağacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi ehtimalı var. Gecə və səhər bəzi rayonlarda duman olacaq. Şərq küləyi ayrı-ayrı yerlərdə arabir güclənəcək.
Havanın temperaturu gecə 21-26° isti, gündüz 33-38° isti, dağlarda gecə 11-16° isti, gündüz 20-25° isti olacaq.
23-08-2023, 11:46
İlk F-16 Niderlanddan Ukraynaya gəldi - Reznikov
"İlk F-16 Niderlanddan Ukraynaya gəldi!".
Bunu Ukraynanın müdafiə naziri Oleksiy Reznikov X-də yazıb.
O, Niderlandın müdafiə nazirindən F-16 qırıcısının maketini alarkən çəkilən fotoya belə başlıq seçib.
"Böyük ov üçün geri sayım başladı", - o qeyd edib.
Xatırladaq ki, Niderland Ukraynaya 42 ədəd F-16 tədarükünə razılıq verib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!